Indholdsfortegnelse for 08 May 2015 i Landbouweekblad

SA NIE NET ’N GEMORS Nie almal sien Suid-Afrika as ’n “gemors” of “gevaar” nie. Mnr. Lloyd Blankfein, die baas van die New Yorkse beleggingsbank Goldman Sachs, is optimisties en sê die land is op lang termyn uiters suksesvol en vaar beter as talle ander lande. Hy erken Suid-Afrika se probleme, maar wys dat ander lande dieselfde probleme het, of erger. Hy’t egter reguit gesê ’n land met ’n ekonomie so sterk en goed ontwikkel, soos dié van Suid-Afrika, móét ononderbroke kragvoorsiening hê. Beleggers gaan nie maatskappye begin of besighede bou as die krag so onvoorspelbaar is nie.” – Moneyweb Today BELARUS HELP GEORGIË Terwyl 22 Suid-Afrikaanse boere reg staan om saam met die TLU SA boerderymoontlikhede in Georgië te gaan ondersoek, het pres. Alexander Lukashenko van Belarus aan pres.…

Dis die droogste somer in die Swartland in 55 jaar. Dís die gevolgtrekking waartoe Kobus du Plessis van Wesgraan op Malmesbury gekom het ná hy ’n plaaslike boer se reënvalsyfers, wat tot 1959 strek, ontleed het. G’n wonder daar’s ’n sweempie mismoedigheid te bespeur onder Swartlandse saaiboere soos hulle stadigaan aan die gang kom met die plant van kanola en medics nie. Want hier in die vlak, klipperige grond van die Wes-Kaap lyk dinge vir buitestanders ná ’n gewone somer maar erg. Om nie te praat van ’n somer soos die pas afgelope een waartydens die hoogste temperature in honderd jaar aangeteken is nie. Dis nie net die reën wat boere pla nie. In die Wes-Kaap is daar geen wegkomkans van koring nie, al is die prys hoe teleurstellend. Wisselbou-opsies…

Uit: Die Landbouweekblad, 11 Mei 1965 MAAK SELF OLYWE IN Olywe kan maklik tuis ingemaak word, al is dit ’n bietjie tydsaam, skryf Rina van der Merwe in haar kosrubriek. Groen en ryp olywe word op dieselfde manier bewerk. Baie mense verkies die neutagtige geur van die swart of ryp olywe bo die vrank smaak van die groenes. Soek die beste olywe uit, was dit en plaas dit in ’n houer van emalje of erd. Vul die houer dan met ’n oplossing van 2 onse (1 ons = 28 gram) bytsoda op ’n gelling (1 gelling = 3,8 liter) water. Hou die houer toe en sorg dat ál die olywe met die vloeistof bedek is, anders verkleur dit. Laat lê die olywe 12 tot 24 uur in die oplossing, na…

DIE onwettige handel in sigarette in Suid-Afrika het sedert 2010 die belastingkoffers van die land van sowat R22 miljard beroof. Die Tabakinstituut van Suider-Afrika (Tisa) het die Parlement se portefeuljekomitee van handel en nywerheid ingelig oor die groot verliese wat die handel in onwettige sigarette meebring, asook die gevolge wat sigaretpakkies sonder die handelsmerk kan bring. Volgens Tisa is sowat ’n kwart van die sigaretmark in die hande van onwettige handel. Bewerings het ook aan die lig gekom dat wettige sigaretvervaardigers sigarette aan die wettige én onwettige mark lewer. Mnr. Francois van der Merwe, uitvoerende hoof van Tisa, sê die stryd teen onwettige handel behoort ’n voorrangsaak vir die Regering te word en dat ’n toegewyde taakspan wat op tabak fokus, op die been gebring moet word. Hy het ook…

DIE JSE het pas die mielie-liggingsdifferensiale vir die komende bemarkingsjaar, van Mei vanjaar tot April 2016, afgekondig. Mnr. Wessel Lemmer, senior ekonoom van Graan SA, sê die nuwe differensiale is gemiddeld sowat 4% laer as die vorige jaar s’n. Die grootste styging was 8% vir die Oranjerivier-leweringspunt en die grootste daling 18,5% vir die Rustenburg-silo. Hy verduidelik dat die differensiale vir die verskillende punte nie elke jaar in dieselfde mate verander nie omdat dit op elke leweringspunt se spoor- en pad-uitlaaipersentasies gegrond is. Veranderinge in die verhouding tussen pad- en spoorvervoer verklaar die wisseling in aanpassings. Die liggingsdifferensiaalstelsel by steeds ’n omstrede en gevoelige kwessie onder graanboere. Hy wys daarop dat die variasie tussen die nuwe jaar se differensiale heelwat laer is as 2014/’15 se onderlinge variasie. Die liggingsdifferensiaal-stelsel bly…

Oorbemesting berokken boere in die sentrale somersaaigebied deesdae groot skade, meen mnr. Cobus Burger (bo), grondkundige van die konsultasiediens SGS NviroCrop. Die rede is dat die loging van voedingstowwe in opeenvolgende droë seisoene drasties afgeneem het en die opbou van voedingstowwe in die grond eerder aan die orde van die dag was. Cobus meen baie boere behoort hul stikstofbemesting met tot 30% in te kort om te voorkom dat hulle in die komende groeityd in droogtestremming onnodige opbrengsverliese ly. Sy waarneming is dat stikstofvlakke in saaigrond in dié dele die laaste vier jaar drasties gestyg het, wat sowel plantfisiologiese as voedingsprobleme veroorsaak. Oormatige stikstofbemesting veroorsaak swakker wortelontwikkeling aan die begin van die groeityd omdat die ander plantdele te welig groei, sê hy. Die sterker vegetatiewe groei en meer spruite geskied…

Uit die Internasionale Monetêre Fonds (IMF) se jaarlikse oorsig oor die wêreldekonomie en die belangrikste verwagtinge vir die volgende paar jaar blyk dit die wêreld se ontwikkelde ekonomieë sal stadig herstel, maar internasionale kommoditeitspryse gaan nog vir ’n jaar of drie laag bly. Dit geld landboukommoditeite (“sagte” kommoditeite), “harde” kommoditeite (soos minerale en steenkool), asook energieprodukte. Die dalende kommoditeitspryse bring mee dat van die Westerse ekonomieë, veral Europa, tans met deflasie te make het. Dit is die omgekeerde van inflasie en dié neiging hou ook aansienlike gevare in. Dit is ’n stand in die ekonomie waar pryse bly daal en dus negatiewe inflasie meebring. Dit beteken byvoorbeeld dat batepryse en landbouprodukpryse bly daal en daar geen salarisverhogings vir verbruikers is nie. Vir ’n besigheid beteken dit jy verkoop dieselfde volume…

