Indholdsfortegnelse for 11-Feb-16 i Finweek - Afrikaans

wat kos die Zuma-regering se kaskenades jou vanjaar in rand en sent? Begin sommer met die onverwagte bykomende 0,2 persentasiepunte rente wat jy op jou uitstaande verbandlening moet betaal. Die mark het voor die Reserwebank se aankondiging van 28 Januarie ’n verhoging van 0,3 persentasiepunte verwag, maar die beleidskomitee het besluit op ’n verhoging van 0,5 persentasiepunte. Razia Kahn, hoofekonoom vir Afrika van Standard Chartered, het oor dié bykomende 0,2 persentasiepunte gesê: “Die aggressiewer verhoging nadat die Reserwebank sy terugkoopkoers in November reeds met 0,25 persentasiepunte verhoog het, weerspieël die behoefte om sekerheid oor beleidsgeloofwaardigheid in Suid-Afrika te gee. Ons reken dit is grootliks omdat die risiko vir die rand in die onlangse verlede as spesifiek Suid-Afrikaans beskou word. Met dié dat Suid-Afrika die gevaar loop van verdere graderingsverlagings weens…

– Ferial Haffajee, redakteur van City Press, op Twitter nadat die presidensie laat op 2 Februarie ’n verklaring uitgereik het waarin gesê word dat pres. Jacob Zuma ’n skikking voorgestel het om ’n bedrag – wat die ouditeur-generaal en die minister van finansies moet bepaal – terug te betaal om niesekuriteitsverbeterings aan sy Nkandla-woning te dek. Zuma het dié voorstel gedoen voor ’n verhoor oor die saak in die konstitusionele hof, wat op 9 Februarie sou plaasvind, en sy staatsrede op 11 Februarie. Die EFF het Nkandla verlede jaar gebruik om die verrigtinge tydens die staatsrede te ontwrig. “Dit is op kort termyn moeilik om die ‘katalisator’ raak te sien wat dié markte weer vertroue sal gee. Daarvoor is ’n reeks positiewe maatskappyverklarings (onwaarskynlik) of positiewe of nie-negatiewe makrodata (moontlik)…

afrika se ekonomiese groeikoers was die laaste jare hoër as die wêreldgemiddelde, maar baie ontwikkelingsprobleme bestaan nog, luidens ’n onlangse verslag deur The Economist Corporate Network (ECN). Daar is ’n tekort aan infrastruktuur vir alles van elektrisiteit tot besproeiing. Aan die positiewe kant neem selfoonpenetrasie en die beskikbaarheid van bandwydte toe, al is die internetgebruik op sowat 27% van die bevolking laag vergeleke met ander ontwikkelende streke, volgens die Internasionale Telekommunikasie-unie (ITU). Dit is onduidelik hoeveel dit sal kos om die vasteland se infrastruktuurgaping te sluit – ’n raming van die Wêreldbank van 2009 toon dat meer as $900 miljard per jaar net in Afrika suid van die Sahara nodig is. Die ECN-studie, waarvoor finansieringsgoedkeurings deur instellings vir ontwikkelingsfinansiering en kredietuitvoeragentskappe in infrastruktuur op die vasteland tussen 2009 en 2014…

Ek beveel dié aandeel jare lank reeds as ’n koop aan. Ons het weliswaar min beweging in die prys gesien, maar goeie dividende. Ek verwag ’n moeilike 2016 vir die markte en die huidige dividendopbrengs van meer as 4% is ’n groot beloning as jy die aandeel besit. Met ’n ekonomie wat stadig groei, indien hoegenaamd, benodig ons uiters defensiewe aandele – en Metrofile pas perfek in die prentjie in. Hy stoor dokumente (papier én digitaal) vir kliënte, en ofskoon hy dalk enkele kliënte verloor omdat hulle hul deure toemaak, sal die meeste voortgaan om sake te doen en bergplek vir dokumente benodig. Die dokumente word vir regsdoeleindes gebêre en die wette gaan nie verander nie, dus sal daar altyd kliënte wees. Ek verwag ’n moeilike 2016 vir die markte,…

