Indholdsfortegnelse for 18-Jan-18 i Finweek - Afrikaans

in die 12 jaar sedert ek in Gauteng werk, was dit die eerste Januarie wat ek die N1-Noord ná die vakansie nie met ’n swaar hart aangepak het nie. Ná twee weke in die Oos-Kaapse platteland met daaglikse beurtkrag (ons munisipaliteit het Eskom weer nie betaal nie), nie ’n druppel munisipale kraanwater by ons huis nie en frustrerend stadig mobiele internet het ek verlang na Johannesburg se verkeer en die vreugdes van 4G. Wat veral frustrerend is, is dat sommige naburige dorpies blykbaar baie beter vaar – hul vullisverwyderingsdiens werk skynbaar, die hoofstraat het nie slaggate nie, die sypaadjies word goed onderhou. Aangesien daar geen duidelike verskil is tussen die dorpe se demografie of hulpbronne nie, moet die verskil die leierskap wees. ’n Leier kan ’n groot verskil maak; kyk…

Die middelkapitalisasie-indeks het my twee jaar laas geïnteresseer. Sedert die verandering van die minister van finansies in Desember 2015, het ek gemeen dat die middelkapitalisasieindeks sou sukkel. Met die ANC se verkiesingskonferensie nou verby en president Jacob Zuma beslis op pad uit – die ergste ekonomiese ellendes agter die rug – dink ek dis tyd dat die sakesektor begin glinster. Dit gaan ekonomies steeds moeilik, maar die inflasiekoers is laag, die bruto binnelandse produk groei (nie veel nie, maar beter as tydens verlede jaar se resessie) en die verbruikersvertroue begin stadigaan bykom. Dit beteken nie ’n bloeitydperk nie, maar dui alles daarop dat die ergste verby is. En terwyl die Top40 na die buiteland oorhel, is die middelkapitalisasie- indeks vol aandele met sterk plaaslike ingesteldheid. Dié aandele het swaargekry, maar…

compagnie Financière Richemont met sy hoofkantoor in Switserland is in 1988 deur die Suid-Afrikaanse sakeman Johann Rupert gestig. Volgens markkapitalisasie is hy die wêreld se tweede grootste luuksegoederemaatskappy. Sy handelsmerke sluit in Cartier, Van Cleef & Arpels, Piaget, Chloé en Montblanc. As ’n randverskansingsaandeel is Richemont negatief gekorreleer met ons plaaslike geldeenheid. Dit beteken dat randsterkte druk op sy aandeelprysbeweging plaas. Toe die rand in November verlede jaar begin versterk het, het Richemont sy winste deur die onderste helling van sy langtermyn- bulkanaal verloor. Hoewel Richemont se vooruitsigte verbeter het, deels te danke aan ’n regrukplan op bestuursvlak, die herstrukturering van sy luuksehorlosiebesigheid en beter handelstoestande in China, verhandel die groep tans in daalmarktoestande. Vir beleggers kan dit dalk die beste wees om die randbeweging te volg. Op die grafiek:…

JANUARIE Begroting Hersien jou uitgawes van die afgelope drie maande, en gebruik dit as ’n basis vir ’n realistiese begroting. Januarie is ’n goeie tyd om luukshede te verminder – hierdie geld kan in die komende maande gebruik word om skuld, veral winkelkaarte, te betaal en jou spaargeld te verhoog. Kry ’n dag en tyd elke maand om jou begroting te hersien. Dit sal jou toelaat om te bepaal of jy bybly en of ’n bietjie versterking nodig is, of dalk selfs ’n klein beloning. HANDIGE TOEPASSING: 22seven van Ou Mutual FEBRUARIE Aftrede Dit is belangrik om jou spaargeld te monitor ten einde te verseker dat jy op die regte pad is om jou aftreeteiken te bereik, sê Kenosi Magosha, Sanlam se hoof van kliëntebesparingsoplossings. As jy dit doen, sal…

