Indholdsfortegnelse for 21-sep-17 i Finweek - Afrikaans

Vir ’n bietjie afleiding van die saai daaglikse nuusvloei op die oomblik, gaan ons op vandeesweek se voorbladstorie ’n bietjie in die toekoms rondrits in die jongste elektriese motors. Die groeiende gewildheid van battery-aangedrewe voertuie kan in die toekoms ’n opskudding veroorsaak in verskeie sektore, veral in die mynbou. Glencore skat dat 30% van alle nuwe voertuie wat in 2030 wêreldwyd verkoop sal word, elektries sal wees, teenoor ’n syfer van sowat 1% verlede jaar. As ’n belangrike speler in die koper-, nikkel- en kobaltmark – kommoditeite wat na verwagting groot voordeel sal trek uit ’n oplewing in elektriese voertuie – kan mens verstaan waarom die Switserse firma so opgewonde is oor die verwagte opkoms van elektriese voertuie. (Sien bladsy 37.) Tog sal dit tot beleggers se voordeel wees om…

FONDSFOKUS: SASFIN BCI FLEXIBLE INCOME FUND (A) DIE WEEK: ≫ Eie mening: ARC Investments, Datatec bl.12 ≫ Selfdoen: Geld op pad na buiteland? Hou só kop bl.13 ≫ Woekerwys: FirstRand, EOH bl.14 ≫ Belegging: Wat het Bitcoin en tulpe in gemeen? bl. 16 ≫ Simon Sê: Sasol, Hulisani, Steinhoff, Mr Price, Hyprop, Sygnia, Metrofile, BHP, Anglo American, Spur, Santam, Aspen bl.32 ≫ Grondbeginsels: Vind só die puik aandele bl. 34 Wat die fondsbestuurder sê: Die Sasfin BCI Flexible Income Fund is ideaal vir beleggers wat ’n hoë vlak van inkomste soek, maar nie die risiko wil loop om in die aandelemark te belê nie en ’n tydhorison van 12 maande of langer het, sê die fondsbestuurder, Philip Bradford. Die fondsopbrengs is naby 11% en bied volgens hom ’n goeie alternatief…

om in die buiteland te belê, was die afgelope jaar of so een van die gewildste temas gewees. Dit is waarskynlik reeds in beleggers se gedagtes sedert ons in Desember 2015 drie ministers van finansies in vier dae gehad het. Die sterkte van die rand het sedertdien baie van die glans van opbrengste verdof, maar dis ’n storie vir ’n ander dag. In hierdie uitgawe, wil ek my toespits op geld wat reeds in die buiteland belê is. Die eerste vraag is waarom ons enigsins ons rande in die eerste instansie in die buiteland moet belê. As ons rande verdien, rande bestee en daarmee ’n bestaan voer, hoekom besit ons dan buitelandse geldeenhede? Daar is twee redes. Miskien oorweeg jy om Suid- Afrika te verlaat. In daardie geval is dit…

ons hoor dikwels dat te veel van ’n goeie ding sleg is. Dié stelling is bewys gedurende die tydperk 1636 tot 1637 toe ’n groot deel van die wêreld begin besef het dat “te” gevaarlik kan wees, selfs wanneer dit iets so skadeloos en pragtig soos ’n tulp behels. Hierdie blom plant uiters stadig voort en al word hulle geteel van bolle of sade, neem dit tussen ses en sewe jaar vir ’n bol om ’n blom te vorm. Hoewel tulpe reeds gedurende die 1400’s ontdek is, was dit slegs gedurende die 1630’s wat die Nederlanders die mark begin oorheers het en wat handel in dié nuwe kommoditeit gou ’n statussimbool geword het. Tulpkartels is gevestig en die pryse is gemanipuleer. Volgens data tot ons beskikking, het ’n enkele Semper-tulpbol…