’n Ekspo waar net die beste Afrikanerbeeste, embrio’s en semen aangebied gaan word, word deur die Afrikaner-beestelersgenootskap vir Mei volgende jaar beplan. Die tema is: Die Afrikaner vir Afrika en die Wêreld. Dr. Pieter de Kock, voorsitter van die genootskap, sê die Landbounavorsingsraad het die genootskap genader nadat navorsingsresultate bekend gemaak is wat op die wenslikheid dui om die Afrikanerkoei as basisteelmateriaal in ’n kruisteelprogram te gebruik. As inheemse ras het die Afrikaner oor die laaste 20 jaar die grootste vordering ten opsigte van koeidoeltreffendheid gemaak vergeleke met al die ander inheemse rasse en word as die ideale moederlyn beskou. Dit is danksy dié ras se veldvleispotensiaal en sy sagte, sappige, smaaklike vleis, sy siekte- en bosluisweerstand, en hitteverdraagsaamheid in ’n wêreld wat onder aardverwarming gebuk gaan, asook raamkonfigurasie (dit…

Drie jaar gelede was gholf mnr. Kobus Pieters (27) se loopbaan. Nee, hy’t nie soos Tiger Woods en Ernie Els gespeel nie. “As ek op daai vlak gespeel het, het ek nou nog stokke geswaai.” Hy was die klub-pro (beroepspeler) by die Umhlali-gholfklub in Ballito aan die kus van KwaZulu-Natal. Hy was nie ongelukkig in Ballito nie en het sy werk geniet, maar die wete dat hy waarskynlik die res van sy lewe vir ’n komitee sou werk, wou nie lekker in sy gemoed lê nie. Toe sy pa hom die dag bel en vra of hy ’n vulstasie in Hazyview wil kom bestuur, was dit maklik om ’n besluit te neem. Kobus het in Hazyview grootgeword waar sy pa die vulstasie besit. Hy het dadelik besef dit is ’n…

VANAF R33 805 p.p. Sien van die wêreld se beste plaastegnologie, praat met van die wêreld se beste boere en navorsers én stap in die voetspore van Christus! Vanaf net R33 805 per persoon wat deel. Alles ingesluit! DAG 1 (30 AUG.) Land op die Ben Gurion-lughawe. Reis noordwaarts na Nasaret, waar Jesus grootgeword het. Besoek die Kerk van Verkondiging (Church of Annunciation) waar die maagd Maria die engel Gabriël ontmoet het. Reis daarna na Kana waar Jesus sy eerste wonderwerk verrig het toe hy water in wyn verander het. Na ’n St. Peter-vis-middagete, word Kapernaum besoek, van waar Jesus sy Galilese bediening gedoen het. Stap op die Berg van Saligheid (Mount of Beatitudes), waar Jesus sy bergrede gelewer het. Geniet aandete en oornag in die Restal-hotel in Tiberius (www.restal.co.il).…

In die biologie word die ambag van steel kleptobiose genoem. Dit is ’n vorm van parasitisme, waar die slagoffer van dieselfde soort is, of ’n nabye verwantskap met die slagoffer toon. Wat energie betref (die “geld” van die natuur), beteken dit die steler wen ten koste van die besteelde, wat verloor. Dit beteken ook die besteelde gaan hom heel logies verweer teen enige verliese weens diefstal. Dié verskynsel kom die algemeenste voor by diere wat energievoorraad, soos voedsel, bymekaarmaak en opberg. Dit geld by uitstek die sosiale insekte, soos bye en miere. By die bye vind ons heel algemeen kansvatters wat by ’n ander nes probeer inglip en heuning steel, pleks daarvan om die tien maal moeisamer roete te volg van self nektaar versamel. Daar is byeswerms wat selfs daarin…

BLOKKIESRAAISEL DWARS 7 Eweredig (13) 8 Snykant (4) 9 Wanneer die son gesak het (8) 10 Raaiselagtige mens (6) 11 Kropgeswel (6) 13 Nie ’n slagos nie (6) 15 Hy soek wilde diere as prooi (6) 16 Soort lemur (8) 18 Op die rug dra (4) 19 Myt (13) AF 1 Stroomomsetter (13) 2 Eerste kunsmatige satelliet (8) 3 Beslissende wending in ernstige saak (6) 4 Boarmspier (6) 5 Beengewrig (4) 6 Tjienkerientjee (13) 12 Drankie wat moegheid verdryf (8) 14 Lenige (6) 15 Re Japan (6) 17 In ’n groot mate (4) OPLOSSING DWARS: 7. Proporsioneel; 8. Snee; 9. Skemerte; 10. Sfinks; 1 1. Struma; 13. Trekos; 15. Jagter; 16. Baardaap; 18. Abba; 19. Rooispinnekop. AF: 1. Transformator; 2. Spoetnik; 3. Gruwel; 4. Biseps; 5. Knie; 6. Septemberblom; 12.…

GREYTON EN GENADENDAL CLASSICS FOR ALL-MUSIEKFEES Dié gewilde musiekfees, wat van 29 Mei tot 31 Mei op Greyton en Genadendal in die Overberg gehou word, maak klassieke musiek vir almal bereikbaar. Die fees spog vanjaar weer met ‘n indrukwekkende lys optredes deur gewilde, klassieke kunstenaars. Musiekliefhebbers kan in die historiese kerke van Greyton en Genadendal kom luister na die Libertaskoor, die Charl du Plessis-trio en die Hugo Lambrechts simfonie-orkes, om maar ‘n paar te noem. Kaartjies is by Computicket beskikbaar. Kry meer inligting by tel. 028 254 9574/9414 of classicsforall.co.za. KAAS TEEN DIE KOUE Bly knus in die koue met die historiese wynlandgoed Delheim buite Stellenbosch se gewilde kaasfondue en jazz op Sondagmiddae vanaf 28 Junie tot 30 Augustus. Die tradisionele kaasfondue word volgens ’n Switserse resep berei met emmenthal,…

