Indholdsfortegnelse for 16-feb-17 i Finweek - Afrikaans

hoe moet mens in die Trump-era belê? Die Amerikaanse skansfondsbestuurder Seth A. Klarman se siening van dié kwessie het Wall Street aan die gons nadat The New York Times uittreksels uit sy Januarie-brief aan beleggers gepubliseer het. Klarman waarsku in die brief oor die “gevaarlik hoë waardasies” van die aandelemark en sê beleggers ignoreer die groot risiko’s wat die voorgestelde beleid van president Donald Trump van Amerika inhou. Klarman is aan die hoof van Baupost Group, ’n skansfonds in Boston wat sowat $30 miljard bestuur. Hy geniet hoë aansien in die beleggingswêreld en het ’n indrukwekkende prestasiegeskiedenis: hy het in net drie van die afgelope 34 jaar geld verloor, volgens The New York Times. Op die oomblik is sowat 30% van sy fonds se geld in kontant, is berig. Klarman…

DRDGold, ’n laekoste-produsent van goud uit die herbewerking van ou mynhope rondom Johannesburg, het op 6 Februarie in ’n handelsverklaring aangekondig dat hy verwag dat sy verdienste per aandeel vir die ses maande tot einde Desember tussen 76% en 96% minder as in die ooreenstemmende tydperk in 2015 sal wees. Dit word deels aangedryf deur ’n styging in bedryfskoste in die Desember-kwartaal en koste wat met die opruiming en sluiting van sommige Crown Minespersele verband hou, sê die maatskappy. DRDGold se welvaart hou nou verband met die goudprys – wat sedert Kersfees met sowat 9% tot byna $1 230 per ons by die skryf hiervan op 7 Februarie gestyg het. Nog stygpotensiaal is moontlik as die Amerikaanse Federale Reserweraad op sy volgende vergadering in Maart sy aggressiewe benadering tot rentekoerseverhogings…

ek word dikwels gevra oor die koop van ’n aandeel wat mens reeds in ’n beursverhandelde fonds (ETF) of effektetrust besit. Jy het byvoorbeeld ’n Top 40-ETF, maar jy wil Richemont* afsonderlik ook koop. Die kwessie is dat jy jou Richemont-besit nou dupliseer. Die antwoord is om jou ETF te ken. Kom ons kyk na die basiese beginsels en kry ’n beter begrip van wat ons doen. Die gewig van die aandeel in die ETF Eerstens, watter aandele het jy in jou ETF? Ons moet die ETF (of effektetrust) ondersoek en kyk wat dit bevat. Ewe belangrik is om te weet wat die gewig van elke aandeel is. As jy ’n normale markkapitalisasie-geweegde Top 40-ETF hou, het Richemont ’n gewig van byna 8% in die indeks, terwyl ’n Indi 25-ETF…

dié eerste uitgawe van Kollektiewe Insig vir 2017 is moontlik self taamlik ironies. Dit is propvol inligting om te verduidelik in watter situasie ons as beleggers ons bevind: ons word eenvoudig aan te veel inligting blootgestel! Inligtingoorlading, inderdaad. Jonathan Spira, skrywer van die boek Overload, sê: “Nadat ek 15 jaar lank na die probleem van inligting-oorlading ondersoek ingestel het, was ek só oorlaai dat ek iets anders moes vind om te doen.” Ons doel met dié uitgawe is om die probleem hopelik nie te vererger nie, maar eerder ’n bewuswording te bewerkstellig. Ons wil aan lesers ’n duidelike denkraamwerk gee waarbinne hulle die inligting waarmee ons voortdurend gebombardeer word, kan verstaan en hanteer. Ons vertrou u sal só u eie raamwerk kan skep wat as ’n filter kan dien om…