alhoewel baie beleggers risiko omskryf as die wisselvalligheid van opbrengs, of die risiko dat jy van die mark verskil, is Allan Gray se fokus eerder om permanente kapitaalverlies te vermy. Die risiko van kapitaalverlies verskil egter heelwat tussen effektetrusts en oor die algemeen behoort jy vir ’n groter verliesrisiko ’n hoër langtermynopbrengs op ’n belegging te verwag. “Wanneer jy ’n effektetrust kies, moet jy ’n balans vind tussen die opbrengs wat jy benodig om jou doelwitte te bereik, die verliesrisiko wat jy kan bekostig om te aanvaar, en die verliesrisiko waarmee jy gemaklik voel. Dit kan ’n moeilike kompromie tussen jou doelwitte en jou gemaklikheid met risiko behels, maar dit is beter om reg aan die begin ’n weldeurdagte besluit te neem en daarby te bly as om later so…

nAandelebestuurspan wat hard daaraan werk om Suid-Afrikaanse aandele met langtermyngroei van uitnemende gehalte uit te soek, is Stanlib Equities met Herman van Velze, formidabele aandeleportefeuljebestuurder en lid van Stanlib se uitvoerende bestuur, as hoof. Sy twee plaaslik gesentreerde aandelefondse, die Stanlib Equity Fund van R3,4 miljard en Stanlib SA Equity Fund van R1,9 miljard, weerspieël dit geruime tyd reeds. Ondanks moeilike marktoestande het hulle in die afgelope vyf jaar ’n indrukwekkende geannualiseerde opbrengs van onderskeidelik 11,22% en 10,6% gelewer. Die Stanlib SA Equity Fund is in 1970 met 50 000 beleggers begin en is een van die oudste aandelefondse in Suid-Afrika. Die Stanlib Equity Fund is meer gediversifiseer, met buitelandse blootstelling van 30% en ’n gewigstoekenning van 3% aan Afrika. Stanlib Equities konsentreer nie net op wat nou gebeur nie,…

die plaaslike finansiëledienste-bedryf het verskeie fondse wat aan sjaria voldoen, en Old Mutual Albaraka Balanced Fund* is beslis een van die grootste gebalanseerde sjariafondse. Al word die fonds volgens Islamitiese beginsels bestuur, het dié beginsels ’n groter beleggingsbasis gelok met sowat 20% van die beleggers wat nie Moslems is nie. Die portefeulje word streng volgens sjaria (Islamitiese reg) bestuur en belê gevolglik nie in die aandele van maatskappye waarvan die kernsake handel in alkohol, dobbel, niehalaalvoedsel en rentedraende instrumente behels nie Al word die fonds volgens Islamitiese beginsels bestuur, het dié beginsels ’n groter beleggingsbasis gelok, met sowat 20% van die beleggers wat nie Moslems is nie. Gebalanseerde fondse is geneig om minder aggressief as suiwer aandeelfondse te wees omdat ’n gebalanseerde fonds uit verskeie bateklasse (onder meer effekte, Islamitiese…

ek het onlangs geskryf oor hoe ’n paar groot wenners in jou portefeulje die algemene opbrengs wat jy kry beduidend verander. In dié artikel getiteld “As jy daardie fantastiese aandeel gekry het – moenie verkoop nie” (uitgawe van 7 September) het ek genoem hoe belangrik dit is om vas te kklou aan ’n wenner. En dit is moeiliker is as wat dit klink. Om ’n aandeel te koop teen, sê maar, 1 000c en dit dan te sien styg tot 2 000c, 5 000c, R100 en later R500 klink fantasties. Maar hoeveel van ons sou verkoop teen dubbel of selfs driedubbeld die opbrengs en dan die ware reusagtige beweging tot R500 misloop? Vandeesweek fokus ek op hoe mens te werk moet gaan om sulke enorme wenners te vind. Dit is…