■ KUIER MET OLIFANTE: Sowat 50 km buite Grahamstad is die Kwantu-wildreservaat. Die reservaat is ’n toevlugsoord vir vyf Afrika-olifante. Hier kan jy aan dié grootvoete raak, hulle voer en selfs op een se rug ry. Dit kos R90 vir die interaksie en R450 vir ’n rit. Web: http://goo.gl/87rdAV ■ HOOR DIE KLOKKE BEIER: Met sy meer as 40 kerke is dit gepas dat soms na Grahamstad as die katedraalstad verwys word. Die bekendste is die St. Michael en St. Georgekatedraal met sy 53 m-hoë kerktoring wat met tien klokke spog. ■ STAP VIR STAP: Diegene wat die ongerepte natuurskoon van die Oos-Kaap geniet, moenie hul stapskoene vergeet nie. Die Mosslands Two Riverstaproete met sy talle voëls is ontwerp as ’n tweedagsirkelroete, maar kan ook in een dag gestap word.…

DIE Hoefslagfees wat jaarliks op Geyerspan gehou word, het as vennoot tot die vervaardiging van die rolprent Treurgrond toegetree. Dié rolprent, wat die aandag opnuut op plaasaanvalle vestig, word op 29 Mei in teaters landwyd uitgereik. Die fees het ’n wesenlike finansiële bydrae gelewer vir die vervaardiging van die rolprent waarin Steve Hofmeyr die hoofrol as ’n boer vertolk. Die titel is ontleen aan die boek Treurgrond: Die realiteit van plaasaanvalle, 1990-2012. Volgens mnr. Piet Botha, hoof-organiseerder van die Hoefslagfees, het dié fees in die 13 jaar van sy bestaan nog altyd die gemoedere van mense – veral plaasbewoners – opgebeur. “Met die ondersteuning van hierdie rolprent wil ons die aandag nou ook op die werklikheid van plaasaanvalle in die land vestig,” sê Botha. Die fees word vanjaar op 26…

HOEWEL die meeste skaapvleispryse sedert Kersfees effens teruggesak het, is dit tans op hoër vlakke as ’n jaar gelede. Volgens die webwerf www.vleisprys.co.za was die gemiddelde prys vir vetlammers vir die week wat op 15 April geëindig het R23,93/kg lewend, wat R3,21/kg hoër is, vergeleke met ’n jaar gelede. Stoorlammers het teen R24,51/kg verkoop – R1,33/kg hoër. Vet ooie het teen R18,12/kg verkoop. Dit was ’n styging van 8% teenoor die ooreenstemmende week ’n jaar gelede. Maer ooie het teen R17,41/kg verkoop. Dit was ’n verbetering van R2,08/kg teenoor die ooreenstemmende week ’n jaar gelede. Mnr. Danie du Preez, takbestuurder en afslaer van OVK/CMW op Kroonstad, sê hoewel die mark gedurende Februarie en Maart teruggesak het, het die pryse vir die meeste tipes skaapvleis van begin April weer kop opgetel.…

38% Met die eerste ronde grondeise wat in 1998 gesluit het, is sowat die helfte van alle private kommersiële plase waarop suikerriet aangeplant word, geëis. Die SA Suikerrietkwekersvereniging, wat sowat 23 000 suikerboere verteenwoordig wat saam sowat 20 miljoen ton suikerriet produseer, sê 38% van hierdie grondeise is steeds nie afgehandel nie. – Engineering News $60 MJD. Die Internasionale Monetêre Fonds voorspel dat 6 van die wêreld se 10 snelgroeiendste ekonomieë in die volgende 10 jaar in Afrika sal wees. Die regstreekse buitelandse belegging is sowat $60 miljard (R726 miljard) per jaar. Daar is egter vier hindernisse: Swak toegang tot finansiële dienste, swak infrastruktuur, gebrekkige openbare besteding en politieke onrus in sommige lande. – Finweek 41 Die saadmaatskappy, Monsanto, is pas aangewys as een van die 100 beste maatskappye vanjaar…

ARTIKELS & RUBRIEKE ■ Rekordjaar vir die wildbedryf ■ Limousin speel nou Superrugby ■ Selfs ’n Sprinkbok sukkel met SEB 3 ■ Nuwe koring in Wes-Kaap getoets ■ Boereplan: Mobiele bees-en-skaapkraal GESIN ■ Boerekos: Vyf trefferterte SPESIAAL ■ Boerevennoot, Dieregesondheid, Op Nampo GROOTVEE DisnienetSuperrugby-seisoenopdiesportveldnie.In’neerstevirdie SuidelikeHalfrondhetLimousin-telersgenootskappevanSuid-Afrika, Namibië, AustraliëenNieu-Seelandbesluitomálhuldatateverpoelvir ’nmeeromvangrykegenetieseevaluering.Dithouverskeievoordelein, soosvinnigergenetiesevordering.…

DR. PIETER DE KOCK, voorsitter van die Afrikaner-beestelersgenootskap, boer op die plase Grootkuil en Sterkfontein by Thabazimbi. Hy keur sy Afrikaners genadeloos sodat hy net die beste, aanpasbaarste diere het. Lees meer op bl. 38. VERTEL ONS VAN JOU GESIN. Ek en Elbie het drie dogters. Al drie is dokters. Anéll (33) is saam met my in my praktyk. Berna (31) is ’n dokter in biokinetika, ook op Thabazimbi, en Louise (26) is ’n dokter in Bloemfontein. Anéll se man, Abraham Groenewald, en Berna s’n, Ben Foulds, boer saam met my. WAT HET JY GESTUDEER? Medies aan die Universiteit van Pretoria. HET JY ’N STOKPERDJIE? Ek versamel oudhede uit ons geskiedenis en inligting oor geskiedkundige gebeure. WAAR HOU JULLE VAKANSIE? Op Sterkfontein en enige plek waar ons hart ons heen…

