Finweek - Afrikaans 21-feb-19

’n Paar dae ná die versigtig jubelende reaksie op president Cyril Ramaphosa se hantering van die staatsrede is Suid-Afrikaners weer wreed herinner aan die geweldige probleme wat die land ondervind toe fase 4-beurtkrag ingestel is. In ’n verslag wat intussen uitgereik is, sê die kredietgraderingsagentskap Moody’s Investors Service dat Eskom se reserwemarge tot minstens die middel van die 2020-dekade beperk sal bly. Is daar enige goeie nuus? Dalk net. Die land is tans afhanklik van Eskom, waarvan die opwekkingbates 88% van die land se geïnstalleerde vermoë verteenwoordig, sê Moody’s, en sal selfs ná herstruktering van die sektor van Eskom afhanklik bly. Moody’s het egter gesê dat Eskom se batebasis teen 2030 tot 50% van die geïnstalleerde vermoë sal krimp. “Dié tendens kan verlangsaam as Eskom ’n rol in die ontwikkeling…

kom ons aanvaar dat Katlego R8 000 per maand verdien en R1 000 aan klere bestee. Katlego is dol op mode. Dit bied haar die geleentheid om uitdrukkking aan haarself te gee en is ’n vereiste vir haar werk as ontvangsdame. Dit is ook ’n teken vir ’n toekomstige lewensmaat dat sy opwaarts sosiaal beweeglik is. Sy wil ’n beter lewe hê as wat haar ouers gehad het. Wat kan die regering doen om Katlego se strewe ’n werklikheid te maak? Daar is baie opsies. Verminder BTW en inkomstebelasting – hoewel dit nie eintlik baie saak sal maak nie. Gryp in deur beter infrastruktuur op te rig: verminder miskien die koste van Katlego se treinkaartjies werk toe, of verbeter eenvoudig die doeltreffendheid van treine en verseker so dat hulle betyds…

ek het al voorheen gesê, en ek sê dit weer: Niemand is beter in staat as Cyril Ramaphosa om die beleggingsdroogte te breek wat ons land die afgelope tyd geteister het nie. Dié voormalige sakeman het aan die begin van Februarie ’n baie positiewe staatsrede gelewer. Dit het die potensiaal om die weg te baan vir die heroplewing van ons stadige ekonomie wat sukkel om beleggings te lok wat groei aanmoedig. Ná nege jaar van korrupsie en ekonomiese agteruitgang onder die leiding van oudpresident Jacob Zuma, verskaf Ramaphosa die wat ontbreek nadat beleggers ons land die rug toegekeer het – dikwels met die opmerking dat hul klagtes oor beleidsonsekerheid op dowe ore val. Ramaphosa het in sy rede feite gegee wat daarop dui dat sy missie om oor die volgende…

“DIT LYK ASOF DAAR NIE DUIDELIK IS OOR DIE KWESSIES WAT HULLE PROBEER OPLOS NIE.” – John Lewis, besturende direkteur van Aggreko, ’n tussentydse kragvoorsiener vir groot geleenthede, in ’n artikel in Business Day. “Ongelukkig, wanneer dinge verkeerd gaan, is dit waar ons inpas,” het hy aan die koerant gesê. Volgens hom praat hulle met Eskom om vas te stel “hoe en waar ons met ’n tydelike oplossing kan help”. “NIKS KAN AS VANSELFSPREKEND AANVAAR WORD NIE.” – Sizwe Pamla, woordvoerder vir Cosatu, in ’n artikel op mg.co.za, ná die vakbondfederasie se opmerking dat sy besluit om die ANC in vanjaar se verkiesing te ondersteun, hersien kan word. “Op grondvlak het geesdrif vir ANC-politiek verflou,” het Pamla gesê. Dit tydens die vakverbond se voorbereidings om landwyd te staak uit protes…

vordering in Suid-Afrika se mynbouregulasies en beleid word deur almal erken. En dit was veral die geval by vanjaar se mynbou-indaba-konferensie in Kaapstad – wat beklemtoon is deur president Cyril Ramaphosa se bywoning by die geleentheid. Sy toespraak by die konferensie was ’n boodskap van reiniging en bevryding in die bedryf. Byvoorbeeld, die “erfsonde” van kolonialisme – dit wil sê die historiese diefstal van grond – is in gelyke mate getakel as die kwessie van die vervolging van diegene wat betrokke is by staatskaping. Hy het hom beskikbaar gestel om vrae te beantwoord. Interessant genoeg is een van hulle gevra deur niemand anders nie as MarkCutifani, uitvoerende hoof van Anglo American. Dit is nie dikwels dat gesprekke tussen leiers en senior politici geopenbaar word nie, selfs al het dié ontmoeting…

moenie nou kyk nie, maar wêreldwyd het die sentiment in die mynboubedryf verander. Binne net ses maande het dit van groot verligting oor die vinnige herstel van hulpbronpryse verander in iets meer soos ’n “Wat nou?”-oomblik. Luidens ’n verslag deur Boston Consulting Group (BCG), ’n Amerikaanse konsultantmaatskappy, is marges en omset vir die sektor in die algemeen hoër, maar koste kruip ook weer hoër. Dit word weerspieël in die wyse waarop verskaffersmarkte verander het. Agterstande vir mynboutoerusting en myn-en boorkontrakteurs neem weertoe. Volgens BCG het kontrakteurs in 2017 ’n agterstand van 57 maande ondervind, teenoor slegs 34 maande ’n jaar tevore. “Dié tendense is ’n aanduiding dat koste nog verder kan styg,” sê BCG in ’n onlangse verslag getitel Return to Strategy. Daar was ook ’n afname in vraag, terwyl…