’n Poging om die uitwerking van ontwrigtende tegnologie te verstaan, hou baie verband met hoe ons die tegnologie verstaan. Dit is veral waar vir elektriese voertuie, soos wat Trevor Raymond van die wêreldraad vir platinumbelegging illustreer. Die motorvervaardiger Volvo het onlangs aangekondig dat hy ná 2019 net “elektriese motors” sal vervaardig, terwyl hy hom in werklikheid net verbind het tot die vervaardiging van motors wat ’n elektriese motor het, sê Raymond. Dit sluit dan sogenaamde hibridiese voertuie in, wat ’n petrol- of dieselbinnebrandenjin kan en hê en daarom platinumgroepmetale vereis. “Omdat ligte hibridiese voertuie na verwagting beduidende markaandeel sal wen, sal die meeste van Volvo se motors waarskynlik ná 2019 en in die voorsienbare toekoms daarna platinumgroepmetale bevat,” sê hy.…

kapitalisme het sy perke bereik en kwyn weg. Dit is vanweë nuwe tegnologie wat ons elke dag gebruik. Oor ’n paar dekades kan kapitalisme soos ons dit ken deur ’n splinternuwe maatskaplik-ekonomiese stelsel – postkapitalisme – vervang word. Dít was die basiese stelling wat op die jongste We Read For You- (WRFY-) aanbieding van USB Executive Development (USB-ED) en finweek in Kaapstad voorgehou is. Dit vloei uit die boek Postcapitalism: A Guide to Our Future deur Paul Mason. Prof. André Roux, professor in ekonomie aan die Universiteit van Stellenbosch se sakeskool (USB), het die aanbieding gedoen. Volgens Mason het kapitalisme die afgelope twee eeue deurlopend verandering ondergaan. Ondanks ekonomiese siklusse wat van ineenstortings tot oplewings wissel, het dit egter altyd ontwikkel en sterker geword. Mason bekyk dié ontstuimige geskiedenis en…

baie is al gesê oor Suid-Afrika se ondoeltreffende openbare sektor. Die openbare sektor se salarisrekening het tot onvolhoubare vlakke toegeneem, terwyl daar feitlik geen produktiwiteitsgroei in die openbare sektor plaasgevind het nie. Ons betaal die regering dus meer om minder te doen. As mens dink aan die swak vertoning van ondernemings in staatsbesit, soos Eskom, die SAUK en die berugste, die Suid-Afrikaanse Lugdiens, wil dit voorkom asof daar weinig meer is wat die regering kan doen om die vooruitsig op ekonomiese groei verder skade te berokken. Maar daar is. ’n Nuwe konsepdokument van die National Bureau of Economic Research (NBER), deur Jose Maria Barrero, Nicholas Bloom en Ian Wright, gebruik nuwe data oor sowat 4 000 Amerikaanse maatskappye om die oorsake van onsekerheid oor die Amerikaanse ekonomie na te vors.…

Patrice Motsepe het sy African Rainbow Capital (ARC) Investments op 7 September op die JSE genoteer met ’n inskrywingsprys van 850c. Op die eerste dag het dit op 830c gesluit, wat te verwagte was. Ek reken ’n bestuursmaatskappy behoort teen ’n diskonto tot sy netto batewaarde (NBW) te verhandel. In dié geval, is die NBW 850c en is ’n diskonto van 10% tot 20% redelik. Dit sal ’n prys van tussen 680c en 765c verteenwoordig, wat ek as billik beskou. ARC hou ongeveer een kwart van sy beleggings in genoteerde aandele, met die res wat ongenoteerd is, dus is daar talle mense wat na ARC as ’n private ekwiteitsmaatskappy verwys en in baie opsigte is dit. Private ekwiteit kan egter beter opbrengste lewer, al is dit teen hoër risiko, maar…

suid-Afrika se vier groot banke – FirstRand, Standard, Barclays, Nedbank – toon verrassende veerkragtigheid ondanks moeilike ekonomiese toestande en het vorige hoogtepunte van 2015 weer getoets. FirstRand se uitvoerende hoof, Johan Burger, sê die ekonomie laat banke min ruimte om krediet te verleen, ’n situasie wat nog twee tot drie jaar sal voortduur. Verdienstegroei is versterk deur kostebeperking en laer waardedalings, eerder as omsetgroei, sê Bloomberg. Op grafiek: Hoewel die styging ongelyk was, het FirstRand van verliese van 2015 herstel deur sy rekordhoogtepunt van 5 850c per aandeel in Augustus weer uit te daag. FirstRand trek tans terug van ’n oorkoopte posisie en sal sy huidige opwaartse tendens moet behou om 5 850c te oorkom. BRON: MetaStock Pro (Reuters) Hoe om hom te verhandel: Gaan lank: Ondersteuning wat bo 4…