DIE Departement van Landbou, Bosbou en Visserye is deur die hooggeregshof in Pretoria beveel om binne 60 dae onafhanklike vleisinspeksiedienste by al die grade en tipes slagplase in die onderskeie provinsies in te stel. Dit volg nadat die instelling van só ’n diens sedert 2000 draal. Die Rooivleisbedryfsforum het die aansoek gebring ná jare se vrugtelose gesprekke. Daar is wêreldwyd jaarliks 2 miljard gevalle van voedselvergiftiging en dit lei tot die dood van sowat 2 miljoen mense, sê dr. Gerhard Neethling (INLAS), uitvoerende hoof van die Rooivleisabbatoirvereninging (RVAV). Dus is voedselveiligheid van reusebelang in die voedselbedryf, het hy by die oorhandiging van die jaarlikse Cleaver-pryse in Kempton Park gesê. In Suid-Afrika is daar 470 rooivleisslagplase in die onderskeie provinsies en die beheer daaroor is ’n reusetaak. Volgens die Wet op…

SUID-AFRIKA blyk vir eers deel te bly van die nuwe Amerikaanse wet op groei en ontwikkeling in Afrika (Agoa). Voorgestelde wetswysigings sal egter aan Amerika hefboomkrag bied om voor die verstryking van die wet strafmaatreëls teen Suid-Afrika te kan toepas. Amerika se pluimveebedryf het gedreig Suid-Afrika kan uit Agoa gelaat word as Suid-Afrika dit nie weer vir Amerika moontlik maak om hoenderstukke aan die been hierheen te kan uitvoer nie. Die Suid-Afrikaanse Pluimveevereniging (SAPV) het intussen ’n nuwe aanbod met ’n verhoogde invoerkwota aan die Amerikaanse raad vir die uitvoer van pluimvee en eiers (USAPEEC) gemaak. Mnr. Kevin Lovell, uitvoerende hoof van die SAPV, sê hulle wil ’n manier skep om Amerika toe te laat om een van die grootste uitvoerders van hoenderstukke na Suid-Afrika te word. “Die Amerikaanse siening…

WAT IS PLAAS SE GROOTSTE PRESTASIES? Ons het kritieke armoede- en landelike studies gevestig as ’n volwaardige navorsingsgebied en was betrokke by beleidmaking in die eerste vyf jaar van demokrasie. Ons het gehelp om die Wet op Kommunale Grondregte ongeldig te laat verklaar en beleid vir kleinskaalse visserye te skryf. WAT WIL JY VIR KOMMERSIËLE BOERE SÊ? Dis een ding om te sê jy ondersteun grondhervorming, maar ’n ander ding om dit te doen. Dis goed dat boere ’n deel van hul grond afstaan vir grondhervorming, maar die impak gaan relatief klein wees. Inisiatiewe om swart kommersiële boere te vestig, is belangrik, maar dit maak min verskil aan ongelykheid en armoede. Ons moet oor niekommersiële modelle praat. PRAAT JULLE MET DIE REGERING? Vanweë wedersydse wantroue het ons kommunikasie met die…

OM te verhoed dat xenofobiese geweld na die platteland uitbrei, hou die landbouministerie vergaderings in die landbou- en arbeidsektore Genl. Bheki Cele (LINKS), Adjunkminister van Landbou, Bosbou en Visserye, wil hê dit moet uitloop op ’n beraad met ander staatsdepartemente en betrokkenes in die landbou om te praat oor arbeidskwessies, soos werksomstandighede en die indiensneming van buitelanders, en ander kwessies in die landbou. Die eerste byeenkoms is op 22 April gehou ná ’n opdrag van pres. Jacob Zuma dat alle departemente moet optree teen xenofobiese aanvalle. Dit is onder meer bygewoon deur Agri SA, Afasa, die TLU SA, Nafu, Nerpo, Agbiz en die vakbond Bawusa. Cele sê betrokkenes in die landbou besef hoeveel skade dit die land sal berokken as hy in Afrika geïsoleer word. Daar was reeds wraakaanvalle op…

Die vrugteverspreider en -bemarker Tru-Cape toets honderde nuwe appel- en peerkultivars van oor die wêreld. Nuwe appels, soos SweeTango uit Minnesota, Opal uit Oos-Europa en Envy uit Nieu-Seeland, is onder die meer as 300 nuwe kultivars wat getoets word. Mnr. Roelf Pienaar (inlas), besturende direkteur, sê hulle beoog om 18 miljoen kartonhouers van nuwe appel- en peerkultivars oor die volgende paar jaar te oes. Tru-Cape lê die klem daarop om aan produsente waarde toe te voeg deur vooruit te bepaal watter kultivars verbruikers verkies en markte teen die beste pryse te verseker. Hy sê Suid-Afrikaners eet gemiddeld 4,35 kg appels per kop per jaar – net meer as 37 appels per persoon. Dit is net 1% van die wêreldappelverbruik, maar verteenwoordig R6 miljard vir die Suid-Afrikaanse ekonomie. Sowat 15,7% van…

Een leser wil weet of die geld wat hy uitgegee het om verbeteringe aan te bring aan ’n eiendom waaroor sy ma ’n vruggebruik het, ’n verskil gaan maak in die waarde van die vruggebruik in sy ma se boedel wanneer sy sterf. Hy het die eiendom van sy oorlede pa geërf, maar sy ma het ’n lewenslange vruggebruik. Hy het heelwat geld uitgegee wat die waarde van die eiendom verhoog het. Die Boedelbelastingwet (Wet 45 van 1955) bepaal dat wanneer ’n mens sterf, word al jou bates teen markwaarde in jou boedel opgeneem en só vir boedelbelasting in berekening gebring. Ná die beskikbaarstelling van R3,5 miljoen, word belasting teen 20% gehef. Eiendom waaroor die oorledene ’n vruggebruik gehad het, het ook ’n waarde. Dit word bereken deur (i) ’n…

HOE VOORSPELBAAR IS DIE UMZIMKULURIVIER SE VLOEI? KAN JY NIE VEEL MEER KRAG OPWEK NIE? Die rivier is standhoudend. Die oorsprong is in die Drakensberg, wat goeie reën in die somer kry. Die rivier sak egter baie in die winter. Ons het die stelsel só ontwerp dat ons steeds die maksimum potensiaal in die winter kan benut, wat dan as elektrisiteit gebruik kan word. Om ’n groter kragsentrale hier te bou, wat net in die somer kan krag opwek, gaan maar moeilik lonend wees. JY, JOU BROER EN JOU PA IS MELKBOERE. BOER JULLE SAAM? Ons boer elkeen vir ons eie balansstaat, maar ons lewer melk op een rekening en koop produksiemiddele saam aan. Dit gee ons meer bedingingsmag, maar maak ons los van mekaar om onafhanklik besluite te neem.…