Wat is die internasionale sleutelgebeure of ontwikkelings waaroor fondsbestuurders besorg is? Dis nie verbasend dat president Donald Trump van Amerika uitstaan nie. Bianca Botes van Peregrine Treasury Solutions waarsku dat beleggers Trump se beleide moet dophou, of dit nou sy onlangse belastinghervorming is, wat nie gunstig ontvang is nie, of sy verskerping van die konflik met Noord-Korea. Met Trump geneig tot aanlyn uitlokking, maak dit hom ietwat van ’n wisselvallige faktor, sê sy. Ander fondsbestuurders meen dat Amerika se strenger handelstandpunt onder Trump ’n faktor is wat dopgehou moet word omdat dit ’n groot gevaar vir die internasionale vryhandelstelsel is. BlackRock Investment Institute meen as die huidige onderhandelings oor die Noord- Amerikaanse vryhandelsooreenkoms (Nafta) nie slaag nie, dit ’n “onheilspellende teken” vir wêreldhandel sal wees. Geoff Blount van BayHill Capital…

Aan die internasionale front is baie fondsbestuurders besorg oor strenger monetêre beleid vanjaar en die kredietineenstortings wat dit kan veroorsaak. Franklin Templeton Global Equity Group sonder strenger monetêre beleid wêreldwyd in sy 2018-vooruitsig as ’n sleutelfaktor uit. “Die geweldige aansporings deur sentrale banke wat nodig was om van die internasionale finansiële krisis van 2007-’09 te herstel, het tot uiterste toestande gelei wat die sistemiese risiko na ons mening vergroot het,” het die groep verlede maand gesê. “Sentrale banke se balansstate is tot ongekende groottes vergroot, wat anorganiese likiditeitsbeperkings veroorsaak en wat hoër batepryse kan bedreig as hulle verwyder word.” Fondsbestuurders voorspel drie tot vier rentekoersverhogings vanjaar in Amerika en dat strenger monetêre beleid in Europa, China en Japan sal volg. Fondsbestuurders voorspel drie tot vier rentekoersverhogings vanjaar in Amerika en…

black se aanvanklike video-op-aanvraagaanbieding sluit in tot 5 000 rolprente, reekse, musiek en dokumentêre programme teen R10 per dag of R39 per maand. Flexi Premium sal R39 per dag kos of R99 per maand. Televisiereekse wat beskikbaar is, sluit in Mary Kills People, Catastrophe, Power, High Rollers, Generations, Skeem Saam, Uzalo en Survivor’s Remorse. Cell C se uitvoerende hoof Jose dos Santos sê black onderhandel tans met Suid-Afrikaanse produksiemaatskappye om plaaslike inhoud aan die Suid- Afrikaanse publiek te verskaf en ’n platform te bied vir plaaslike talent om hulle werk uit te stal. Kliënte kry toegang tot 60 intydse TV-kanale, wat onder meer musiek-, nuus-, reis en lewenstyl-, fliek- en kinderinhoud insluit. Toegang hiertoe kos R189 per maand, of ’n 18 kanaal-aanbod wat R69 per maand kos. Daarbenewens bied black…

’n Dodelik akkurate teken dat jou loopbaan aan sy einde gekom het, is wanneer jy die nuwe jaar begin met lae energievlakke, ’n hoë vlak van onbetrokkenheid en bitter min geesdrif vir die vereistes wat jou werk stel. Jopie de Beer, uitvoerende hoof van JvR Consulting Psychologists, sê wanneer mense die tyd gebruik vir eerlike selfondersoek, kan hulle dalk ontnugter wees met die loopbaanpad wat hulle betree het, of hulle reeds vir ’n dekade of twee in bevind. Mense eindig dikwels in ’n siklus waar hulle hard werk, moedeloos word, en dan selfs harder werk, sê De Beer. In dié proses verloor hulle hul selfkennis. “ ’n Mens kan selfkennis slegs verwerf as jy selektief ’n bietjie selfsugtig is. Mens moet tyd in jou dag vind om oor die dag…

