Indholdsfortegnelse for September/October 2023 i Idees

‘Tranquilla, signora! Sta tranquilla per favore,’ pleit die gawe spoorwegman toe ek uit pure frustrasie in trane uitbars. Maar dis halfvier die middag op die Milaan Sentraal-stasie en ek sukkel al van seweuur die oggend af om my seun, Anton, by die lughawe te kry en terug in Sanremo te kom voordat die laaste bus om 18.40 berg-op huis toe vertrek. Teen dié tyd het ek elke moontlike aansluiting gemis en die app weier om my (vrek duur) kaartjies te verander of terug te betaal. Nou is die treine boonop vol weens die chaos op die stasie en een kondukteur ná die ander sê bloot daar is nie meer plek nie. So toe dié stomme man my in ’n ander rigting probeer stuur as waarheen ek op pad was, het…

AL FRESCO ONDER DIE PRIEEL Hoekom nie jou eie prieel bou nie? Maak klippe uit die omgewing bymekaar, gebruik growwe ou planke vir die balke, en plant ’n mooi rankplant om oor te groei vir die nodige skaduwee. Bougainvillea, druiwestok en bloureën (wisteria) is almal plante wat lekker vinnig sal groei. Hang glasflesse aan tou uit die balke en sit ’n kersie in elk vir lig saans. ’n Lang tafel en bankies van rou hout sal sorg vir genoeg kuierplek in die somer. Maak vir die bankies kussings met toutjies sodat dit stewig vasgemaak kan word. En terwyl jy nou besig is, bou sommer ook ’n pizza-oond naby die prieel vir pizza-aande. PLAASSTOEP-KUIERS Die ou Karoo-boustyl – altyd met ’n stoep voor of agter, of sommer reg rondom – is…

selfdoen MOEILIKHEIDSGRAAD: medium tot moeilik TYD: 5-6 dae JY BENODIG MATERIAAL ♥ hout (in dié geval SA dennehout): – 4 × 1 400 × 119 × 45 (dele A) – 4 × 845 × 100 × 45 (dele B) – 4 × 474 × 76 × 45 (dele C) – 5 × 1 242 × 75 × 35 (dele D) – 1 × 1 150 × 76 × 45 (deel E) – 2 × 1 094 × 76 × 35 (dele F en G) – 1 × 1 150 × 76 × 20 (deel H) – 2 × 330 × 46 × 20 (dele I) – 2 × 330 × 70 × 20 (dele J) – 2 × 280 × 145 × 20 (dele K) – 2 × 325 ×…

GESTENSILDE STOEP projek DALA WATTS TYD: naweekprojek (hang af van hoe groot jou stoep is) MOEILIKHEIDSGRAAD: gemiddeld (geduld hier nodig!) JY BENODIG ♥ stensil van jou keuse ♥ geskikte vloerverf ♥ spons of kwas ♥ maskeerband ♥ poli-uretaanseëlaar SO MAAK JY 1 Koop die grootste stensil wat jy kan kry – dit sal jou werk effe makliker maak. Maak seker jou vloer is silwerskoon voordat jy begin stensil. Vee dit deeglik uit, was dit en laat dit droog word. Begin in ’n hoek en werk stelselmatig van links na regs sodat jy nie die nat verf smeer nie. 2 Plak jou stensil met maskeerband vas, gebruik ’n geskikte verf vir vloere en ’n spons of kwas om mee te stensil. Maak seker jy gebruik nie te veel verf op een…

idees-klasse patrone MOEILIKHEIDSGRAAD: gemiddeld, as jy macramé kan doen Tyd: ’n week JY BENODIG ♥ 400 m van 4 mm- of 5 mm-katoenkoord ♥ houtplank vir die swaaisitplek ♥ 4 groot houtkrale SO MAAK JY (Maak twee toue) 1 Vir elke tou, meet 16 × koorde van 12,5 m lank. Kry die middel van jou koorde en hou dit bymekaar deur ’n ekstra stukkie tou om die 16 koorde te bind. 2 Neem een koord aan die regterkant en een koord aan die linkerkant en begin met die maak van ’n platknoop. Neem een koord van die linkerkant en lê dit oor die ander 14 ankerkoorde. Neem die linkerwerkkoord en lê dit oor die 14 vullerkoorde en dan onder die regterwerkkoord deur. 3 Neem die regterwerkkoord en gaan dan onder sowel…

JOODSE VLATERT Hierdie onweerstaanbare tert is nie regtig Joods nie, maar deel van die Afrikaanse kultuur. Dis perfek vir teetyd: lae sygladde vla met die heerlikste gebakte kors tussenin. Genoeg vir: 8-10 Bereidingstyd: 45 minute, plus yskastyd Baktyd: omtrent 20 minute Oondtemperatuur: 180 ºC VLA ♥ 120 g (125 ml) suiker ♥ 2 groot eiers ♥ 30 ml koekmeel ♥ 400 ml melk ♥ 50 g koue botter of bakmargarien, in blokkies gesny ♥ 5 ml vanieljegeursel KORS ♥ 50 g botter of bakmargarien, saggemaak ♥ 45 g (50 ml) suiker ♥ 3 groot eiers ♥ 85 g (160 ml) koekmeel ♥ 10 ml bakpoeier 1 Maak eers die vla omdat dit ’n paar uur in die yskas moet rus. Klits die suiker en eiers saam tot lig en skuimerig.…

