Indholdsfortegnelse for 21-feb-19 i Finweek - Afrikaans

’n Paar dae ná die versigtig jubelende reaksie op president Cyril Ramaphosa se hantering van die staatsrede is Suid-Afrikaners weer wreed herinner aan die geweldige probleme wat die land ondervind toe fase 4-beurtkrag ingestel is. In ’n verslag wat intussen uitgereik is, sê die kredietgraderingsagentskap Moody’s Investors Service dat Eskom se reserwemarge tot minstens die middel van die 2020-dekade beperk sal bly. Is daar enige goeie nuus? Dalk net. Die land is tans afhanklik van Eskom, waarvan die opwekkingbates 88% van die land se geïnstalleerde vermoë verteenwoordig, sê Moody’s, en sal selfs ná herstruktering van die sektor van Eskom afhanklik bly. Moody’s het egter gesê dat Eskom se batebasis teen 2030 tot 50% van die geïnstalleerde vermoë sal krimp. “Dié tendens kan verlangsaam as Eskom ’n rol in die ontwikkeling…

“DIT LYK ASOF DAAR NIE DUIDELIK IS OOR DIE KWESSIES WAT HULLE PROBEER OPLOS NIE.” – John Lewis, besturende direkteur van Aggreko, ’n tussentydse kragvoorsiener vir groot geleenthede, in ’n artikel in Business Day. “Ongelukkig, wanneer dinge verkeerd gaan, is dit waar ons inpas,” het hy aan die koerant gesê. Volgens hom praat hulle met Eskom om vas te stel “hoe en waar ons met ’n tydelike oplossing kan help”. “NIKS KAN AS VANSELFSPREKEND AANVAAR WORD NIE.” – Sizwe Pamla, woordvoerder vir Cosatu, in ’n artikel op mg.co.za, ná die vakbondfederasie se opmerking dat sy besluit om die ANC in vanjaar se verkiesing te ondersteun, hersien kan word. “Op grondvlak het geesdrif vir ANC-politiek verflou,” het Pamla gesê. Dit tydens die vakverbond se voorbereidings om landwyd te staak uit protes…

Kleinhandelseffekte is ’n wonderlike opsie vir beleggers wat op soek is na bestendige, inflasie-aangepaste inkomste uit hul beleggings. ’n Gewaarborgde reële opbrengs van 4% oor tien jaar sonder kapitaalrisiko. Dié effekte bied óf ’n vasgestelde rentekoers óf my persoonlike voorkeur: inflasie plus rentekoers. Tienjaarkleinhandelseffekte bied op die oomblik inflasie +4%. Hoe dit werk, is dat jou kapitaal sal toeneem met geannualiseerde inflasie elke ses maande, plus jy word dan ’n geannualiseerde opbrengs op die kapitaal van 4% betaal. Na tien jaar het jou kapitaal met inflasie toegeneem en sy koopkrag behou. Kortom, ’n gewaarborgde reële opbrengs van 4% oortien jaar sonder kapitaalrisiko. Dié kleinhandelseffekte word deur die regering gerugsteun, het geen gelde nie en kan ingesluit word in ’n belastingvrye beleggingsrekening. Die negatiewe aspek is die belasting op rente wat…

gold Fields Beperk is ’n internasionaal gediversifiseerde goudprodusent met mynbouwerksaamhede in Australië, Ghana, Peru en Suid-Afrika. Die maatskappy het begin Februarie gesê hy verwag verdienste vir die jaar tot einde Desember van tot 81% laer. In ’n Sensaankondiging sê hy sy inkomste op ’n jaargrondslag sal na verwagting laer wees, hoofsaaklik “weens laer goudverkope by South Deep te wyte aan herstrukturering en stakings in kwartaal 4 van 2018”. Vooruitsigte: Gold Fields se aandeelprys behou bestendig steun op 3 000 sent sedert die aanvang van ’n herstelfase binne sy langtermyn-afwaartse neiging in 2013. Die aandeel het van sy 45%-afverkoping binne ’n enkele week in Augustus verlede jaar herstel. Dit het gebeur kort nadat die maatskappy ’n tussentydse netto verlies van $369 miljoen bekend gemaak en die lokoprys van goud boonop van…

