Finweek - Afrikaans 21-sep-17

Vir ’n bietjie afleiding van die saai daaglikse nuusvloei op die oomblik, gaan ons op vandeesweek se voorbladstorie ’n bietjie in die toekoms rondrits in die jongste elektriese motors. Die groeiende gewildheid van battery-aangedrewe voertuie kan in die toekoms ’n opskudding veroorsaak in verskeie sektore, veral in die mynbou. Glencore skat dat 30% van alle nuwe voertuie wat in 2030 wêreldwyd verkoop sal word, elektries sal wees, teenoor ’n syfer van sowat 1% verlede jaar. As ’n belangrike speler in die koper-, nikkel- en kobaltmark – kommoditeite wat na verwagting groot voordeel sal trek uit ’n oplewing in elektriese voertuie – kan mens verstaan waarom die Switserse firma so opgewonde is oor die verwagte opkoms van elektriese voertuie. (Sien bladsy 37.) Tog sal dit tot beleggers se voordeel wees om…

baie is al gesê oor Suid-Afrika se ondoeltreffende openbare sektor. Die openbare sektor se salarisrekening het tot onvolhoubare vlakke toegeneem, terwyl daar feitlik geen produktiwiteitsgroei in die openbare sektor plaasgevind het nie. Ons betaal die regering dus meer om minder te doen. As mens dink aan die swak vertoning van ondernemings in staatsbesit, soos Eskom, die SAUK en die berugste, die Suid-Afrikaanse Lugdiens, wil dit voorkom asof daar weinig meer is wat die regering kan doen om die vooruitsig op ekonomiese groei verder skade te berokken. Maar daar is. ’n Nuwe konsepdokument van die National Bureau of Economic Research (NBER), deur Jose Maria Barrero, Nicholas Bloom en Ian Wright, gebruik nuwe data oor sowat 4 000 Amerikaanse maatskappye om die oorsake van onsekerheid oor die Amerikaanse ekonomie na te vors.…

– Die swartbewustheidsleier en anti-apartheidsaktivis Steve Biko, wat op 12 September 1977 in polisie-aanhouding dood is nadat veiligheidspolisielede hom erg aangerand het. Hy het geskryf dat wit mense “in hul eie klein minderheid die grootste deel van die land se welvaart vasgesluit het. As net die voorkoms van dié in regeringsposte verander, sal swart mense waarskynlik arm bly, terwyl ’n paar swart mense na die sogenaamde bourgeoisie sal deursyfer. Ons samelewing sal amper soos gister bestuur word. Vir betekenisvolle verandering moet daar dus ’n poging wees om die hele ekonomiese patroon en ekonomiese beleid in dié spesifieke land te herrangskik.” “Ooreenkomste oor gesamentlike uitvoerende hoofde is nooit in maatskappye se belang nie, want hulle toon ’n gebrek aan opvolgbeplanning, ’n oorlading van die betaalstaat met oormatige bestuursvergoeding, en ’n gebrek…

FONDSFOKUS: SASFIN BCI FLEXIBLE INCOME FUND (A) DIE WEEK: ≫ Eie mening: ARC Investments, Datatec bl.12 ≫ Selfdoen: Geld op pad na buiteland? Hou só kop bl.13 ≫ Woekerwys: FirstRand, EOH bl.14 ≫ Belegging: Wat het Bitcoin en tulpe in gemeen? bl. 16 ≫ Simon Sê: Sasol, Hulisani, Steinhoff, Mr Price, Hyprop, Sygnia, Metrofile, BHP, Anglo American, Spur, Santam, Aspen bl.32 ≫ Grondbeginsels: Vind só die puik aandele bl. 34 Wat die fondsbestuurder sê: Die Sasfin BCI Flexible Income Fund is ideaal vir beleggers wat ’n hoë vlak van inkomste soek, maar nie die risiko wil loop om in die aandelemark te belê nie en ’n tydhorison van 12 maande of langer het, sê die fondsbestuurder, Philip Bradford. Die fondsopbrengs is naby 11% en bied volgens hom ’n goeie alternatief…

Patrice Motsepe het sy African Rainbow Capital (ARC) Investments op 7 September op die JSE genoteer met ’n inskrywingsprys van 850c. Op die eerste dag het dit op 830c gesluit, wat te verwagte was. Ek reken ’n bestuursmaatskappy behoort teen ’n diskonto tot sy netto batewaarde (NBW) te verhandel. In dié geval, is die NBW 850c en is ’n diskonto van 10% tot 20% redelik. Dit sal ’n prys van tussen 680c en 765c verteenwoordig, wat ek as billik beskou. ARC hou ongeveer een kwart van sy beleggings in genoteerde aandele, met die res wat ongenoteerd is, dus is daar talle mense wat na ARC as ’n private ekwiteitsmaatskappy verwys en in baie opsigte is dit. Private ekwiteit kan egter beter opbrengste lewer, al is dit teen hoër risiko, maar…

Datatec-aandele het op 4 September herstel nadat die groep die verkoop van sy Westcon- Comstor-onderneming vir $630 miljoen in Noord-Amerika en Latyns-Amerika afgehandel het. Hy sê hy sal tot $500 miljoen van die opbrengs aan aandeelhouers uitkeer in die vorm van ’n spesiale dividend en/of aandeelterugkope. Die tegnologiemaatskappy beoog om die oorblywende $130 miljoen vir bedryfskapitaal asook finansiering vir uitbreidings te gebruik, het TechCentral berig. Die onderneming is deur Synnex, ’n Kaliforniese tegnologievoorsieningskettingmaatskappy met ongeveer 110 000 werknemers gekoop. Datatec kan tot soveel as $200 miljoen meer as ’n kontantverdienste kry afhangende daarvan of Westcon-Comstor tussen nou en Maart 2018 aan sekere prestasieteikens voldoen, aldus TechCentral. Die uitvoerende hoof, Jens Montanana, het aan Business Day gesê die groep beoog ander transaksies aan die koop- sowel as die verkoopskant. Datatec, wat…