almal sal Suid-Afrika se universiteite einde Januarie dophou. President Jacob Zuma het ’n maand tevore gratis hoër onderwys vir studente uit 90% van Suid-Afrikaanse huishoudings aangekondig deur die aanbevelings van sy eie Heher-kommissie oor die haalbaarheid van gratis hoër onderwys en opleiding te ignoreer. Julius Malema, leier van die EFF, het in ’n Nuwejaarsboodskap olie op die vuur gegooi deur alle voornemende studente – selfs ongeregistreerdes – te versoek om “by die akademiese instelling van hul keuse aan te meld”. Universiteite Suid-Afrika het in reaksie ’n sterk verklaring uitgereik dat studente die regte prosedure moet volg. Die situasie sal waarskynlik gespanne wees. Dit is bloot die jongste hoofstuk in ’n lang sage van die uitbreiding van toegang tot hoër onderwys. Herhaalde betogings het die afgelope drie jaar op die land…

om ’n mynmaatskappy te bestuur is selfs in die beste tye nie kinderspeletjies nie, maar in die huidige tydvak verkeer ’n klompie mynbase onder besonderse druk. finweek identifiseer dié wat die meeste het om te bewys en wat hulle moet doen om hul poste te behou. Nico Muller Uitvoerende hoof: Impala Platinum Aangestel: April 2017 Impala Platinum ontgin palladium, wat tans nogal goed doen, maar die prys van sy hoofproduk – platinum – bly halsstarrig laag. Die rand het ook verstewig namate valutaspekulante die moontlikheid van verbeterende saketoestande in Suid-Afrika raaksien. Terwyl dit op die lange duur vir mynmaatskappye goed is, is dit nie op kort termyn so wonderlik vir sukkelende mynfirmas se inkomste nie. Teen dié agtergrond beskou, is die uitskakel van onwinsgewende onse uit Implats se Rustenburg-myne ’n…

Kumba Iron Ore, ’n verskaffer van hoëgehalteystererts aan die internasionale staalbedryf, se aandeelprys het met meer as 70% gestyg nadat hy in Oktober verlede jaar deur groot weerstand by 23 130 sent per aandeel gebreek het. Maar met die drieweekse indeks van relatiewe sterkte (IRS) tans in uiters oorkoopte terrein, word ’n terugsakking verwag. Australië, die grootste uitvoerder van ystererts, verwag dat die ysterertsprys vanjaar met 20% op ’n jaargrondslag tot gemiddeld $51,50 per ton sal daal en verwys na verwagte kleiner vraag deur China as hoofkoper en toenemende wêreldvoorraad, berig Reuters. Dit vergelyk met positiewer voorspellings deur UBS en Citi dat die prys taamlik bestendig by sowat $64 per ton sal bly. Die lokoprys is tans meer as $70 per ton. BMI Research se ysterertsvooruitsig is ook negatiewer en…

die Steinhoff-storie het die nuusopskrifte getref net dae ná my laaste artikel verlede jaar. Ek het dus baie tyd gehad om daaroor te dink. Een van my gedagtes is oor kompleksiteit in belegging. Mense is gewoonlik geneig om kompleksiteit te vertrou: ons is maar net geneig om te glo dat ’n eenvoudige ding nooit beter sal wees nie. Ons sien dit in alles van spyskaarte af (waar ’n beskeie hamburger in ’n lang paragraaf beskryf kan word), tot selfone (met meer krag en vermoë as waarmee Nasa mense na die maan gestuur het, hoewel ons dit slegs vir sosiale media gebruik) en veral in die markte wanneer ons verhandel (oorgebruik van aanwysers en ossillators) en belegging (verskeie baie komplekse waarderingsmetodes). Ons is lief vir kompleksiteit. Maar dit is sekerlik beter…