finweek publiseer Kollektiewe Insig kwartaalliks namens die Suid-Afrikaanse beleggingsgemeenskap. Die menings wat hierin uitgespreek word, is nie noodwendig dié van die uitgewer nie. Alle regte word voorbehou. Geen deel van dié publikasie mag gekopieer of uitgesaai word sonder die vooraftoestemming van die uitgewer nie. SAMEROEPER Anne Cabot-Alletzhauser Hoof van die Alexander Forbes-navorsingsinstituut REDAKSIONELE ADVIESKOMITEE Murray Anderson Besturende direkteur: Kleinhandel & bedryf, Ashburton Investments Lindelwa Farisani Hoof van ekwiteitsverkope: Suid-Afrika, UBS Investment Bank Delphine Govender Beleggingshoof, Perpetua Investment Managers Monika Kraushaar Beleggingsadviseur at Riscura Patrice Rassou Aandelehoof, Sanlam Investment Management Nerina Visser ETF-strateeg en -adviseur Muitheri Wahome Professionele finansiëlediensteverskaffert…

die verslapping van buitelandsebeheermaatreëls oor die afgelope jare heen in die toegelate buitelandse beleggingsbedrag, het die verskeidenheid van geleenthede wat beskikbaar is vir Suid-Afrikaanse spaarders vergroot. Dié groter toegelate beleggingsgeleentheid behoort opbrengste te steun, terwyl dit die wisselvalligheid van die algehele belegging verlaag. Wel, dit is in elk geval die teorie. In praktyk kan die groter beleggingswêreld tot risiko bydra, eerder as om dit te verlaag, as dit nie verantwoordelik bestuur word nie. Buitelandse bates vorm nou ’n beduidende deel van die meeste effektetrusts wat gebruik word vir willekeurige spaar en van die meeste aftreefondse. In die meeste gevalle word hierdie bates onafhanklik bestuur deur derdepartybestuurders of as losstaande portefeuljes. Wanneer die binnelandse en buitelandse batetoewysing en die batetoewysingbesluit geskei word, kan die gekombineerde portefeulje ’n suboptimale risiko-opbrengs lewer, wat…

die tradisionele ekwiteits-en gebalanseerde fondse bly die gewildste beleggingskeuse vir die gewone belegger. Oordie afgelope15 jaar het die ontploffing in die markvir beleggingskemas aangetoon presies hoe tevrede afsonderlike Suid-Afrikaanse beleggers is met ’n belegging in die tradisionele reeks binnelandse ekwiteits-en gebalanseerde effektetrustfondse. Oordie algemeen het hierdie fondse aan beleggers se behoeftes voldoen deur“gewone” blootstelling te bied aan binnelandse aandele (vir ekwiteitsopbrengste) sowel as deur matige batetoewysing in die geval van die multibatefondse. In die verloop van die afgelope dekade het die gekose beleggingsbestemmings die gewildste fondse gebly, en gevolglik het die bates onder bestuurvan hierdie fondse aansienlik gegroei. Teen die einde van verlede jaar was slegs die15 vernaamste direk bestuurde fondse (uit die meer as 200 fondse) in dieSuid-Afrikaanse algemene-ekwiteitsektor verantwoordelikvir meer as 60% van die bates onder bestuur van…