“ ’n Hartseersaak en ’n ramp,” sê dr. Pieter de Kock oor Karan Beef se besluit om nie meer vroulike Afrikaner- en Ngunidiere vir sy voerkrale te koop nie. “Dis jammer dat ’n voorste voerkraalgroep sê inheemse rasse se vroulike diere en hul kruisings is nie meer vir hulle aanvaarbaar nie. Sover ek weet, is die enigste werklike navorsing oor die groei van dié beeste in ’n voerkraal tans met die samewerking van die Landbounavorsingsraad (LNR) aan die gang op die Vaalhartsproefplaas by Jan Kempdorp. “Die LNR doen uitgebreide navorsing met inheemse rasse en hul kruisings, hoofsaaklik om vir kommersiële en opkomende beesboere riglyne te gee oor watter kruisings die mees ekonomiese opsie vir ’n boerdery is. Dit is duidelik dat die voerkraal net konsentreer op hoeveel kilogram vleis hy…

WAT IS DIE GROOTSTE FOUT WAT JY NOG GEMAAK HET? Om aanvanklik na te veel mense in die kunsmisbedryf te luister pleks van saam met een mens ’n pad te stap. WAT IS DIE BESTE RAAD WAT JY NOG ONTVANG HET? Die beste raad was om met makadamias te begin boer. WATTER TEGNOLOGIE IS ONONTBEERLIK OP DIE PLAAS? ’n Ordentlike besproeiingstelsel. WIE IS JOU MENTOR EN WAAROM? My ondersteuningsraamwerk is groot, want die verskeidenheid aspekte van die boerdery is so wyd. Elkeen wat my op ’n spesifieke onderwerp of faset van raad bedien, is ’n mentor.…

Bysteekkoek Dié heerlike lekkerny van Duitse gisdeeg, vla, amandel en heuning se regte naam is Bienenstich, wat bysteek beteken. Die koek verg tyd en moeite, maar as jy dit eenmaal geproe het, sal jy dit altyd weer wil maak. Dis werklik iets besonders. Vulsel ■ 310 ml volroommelk ■ Halwe vanieljepeul, in die lengte deurgesny en saadjies uitgeskraap ■ 60 ml strooisuiker ■ 3 groot eiergele ■ 15 ml koekmeel ■ 15 ml mielieblom ■ 60 ml ongegeurde roomkaas (opsioneel) Deeg ■ 60 ml volroommelk ■ 30 ml heuning ■ 190 ml koekmeel ■ 15 ml kitsgis ■ 30 ml strooisuiker ■ 1 ml sout ■ 2 eiers, geklits ■ 125 ml sagte botter, in blokkies gesny Bolaag ■ 60 ml gesmelte botter ■ 60 ml suiker ■ 60 ml…

Op ’n dag stap ek Bloemfontein se artisan-broodwinkel binne. ’n Houtrak pryk tot teen die dak met ’n verskeidenheid vars, goudbruin brode. Ek staan in ’n beswyming en neem die plaaskombuisgeure van houtvuur, vars gebak en koffie in toe ’n erg beteuterde jong meisie met ’n begrafnisstem vra: “Haai. Is jy dalk allergies vir kitsgis?” “Nee, hoekom?” sê ek en lag half benoud. “Ons plantjie is dood,” sê sy en lyk vreeslik treurig. “Nou moet ons ’n nuwe een aan die groei kry en dit vat ’n paar dae en nou moet ons alles met kitsgis bak.” Ek simpatiseer so goed ek kan en koop sommer een van elke soort brood om haar te troos. HOOG IN DIE MODE Wat is dit aan hierdie plantjies? Meesterbakkers kan hul suurdeegplantjies jare…

Die verhoog, en nie die klaskamer nie, is sy voorland, het Danie Strauss (26) van Gariepdam se professor in Afrikaans en Nederlands vir hom gesê toe Danie nog ’n B.Ed.-onderwysstudent aan Kovsies was. Sy woorde was profeties, want Danie is vandag nie net ’n Boerbokstoetteler en gekwalifiseerde onderwyser nie, maar ook ’n talentvolle sanger wat hom in die veilingsring as afslaer begewe. Sy vaardighede as sanger en onderwyser kom natuurlik goed te pas met dié nuwe loopbaan. Danie is die naasjongste van vyf broers wat op Rietkuil in die distrik Philippolis grootgeword het. Vier dae voordat hy as student aan die Landboukollege Grootfontein sou inskryf, het Danie besef hy sal waarskynlik nie op Rietkuil kan boer nie. Toe gaan swot hy onderwys. Sy broer Johan het die Boerbokstoetery Rietkuil oorgeneem…

JONG boere is besonder optimisties oor die toekoms van Suid-Afrika en hul betrokkenheid by die ekonomie as primêre produsente. Dít is die slotsom van die deelnemers aan ’n paneelbespreking op ’n konferensie van Vrystaat Landbou (VL) se jongboerkomitee in Bloemfontein. Die konferensie val saam met die 30ste bestaansjaar van die komitee en die aanwysing van Vrystaat Landbou se kandidaat wat later vanjaar na die eindronde van Toyota se jongboerkompetisie deurdring. Mnr. Theo Vorster van Galileo Capital wat as gespreksleier opgetree het, sê die jong boere is bereid om ’n klomp probleme die hoof te bied en hulle beskou die politieke struikelblokke as slegs ’n deel van die totale pakket. “Dit is ’n toekoms wat hulle met vertroue en met ’n bepaalde visie betree. Hierdie mense gaan suksesvol wees ten spyte…