FORTRESS ’n Belangrike onderskeid Fortress het ’n handelsverklaring uitgereik wat illustreer hoe belangrik dit is om te verstaan hoe Fortress A en Fortress B* verskil. Albei maak aanspraak op dieselfde bates, maar hul dividendbeleid verskil. Die A-eenheid verhoog sy dividend met óf 5% óf die jongste verbruikersprysindeks-(VPI)-syfer, watter een ook al die laagste is. Met dié dat die jongste VPI-syfer 4,8% was, is dít die dividendverhoging wat aandeelhouers sal kry. Dit is byna dieselfde syfer as vir staats- en ander effekte, en vir die meeste beleggers vervelig. Die B-eenhede kry die res van die dividend, wat beteken sy dividend verhoog met 95%– 105%. As tye moeilik raak vir die maatskappy, kan dit gebeur dat B dalende of selfs geen dividend kry nie, wat onwaarskynlik is maar nie onmoontlik nie. Op…

ons is werklik gelukkig as ons begin besef hoe gerieflik dinge deesdae vir ons geword het. Jy kan by enige geriefswinkel of supermark inloop, na die vars produkte gaan kyk en dan volgens die datumstempel op die produkte bepaal hoe vars die produk eintlik is. Hoewel die verkope van die meeste produkte deesdae op die verkoopsdatum gegrond is, is ons nie so gelukkig as dit kom by die lewe self nie. Jy weet eenvoudig nie wanneer jou persoonlike “afsnydatum” sal wees nie, wat dit dus die uitdagendste veranderlike maak in die beplanning vir ons aftrede. Die heel belangrikste oorweging is dat jy so vroeg as moontlik met jou aftredebeplanning moet begin om te verseker dat jy genoeg geld het vir die dag wanneer jy ouer is. Dit is ’n feit…

d ie besluit van die Suid-Afrikaanse Reserwebank se monetêrebeleidskomitee einde verlede maand om rentekoerse met 0,5 persentasiepunte te verhoog, het baie sakeondernemings en huiseienaars geskok wat sukkel om hul verband- en ander leningterugbetalings te doen terwyl die ekonomie op ’n weg van lae groei voortsukkel. Die bank het sy terugkoopkoers, waarteen handelsbanke by hom leen, van 6,25% tot 6,75% verhoog. Die besluit het nie juis gehelp om die vertroue in die plaaslike bepalers van ekonomiese beleid te versterk nie – wat die treurige toestand van die ekonomie geïgnoreer het in ’n poging om buitelandse beleggers tevrede te hou. Terwyl ekonomiese groei voortsukkel, kan die onlangse en enige verdere rentekoersverhogings dodelike medisyne blyk te wees. “Ek reken die beleidsbepalers loop die gevaar om meer as geloofwaardigheid te verloor en om die…

Now is the summer of our discontent . . . (met apologie aan William Shakespeare) ons w eet almal dat die meeste van die belangrike makro-ekonomiese veranderlikes op die oomblik in die verkeerde rigting beweeg – ekonomiese groei beweeg in die rigting van 1%, inflasionêre druk begin opwaarts kruip, die tekort op die lopende rekening is heeltemal te groot, netto finansiële invloei het aansienlik gedaal, die randwisselkoers is op ’n ongeëwenaarde laagtepunt, en werkskepping het gaan staan. Intussen is vlakke van armoede hoog, en verspreiding van inkomste bly oneweredig. Voeg ook hierby die giftige mengsel van veranderinge in die globale ekonomiese argitektuur, en Suid-Afrikaners sal verskoon word as hulle voel dat hulle in ’n problematiese tydperk lewe. Vanjaar kan dalk een van die ontstellendste jare in die afgelope twee dekades…

genetiese toetsing is reeds ’n aantal jare in Suid-Afrika beskikbaar. Die onlangs gestigte maatskappy Salubrity stel egter in Maart twee nuwe toetsingsdienste bekend wat volgens dié maatskappy minder ingrypend as talle standaardtoetse is en vinnig resultate oplewer. Die twee nuwe genetiese toetsingsdienste is onder meer ’n nie-ingrypende prenatale toets vir verskeie chromosoomafwykings in ongebore babas, en ’n toets wat kan bepaal hoe groot die risiko is om borskanker of kanker van die eierstokke te kry. Die toetse sal beskikbaar wees deur Salubrity, ’n maatskappy wat gevorm is deur ’n vennootskap tussen die private gesondheidsorgmaatskappy Intercare Group en die Switserse klinies-diagnostiese maatskappy Genoma. Die genetiese toetsing vir albei produkte sal by Genoma se laboratorium in Genève, Switserland gedoen word, aangesien die maatskappy nie ’n laboratorium in Suid-Afrika het nie. Genoma se…

s uid-Afrika moet groter plaaslike mededinging bevorder en die regulatoriese omgewing verbeter om groei te versterk en armoedeverligting te steun, sê die Wêreldbank in sy jongste South Africa Economic Update, wat op 2 Februarie uitgereik is. Dié verslag, wat spesiaal gemik is op die potensiaal van doeltreffende mededingingsbeleid om vinniger groei en armoedeverligting te help bevorder, voorspel reële groei in die bruto binnelandse produk van 0,8% vir vanjaar, teenoor 1,3% vir verlede jaar en die laagste groeikoers sedert die resessie van 2009. Die groeikoers sal aanstaande jaar na verwagting effens tot 1,1% styg. “Suid-Afrika benodig dringend grondliggende hervorming om groei te versterk en werkskepping te bevorder,” sê Guang Zhe Chen, direkteur vir Suid-Afrika, in sy voorwoord. Een daarvan is mededingingsbeleid, wat groei kan laat herleef en huishoudelike inkomste vergroot. Die…