TASTE HOLDINGS Heelwat het verkeerd geloop Twee kleinkapitaalmaatskappye wat groot ambisies gehad het, bewys net hoe moeilik dit gaan. Taste Holdings het ’n Sens-verklaring uitgereik wat verklaardat selfs ná die huidige regte-uitgifte van ongeveer R136 miljoen, hy ’n bykomende R570 miljoen en vyf jaar nodig het om gelyk te breek. Vir ’n maatskappy met ’n markkapitalisasie van ongeveer R125 miljoen is dit ’n enorme hoop geld, en om gelyk te breek, is nie wat beleggers verlang nie – hulle soek wins. Baie het hier verkeerd geloop, maar ek onthou die euforiese dae toe die maatskappy die Starbuckstransaksie aangekondig het en die aandeel vir’n kort tydjie in 2015 die 500 sent-kerf verbygesteek het. Maar die realiteit is dat dit een ding is om die meesterlisensie vir’n groot wêreldhandelsmerk te kry, maar…

MultiChoice is ’n vastelandwye videovermaakverskaffer wat digitale satelliet-en grondtelevisieseine en inhoudstroomdienste bied. MultiChoice is in 50 lande in Afrika teenwoordig en het verlede jaar ’n omset van R47,5 miljard teen ’n handelswinsmarge van 13% behaal. Die afgelope twee boekjare was sy intekenaargroei gemiddeld 9,9%, met altesame 13,9 miljoen intekenaars. MultiChoice, waarvan die hoofkantoor in Randburg, Johannesburg is, saai 21 gebiedsplaaslike kanale, meer as 50 internasionale kanale en 37 sportkanale uit. Tussen sy kanale besit MultiChoice regte op meer as 30 000 titels in sy inhoudbiblioteek. Electronic Media Network Beperk (M-Net) het in 1986 ’n betaaltelevisiekanaal begin bedryf, met MultiChoice wat in 1993 geskep is om die ontluikende uitsaaisake te hou. DStv is in 1995 met ’n groter aanbieding van digitale satellietuitsaaikanale begin – ’n jaar nadat Naspers, sy moedermaatskappy, op…

1. Waar of vals: Soweto Gospel Choir het in Februarie hul derde Grammy-toekenning gewen. 2. Waar of vals? Die DA-LP Stevens Mokgalapa sal Solly Msimanga as burgemeester van Tshwane opvolg nadat Msimanga in Februarie uitgetree het. 3. Wie is die bedryfshoof van Eskom? 4. Op watter datum sal MultiChoice uit Naspers ontbondel word? 5. Total het vroeg in Februarie aangekondig dat hy ’n olie-en-aardgas-terrein van “wêreldstandaard” aan die kus van watter kusdorp op die Tuinroete in Suid-Afrika geopen het? 6. Wie is die sekretaris-generaal van Opul? 7. Watter Amerikaanse voetbalspan het vanjaar die Super Bowl gewen? 8. Die akteur Richard E. Grant is in Swaziland gebore. Aan watter Suid-Afrikaanse universiteit het hy sy studie voltooi? ■ Universiteit van Kaapstad ■ Universiteit van Stellenbosch ■ Universiteit van Pretoria 9. Wat is…

Roman Cabanac @RomanCabanac “As die regering oor die Saharawoestyn sou regeer, sal ons binne vyf jaar geen sand oor hê nie” – Milton Friedman RM @dorsalstream Ysskaats is eenvoudig om in kursief te loop. mernerk @causticion Met fase 6-beurtkrag kom iemand van Eskom na jou huis en blaas jou kerse uit. Rico Schacherl @ricoschacherl Is die Nuwe Dagbreekop sy helderste voor die Lang Nag? Natasha Joseph @TashJoeZA Kyk, Suid-Afrika, as ons weer met beurtkrag moet saamleef, kan almal asseblief die reëls van vierrigtingstopstrate nagaan? Yiddish Proverbs @YiddishProverbs “Byvoorbeeld” is nie dieselfde as “bewys” nie. Four Pillar Freedom @4PillarFreedom Maklike keuses = moeilike lewe Moeilike keuses = maklike lewe Eileen Curtright @eileencurtright OpTV kan geen man ’n das knoop nie, maar alle vrouens kan en niks in die verhaal verduidelik hoekom…