dit is wonderlike nuus dat die plaaslike ekonomie uit die resessie gebreek het, maar ons bly steeds kwesbaar en swak. Dit vereis van jou om jou portefeulje daarvolgens aan te pas om dit teen onnodige kapitaalverlies te beskerm. Dié weergawe van Fondsfokus betrag hoe om dit te vermy om in korttermynstrikke te trap, vir die lang termyn te beplan, ’n gebalanseerde benadering te hê in onsekere tye en om te verseker dat jy genoegsaam gediversifiseer is. “Wanneer ’n mens ’n effektetrust kies, moet jy die opbrengs wat jy nodig het om jou doelwitte te bereik, die verliesrisiko wat jy kan bekostig en die verliesrisiko waarmee jy gemaklik is, met mekaar balanseer,” sê Claudia Del Fante, sakeontleder van Allan Gray. Dit kan dalk ’n moeilike ruilwisseling tussen jou doelwitte en jou…

beleggers moes plaaslik baie dinge verteer: die afdanking van twee ministers van finansies, kredietafgraderings, aantygings van staatskaping en verskeie oproepe vir president Jacob Zuma om te bedank, om maar ’n paar te noem. Gemoedere loop hoog en die onsekere beleggingsomgewing hou baie plaaslike beleggers, én hul kontant, op die kantlyn. Maar al maak die politiek jou kwaad of bang, waak daarteen dat jou emosies jou beleggingsbesluite stuur. Dit is nie uniek aan Suid-Afrika om ’n kontroversiële president en onvoorspelbare politieke situasie te hê nie. ’n Politieke warboel heers wêreldwyd. Rusland se betrokkenheid by die Amerikaanse verkiesings bly ’n lastigheid in Donald Trump se presidentskap. ’n Permanente noodtoestand heers in Turkye en Noord-Korea se missielprogram skep wêreldwye angstigheid. Brexit het enorme onsekerheid by verbruikers en besighede in Brittanje laat oontstaan, terwyl…

passiewe belegging wen veld in Suid-Afrika, hoofsaaklik vanweë die (in die algemeen) laer gelde betrokke in vergelyking met die aktief bestuurde fondse, maar ook vanweë sommige wanbegrippe wat gegrond is op gebeure hoofsaaklik in Amerika. Grondliggende verskille tussen die plaaslike mark en Amerika beteken dat passiewe belegging hier dalk nie so suksesvol soos oorsee sal wees nie. Een van die mees algemene wanbegrippe is dat aktief bestuurde fondse, met hoër gelde, nie beter as die mark vaar om daardie hoër gelde te verdien nie en ook dat hulle nie passiewe produkte klop op ’n nágelde-grondslag nie. Die waarheid is egter dat prestasie siklies is, soos wat die geval is met die meeste beleggings. In Amerika was die dekade van die 2000’s ’n uitmuntende een vir Amerikaanse ekwiteitsfondsbestuurders. Die mediaan- aktiewe…

dit gee my groot plesier dat die Liberty-groep pas sy 60ste bestaansjaar herdenk het. Die rede is dat ek nie alleen vir die grootste deel van my loopbaan met dié groep te doen gehad het nie, maar letterlik ook in hom ingetrou het. My oorlede vrou Diana was lank Roy Andersen, voormalige uitvoerende hoof, se persoonlike assistent en dit het my baie insig in dié buitengewone organisasie gegee. Toe Andersen die leisels oorgeneem het, was Liberty gesog in die versekeringsektor. Hy is as die topversekeraar beskou wat beleggers deur sy uitstekende resultate bevoordeel het. Die Liberty Life Association is op 10 September 1957 ingelyf. Alle krediet kom Donald Gordon toe, wat die onderneming opgebou het in die reus wat dit later was. As een van Kessel Feinstein se ouditeure in…