Daar word verwag dat die voedsel- en klerehandelaar Woolworths later vandeesmaand weer ’n sterk stel resultate vir die 26 weke tot 27 Desember 2015 sal uitreik. Die groep sê in ’n handelsverklaring hy verwag dat die wesensverdienste per aandeel (WVPA) tussen 25% en 35% hoër sal wees as in dieselfde tydperk in 2014. Dié sterk prestasie is danksy ’n 17,1%-toename in groepsverkope (sonder die Australiese kleinhandelaar David Jones, wat hy in 2014 gekoop het, is verkope 12,3% hoër). Ondanks ’n moeilike ekonomiese omgewing en die feit dat sy debiteureboek met 7,8% op ’n jaargrondslag gegroei het, het Woolworths dit reggekry om sy wanbetalingskoers bestendig te hou op 4,8%. Die volledige resultate, wat ook baat gevind het by ’n depresiasie van die rand teenoor die Australiese dollar, sal na verwagting op…

e lke hond kry sy dag en ’n brakkie twee,” lui die spreekwoord. Vir goudaandele het die dag aangebreek met nie net Harmony as die sterkste aandeel op die JSE nie, maar daar is ook DRD Gold, Sibanye en Gold Fields om hom onder die toptien geselskap te hou. Dit beteken dat die hele karakter van die beurs verander het. Waar groeiaandele, soos PSG, Mondi Ltd, Capitec, Pioneer, Steinhoff, Naspers en Discovery verlede jaar die botoon gevier het, is dit nou in die spekulatiefste sektor waar daar koopdruk is. Diegene wat die konsep van sektor-rotasie toepas en die moed gehad het om na die riskante goudgroep oor te skakel, kon goed geld gemaak het. Dis interessant dat ’n eiendomsaandeel, New Europe Property Investments plc (Nepi), ook in die toptien verskyn.…

Inflasionêre druk weens die swak geldeenheid, stygende voedselpryse en in minder mate hoër arbeidskoste en geadministreerde pryse belemmer Suid-Afrika se bepalers van rentekoerse. Die Reserwebank het sy huidige siklus van strenger monetêre beleid – waarmee beleidsbepalers besteding en prysstygings probeer beperk – in Januarie 2014 begin. Vroeër het Suid-Afrika ’n negatiewe reële rentekoers gehad in ’n poging om ekonomiese groei ná die resessie van 2009 te versterk. Suid-Afrika het nou ’n positiewe reële rentekoers, oftewel die Reserwebank se normbeleidskoers is hoër as die verbruikersprysinflasie. Die bank het sy terugkoopkoers, of die koers waarteen handelsbanke by hom leen, met 50 basispunte, of 0,5 persentasiepunte, tot 6,75% verhoog – die hoogste sedert Maart 2010. Die prima uitleenkoers, wat handelsbanke vir leners gebruik, het tot 10,25% gestyg. Die terugkoopkoers is nou 1,55 persentasiepunte…

toe Asher Bohbot in 1980 besluit het om twee weke vakansie in Suid-Afrika deur te bring, het hy nie besef dat die reis sy lewe vir ewig sou verander nie. Destyds het Bohbot, wat in Marokko gebore is maar in Israel grootgeword het, so pas ’n graad in chemiese ingenieurswese aan die Ben Gurion-universiteit verwerf. Met sy lewe wat nog voorlê, was Bohbot gereed vir avontuur; toe ’n vriend hom dus nooi om hom op ’n vakansie na Suid-Afrika te vergesel, was hy gretig om dit te doen. Uiteindelik kon sy vriend nie kom nie, maar aangesien hy reeds sy reis bespreek het, het hy besluit om nogtans te kom. Hoewel hy sy vakansie geniet het, was dit ’n toevallige ontmoeting op ’n bus in Johannesburg wat hom laat besluit…