kom ons aanvaar dat Katlego R8 000 per maand verdien en R1 000 aan klere bestee. Katlego is dol op mode. Dit bied haar die geleentheid om uitdrukkking aan haarself te gee en is ’n vereiste vir haar werk as ontvangsdame. Dit is ook ’n teken vir ’n toekomstige lewensmaat dat sy opwaarts sosiaal beweeglik is. Sy wil ’n beter lewe hê as wat haar ouers gehad het. Wat kan die regering doen om Katlego se strewe ’n werklikheid te maak? Daar is baie opsies. Verminder BTW en inkomstebelasting – hoewel dit nie eintlik baie saak sal maak nie. Gryp in deur beter infrastruktuur op te rig: verminder miskien die koste van Katlego se treinkaartjies werk toe, of verbeter eenvoudig die doeltreffendheid van treine en verseker so dat hulle betyds…

South32 is ’n wêreldwye metaal-en mynmaatskappy met myne in Australië, Suider-Afrika en Suid-Amerika. Dié maatskappy is in 2015 van BHP ontbondel en het hom as ’n konsekwente kontantgenererende onderneming met ’n sterk balansstaat bewys. Hy is ’n voorkeurbelegging in sy portuurgroep omdat hy ’n uitgebreide reeks kommoditeite ontgin, insluitend kookssteenkool, mangaan, nikkel, silwer, lood en sink. Op 8 Februarie het South32 aangekondig dat Karen Wood in April vir David Crawford as voorsitter van die direksie sal vervang. Nadat hy ’n hoogtepunt van 4 480 sent per aandeel getoets het, het South32 teruggesak deur die steuntendenslyn van sy primêre bultendens (teruggedateer tot Januarie 2016). Dit het daarna bokant 2 770 sent vasgeskop en van sy verliese verhaal nadat hy goeie produksieresultate vir die September-kwartaal 2018 behaal het. Hy verhandel egter steeds…

winston Churchill het dit dalk die beste gesê: “Moenie ’n goeie krisis verlore laat gaan nie”. Dalende markte toets ons, maar dit is ook ’n geleentheid vir ons om te leer. Ja, ’n stormende bulmark is gaaf. Baie gaaf. Jy word ryker en voel slim. Die klem hier is op die bulmark wat jou slim laat voel. ’n Mark wat blom, leer beleggers niks nie. Omtrent enigiets wat jy koop styg, jou vaardighede ten spyt en dikwels is enigiets wat jy wel leer, bloot ’n slegte gewoonte. Dis ’n slegte gewoonte om enige prys te betaal, waardasies ten spyt. Dan is daar die slegte gewoonte om swak gehalte te koop. Of die slegte gewoonte om jouself te veel bloot te stel aan individuele aandele of sektore. Alle lesse word skynbaar…

sterk bewyse bestaan dat beleggers wêreldwyd voorkeur aan hul tuismark gee. Dit word gereflekteer in hulle portefeuljebelange. Dié fenomeeen staan bekend as tuisvooroordeel en is al dekades lank ’n raaisel in akademiese literatuur. Ten spyte daarvan dat hindernisse in die pad van internasionale belegging toenemend uit die pad geruim word, bly die meeste beleggers oorbelê in hulle plaaslike mark. Daar is inderdaad praktiese redes waarom Suid-Afrikaanse beleggers nie in buitelandse aandele belê is nie (weens individuele beperkinge of aanspreeklikheidafparing, byvoorbeeld). Maar vir diegene wat kan, blyk die oorwegende bewyse aan te toon dat wêreldwye diversifikasie die moeite werd is. Opbrengs vir ’n onverskanste belegger Grafiek1 vergelyk reële opbrengste in rand en opbrengswisselvalligheid (as ’n instanervir risiko) oor 26 buitelandse markte heen. Dié geheel sluit in Australië, Oostenryk, België, Kanada, China,…