die wye gebruik van slimfone, die dalende koste om data te stoor en te verwerk, asook toepassings wat sentraal gehuisves word en interaksie met gebruikers kan aanteken, bring mee dat sakeondernemings aansienlik meer data genereer, stoor en verwerk as wat in die verlede moontlik was. Facebook het byvoorbeeld in 2013 onthul dat meer as 4,75 miljard items van gebruikers wat hul status bywerk, iets op hul profielmuur pos en foto’s, video’s en kommentaar plaas, elke dag op sy platform gedeel word. Die groot nuwe datastelle het tot betekenisvolle geleenthede gelei om analitiese insigte te verkry en nuwe masjienleermodelle te lei om enigiets te doen van jou in ’n foto herken tot nuwe programme op Netflix vir jou aan te beveel – wat die vraag laat ontstaan hoe dié data deur…

ons het nog nooit tevore in menseheugenis toegang tot soveel inligting as vandag gehad nie. Met wêreldwye konnektiwiteit is daar die aanname dat meer inligting markte doeltreffender, besluite beter en risiko kleiner maak. En doeltreffender markte lei natuurlik tot billiker belegging en gelukkiger beleggers (maar nie altyd gelukkiger fondsbestuurders nie). Ek dink egter nie dis tans die geval nie. Ek reken dat die omgewing vir aktiewe bestuurders moeiliker word – in groot mate vanweë die oorvloed inligting – terwyl risiko’s daarin ook toeneem. Ek is ’n voorstander van aktiewe bestuur, maar van ’n vorm wat verskans is in ’n raamwerk wat oor ’n tydperk teen ’n veranderende agtergrond intelligent kalibreer en opdateer, eerder as een wat aan ’n verouderde paradigma verknog is. Dis dié soort aktiewe bestuur wat ons verwag…

w at is die een ding wat die belegger Warren Buffett en Chinese president Xi Jinping gemeen het? Hulle hou altyd die oog op die langtermyndoelwit en vermy oorhaastige besluite wat gegrond is op korttermyninligting. Buffett vertel die verhaal van ’n plaas wat hy in 1986 gekoop het noord van Omaha in die Amerikaanse deelstaat Nebraska. Hy het die plaas “goedkoop” gekry, vir minder as wat ’n mislukte bank ’n paar jaar vroeër teenoor die plaas uitgeleen het. Sowat 30 jaar later het die plaas sy verdienste verdriedubbel en het hy heelwat in waarde toegeneem. Buffett besit nog die plaas, en in ’n onderhoud met CNBC het hy gesê dat as iemand aan hom ’n daaglikse prys op die plaas gegee het, soos wat in die geval van enige genoteerde…

Waarskuwingsvlae wapper weens Lonmin se onvermoë om te verhoed dat kontant verloor ondanks ’n herstrukturering waarin 6 000 werkers (ongeveer 15% van sy werksmag) verlede jaar afgedank is en honderde miljoene rand in sy kapitaalbestedingsrekenings bespaar is. Lonmin is aan die einde van 2015 hergekapitaliseer met $407 miljoen deur middel van ’n regte-uitgifte wat uiteindelik deur die Openbare Beleggingskorporasie ondersteun is, onder meer in ’n poging om 30 000 werkgeleenthede in Rustenburg te red. Christopher Nicholson, ’n ontleder by RMB Morgan Stanley, wys daarop dat Lonmin onlangs nóg planne onthul het om sy sake te verbeter – wat beskryf word as ’n desperate poging “om elke liewe hefboom te trek”, maar telkens met ’n negatiewe gevolg. Nicholson sê: “Lonmin is steeds in ’n moeilike posisie – hy sukkel met onderprestasie…

vir baie skrywers wie se manuskripte deur die groot uitgewersgroepe geïgnoreer is, is selfpublikasie ’n wonderlike manier om hul boeke aan die publiek bekend te stel. As hul boeke wel verkoop, kan hulle aansienlik meer geld maak as uit ’n gewone uitgewersooreenkoms. ’n Skrywer wat werke op die tradisionele manier publiseer, kan tantieme van tot 30% op boekverkope verdien; ’n selfgepubliseerde skrywer kry deur Kindle tantieme van 70%. Intussen is die Kindle Storyteller Prize ter waarde van £20 000 aangekondig. Dit sal toegeken word aan ’n skrywer wat ’n boek van minstens 5 000 woorde tussen 20 Februarie en 19 Mei vanjaar met Kindle Direct Publishing uitgee. Een van die suksesverhale met selfpublikasie is E.L. James, skrywer van Fifty Shades of Grey wie se regte naam Erika Mitchell is. Sy…