Op my elfde verjaardag het my ouers vir my ’n Handwoordeboek van die Afrikaanse Taal gegee. Die frons op my voorkop het ’n paar dae bly vassteek; veral toe my klasmaats koggel: ‘Jy het ’n wát gekry? O, ’n HAT.’ Maar 41 jaar later gebruik ek dit steeds: Nou met nostalgie, want my ma is oorlede en my pa erg bejaard. Skuif ek my vinger oor die dun blaadjies die inkkolomme langs na ‘nostalgie s.nw. Heimwee, verlange [G. nostos terugkeer na tuiste]’, vermoed ek as die opstellers aan dié inskrywing wou skaaf, kon hulle byvoeg: soos Bathoni Robinson. Haar werk as stilis, kunsregisseur en produksieontwerper is so deel van ons leefkamers soos Mrs. Balls of Ouma Beskuit in ons kombuise. Van Griekwastad, Stiekyt en The Ellen Pakkies Story tot Modder…

handwerk SKEP DIE PRENTJIE Maak mooi blomme, loof, vintage- botaniese illustrasies, afgewitte hout en tuinskêre bymekaar, voeg spatsels ligpienk by en kry jou groen vingers reg om in dié intieme vertikale tuin te woel. Probeer jou eie saadpakkies of koeverte maak met vintageillustrasies van blomme. Nog ’n slim idee is om plantnaamkaartjies te maak van lugdroogklei. Onthou om dit te vernis om dit te beskerm. LA BOTANIQUE DE NOODSAAKLIKE DINGE OM TE BEGIN * Die ideale werkbank met bêre-, werk- en uitstalplek. (Selfs al is jou werktafel nie aan die elemente blootgestel nie, is dit ’n goeie idee om dit met ’n houtseëlmiddel te behandel om dit vir jare te laat hou.) * ’n Plek om jou gereedskap op te hang – ons het sterk tou en stortgordynhake vir ons…

handwerk MESSEBLOK Vinnig, anders, prakties … al wat jy nodig het, is ’n hoë, reghoekige vintage-blik en baie houtsosatiestokkies, soveel as wat nodig is om die blik vol te maak. Steek net die messe in – en siedaar! MAGNEETBORD Daardie magnetiese letters wat die kinders ontgroei het, kan vir jou kantoor herbenut word. JY BENODIG ♥ magnetiese alfabetletters ♥ metaalskinkbord ♥ spuitverf in die kleur van jou keuse ♥ koerantpapier SO MAAK JY Sit die magnetiese letters op koerantpapier neer en spuitverf dit van bo af en aan die kante. Laat dit heeltemal droog word. Monteer ’n metaalskinkbord teen die muur van jou werkruimte en daar het jy dit – ’n magnetiese kennisgewingbord. BOKSRAKKIES Ou lyfbande en boksies kan slim omskep word in oulike uitstalbêreplek. JY BENODIG ♥ klein houtboksies…

Tyd: 2 dae (sluit verhardingstyd in) MOEILIKHEIDSGRAAD: gemiddeld JY BENODIG ♥ groot, plat ronde plastiekhouer vir die tafelblad ♥ bestaande tafelpootjies ♥ plastiekblomme ♥ harsmengsel ♥ roomysstokkies ♥ plastiekbakkie LET WEL: Jy gaan twee keer hars meng, een vir die basis waarin jou blomme vasgesit gaan word en die tweede keer wanneer jy die vorm vol giet. Ons het vir die nuwe tafelblad ’n plat ronde vorm gebruik soos wat gewoonlik onder potplante kom. Maak seker dis van plastiek. Sny jou plastiekblomme en rangskik dit soos jy wil hê dit moet lyk wanneer jou tafeltjie klaar is. Neem ’n foto as verwysing en verwyder die blomme. Meng nou jou twee dele hars volgens die aanwysings – jy werk op ’n derde teenoor twee derdes. Meng net genoeg om ’n laag…

jou lewe WAT HELP VLERKE AS JY NIE DIE MOED HET OM TE VLIEG NIE? -ATTICUS FINCH Vir my proe medemenslikheid deesdae soos ’n gekookte groenmielie met botter en sout. Dis ’n koesterende lekkerte wat in straaltjies teen my ken afdrup. Dis hoe ek voel elke keer as Christina vir my ’n Shoprite-sakkie mielies uit haar tuin bring. Sy deel uit haar armoede. Net omdat ek haar een keer in die reën ’n saamrygeleentheid gegee het. Ek lees onlangs van The Kindness Revolution wat Hugh Mackay tydens die pandemie gepubliseer het. Ons het so ’n revolusie nodig te midde van korrupsie, misdaad, slaggate in paaie en beurtkrag. Goedheid. Gunste. Geliefdheid. Op sosiale media vertel mense my hulle het agtergekom dat hulle in die laaste tyd instinktief meer vir ander doen.…