hierdie artikel probeer’n eenvoudige maar belangrike aspek van buitelandse diversifikasie aanpak. In die algemeen, is dit welbekend dat buitelandse beleggings voordelig is om risiko-aangepaste opbrengste te verbeter. Maar is dit die geldeenheid of die aandele wat dié beleggings die moeite werd maak? Selfs Amerikaanse beleggers kan voordeel trek uit buitelandse diversifikasie, al het hulle ’n breë en diep binnelandse ekwiteitsmark. Dus behoort dit in die algemeen nog meer die geval te wees in ons klein en vlak mark om ons aandeleblootstelling te vergroot en te diversifiseer. Maar soos Clifford Asness en ander (www.cfapubs.org in Mei-Junie 2011) duidelik verklaar, is diversifikasie goed op lang termyn maar “klonterig” op kort termyn. “Kritici van internasionale diversifikasie sê dat dit beleggers nie teen ineenstortings van die mark op kort termyn beskerm nie omdat markte…

Dit hang van beleggersdoelwitte af wat die toepaslikste internasionale toepassingstrategie is “Baie internasionale bateklasse is vandag vir beleggers beskikbaar, maar die vraag is steeds hoe om toewysing die beste toe te pas. Beleggers kan kies om dit passief of aktief te doen, met talle opsies aan albei kante beskikbaar. ’n Mengsel hiervan kan die belegger se reis aangenamer maak met die doel om die kans te vergroot om die gewenste uitkoms te behaal – terwyl ’n ogie op die koste gehou word. Dit beteken om aktiewe gelde te betaal waar die bateklas as minder doeltreffend beskou word en die styggeleenthede (of daalbeperking) groter is. Dit beteken dat beleggers aktief bestuurde aandele-, kleinkapitalisasie-, krediet-en alternatiewe strategieë behoort te ondersoek. Terselfdertyd kan passiewe boublokke op kernterreine, soos soewereine effekte van beleggingsgraad en…

Onoortreflike beleggingstoestande Afrika suid van die Sahara het die natuurlike bates om in sy energiebehoeftes te voorsien.Tog voorsien hernubare bronne tans in slegs 2% van die energievraag, terwyl meer as 53% van die bevolking nie toegang tot elektrisiteit het nie. Dit beteken daar is vele geleenthede in dié streek. Boonop sal die vraag teen 2030 na verwagting verdubbel en teen 2040 verdriedubbel, aldus die 2018-verslag van die Afrika-Energieforum (AEF). Dit is ook ’n lewensvatbare mark, met huishoudings wat gemiddeld 20% tot 25% van hul inkomste aan brandstofligmaakopsies (keroseen, byvoorbeeld) bestee – wat sowat $10 miljard per jaar is. Die grootskaalse benutting in lande soos Zimbabwe van sonkragopsies wat nie deel is van die kragnetwerk nie, dui op ’n gewilligheid om nuwe tegnologieë te koester, lui die verslag. Die vergelykende gebrek…

en van die moeilikste lesse om in die mark te leer, is dat dit oor verwagtinge gaan, nie die werklikheid nie. Selfs ná goeie resultate kan ’n aandeel swakker verhandel as die resultate nie aan verwagtinge voldoen het nie. Aan die ander kant kan ’n aandeel ná swak resultate hoër verhandel as hulle nie so swak was as wat die mark verwag het nie. Die belangrike aspek van die kwessie is om te weet wat die mark in die geheel verwag. Sommige aanlyn-makelaars bied toegang tot ontleders se konsensusvoorspellings, en dit gee ons ’n idee van wat van die resultate verwag word. Die maklikste manier om die situasie te meet, is dikwels om die beweging van die aandeelpryse eenvoudig dop te hou in die minute en ure nadat ’n aankondiging…

ek het al voorheen gesê, en ek sê dit weer: Niemand is beter in staat as Cyril Ramaphosa om die beleggingsdroogte te breek wat ons land die afgelope tyd geteister het nie. Dié voormalige sakeman het aan die begin van Februarie ’n baie positiewe staatsrede gelewer. Dit het die potensiaal om die weg te baan vir die heroplewing van ons stadige ekonomie wat sukkel om beleggings te lok wat groei aanmoedig. Ná nege jaar van korrupsie en ekonomiese agteruitgang onder die leiding van oudpresident Jacob Zuma, verskaf Ramaphosa die wat ontbreek nadat beleggers ons land die rug toegekeer het – dikwels met die opmerking dat hul klagtes oor beleidsonsekerheid op dowe ore val. Ramaphosa het in sy rede feite gegee wat daarop dui dat sy missie om oor die volgende…