d ie afgelope weke het Suid-Afrika twee voorbeelde gesien van wat kenners van buitelandse beleid “paradiplomasie” noem – buitelandse betrekkinge deur ander entiteite as die nasionale regering. Eers het Solly Msimanga, DA-burgemeester van Tshwane, Taiwan besoek om sy eweknie in die hoofstad, Taipei, te ontmoet, en enkele weke later het Mmusi Maimane, DA-partyleier, na Israel gereis om dié land se eerste minister, Benjamin Netanyahu, te ontmoet. Die ANC het ontplof. Msimanga is beskuldig dat hy die ANC se beleid van een China – waarvolgens Taiwan ’n “afvallige provinsie” en nie ’n afsonderlike staat is nie – ondermyn. Maimane is verkwalik dat hy die ANC-regering se veronderstelde beleid om Israel te isoleer, in gevaar sou stel. Sommige binne die ANC het dit selfs verraad genoem. Msimanga het gou verduidelik dat hy…

Fondsbestuurder se insigte: Die onbestendigheid van finansiële markte onderstreep die belangrikheid om portefeuljebestuurders te hê wat vaardig is in die kies van aandele, sê Chris Freund, Investec se hoof van Suid-Afrikaanse aandele- en multibatebestuur en portefeuljebestuurder by Investec Asset Management. Die Investec Equity Fund is ’n aktief bestuurde aandelefonds vir beleggers wat op soek is na kapitaalgroei op lang termyn. Aangesien aandele as ’n hoërrisiko-bateklas beskou word, is dit belangrik om ’n langtermynbeleggingshorison te hê. Aandelefondse kan op korter termyn onbestendig wees, maar met verloop van tyd, namate korporatiewe verdienste groei, klop hulle laerrisiko-beleggings soos kontant en effekte met gemak, sê Freund. Volgens hom het die fonds ’n unieke aandeelkiesbeleid, waarvan die hoeksteen is om aandele van redelike waarde te kies waar die verwagtinge van toekomstige wins opwaarts hersien word…

d ie skeepsbedryf is wêreldwyd onder druk, gedeeltelik weens ’n afname in die vraag in China, die wêreld se grootste invoerder van grootmaatkommoditeite. Daarbenewens het ’n ooraanbod van skeepsruim ook verskepingstariewe geraak, met Drewry Maritime Research wat raam dat die globale skeepsbedryf sedert die einde van 2015 teen ’n verlies bedryf word. Gevolglik het ’n aantal skeepsvaartreuse die afgelope twee jaar bankrot gespeel. Dit sluit in Suid-Korea se Hanjin Shipping Co, wat bande met die JSEgenoteerde Trencor gehad het. Trencor is ’n beleggingsbeheermaatskappy met belange in bedrywighede wat hul toespits op die besit, huur, en bestuur van en handel in skeepsvraghouers wêreldwyd, asook verwante finansieringsbedrywighede. Sy bates sluit in ’n belang van 48,04% in Textainer, een van die wêreld se grootste verhuurders van internasionale houers gegrond op vlootgrootte. Textainer is…

d ie einde van Februarie is al weer op hande. Dit is nie net ’n belangrike datum vir maatskappye met die einde van hul finansiële jaar in Februarie nie, maar ook vir mense wat persoonlike belasting betaal. Voordat jy moedeloos raak oor al die rompslomp wat al weer voorlê, wil ek jou aandag graag vestig op die voordele van belastingopgawes waarvan baie belastingbetalers dikwels nie bewus is nie. Ek het voorheen al verwys na die Matryosjka-pop (die sogenaamde Russiese nespop) toe ek verduidelik het hoe beleggingsprodukte my dikwels aan hierdie poppe laat dink. Die idee is gegrond op een pop (of beleggingsproduk) wat pas in nog een, wat pas in nog een, en nog een, en so aan. Uiteindelik word die opgehoopte gelde verbonde aan hierdie “geneste” produkte so onaantreklik…