die gebruik om dienste aanlyn te koop en verkoop, is iets waaraan almal met internettoegang gewoond geraak het. Dat e-handel nou egter soos ’n veldbrand in die kleinhandel versprei, het verreikende gevolge vir sakeondernemings, verbruikers en beleggers. Kleinhandelaars se e-handelverkope sal na verwagting vanjaar met meer as 23% groei tot $2,29 duisend miljard, vier keer vinniger as tradisionele verkope, en vir die eerste keer ’n tiende van die gesamentlike totaal uitmaak, volgens die digitale marknavorsingsmaatskappy eMarketer. Teen 2021 sal dit $4,479 duisend miljard of 16% van die totaal uitmaak. Soos mens kan verwag, is China die grootste e-handelsmark ter wêreld met byna die helfte van die totale geraamde verkope, wat in daardie land net meer as ’n vyfde van alle verkope is. Daarmee is China ver voor ander groot lande,…

Volgens BusinessTech, ’n aanlyn publikasie deur MyBroadband, is dit duur om ’n elektriese voertuig te besit, of dit nou ’n suiwer batteryaangedrewe (BEV) of ’n soort hibridiese motor is. BMW se BEV 1.3 kos R606 800, terwyl die gewilder Nissan Leaf R474 900 kos. Onder hibridiese voertuie kos die Mercedes-Benz C350e R804 900, terwyl die Volvo XC90 en die Porsche Cayenne 2 R1,2 miljoen en R1,5 miljoen kos. Die publikasie sê ook terwyl dit goedkoper is om sommige van dié voertuie te herlaai as om die tenk met petrol of diesel vol te maak, daar die tydskoste is om te herlaai en die kleiner ryafstand van sommige voertuie. “Die meeste elektriese voertuie wat tans op die mark is, kan met ’n lading net 120 tot 320 kilometer haal,” sê BusinessTech.…

scott Schaefer, mede-skrywer van The Roadside MBA sê: “Wanneer jy die baas is, beland alles wat nie spesifiek iemand anders se werk is nie, by jou en dan is dit maklik om vas te val.” Delegering, sê party, is die middel teen die gevoel dat jy “oorweldig” is. Die meeste mense vind dit moeilik om take te delegeer en sal verskonings maak oor hoekom hulle dit nie doen nie. Die algemeenste verskoning is dat dit makliker en vinniger is om dit self te doen. Melinda Fouts, ’n internasionale bestuursafrigter, sê mense verval in die gewoonte om geringe take te verrig wat baie van hul tyd in beslag neem, maar wat nie veel van hulle verg nie. “Dit plaas jou in die domein van kognitiewe gemak, wat ook bekend staan as…

Roscoe Thompson @rosthompson_18 Kenny Kunene – 21 skote afgevuur, blykbaar, en nie een wat getref het nie. Klink vir my soos ’n doelskopper van Arsenal. Mari Blumenthal @LMariB Die Afrikaanse uitspraak van “stop-loss” hou ’n les in. Wanneer dit stop, los dit. Los dit. Mdu Kubheka @Claude_Levi Ek het van FNB na Capitec oorgeskakel omdat FNB heeltemal te veel geld vra. Hulle laat jou selfs betaal as jy by een van hul kitsbanke verbyloop. Michael Jordaan @MichaelJordaan As @elonmusk ’n MBA gehad het, was daar waarskynlik nie elektriese motors nie. Aki Anastasiou @AkiAnastasiou Jy weet jy het in Bloemfontein aangekom as die motorverhuringsmaatskappy vir jou ’n dubbelkajuit Toyota-dieselbakkie gee. Prof David Bullard @lunchout2 Ek is altyd bly om van ’n seksskandaal in die ANC te hoor. Gaaf om te weet…