moenie nou kyk nie, maar wêreldwyd het die sentiment in die mynboubedryf verander. Binne net ses maande het dit van groot verligting oor die vinnige herstel van hulpbronpryse verander in iets meer soos ’n “Wat nou?”-oomblik. Luidens ’n verslag deur Boston Consulting Group (BCG), ’n Amerikaanse konsultantmaatskappy, is marges en omset vir die sektor in die algemeen hoër, maar koste kruip ook weer hoër. Dit word weerspieël in die wyse waarop verskaffersmarkte verander het. Agterstande vir mynboutoerusting en myn-en boorkontrakteurs neem weertoe. Volgens BCG het kontrakteurs in 2017 ’n agterstand van 57 maande ondervind, teenoor slegs 34 maande ’n jaar tevore. “Dié tendense is ’n aanduiding dat koste nog verder kan styg,” sê BCG in ’n onlangse verslag getitel Return to Strategy. Daar was ook ’n afname in vraag, terwyl…

kumba Iron Ore, ’n filiaal van die internasionale mynmaatskappy Anglo American, produseer ystererts in Suid-Afrika by die Sishen-en Kolomela-myn in die Noord-Kaap. Kumba voer ystererts uit na kliënte wat China, Japan, Korea en lande in Europa en die Midde-Ooste insluit. Vooruitsigte: Kumba se aandeelprys het ’n algehele ommekeer gedoen van waar hy tussen 2008 en 2013 op ’n allerhoogtepunt van 61 995 sent per aandeel verhandel het (vanaf ’n laagtepunt van 10 255 sent per aandeel).Toe sak hy heeltemal terug en toets in Januarie 2016 sy laagste punt van alle tye op 2 415 sent – ’n terugsakking wat deur sy prysing van die grondstof meegebring is. Kumba reik sy resultate vir die jaar tot einde Desember na verwagting op, of rondom 19 Februarie uit. Wat die grafieke sê: Nadat…

toe die raadgewende komitee vergader het om voorstelle vir dié uitgawe oor wêreldwye belegging te hersien, het die groep gesamentlik geKREUN. Dit is nie dikwels dat ons meen dat die bedryf ’n ernstige wekroep nodig het nie – maar dié was een van daardie kere. Wat het ons so die hoenders in gemaak? Vir so lank as wat ek in Suid-Afrika is, nou op pad na 27 jaar toe, het dit gelyk asof die enkelvoudige fokus van beleggers was om so veel van hul beleggings uit Suid-Afrika uit en in die wêreldmarkte te kry. Die rand was na bewering in net een rigting op pad – afwaarts. Die strydkreet was dus: “As jy ’n manier kan kry om jou geld uit die land uit te kry, doen dit.” Dié siening…

jy het seker al die statistiek gehoor dat Suid-Afrika se bruto binnelandse produk (BBP) minder as 1% tot dié van die wêreld bydra. Dit beteken dat daar baie meer groei, groter markte en ’n diversiteit van bedrywe elders is. Gevolglik het Suid-Afrikaners wêreldblootstelling in hulle portefeuljes nodig. Om al jou bates plaaslik te hou, diskwalifiseer jou van ’n oorvloed van goeie beleggingsgeleenthede in die buiteland en ongekorreleerde opbrengste. Om te weet dat jy wêreldwyd moet belê, en dit in jou portefeulje te realiseer, benodig ’n mate van vlyt. Eerstens moet jy verstaan wat jou huidige portefeuljeposisionering is. Gekombineerd met jou unieke finansiële vereistes sal dit jou help om te verstaan hoeveel en waar om te belê. ’n Goeie beginpunt is om jou persoonlike balansstaat te bestudeer. Kyk na al jou…