die beleggingsghoeroe Benjamin Graham het gesê beleggers is waarskynlik hul eie vernaamste probleem, en moontlik selfs grootste vyand. Dit was voor die dae van gedragsfinansies, maar dit bly waar. Is jy as belegger jou eie grootste vyand deur irrasionele foute te maak waarvan jy moontlik heeltemal onbewus is? Dié vraag lê aan die kern van gedragsfinansies, wat die studievelde van die finanswese en sielkunde in die besluitnemingsproses saamvoeg, sê Victor Ricciardi, professor in finansies aan Goucher College in Baltimore, Amerika en medeskrywer van die nuwe boek Financial Behavior: Players, Services, Products, and Markets. Beleggingsbesluite word geneem op grond van ’n versameling kognitiewe en emosionele kwessies wat swak finansiële gevolge kan oplewer, sê Ricciardi. Gerda van der Linde, uitvoerende direkteur van die South African Institute of Behavioural Finance, sê beleggers is…

V & A: Waarom sal ’n geoloog sy werk bedank en ’n varsvoedselafleweringsdiens begin? ’n Voorliefde vir seisoenale, organiese kos, ’n oortuiging in die gehalte van plaaslike produkte en ’n begeerte om mense terug in hulle kombuise en weg van die kitskosspyskaart te kry, sê Munching Mongoose se stigter, Brad Meiring. Munching Mongoose bestaan al drie jaar lank en is ’n organiese voedselafleweringsdiens wat met plaaslike boere en vakmanne skakel om die beste kombinasie van seisoenale produkte te kry wat by ’n klant se deur afgelewer word. Elke kosboks kan sakpas gemaak word, terwyl items soos vleis, melk en vakmanprodukte by die standaard-groenteboks gevoeg kan word. Die maatskappy skakel met sy voorsieners op ’n Maandag en begin sy basiese boks vir die week te “bou” gegrond op beskikbaarheid en begroting.…

Wanneer jy eers besef het dat jy op die verkeerde loopbaanpad is, is dit tyd om analities en strategies te wees eerder as om moedeloos of gefrustreerd te word, sê Lisa Quast, loopbaanafrigter en talentontwikkelaar in ’n Forbes-artikel. Volgens Quast is dit belangrik om navorsing te doen oor die pos wat jy wil hê, of dit in die maatskappy is waar jy nou werk of daarbuite. Dit sluit in om uit te vind wat die vereistes is wat nodig is om die werk te kry en dit met jou vaardighede te vergelyk. OORKOM VAARDIGHEIDSGAPINGS: Analiseer die gapings en maak ’n lys van hulle. Dinkskrum al die moontlikhede van hoe jy die vaardigheidsgapings kan oorkom. Dan is dit tyd vir ’n plan van aksie. Die Britse loopbaanontwikkelingskundige Helen Roberts skryf in…

gedurende ’n stortvloed nuus oor die politiek, korrupsie en die sukkelende ekonomie laat verlede jaar is ’n belangrike gebeurtenis grootliks oor die hoof gesien – die bekendstelling van Suid-Afrika se derde infrastruktuurverslag. Die jammerlike bevindinge deur die Suid- Afrikaanse Instituut vir Siviele Ingenieurs (SAICE) het getoon dat die land se kerninfrastruktuur – insluitend vervoer, elektrisiteit, watertoevoer, die onderwys en gesondheid – die risiko loop om ineen te stort. Swak instandhouding en soms skreiende verwaarlosing het die veerkragtigheid van bestaande infrastruktuur ondermyn, terwyl swak bestuur, beplanning en dataversameling, tesame met ’n al hoe nypender tekort aan geskoolde ingenieurs in die openbare sektor bydraende faktore was, aldus die instituut. Die verslag het Suid-Afrika ’n algehele gradering van D+ gegee vergeleke met C- toe die vorige verslag in 2011 uitgereik is, en gewaarsku…