die 79-jarige Don Brown van Minneapolis in Amerika is sedert 1960 ’n beleggingsbestuurder op Wall Street. In dié 55 jaar het hy in net twee jare nie beter as die S&P 500 gepresteer nie. Dit is ’n prestasierekord wat selfs vir Warren Buffet bewoë sal maak. Sy pa, Clayton, het die wêreld van beleggingsbestuur in 1930 betree, toe die groot ineenstorting van 1929 se verwoestingstog nog net ’n jaar lank aan die gang was. Dit beteken sy beleggingsfirma, ’n familie-onderneming, het elke markineenstorting van die afgelope 87 jaar meegemaak. “Trouens, die ineenstorting van 1929 was die rede hoekom my pa ’n beleggingsonderneming begin het. Hy was een van die pioniers in beleggingsbestuur en hy het sy eie onderneming begin omdat die firma vir wie hy destyds gewerk het, HM Billsby…

die Internasionale Monetêre Fonds voorspel groei van net 0,7% vir Suid-Afrika vanjaar. Intussen raam Statistiek Suid-Afrika die bevolkingsgroei van 2014 tot 2015 op 1,65% en verwag dat die gemiddelde lewenspeil vanjaar sal daal, soos die vorige twee jaar ook die geval was. Hoekom moet dit saak maak? Die voorspellings dui daarop dat die daling in die bruto binnelandse produk (BBP) per capita oor drie jaar nie meer as 1,3% sal wees nie. Dié daling sal ongerieflik wees, maar nie rampspoedig nie. Brittanje het ’n verlaging van 10% in staatsdienslone in 1931 oorleef. Griekeland het sedert 2007 ’n 26%-verlaging in reële inkomste per kapita gesien, en het oorleef. Die VSA het ’n 3.,6%-daling in reële inkomste per kapita tussen 2008 en 2009 gesien. Dalk sal ons in maatskaplike en politieke terme…

k lerekleinhandelaars se verkope het in November op ’n jaargrondslag met 5,8% gestyg, volgens die jongste syfers van Statistiek Suid-Afrika, ten spyte van die probleme wat huishoudings ervaar. Hoë skuldvlakke in ’n omgewing van stygende rentekoerse is “ongetwyfeld die grootste bedreiging vir die voortsetting van die robuuste groei in kleinhandelsverkope,” waarsku Colen Garrow, ekonoom by Lefika Securities, in ’n onlangse nota aan kliënte. Kommer oor verbruikerskuld weeg swaar op Truworths, wat baie afhanklik is van kredietverkope. In die 52 weke tot einde Junie verlede jaar, was kredietverkope verantwoordelik vir 70% van kleinhandelsverkope. Met kredietverkope was daar slegte skuld van 7,9%, teenoor die 8% in 2014 – deels as gevolg van Truworths se strenger kredietverleningskriteria. Ten spyte van die moeilike ekonomiese klimaat, het Truworths onlangs gesê hy verwag die ten volle…

Soos wat die tendens wêreldwyd is, neem ’n komitee, eerder as ’n enkele individu, die besluite oor die toepaslike monetêre beleid. Lesetja Kganyago, president van die Suid-Afrikaanse Reserwebank, is die voorsitter van die monetêrebeleidskomitee (MBK). Die doel is dat komiteelede verskillende sienings bydra. Op die vergadering in Januarie het drie lede vir ’n verhoging van 0,5 persentasiepunte gestem, twee vir ’n verhoging van 0,25 persentasiepunte en een vir geen verandering nie. Lesetja Kganyago Kganyago is in November 2014 as president aangestel nadat hy meer as drie jaar lank adjunkpresident was. Voor dit was hy die direkteur-generaal van die tesourie en het hy Suid-Afrika by internasionale organisasies soos die Wêreldbank, die Internasionale Monetêre Fonds, die G20 en die Afrika-ontwikkelingsbank verteenwoordig. Hy het ’n MSc in ekonomie van die Universiteit van Londen.…

Rich Mulholland “ ’n Ink-tellektuele heer wat motorfiets ry, bordspeletjies speel, na punkrock luister, koeng foe beoefen, kegelballe swaai, ondernemings bestuur en mikrofone misbruik,” is hoe Mulholland homself bestempel. Hy het sy loopbaan as ’n rockmusiek-toerassistent begin en die beligting vir groepe soos Iron Maiden en Def Leppard hanteer. Toe het hy Missing Link (’n Suid-Afrikaanse maatskappy wat daarin spesialiseer om aanbiedings te doen)begin, en hy was ’n medestigter van 21Tanks (wat daarin spesialiseer om probleme in organisasies te identifiseer en op te los). Hy is ’n gewilde spreker en gasdosent aan The Cape Graduate School of Business en die Gordon Institute of Business Science. Nuttigste toepassings en wenke: Die toepassing wat ek uitsluitlik vir aantekeninge en lyste gebruik, is WorkFlowy: Dit werk op alle platforms en op die web…