Finweek - Afrikaans 15-Feb-18

met die wind van verandering wat op die gebied van politieke mag waai, is dit miskien ’n geskikte tyd om te besin oor die verandering wat elders ook nodig is, veral in die Suid-Afrikaanse sakewêreld. In hierdie kwartaal se uitgawe van Kollektiewe Insig ondersoek ’n aantal beleggingskundiges die uitdagings rondom eienaarskap van en deelname aan die Suid-Afrikaanse ekonomie, tesame met die behoefte aan ’n hervormde transformasiestrategie en waarom dit vir die sakewêreld belangrik is om meer as net korttermyn- finansiële opbrengste te oorweeg. Met werkloosheid op sy hoogste in 14 jaar en meer as 30 miljoen Suid- Afrikaners wat in armoede leef (byna 14 miljoen oorleef op minder as R411 per maand), moet breër gemeenskaplike kwessies ook gewig dra. Neem die sowat 150 maatskappye wat sekuriteitsdienste aan die Stad van…

’n Sosiale revolusie is aan die gang waarvan die meeste van ons salig onbewus is. Die oorsake is vaag, maar die gevolge kan belangrik wees: dit kan verander hoe ons werk, met wie ons trou, hoeveel kinders ons het en kan selfs, in uiterste gevalle, die moontlikheid van konflik verhoog. Dit is ’n relatief onlangse verskynsel wat slegs in die afgelope twee dekades kop uitgesteek het, maar teen ’n vinnige pas versnel. Welkom by die era van die groter wordende gaping in opvoeding tussen geslagte. Jong vroue vaar deesdae teen ’n verstommende tempo beter as seuns op skool en op universiteit. Twee nuwe studies, albei deur ekonome van die Universiteit Stellenbosch se navorsing in sosialebeleidseenheid, bevestig dit. ’n Studie deur Chris van Wyk, Anderson Gondwe en Pierre de Villiers het…

“BLY KALM!” – Die boodskap wat op die paneelbord van die Tesla Roadster van $100 000 gedruk is wat Falcon Heavy, nou die kragtigste werkende vuurpyl, die ruimte in gestuur het. Die Falcon, wat deur Elon Musk se SpaceX gebou is, is op 6 Februarie teen ’n koste van $90 miljoen by Cape Canaveral in Florida gelanseer. As alles goed afloop, sal die rooi Roadster, met sy afslaankap af en David Bowie wat uit die luidsprekers brul, om Mars wentel, berig theguardian.com. “ ’N KOMBINASIE VAN ’N BORREL, ’N PONZI-SKEMA EN ’N OMGEWINGSRAMP.” – ’n Beskrywing van bitcoin deur Agustín Carstens, hoofbestuurder van Bank for International Settlements (BIS). Carstens het aan ft.com gesê sentrale banke moet bitcoin vasvat en keer dat kriptogeldeenhede op die rug van hoofstroominstellings ry en ’n…

d it is amper snaaks om te sien hoe die mynmaatskappye nou ewe gedweë belowe om nooit weer hul onlangse sondes te pleeg nie – naamlik hoofsaaklik die oorspanning van hul balansstate ten einde markaandeel te jaag eerder as om ekonomies verstandig op te tree. Nadat hulle goed oor die kole gehaal is, sit die mynbestuurders nou mooi stil en is gehoorsaam. Dit is die gevoel wat ontstaan uit die Mining Indaba, die Afrika-gefokusde hulpbronnesaamtrek wat weer in Kaapstad gehou is, waar die tekort aan die gewildste hulpbron, water, opmerklik was. “Ons het ’n verantwoordelikheid as bestuur en ons moet oortuig wees dat wat ons doen, iets is wat die aandeelhouers kan ondersteun,” het Norman Mbazima, adjunk-voorsitter van Anglo American South Africa, in ’n onderhoud met finweek by die indaba…

die vervanging van Robert Mugabe as president van Zimbabwe deur sy teenstander in die regerende party, Emmerson Mnangagwa, het klaarblykblik verskeie Suid-Afrikaanse mynboumaatskappye se belangstelling in dié land opnuut geprikkel in die hoop om teen lae koste daarheen te kan uitbrei. Die afgelope weke het die JSE-genoteerde goudprodusent Pan African Resources sowel as Tharisa, ’n Brits-genoteerde chroom en platinumgroepmetalemaatskappy (PGM) wat sy hoofkantoor en bedrywighede in Suid-Afrika, aangedui dat hulle moontlik bates in Zimbabwe sal aanskaf. Dit volg nadat nog ’n JSE-genoteerde maatskappy, Pallinghurst Resources, verlede jaar aangekondig het dat hy ’n ooreenkoms met die Mugabe-administrasie bereik het om sy doelgemaakte platinumverwerkingstegnologie daar te installeer, met die verpligting om dit aan ’n paar PGM-produsente in Zimbabwe beskikbaar te stel. Arne Frandsen, uitvoerende hoof van Pallinghurst, sê die ooreenkoms bly geldig…

Wat die fondsbestuurders sê: Die fonds belê in maatskappye waar opbrengste behaal kan word uit enige of alle groei in die maatskappy se verdienste en dividende, en ’n heraanslag van sy aandeelprys, maar met ’n partydigheid vir maatskappye wat hoë maar volhoubare dividendopbrengste lewer. “Oor ’n tydperk is dit as ’n doeltreffende strategie bewys,” sê Ross Biggs, een van die fondsbestuurders. Maatskappye word op grond van deeglike fundamentele navorsing vir insluiting in die fonds geïdentifiseer, met die doel om slegs aandele in te sluit wat onderwaardeer is en hul dividende volhoubaar opstoot, sê Biggs. “Dié proses behoort ons beleggers van ’n veiligheidsmarge te voorsien wat sal help om hul kapitaal minstens in ooreenstemming met die mark te laat groei, en aan die ander kant te poog om minder kapitaal te…