♥ lugdroogklei ♥ dekoratiewe item (om patrone in die klei te druk) ♥ houtbord ♥ koekroller ♥ sosatiestokkies ♥ plastieksak Begin deur die hele blok lugdroogklei op jou houtbord uit te rol tot omtrent 0,5 cm dik. Gebruik die skerp punt van ’n sosatiestokkie om die vorm van die agterste deel van jou vaas op die uitgerolde klei te teken. Teken ook die deel wat die planthouer aan die voorkant gaan vorm. Sny die dele met die sosatiestokkie uit. Gebruik jou dekoratiewe item om die vaasdele te versier. Ons het ’n vintagehandvatsel gebruik om die houerdeel te versier en van die afgesnyde klei om mooi rande te vorm. WENK: Voor jy enige dele heg, maak eers ’n paar krapmerke op albei oppervlakke en vryf ’n bietjie water oor. Heg die…

GESTIKTE BLOMVASE Stik jou eie blomvase van papier. Kies een van ons vaasprente op bladsy 58-59 en maak twee kleurfotostate van dieselfde vaas op wit papier. Knip indien nodig die velle kleiner om rondom ’n gewone glasbottel of -vaas te pas. Sit die twee velle op mekaar met die skoon kante teen mekaar en stik die sykante toe met masjiengare in die kleur van jou keuse. Plaas die papiervaas eenvoudig bo-oor jou glasbottel of -vaas gevul met water, sit ’n blom of twee daarin en jy het ’n unieke blommerangskikking. PAPIERBLOMME Hierdie papierblomme is die maklikste en goedkoopste manier om blomme op jou tafel te sit. Kopieer die blomme op die oorkantste bladsy op wit papier, rol dit losweg op en sit dit in ’n klein drinkglas of vaas. RANGSKIK…

idees-klasse Tyd: 3 dae (droogtyd ingesluit) MOEILIKHEIDSGRAAD: gemiddeld LET WEL: Ons het servette vir die projek gebruik. Die découpage-tegniek is anders as wanneer jy met papier werk. JY BENODIG ♥ houtbankie ♥ mooi papierservette ♥ krytverf (ons het Tjhoko in die kleure Asgat en Cloud White gebruik) ♥ modge podge ♥ kwaste ♥ handwerkmes of skerp skêrtjie ♥ skuurpapier ♥ waspapier Voor jy met die découpage-werk begin, verf die bankie met die Asgatgroen en laat dit droog word. Verf dit dan met twee lae Cloud White-verf en laat dit weer droog word. Gebruik nou lekker growwe skuurpapier en begin die bankie hier en daar af te skuur, veral aan die hoeke en rande, sodat die groen verf begin wys. Verweer die verf so tot jy tevrede is. Maak jou oppervlak…

kos & onthaal DIT IS VEELSYDIG, EKONOMIES EN SMAAKLIK – G’N WONDER PASTA BLY EEN VAN DIE GEWILDSTE MAALTYE TER WÊRELD NIE. MOSSELS IN’N PREI-EN-WITWYNSOUS Hierdie is ’n heerlik delikate seekosgereg wat vinnig en maklik is om te maak – net wat jy nodig het vir onthaal. Genoeg vir: 4 Bereidingstyd: 20 minute Gaarmaaktyd: sowat 30 minute ♥ 400 g spaghetti of lang, dun pasta van jou keuse ♥ 60 ml olyfolie ♥ 4 preie, fyngesny ♥ 2 selderystele, gekap ♥ 3 knoffelhuisies, fyngekap ♥ 800 g-1 kg vars mossels of bevrore mossels in halwe skulpe ♥ 250 ml droë witwyn ♥ 10 ml gerasperde suurlemoenskil ♥ 30 ml vars suurlemoensap ♥ ’n hand vol vars Italiaanse pietersielie, grofgekap ♥ 125 ml room 1 Kook die pasta tot al dente…

‘So dom soos grond.’ Wié op hierdie aarde het so ’n onnosele, minagtende gesegde bedink? Van die dae wat ons modderkoekies gebak (en geëet) het tot die dag dat ons terugkeer na die grond (stof is jy …), is die mens se fisieke en psigiese welstand ten nouste verweef en vervleg met grond. Ongelukkig het die mensdom, soos ons meer ‘gesofistikeerd’ geraak het, Moeder Natuur al hoe meer verwoes, so erg dat daar die laaste klompie jare ’n duidelike besef posgevat het dat ons voortbestaan in groot mate daarvan afhang of ons die grond kan laat herleef. Dit het gelei tot die wêreldwye tendens van Dirt-y Wellness, volgens ’n verslag van die Global Wellness-beraad (GWS) verlede jaar. Grond. Daardie polsende ekosisteem van mikrobiome: Meer as 90 persent van alle organismes…