NÁ ’n teleurstellende aanvang van die Nasionale Ontwikkelingsplan se distrikgrondkomitees (DGK’s) in KwaZulu-Natal, meen mnr. Sipho Dlamini, hoof van kommunikasie by die provinsiale departement van landelike ontwikkeling en grondhervorming, daar is te veel maatskaplike organisasies wat wil deelneem aan die DGK’s. Pogings om dié hindernis te oorkom, sal die vordering van die komitees verder vertraag. Dit is in teenstelling met die doel van die DGK’s wat versnelde, vaartbelynde vordering van suksesvolle grondhervorming ten doel het. “Met die eerste ronde van konsultasie in al die munisipale distrikte van die provinsie, was dit duidelik dat ons nie al die belangstellende organisasies binne die komitees sal kan huisves nie. Dit sluit die Landless People’s Movement (LPM), KwaZufro en ander organisasies in,” sê Dlamini. Die organisasies is tot 17 April kans gegee om te…

DIE Du Roi-groep van Letsitele in Limpopo en die maatskappy ANB Beleggings het luidens ’n verklaring hul geïntegreerde plaagbestrydingsonderneming, Du Roi IPM, aan BioBee Integrated Crop Solutions verkoop. BioBee is ’n vennootskap tussen Mooketsi se tamatiemaatskappy ZZ2 en die kibboets BioBee Sde Eliyahu Bpk. in Israel. Die Du Roi-groep het ontstaan uit ’n sitruskwekery wat in 1989 begin is. Du Roi IPM is in 1999 begin om voordelige insekte vir die landbousektor te teel. Dit sluit in predatoriese lieweheersbesies en parasitiese wespes. BioBee is ’n voorloper op die gebied van biologiese plaagbeheer en natuurlike bestuiwing en doen wêreldwyd sake in meer as 50 lande. (’n Artikel oor die Sde Eliyahu was in LBW van 17 April, bl. 54.)…

VANJAAR se dadeloes het weer tot ’n stabiele gemiddelde herstel nadat verlede jaar se oes onder reënskade in die BenedeOranje deurgeloop het. Die boere het reeds klaar geoes, en hul hele oes is ook reeds uitgevoer, teen dieselfde goeie pryse as wat hulle verlede jaar behaal het, sê mnr. Pieter Karsten, bemarkingsbestuurder van die Karstengroep. Die Karstenboerdery by KleinPella in die NoordKaap is die grootste SuidAfrikaanse produsent van dadels. KleinPella lê aan die Oranje, op die grens tussen SuidAfrika en Namibië. Danksy dié gebied se unieke klimaat – droog, maar met ’n mate van vogtigheid – kan hulle Medjooldadels daar produseer, wat ’n topproduk is. Hulle bedryf ook verpakkingsaanlegte in Egipte, waarheen die dadels uitgevoer word. SuidAfrika se ZZ2boerdery, die groot tamatieprodusent, het ook onlangs die dadelmark betree. Hy verbou…

ALGEMEEN 7-9 MEI: Studente-ekspo. Brooklyn-winkelsentrum, Pretoria. Web: www.student-expo.com. 20–31 MEI: TLU SA se inligtingstoer na Georgië vir beleggingsgeleenthede. Bennie van Zyl, sel 082 466 4470, of e-pos: bennievz@gmail.com. 29-30 MEI: Namakwa-Weskusekspo. Vredendal-sportterrein. Pikkie Louw, sel 082 566 5880, of e-pos: pikkie@agrimega.co.za. 30-31 MEI: Delheim se wilde sampioen-soektogte. Delheim-wynlandgoed, Stellenbosch. Johan du Toit, tel. 021 888 4600, of e-pos: info@delheim.com. 4-5 JUNIE: Fine brandy fusion. Konferensiesentrum, Sandton. Danie Pretorius, e-pos: danie@sabrandy.co.za, of info@brandyfusion.co.za. Web: www.brandy fusion.co.za. 6 JUNIE: Suid-Afrikaanse mampoerfees. Willem Prinsloo-landboumuseum. Tel. 012 736 2035/6, e-pos: info@mampoerfees.co.za. Web: www.mampoerfees.co.za. 1-4 JULIE: Mega Petex. Megapark, Bredasdorp. Pikkie Louw, sel 082 566 5880, of e-pos: pikkie@agrimega.co.za. 23-25 JULIE: Studente-ekspo. Greenstone-winkelsentrum, Johannesburg. Web: www.student expo.com. 31 JULIE-1 AUGUSTUS: !Nabakos-en-wynfees, Upington. Sonja, sel 082 410 7669. Web: www.nabafoodandwine.co.za. 27-30 AUGUSTUS: Kaapse Blommeryk-ekspo. Megapark, Bredasdorp.…

MEI DORDRECHT 28, TLU SA-Veldskaapskou. Avondzon. SA Vleismerino- en slaglamkompetisie. Vleismerino, Kosie Slabbert, sel 079 366 8524. Vleismerino, C.G. Rossouw, sel 087 160 0616. Merino, Kosie Slabbert, sel 079 366 8524. Slaglam, Steyn Smit, sel 082 444 2595. JULIE LUTZVILLE 30 Julie-1 Augustus, Lutzville- skou. (Streek: Dorper en Wit Dorper), Benede- Olifantsrivier-perdekampioenskap. Perde, 083 398 0899. Kraampies, 083 620 2294. E-pos: jeanetteafox@ gmail.com. POTCHEFSTROOM 31-1 Augustus, AgriWorkslandbou- ekspo. Trimpark, Potchefstroom. CADEK Media, tel. 021 854 4700, web: www.agriworks.co.za, e-pos: info@cadek.co.za. AUGUSTUS GEORGE 27-29, Outeniqua-skou. Saalperd-klubskou, Kaapse Boerperd, SA Boerperd en algemeen, André, sel 072 510 0099. Melkbeeste, Nico, sel 083 635 9907. Vleisbeeste, Tinnie, sel 083 367 8596. Angus-veiling, Leon, sel 082 335 3094. Jeugskou, Jurie, sel 082 333 6646. Skape, Pieter, sel 082 825 3890. Pluimvee, Willie, sel 072…