Datatec-aandele het op 4 September herstel nadat die groep die verkoop van sy Westcon- Comstor-onderneming vir $630 miljoen in Noord-Amerika en Latyns-Amerika afgehandel het. Hy sê hy sal tot $500 miljoen van die opbrengs aan aandeelhouers uitkeer in die vorm van ’n spesiale dividend en/of aandeelterugkope. Die tegnologiemaatskappy beoog om die oorblywende $130 miljoen vir bedryfskapitaal asook finansiering vir uitbreidings te gebruik, het TechCentral berig. Die onderneming is deur Synnex, ’n Kaliforniese tegnologievoorsieningskettingmaatskappy met ongeveer 110 000 werknemers gekoop. Datatec kan tot soveel as $200 miljoen meer as ’n kontantverdienste kry afhangende daarvan of Westcon-Comstor tussen nou en Maart 2018 aan sekere prestasieteikens voldoen, aldus TechCentral. Die uitvoerende hoof, Jens Montanana, het aan Business Day gesê die groep beoog ander transaksies aan die koop- sowel as die verkoopskant. Datatec, wat…

tegnologiegroep EOH het vandeesmaand gesê hy verwag wesensverdienste per aandeel sal met tussen 10% en 20% toeneem, ’n teleurstelling vir beleggers wat gewoond is aan hoër groeikoerse in die groep. EOH se aandeelprys daal sedert Oktober verlede jaar ná weerstand teen 18 000c per aandeel. Hy is onder verdere druk geplaas ná die skielike vertrek van die uitvoerende hoof Asher Bohbot in Junie, ná 20 jaar aan die roer, en ná die publikasie van bewerings van korrupsie in Julie rakende ’n kontrak met die Suid-Afrikaanse agentskap vir maatskaplike sekerheid (Sassa). EOH ontken enige oortreding. Op grafiek: EOH toets die ondersteuningstendenslyn van sy langtermyn-bultendens, en die relatiewesterkte-indeks (RSI) van drie weke val sedert verlede September. As EOH stewig op die tendenslyn bly en herstel, sal huidige vlakke aantreklik lyk. BRON: MetaStock…

met meer as drie dekades se ervaring, word batebestuurder Tony Gibson waarskynlik veral deur die ouer generasie onthou as iemand wat in die 1990’s konsekwent sukses behaal het met die uitsoek van aandele. Hy het sy loopbaan in die middel van die 1980’s begin by die voormalige UAL, was ’n pionier van die voormalige Syfrets se effektetrustbedryf in die laat 1980’s, ’n stigterslid van Coronation in 1993 en het sedertien verskeie prominente posisies in die maatskappy gehad. Hy bestuur nou Coronation se fonds van fondse-portefeulje. Leon Kok het verlede maand met hom gesels. Hier is ’n uittreksel uit hulle gesprek: Jy is, saam met BoE se Chris Logan, bekend daarvoor dat julle die jong bedryf se ster- portefeuljebestuurders was en kwartaal vir kwartaal om dominansie geveg het. Nie een van…

die debat oor passiewe belegging teenoor aktiewe belegging het ver gevorder. Dis nie die moeite werd om daarin verstrengel te raak nie, want albei kante het vandag oortuigende argumente. Passiewe belegging is ’n redelike volmag vir finansiële markte en stel beleggers in staat om die risikopremies te benut. In teenstelling met aktiewe beleggers, koop passiewe beleggers ’n sekuriteit en probeer nie om aktief wins uit korttermynskommelings te maak nie. Hulle maak eerder staat op die wete dat die belegging op lang termyn winsgewend gaan wees. Argumente wat in passiewe belegging se guns tel, sluit in: die keuse van ’n toenemende aantal verskillende indekse wat ’n belegger oor verskillende marksegmente en bateklasse heen kan naspoor; dis moontlik om spesifieke markblootstelling te verkry teen ’n goedkoper prys sonder om prestasie prys te…