finweek publiseer Kollektiewe Insig kwartaalliks namens die Suid-Afrikaanse beleggingsgemeenskap. Die menings wat hierin uitgespreek word, is nie noodwendig dié van die uitgewer nie. Alle regte word voorbehou. Geen deel van dié publikasie mag gereproduseer of uitgesaai word sonder die vooraftoestemming van die uitgewer nie. Sameroeper Anne Cabot-Alletzhauser Hoof van die Alexander Forbes-navorsingsinstituut Redaksionele advieskomitee Delphine Govender Beleggingshoof, Perpetua Investment Managers Petri Greeff Hoof van Spesiale Projekte, RisCura Patrice Rassou Aandele-hoof, Sanlam Investment Management Heidi Raubenheimer Onafhanklike navorsingskonsultant Steve Watson Bemarkingsdirekteur: Beleggings, Investec Asset Management Di Turpin Onafhanklike konsultant Nerina Visser ETF-strateegen -adviseur Muitheri Wahome Hoof van beleggingsprodukte, Investment Solutions South Africa…

Shakespeare het in sy romantiese komedie Twelfth Night geskryf dat onkunde die enigste duisternis is. Vandag impliseer onkunde in die sakewêreld waarskynlik dat inligting nie suksesvol benut word nie. Vergeet van die vierde nywerheidsrevolusie. Ek stel voor dat ons konsentreer op wat ek die tweede inligtingsera noem. Die vierde nywerheidsrevolusie se spoed, omvang en uitwerking op stelsels word aangevuur deur geweldige hoeveelhede data wat tot ’n ooraanbod van inligting lei. Ons het nou IT en elektronika. Sowel die massa as individue produseer ook data. Dit lei uiteindelik tot ’n onkeerbare vloei van inligting. In die eerste inligtingsera, wat in 1969 begin het, het dit alles oor die versameling van inligting gegaan. In die tweede inligtingsera sal die wenners dié wees wat inligting die beste benut. Die benutting van inligting impliseer…

Eenvoudig gestel, bevat die plaaslike mark blywende ondoeltreffendhede – mens moet net weet waar om te soek en hoe om hulle ten beste te benut. Vir sommige daarvan is ’n sterker kwantitatiewe lens of uitsoek van alfa met ’n groter reeks bateklasse nodig. Ander vereis ’n stroomop benadering of die kuns van finansiële manipulering (dit is afgeleide instrumente). Die meeste vereis eenvoudig die aanvaarding van normale beleggingsbenaderings om meer op die feite hierbo ingestel te wees, en die verskillende sterk punte wat wesenlik deel van mens se beleggingsproses is. As jy ’n aktiewe bestuurder is, sal jy daarna streef om te verstaan waarom sommige aandeelkeuses jou waarskynlik nie van jou portuurgenote sal onderskei nie. En as jy wil verstaan hoekom dit tans nie die moeite werd is om sommige risiko’s…

die 33-jarige Julia Franco het voorheen mode in Milaan gestudeer en het ’n ideale werk gehad by die Italiaanse ikoon Roberto Cavalli. Deesdae werk sy in Durban saam met vlugtelinge onder ’n nuwe maatskaplik bewuste etiket bekend as Shwe. “Ek dink mode kan ’n politieke verklaring maak, en dis hoe Shwe begin het,” sê Franco. “Dis nie soseer wat ons maak nie, maar hoe ons dit maak. Ek probeer om Shwe te gebruik om te vra waarom so baie mense van mode uitgesluit word; wanneer dit nie so moet wees nie. Almal dra klere en het die reg om te kommunikeer. Almal moet in mode geïntegreer en verteenwoordig wees, want almal het ’n stem.” Franco het die tradisionele Afrika-stof seshweshwe (of seshoeshoe) teëgekom toe sy haar kêrel vyf jaar gelede…