Posbus 1802, Kaapstad 8000; e-pos: lbw@landbou.com WENFOTO STUUR JOU BESTE FOTO IN EN WEN Vir die volgende vier weke wen die leser wat die wenfoto instuur, só ’n opvoubare braai ter waarde van R650. AFRIKANERBEES HET ’N PLEK ’n Rasegte Afrikaner-bulkalf kan nie ná speen 2 kg of meer per dag in ’n voerkraal groei nie. As dit waar was, soos prof. Frikkie Neser in Landbouweekblad van 17 April sê (“ ‘Onregverdige diskriminasie’ teen inheemse beesrasse”), sou die voerkrale graag Afrikaner-speenkalwers aangekoop het. In die naspeen-groeitoetse van die Landbounavorsingsraad waarby ek vir 37 jaar betrokke was, het Afrikaner-bulletjies selde meer as 1 500 g per dag gegroei. Die afgelope vyf jaar is 51 Afrikaner-bulletjies aan groeitoetse onderwerp, met ’n gemiddelde groei van 1 369 g per dag. Dit is vir…

Die gevolge van die onlangse xenofobiese aanvalle strek veel wyer as die verlies aan lewens en die winkels wat geplunder is – al is dit hoe tragies en ’n skandvlek vir Suid-Afrika. Die land se ekonomiese welstand is geweldig afhanklik van die res van Afrika. Mnr. Sim Tshabalala, Standard Bank se uitvoerende hoof, wys in Business Times daarop dat Suid-Afrika verlede jaar R300 miljard se goedere na die res van Afrika uitgevoer het. Suid-Afrikaanse maatskappye het ook regstreekse beleggings van sowat R280 miljard in die res van Afrika. Die beeld dat Suid-Afrika onverdraagsaam teenoor buitelanders is, kan die deure laat toeklap, tot groot nadeel van elke Suid-Afrikaner. Verlede week het mnr. Ebrahim Patel, minister van ekonomiese ontwikkeling, fabriekswerkers daarop gewys dat die R260 miljard se vervaardigde goedere wat ons in…

VERMY mengsels van die onkruiddoder glifosaat en fulviensuur tot elke prys, want dit sal die werking van die onkruiddoder benadeel. Só sê prof. Charlie Reinhardt (INLAS), onkruidwetenskaplike en projekleier van Monsanto/BE by die Samewerkende Navorsingsprogram aan die Universiteit van Pretoria. Sy kommentaar is in reaksie op raad van mnr. Graeme Sait, ’n Australiese kenner van biologiese boerdery, in ’n reeks onlangse seminare in Suid-Afrika. Sait is al jare lank ’n teenstander van glifosaat en die Roundup Ready-tegnologie wat die saadmaatskappy Monsanto ontwikkel het. Hy sê boere wat meen hulle kan nie sonder glifosaat klaarkom nie, moet fulviensuur toedien om die bioafbreekbaarheid van die middel in die grond aan te help. Sait benadruk al lank sy siening dat glifosaat nadelig is vir mens, dier en grondlewe. Reinhardt, buitengewone hoogleraar in onkruidwetenskap…

IN wat deur waarnemers as ’n slim skuif beskou word, het die nasionale Rooivleisprodusente-organisasie (RPO) die verklaring van Woolworths dat hy voor die einde van die jaar skaapvleis onder ’n “vriendelik teenoor wild”-etiket wil bemark, verwelkom omdat dit aan verbruikers “meer keuses” sal bied. Dit volg nadat ’n berig oor Woolworths se voorneme wat ’n week gelede op Landbouweekblad se webwerf geplaas is, heftige reaksie uit verskeie oorde uitgelok het. Mnr. Lardus van Zyl, voorsitter van die RPO, sê in ’n verklaring dat daar in die rooivleisbedryf verskeie voorbeelde is van spesifieke handelsmerke waaroor daar sekere aansprake gemaak word. Dit is egter belangrik dat boere finansieel vergoed sal word vir die bepaalde rooivleisprodukte waarop dit van toepassing is. “Definisies vir die aansprake word binne die bedryf omskryf en binne die…

1 MALAWI | Bestryding van cholera KOMMER oor ’n moontlike cholera-epidemie neem toe in Malawi met 329 bevestigde gevalle wat sedert Februarie aangemeld is. Daarvan is die helfte (157) sedert 10 April aangemeld. Die cholera is die gevolg van vloede in die Nsanje-streek in Januarie. Altesaam 176 mense is in die vloede dood en meer as 200 000 is dakloos gelaat. Pres. Peter Mutharika het ’n noodtoestand afgekondig en om internasionale hulp gevra. Die cholera kom voor in kampe waar die mense sonder heenkome gehuisves word. Kia Motors het pas geld geskenk om 110 000 dosisse cholera-entstof aan 50 000 mense te voorsien. Die maatskappy werk saam met die Internasionale Entstof-instituut (IVI) wat dit versprei. Die IVI, saam met die Wêreldgesondheidsorganisasie (WGO), probeer die verspreiding van die siekte keer. Korea…

KALAHARI REDS BOERBOKKE…

Makadamias is tans een van die winsgewendste landbougewasse in Suid-Afrika. Die land is ook die wêreld se grootste makadamiaprodusent. Dit is omdat makadamianeute sulke goeie pryse op die wêreldmark haal, sê mnr. Alan Sutton, voorsitter van die Valley Macadamias Groep, een van Suid-Afrika se grootste uitvoerders van makadamias na die Verre-Ooste. Alan sê teen die koers wat boorde hier gevestig word, is die kans skraal dat enige ander land Suid-Afrika vinnig gaan verbysteek as die grootste makadamiaprodusent ter wêreld. Hy het onlangs ’n toer deur die hele subtropiese produksiestreek onderneem om aanplantings en bestaande boorde te besigtig en meen Suid-Afrika gaan teen 2018 in die omgewing van 76 000 ton makadamias oes. Volgens die Suid-Afrikaanse Makadamiakwekersvereniging (Samac) is daar in 2012 slegs 9 680 ton makadamias geoes. Dit was reeds…

WAT IS DIE BESTE BESLUIT WAT JY NOG GENEEM HET? Ek het besluit om nooit tou op te gooi en nooit van koers te verander nie. My pa het altyd gesê: Elke keer wat jy van koers verander, verloor jy momentum. WIE IS JOU MENTOR? My pa, Cecil Dalbock, is my mentor. Hy boer al byna 60 jaar met tamaties en hy weet wat hy doen. Sy kennis is waardevol en hy word steeds by die onderneming betrek. HOE SIEN JY DIE TOEKOMS VAN DIE LANDBOU IN SUID-AFRIKA? My grootste vrees is dat die Regering te veel by die landbou gaan inmeng.…