Hulpbronpryse het in die eerste klompie dae van 2018 verder gestyg – Bloomberg se indeks van lokopryse vir hulpbronne het op 5 Januarie tot sy hoogste vlak sedert Desember 2014 opgeskiet – en die geldige vraag laat ontstaan of mynbouaandele weer ’n inploffing gaan ervaar, soos in 2011 ná ’n langdurige verstewiging. Ontleders meen egter daar is betekenisvolle verskille tussen 2011 en nou en beveel aan hul kliënte moet in sekere mynbouaandele belê bly, met BHP en Glencore wat die meeste genoem word. “Ons meen steeds die mengsel van beskeie groei, verbeterende opbrengste en kapitaaldoeltreffendheid behoort tot ’n heraanslag te lei,” sê Macquarie in ’n verslag oor gediversifiseerde mynbouaandele. Macquarie se belangrikste opmerking is dat mynmaatskappye nie halsoorkop geld bestee soos hulle in die aanloop tot 2011 gedoen het nie…

EOH Verdagte transaksies Benewens Steinhoff, is die ander groot storie wat onlangs die mark geskud het dié van EOH. Hy het tot 2 655c per aandeel gedaal, sy swakste in ses jaar, ná gedwonge verkope deur direkteure (dis na ’n hoogtepunt van bykans R180 in 2016). Die storie is dat twee direkteure lenings aangegaan het om nog EOH-aandele as aanvullende sekuriteit te koop, en dus hul aandelebesit gehefboomfinansier het. Dis volkome wettig en binne die JSE se reëls mits die transaksies verklaar word. Maar ek glo dit behoort onwettig te wees. As ’n direkteur van ’n maatskappy waarvan ek die hoof is dit sou doen, sal ek hom in die pad steek. Die risiko hier is dat, as die aandeelprys daal, die aandele wat as aanvullende sekuriteit bekom is nie…

dievinnig groeiende Capitec is in 2017 die tweede agtereenvolgende jaar deur die Britse bankadviesgroep Lafferty as die beste bank ter wêreld aangewys. In Desember het hy deur die boonste helling van sy langtermynbulkanaal gebreek ondanks ’n afgradering deur S&P ná sy afgradering van Suid-Afrika se soewereine skuld. So ’n positiewe deurbreking is ’n teken van gretige koopmomentum, wat weer tot ’n skerper opwaartse neiging lei. Die moeilike ekonomie kan Capitec bevoordeel, aangesien hy ’n goedkoop bankalternatief bied, maar die mark sal sy onversekerde leningsboek fyn dophou. Op die grafiek: Die dalende bopunt op die maandgrafiek van die relatiewesterkte-indeks (RSI), wat ook op die drieweek-RSI-grafiek aangedui word, is ’n aanduiding dat Capitec oorspan is (negatiewe divergensie) en ’n regstelling moet kry. Die drieweek-RSI is ’n leidende aanwyser. As hy sy bultendens…

’nNuwe jaar beteken nie net dat jy moet onthou om die regte datum te skryf nie; dis ook ’n kans om dinge opnuut reg te kry. Ons lewens en voortbestaan berus op twee belangrike pilare – finansies en werk. Twaalf maande is genoeg tyd om die beste stappe met jou geld te doen, sê Lizl Budhram, hoof van advies by Old Mutual Personal Finance. “In Januarie is die pyn van jou dade van verlede jaar nog vars in jou geheue – jy het dalk te veel op jou kredietkaart staatgemaak, te veel skuld gemaak, jou oortrekkingsgerief ’n bietjie te veel gebruik of geen vordering gemaak met die deposito vir jou nuwe huis nie,” sê sy. Sy moedig Suid-Afrikaners aan om tyd af te knyp om te dink oor wat hulle…