Mzu @Mzukisi_Qobo Deng Xiaoping: “Dit maak nie saak of die kat swart of wit is nie, solank hy muise vang, is dit ’n goeie kat.” Ek hoop Nel vang vir Zuma. Darrel Bristow-Bovey @dbbovey Om Seabelo Senatla aan die Stormers toe te vertrou is soos om ’n Berninibeeld aan ’n troep sjimpansees met bokshandskoene te gee en te hoop dit kom terug in een stuk. Dirk de Vos @DirkdeVos Sal wonderlik wees as Zwane & die hele ANC hulself met net een ding kan vertroud maak: ’n risiko-aangepaste vereiste opbrengs op belegging. REW @therealeatwood Jare later vind ek my ou wiskundeonderwyseres. Sy knik: dis tyd. Sy skryf: 1 ÷ 0 = Ons kyk deur die venster hoe die ontploffings begin. Ruan Jooste @DURITZ79 Vergeet die Big Mac-indeks. Die ware waarde…

Januarie is verby en Februarie snel voort, en dit beteken dat die einde van die belastingjaar vinnig nader kom en daarmee saam jou laaste geleentheid om jou jaarlikse belastingvrye belegging vir dié belastingjaar ten volle te benut. Elke individu word toegelaat om elke belastingjaar R30 000 in ’n belastingvrye rekening te belê, en as jy nog nie die hele R30 000 belê het nie en jy het kontant wat wag om belê te word, doen dit voor einde Februarie. In Maart sal die jaarlikse toelating na R30 000 teruggestel word (tensy die minister die bedrag vergroot, wat ek betwyfel). Ek het CSEW40* en DBXWD* in gelyke mate gekoop en in Maart sal ek PTXTEN* byvoeg en die portefeulje hersaamstel met 40% elk in CSEW40 en DBXWD en die orige 20%…

KUMBA IRON ORE Skikking met Ontvanger is goeie nuus Kumba het ingestem om met die Suid- Afrikaanse Inkomstediens (SAID) te skik vir R2,5 miljard. Aanvanklik was die eis van byna ’n jaar gelede R5,5 miljard, so die finale bedrag kom op ’n enorme korting neer en die maatskappy het reeds R1,5 miljard opsygesit. Dit laat R1 miljard oor wat betaal moet word – en as dit in die jaar tot einde Desember 2016 betaal was, sou dit Kumba se verdienste met sowat 12% laat afneem het. Nie onbeduidend nie, maar heeltemal bekostigbaar. Die 8% waarmee die aandeelprys op die dag gedaal het, lyk oordrewe, veral aangesien die bedrag baie laer is as die aanvanklike voorstel van R5,5 miljard. Ek reken die aandeel het nog behoorlike opwaartse potensiaal. VODACOM Voorlopig oorprys…

te oordeel na Lonmin se kwartaalverslag wat teen die einde van verlede maand uitgereik is, is daar goeie rede waarom hy nou al vir so lank die swakste aandeel onder die groter aandele op die JSE is, soos gemeet aan die verskil tussen sy prys en sy 200-daagse eksponensiële bewegende gemiddelde (EBG). Hy is weer besig om uit kontant te loop, met ’n netto kontantposisie van slegs R49 miljoen aan die einde van Desember nadat R106 miljoen bestee is aan bedryfskapitaal en kapitaaluitgawes in die kwartaal. Behalwe die probleem van ’n lae platinumprys sit hy ook met verskeie ander kopsorge. Die Marikana-albatros, waarvan die vyfde herdenking vanjaar plaasvind, gaan vir ewig om sy nek hang. Hoewel hy as die derde grootste platinumprodusent ’n belangrike maatskappy is, is daar blykbaar weinig…

volgens definisie is grootdata ’n algemene term om datastelle te beskryf wat só groot of kompleks is dat hulle nuwe verwerkingsvorms moet kry om beter besluitneming, insigontdekking en verwerkingsoptimalisering moontlik te maak. Dié nuwe verwerkingsvorms transformeer inligting en stel ons in staat om dit anders en doeltreffender te sien. Die blote volume, snelheid en uiteenlopendheid van inligting wat in kapitaalmarkte geskep word, is ideaal geskik vir grootdata-bevoegde vermoëns. Voorspellende finansiële modellering word getransformeer van eenvoudige, beperkte regressies tot algehele bevolkingsontledings wat die stippels in patrone verbind soos nog nooit tevore nie. Maar dit eindig nie daar nie. Die heelal van sosiale media, die web, musiek, video en stem (en talle ander) kan oorlê word op die tradisionele kapitaalmark wat die deur oopmaak vir ’n nuwe wêreld van voorspellende moontlikhede. In…