SPILPUNT-ENDSPUITKOP SPUIT SONDER STUIT ’n Boer sal ver moet soek vir ’n beter, meer betroubare spilpunt-endspuitkop (end of pivot sprinkler) as die Nelson R55A, volgens mnr. Marius Liebenberg, tegniese bestuurder van Irritech in Pietermaritzburg. “Dit het slegs een bewegende onderdeel. Onderhoud is minimaal en die kans dat die spuitkop breek, is skraal. Die spuitkop is ook doeltreffender in winderige toestande as ander, tradisionele spuite. Dit het ’n eenjaarwaarborg,” sê Marius. Met vier verskillende spuitstukke kan hierdie spuit 6 m3 tot 16,3 m3 water per uur lewer, met ’n spuitradius van 12 m tot 14,9 m. Die spuitkop kos R2 489 (BTW uitgesluit) en die spuitstukke kos R553 elk (BTW uitgesluit). NAVRAE: Tel. 033 342 3177; e-pos: technicians@irritech.com. NUWE BOEK LEER JOUSELF OOR HOENDERBOERDERY Die beroepsveiligheid-en-opleidingsmaatskappy NOSA het onlangs ’n reeks…

my goeie vriend Nolsie bedien ’n soortgelyke burger by sy restaurant Arugula in Welgemoed, maar ek het die beesmaalvleis met ’n bietjie koedoe-en lamsmaalvleis vervang vir ’n egte Karoosmaak. Nolsie wou ook nie sy speserymengsel verklap nie, maar ek kon ’n paar speserye uit hom kry en het verder bygesit tot dit reg en lekker was. O ja, Nols het laat val dat as julle by sy restaurant kom inloer en hierdie Landbouweekblad saambring, kry jy twee glase wyn “op die huis”. MAALVLEIS-KOEKIES ■ 500 g maalvleis ■ 125 ml hawermout ■ 10 takkies vars tiemie, blaartjies afgestroop ■ 30 ml worcestersous ■ 5 ml paprika ■ 2½ ml grof gemaalde sout ■ 15 ml fyngemaalde koljander ■ 5 ml groenpeperkorrels ■ 5 ml fyngemaalde komyn ■ 15 ml rooiwynasyn…

Baie van ons mans wat die een of ander tyd rugby gespeel het en steeds groot rugby-ondersteuners is, is bekend met die skeidsregter se bevel: “Gebruik dit.” Dan moet die skrumskakel vinnig dink of hy die bal na links of na regs gaan uitgee. Wat die skeidsregter eintlik sê, is: “Gebruik dit of verloor dit.” As die speler dan te stadig is om ’n besluit te neem om iets met die bal te doen, staan hy besit af. Ons kan nie weifelend in ’n rugbywedstryd wees nie; net so ook in die daaglikse lewe. Ons moet besluit wat om te doen, veral as so ’n besluit ander mense raak. Baie jare gelede, toe ek landbou in Skotland gestudeer het, was daar ’n vak in ons eerste jaar wat sosiale studies…

MET die uitbreiding in melkboerdery in die Oos-Kaap kan ’n aansienlike toename in produksie teen die somer verwag word. Dit is dus belangrik dat boere vroegtydig van die neiging kennis neem aangesien dit moontlik druk op die produsenteprys kan plaas. Dié raad kom van dr. Koos Coetsee, ekonoom van die MPO in Pretoria, wat op ’n reeks vergaderings vir melkboere in die provinsie gepraat het. Coetzee het gesê die vraag en die aanbod is tans in ewewig. Die aanbod kan egter weens die aansienlike uitbreidings in veral die voormalige Ciskei en in die Visriviervallei teen die einde van die winter verander en die balans omverwerp. Die Oos-Kaap is tans die grootste melkprodusent en lewer sowat 30% van die land se volume. Hy het nietemin daarop gewys dat daar ’n sterk…

Internasionaal: Die gemiddelde prys van mielies het met 0,03%, oftewel $0,05/t (R0,61/t), gestyg tot $147,52/t (R1 790/t). Op ’n jaargrondslag is dit 24,7%, oftewel $48,26/t (R585,68/t), laer. Verwagte pryse: Mei – $142,20/t (R1 726/t), Julie – $143,69/t (R1 744/t), September – $146,61/t (R1 779/t), Desember – $150,86/t (R1 831/t). Plaaslik: Die Safex-prys vir wit mielies het met 1,4%, oftewel R36/t, gestyg tot R2 579/t. Geel mielies het met 0,1%, oftewel R3/t, gedaal tot R2 382/t. Op ’n jaargrondslag is dit 15,8%, oftewel R352/t, hoër vir wit mielies, terwyl geel mielies 8,1%, oftewel R179/t, hoër is as in die ooreenstemmende tyd verlede jaar. Internasionaal: Die gemiddelde prys van koring het met 0,8%, oftewel $1,53/t (R18,57/t), gedaal tot $182,97/t (R2 221/t). Op ’n jaargrondslag is dit 26,4%, oftewel $65,66/t (R796,85/t), laer. Verwagte…

GAUTENG NIGEL RIETFONTEIN (21), 23 ha, aan Mabu Casing Soils (Edms.) Bpk., van M.D. Howard, R2 500 000. STRAFFONTEIN (252), 384 ha, aan P.J. Venter, van G.J. van der Merwe, R4 000 000. PRETORIA BOEKENHOUTSKLOOF (284), 21 ha, aan G.H. Beetge en A.A. Wilmans, van A.M. en P.J. Kruger, R1 450 000. PLAAS 417, 21 ha, aan L.A. Spaan, van P.N. Oosthuizen, R1 050 000. LOUWSBAKEN (476), 34 ha, aan Klein Tambotie Prop. (Edms.) Bpk., van F. de Wet, R2 000 000. KWAZULU-NATAL BALLITO ROYDEN (2112), 162 ha, aan Qwabe Nkanini Communal Property Association, van Smeaton-landgoed BK, R10 200 000. PIETERMARITZBURG HEBRON (914), 26 ha, aan Major Machines Natal BK, van Trade Avail 161 BK, R1 272 000. PETRUS STROOM (954), 25 ha, aan Overport Colour Copy Shop BK, van…