Finweek - Afrikaans 10/22/2021

suid-Afrikaners gaan na die stembus vir die vyfde munisipale verkiesings sedert die begin van die demokrasie in 1994. Dit klink dalk onbelangrik, maar hierdie verkiesing is van kritieke belang, want munisipaliteite (plaaslik en metro) staan aan die voorpunt van lewering van basiese dienste. Die beste beskrywing van SA se munisipaliteite is as ’n mislukking. Ek dek die finansiële state van die plaaslike regering al meer as twee jaar. Enkele onvergeetlike gevalle is die ontsteltenis van wyle oud-ouditeur-generaal Kimi Makwetu toe sy organisasie munisipaliteite moes oudit. Daar was die duurste draadheining in Deneysville (Metsimaholomunisipaliteit) vir R21,7 miljoen eerder as R400 000, ’n gebrek aan drukkers, papier en ink twee jaar gelede om state aan verbruikers in die Mafube-munisipaliteit (Frankfort) te stuur en die honderde miljoene rande wat verlore gegaan het toe…

mensehulpbronne. Van werwing tot die bestuur van verlof tot die betaal van maandelikse salarisse en – uiteindelik – tot die gevreesde brief dat jou dienste nie meer nodig sal wees nie. Mensehulpbronne is ’n sakeonderneming se lewer: Onopvallend verseker dit dat almal gemaklik werk en waar nodig verwyder dit dié wat skadelik is. Jy kan nie daarsonder leef nie. Tog is mensehulpbronne gewoonlik ’n duur deel van enige onderneming. Baie stigters probeer dit alleen hanteer; wanneer daar net ’n handjie vol werknemers is, is dit nog maklik om betaalstaatkwessies self te bestuur. Maar dit word baie gou ’n las (en frustrerend) en dis hoekom mensehulpbrontegnologie nou aktueel is. Ek het met die stigters van twee Suid-Afrikaanse mensehulpbronoplossings wat op klein ondernemings gemik is, gepraat oor wat mensehulpbrontegnologie kan bied. “Dit…

die N3-hoogweg is waarskynlik die mees gepolisieerde pad in Suid-Afrika. Ek het dít besef toe ek onlangs die 570 kilometer tussen Johannesburg, die land se finansiële senusentrum, en Durban, die besigste hawe in Afrika en een van die vasteland se belangrike handelspoorte, gereis het. Oral langs die hoofweg het ek met tussenposes polisiemotors gestasioneer gesien, terwyl bekende probleemgebiede, soos die Mooirivier-tolplaza in KwaZulu-Natal deur soldate in gepantserde voertuie bewaak is. Ek het ook opgemerk dat die N3 vol spoed- en waarnemingkameras is. Ek kon nie die gevoel afskud dat ek van Johannesburg tot Durban dopgehou en nagespoor is nie Terwyl ek oor die hoë sekuriteitsvlak op die N3 nagedink het, het ek iets buitengewoons gesien: vlote van tien tot 15 vragmotors waarvan sommige begelei is deur mans wat soos huursoldate…

ALLAN GREENBLO 1945 — 2021 Allan Greenblo, een van die stigters van Finance Week, wat een van die twee voorgangers van finweek was, is op 11 Oktober 2021 in die ouderdom van 76 oorlede. Hy is die volgende dag in die Wesparkbegraafplaas begrawe. Greenblo het ’n ontsaglike invloed op finansiële joernalistiek gehad. Die gehalte van sy dekking – wat in 1967 by die Financial Mail begin het – blyk uit die talle pryse wat hy in sy loopbaan gewen het. Sanlam het die roemryke leeftydprestasietoekenning vir finansiële joernalistiek aan hom toegeken. Greenblo het Finance Week in 1979 saam met Richard Rolfe en Stuart Murray gestig nadat hy van Financial Mail weggebreek het. Alec Hogg, stigter en redakteur van Biznews, onthou Greenblo met groot geneentheid. “Greenblo was passievol.”Alec Hogg, stigter en…

DIE GOEIE SA se mynbousektor het ’n stewige finansiële prestasie vir die 2020-’21-boekjaar gelewer met waarde aan alle belanghebbendes ondanks die huidige uitdagende pandemie-omgewing, volgens die jongste PwC-mynbouverslag. Die totale markkapitalisasie het in die huidige jaar toegeneem tot R1 400 miljard van R1 000 miljard. Die uitstekende finansiële prestasie het daartoe gelei dat mynmaatskappye in ’n baie sterk finansiële posisie was, met rekorduitkerings aan aandeelhouers en meer as ’n verdriedubbeling van belastingbetaling. Skuld is grootliks terugbetaal, en baie maatskappye se opbrengste aan aandeelhouers het rekordvlakke in randterme bereik. Mynbou het verlede jaar R803,3 miljard tot die BBP bygedra, en R985,3 miljard vanjaar. DIE SLEGTE SA het ’n gesonde regsraamwerk vir die bestryding van geldwassery en finansiering van terroriste, maar daar is beduidende tekortkominge om ’n effektiewe stelsel in werking te…

nadat sy herhaaldelik ’n slagoffer van misdaad was, het Thulile Mthethwa ’n leemte in die mark gesien vir sekuriteitstegnologie en misdaadreaksiestelsels wat gemik is op armer gemeenskappe. In 2013 bedank sy haar voltydse pos as sagteware-ontwikkelaar om te fokus op die ontwikkeling van hierdie oplossing, wat in 2015 bekendgestel is as MeMeZa Shout – Suid-Afrika se eerste openbare alarmstelsel. Elmarie Pereira het einde 2014 by Mthethwa aangesluit, nadat sy haar ontmoet het deur ’n gemeenskaplike kennis wat geweet het dat hulle soortgelyke traumatiese ervarings beleef het: “Ons is ’n perfekte span, omdat ons dieselfde visie deel: om iets te bou wat kwesbare gemeenskappe sal help om hulself uit misdaad te skree,” sê Pereira. Die oplossing Die kern van MeMeZa Shout is ’n openbare alarmstelsel wat van die begin af gekonseptualiseer…