grootdata is soos tienerseks: almal praat daaroor, niemand weet regtig hoe om dit te doen nie, almal dink al die ander doen dit, en almal maak asof hulle dit doen.” – Dan Ariely Dit is lankal bekend dat ’n eenvoudige algoritme (op ’n baie kleiner skaal as in AlphaGo) in menige omgewing ’n goeie plaasvervanger vir menslike besluitneming kan wees, en in sommige gevalle selfs beter vaar. In 2002 het William Grove et al se meta-ontleding met die titel Clinical versus Mechanical Prediction: A Meta-Analysis 136 studies op uiteenlopende terreine uitgelig (onder meer mediese diagnose, akademiese prestasie en sukseskoerse vir parool) waar daar bewyse was dat ’n sistematiese besluitnemingsproses dieselfde take akkurater kan verrig, want dit skakel party van die gedragskundige slaggate in ons menslike oordeelsvermoë uit. ’n Verdere waarneming…

die beleggingsbedryf het die konsep van “grootdata” gou aanvaar as die volgende manier waarop professionele beleggingsbestuurders die oorhand sal kry oor hul portuurgroep en oor sogenaamde minder gesofistikeerde beleggers. Daar is sonder twyfel beleggingsentiteite – soos die Renaissance-groep – wat groot sukses behaal het deur skynbaar patrone in die vloei van gebeurtenisse binne en buite finansiële markte te herken. Aan die ander kant, het talle organisasies wat strategieë op die grootdata-konsep gegrond het dramaties swakker as die verwagtinge presteer. Byvoorbeeld, op 9 Januarie het Bloomberg berig oor die swak prestasie van die verskillende fondsbestuurders in 2016 deur die BlackRock “Scientific Active Equity”-groep. Volgens die berig, “bestaan SAE uit meer as 90 professionele beleggers, insluitend 28 Ph.D’s en talle datawetenskaplikes”. In teenstelling met fisieke wetenskap is finansies “die hand van die…

n Student se skootrekenaar kan enigiets tussen R4 000 en R23 000 kos, ’n tablet kan van R1 000 tot R9 000 kos, en ’n slimfoon kan van R1 300 tot soveel as R11 000 kos. “Handboeke kan ’n student tot R7 000 per semester kos. En baie studente ry met ’n fiets rond, ’n goedkoop vervoermiddel – behalwe die koopprys, wat maklik R20 000 of meer kan wees, afhangende van die model,” sê Attie Blaauw, Santam se onderskrywingsbestuurder vir persoonlike artikels. Hy wys daarop dat ongeag hoeveel ’n huis gedek word, elektroniese toerusting en besittings wat “beweeg” gewoonlik nie deur jou versekeringspolis gedek sal wees nie. “Die premies van ’n huishoudingsversekeringspolis word bepaal deur hoe veilig die huis is, byvoorbeeld of dit in ’n veilige behuisingskompleks is en of…

Vandeesweek kan jy ’n eksemplaar wen van Douglas Kruger se boek They’re Your Rules – Break Them: 50 Ways to Smash Silos, Bust Bureaucracy and Create a High-Performance Culture. Voltooi die aanlyn weergawe van dié vasvra, wat vanaf 13 Februarie op fin24.com/finweek beskikbaar sal wees, om in te skryf. 1 Waar of onwaar? Die herfskommandowurm he 2 Waar of onwaar? Madonna het gedurende halftyd by vanjaar se Super Bowl opgetree. 3 Vul die ontbrekende woord in: Dawn staan vir Distribution and Warehousing 4 Wie is Betsy DeVos? ? ’n Nederlandse presidentskandidaat ? ’n Plaaslike entrepreneur ? ’n Amerikaanse sakevrou en filantroop 5 Op watter dag het vanjaar se staatsrede plaasgevind? 6 Watter land hieronder se vlag het nie ’n kruis op nie? ? Swede ? Tonga ? Meksiko 7 Wat…