SASOL Bly uit die pad as ’n orkaan aankom Harvey het die Amerikaanse kus aan die Golf van Mexiko verwoes, en dit is presies waar Sasol se etaankrakerprojek in Lake Charles geleë is. Sover ek kan vasstel, het Lake Charles die ergste van die storm misgeloop, maar die gebied sal nietemin steeds ’n paar honderd millimeter reën gekry het, wat beteken die projek se voltooiingsdatum sal uitgestel moet word. Die vraag is of Sasol voorsiening gemaak het vir oorstromings toe hy sy afhandelingsdatums bepaal het. Ten tyde van die skryf hiervan het die bestuur geen amptelike verklaring op Sens gedoen nie, maar daar word berig dat min skade aangerig is en dat werk nou weer begin. MR PRICE Nou weer op die regte pad Na ’n lang tydperk van agteruitgang…

mens kan nie ernstig beweer dat Ivan Glasenberg, uitvoerende hoof van Glencore, geneig is om te oordryf nie. Trouens, sy groep se grondvlakblootstelling aan die markte deur sy verhandelingsafdeling beteken dat hy waarskynlik meer van die eb en vloed van die kommoditeitsmark bewus is as die meeste ander mynboumaatskappye. Tog kan mens uit sy opmerkings oor die vooruitgang in die tegnologie vir elektriese voertuie en die gevolglike verbruik hoor dat hy opgewonde is. Glasenberg het vroeër vanjaar op die aanbieding van Glencore se tussentydse resultate gesê die toekomstige verbruik vir elektriese voertuie sal ’n diepgaande uitwerking hê op die vraag na baie van die minerale wat sy maatskappy ontgin. Op grond van Glencore se aanname dat elektriese voertuie 30% van die voertuigverkope in 2030 sal verteenwoordig – wat 26 miljoen…

ENTREPRENEUR VANDEESWEEK: ≫ Boekresensie: Kapitalisme is aan die verval – wat kom volgende? bl. 43 ≫ Bestuur: Hoe om ’n knap delegeerder te wees bl. 44 as daar een persoon is wat uitgesonder kan word vir sy rol in die buurtopknapping van Gugulethu in die Wes-Kaap is dit waarskynlik Mzoli Ngcawuzele. Met sy eiendomsontwikkelingsmaatskappy het Ngcawuzele sy merk gemaak met spesialisering in projekte wat op die vernuwing van swart townships gerig is. ’n Paar van die groot projekte waarby hy betrokke was, is die Kuyasa-winkelsentrum in Mdantsane in Oos-Londen, die Central Park-winkelsentrum in Bloemfontein, die Metlife Mall-uitbreiding in King William’s Town, die Gugulethu Square-winkelsentrum en die winkelsentrum van 3 500 m2 wat tans vir Middledrift in die Oos-Kaap beplan word. Hy besit ook die slaghuis-restaurant Mzoli’s Place, wat ’n gunsteling-bymekaarkomplek…

Vandeesweek kan een gelukkige leser ’n eksemplaar wen van Sizwe Mpofu-Walsh se Democracy & Delusion: 10 Myths in South African Politics. Om dié boek te wen, vul net die aanlyn weergawe van die vasvrawedstryd in, wat vanaf 18 September op www.fin24.com/finweek beskikbaar sal wees. 1 Watter land se vlag het nie ’n kruis daarop nie? Australië Ivoorkus Switserland 2 Watter motorvervaardiger maak ’n elektriese motor wat die Leaf genoem word? 3 Waar of onwaar? Die Kaapstadse SSG is onlangs geraak deur elektrisiteitsonderbrekings weens kabeldiefstal. 4 Wat is die naam van die stormwind wat ná Irma oor die Atlantiese Oseaan gevorm het? 5 Waar of onwaar? Die Suid-Afrikaanse komediant, Trevor Noah, het ’n Emmytoekenning ontvang. 6 Watter Suid-Afrikaanse tennisspeler het onlangs tot die eindstryd van die Amerikaanse Ope gevorder? Wayne Ferreira…