suid-Afrikaners wat in die bymekaarmaakfase van hul beleggingsiklus is, belê in bates wat reële groei sal verskaf. Vir beleggers in aftreefondse bestaan dié groeibates hoofsaaklik uit plaaslike aandele, aangesien Regulasie 28 hulle tot hoogstens 30% in buitelandse bates beperk. Omdat die bewaring en uitbou van hul bates deels op die beskerming van hul reële koopkrag berus, moet dié beleggers terselfdertyd rekening hou met die relatiewe koopkrag van die rand en die inflasionêre uitwerking wat die geldeenheid se devaluasie kan hê. Anders gestel: mens moet jou welvaart deur middel van ’n sterk geldeenheid probeer beskerm en uitbou. In 2018 was dit uiters moeilik om dié doelwit te bereik. Die rand het byna 14% van sy waarde teenoor die dollar verloor. Dit, tesame met die powere vertoning van plaaslike aandele in sy…

om ’n goeie begrip te hê van ’n sekuriteit se prystendens is baie belangrik, omdat dit jou help om te bepaal wanneer om sekuriteite te koop en te verkoop. Dit help jou dus om moontlike in-en uitgangspunte in die prystendens van die sekuriteit wat jy verhandel, te identifiseer. Dit help, maar handelaars moet hulself beskerm teen verliese wat hulle kan ly as hulle verkeerd besluit. Dit is waar risikobestuur inkom. Daar is talle ingewikkelde reëls met risikobestuur. Ons fokus eers op die basiese reëls om ’n grondslag te lê waarop ons kan bou. 1. Handel volgens die tendens In my vorige rubriek vir die uitgawe van 7 Februarie, het ek geskryf oor hoe om die tendens te identifiseer – en hoekom jy nooit stroom-op daarteen moet verhandel nie. Om kortliks…

Met dié dat Netflix, Amazon Prime en ander internetstroommaatskappye internetinhoud bied, is dit geen maklike taak vir MultiChoice om sy bestaande intekenaarbasis te beskerm nie, laat staan nog om te probeer om kapitaalgroei aan aandeelhouers te bied. multiChoice Group (MCG) sal teen einde vandeesmaand uit die Naspers*-stal ontknoop word, en Naspersaandeelhouers sal een MultiChoice-aandeel ontvang virelke Naspers N-aandeel wat gehou word. MultiChoice sal vanaf Maandag 4 Maart as ’n alleenstaande eenheid bedryf word. Sy eie aandeelprys sal bepaal word deurdie menings van sy aandeelhouers van sy vooruitsigte oral in Afrika. Bespiegeling oor MCG se sakemodel, kontantskepping en vooruitsigte het in die aanloop tot die ontknoping gelei tot wyduiteenlopende menings oor teikenpryse vir die koop of verkoop van die aandeel nadat die verhandeling daarvan begin het. Naspers se rede om MCG…

die konsep van ’n vloeibare werksomgewing is revolusionêr. Dit lei tot nuwe besigheidsmodelle, waar maatskappye rondom netwerke, spanne of gemeenskappe ontwerp word, eerder as rondom verslagdoening. Die tradisionele hiërargie – en selfs plat bestuursmodelle – word stelselmatig vervang met “sagte strukture” wat ratser is. Om werk toe te gaan, beteken nou nie meer dat jy na ’n spesifieke plek moet reis om daar teenwoordig te wees nie. Janine Nel, Deloitte se leier van organisasietransformasie en talent, sê hulle neem drie diep geïntegreerde dimensies in aanmerking as hulle oordie toekoms van werk praat: ■ Die werk – hoe dit veranderom nuwe besigheidsdoelwitte te bereiken hoe verskillende vaardighede en vermoëns nodig is om aan te pas by outomatisering. ■ Die arbeidsmag – die mense wat die werkverrig soos wat dit veranderen hoe…