’n Aantal fondsbestuurders sonder China se hoë vlak van korporatiewe skuld as ’n risikofaktor vir vanjaar uit. Credit Suisse het in sy vooruitsig vir vanjaar gesê enige afswaai in Chinese groei sal ’n risiko vir die wêreldekonomie en -markte wees. “Die klaarblyklike beleidsvooroordeel vir stabiliteit en kredietbeperking in China is bemoedigend, maar nie sonder risiko’s vir batepryse, die ekonomie en die Chinese renminbi nie,” sê Credit Suisse. BlackRock Investment Institute sê in sy 2018-vooruitsig dat die broodnodige ekonomiese hervorming in China oor skuldvlakke ’n gevaar vir China se groei inhou en tot “tydelike kredietineenstortings” kan lei. Suid-Afrikaanse fondsbestuurders is minder besorg. Wayne McCurrie van Ashburton Investments sê al die praatjies oor strenger monetêre beleid vanjaar in China is oordrewe. “China gaan deur dié fases en maak dit effens strenger,” sê…

die laaste paar jaar as die uitvoerende hoof van Cell C was uitdagend vir Jose dos Santos, maar met ’n herkapitalisasie van die maatskappy afgehandel en ’n nuwe video-op-aanvraag-diens, lyk dit asof 2018 ’n groot jaar vir die maatskappy gaan wees. Suid-Afrika se derde grootste selfoonmaatskappy het voortdurend markaandeel van sy twee meer dominante mededingers, MTN en Vodacom verower. Terselfdertyd word Suid-Afrika se mobiele spelers deur toenemende openbare en regeringsoproepe in die gesig gestaar om datatariewe te verminder. Dos Santos sê dat prys in verhouding tot koste is. “Ons het as ’n bedryf misluk om die insetkoste te verminder,” sê hy. ’n Voorbeeld is hoe mobiele infrastruktuur oor en oor gerepliseer is deur mededingende mobiele spelers, terwyl hulle infrastruktuur kon deel, sê Dos Santos. Deur infrastruktuur te deel, kan insetkoste…

1 Reg of verkeerd? Die ANC het onlangs sy 121ste verjaarsdag gevier. 2 Wie het homself onlangs as ’n “baie stabiele genie” beskryf? ▪ Louis C.K. ▪ Donald Trump ▪ Christo Wiese 3 Watter plaaslike mobiele netwerk bied die vermaaklikheidsdiens black? 4 Watter van hierdie lande is nie in Sentraal- Amerika nie? ▪ Costa Rica ▪ Guatemala ▪ Ecuador 5 Wie is die president van die ANC? 6 Reg of verkeerd? Die Winter- Olimpiese Spele word vanjaar in Finland gehou. 7 Watter kleur het die meeste mense wat die onlangse Golden Globes-toekennings bygewoon het, gedra? 8 Reg of verkeerd? Vlak 8-waterbeperkings is in Kaapstad ingestel. 9 Watter land het onlangs teenregeringsbetogings ervaar? ▪ Iran ▪ China ▪ België 10 Wat is die naam van die senior DAamptenaar wat in bewerings…

Michael Jordaan @MichaelJordaan Sonkragplase wat nie vir Eskom kan oortuig om hul kontrakte te onderteken nie, sal beter vaar as hulle hul krag gebruik om bitcoin te myn. Net ’n kwessie van tyd tot hulle dit besef. SEC Fort Worth @FortWorthSEC Ons oorweeg dit om “Blockchain” by ons naam te voeg sodat ons ons volgelinge met 70 000% kan laat toeneem. Ranjeni Munusamy @RanjeniM Wat is die gif waarvoor net Rusland die teenmiddel het? En waarom het hy net die behandeling daarvoor, maar hy is nie die oorsprong nie? Yiddish Proverbs @YiddishProverbs Vleitaal maak vriende en die waarheid maak vyande. – Jiddisje spreekwoord VeryBritishProblems @SoVeryBritish “O, ek sal graag, maar....” – Vertaling: ek sal eerder ’n handvol sand eet Drew “No Nazis” 4484 @Drew4484 Myers-Briggs is bloot astrologie vir mense…