Finweek - Afrikaans 16-feb-17

hoe moet mens in die Trump-era belê? Die Amerikaanse skansfondsbestuurder Seth A. Klarman se siening van dié kwessie het Wall Street aan die gons nadat The New York Times uittreksels uit sy Januarie-brief aan beleggers gepubliseer het. Klarman waarsku in die brief oor die “gevaarlik hoë waardasies” van die aandelemark en sê beleggers ignoreer die groot risiko’s wat die voorgestelde beleid van president Donald Trump van Amerika inhou. Klarman is aan die hoof van Baupost Group, ’n skansfonds in Boston wat sowat $30 miljard bestuur. Hy geniet hoë aansien in die beleggingswêreld en het ’n indrukwekkende prestasiegeskiedenis: hy het in net drie van die afgelope 34 jaar geld verloor, volgens The New York Times. Op die oomblik is sowat 30% van sy fonds se geld in kontant, is berig. Klarman…

d ie afgelope weke het Suid-Afrika twee voorbeelde gesien van wat kenners van buitelandse beleid “paradiplomasie” noem – buitelandse betrekkinge deur ander entiteite as die nasionale regering. Eers het Solly Msimanga, DA-burgemeester van Tshwane, Taiwan besoek om sy eweknie in die hoofstad, Taipei, te ontmoet, en enkele weke later het Mmusi Maimane, DA-partyleier, na Israel gereis om dié land se eerste minister, Benjamin Netanyahu, te ontmoet. Die ANC het ontplof. Msimanga is beskuldig dat hy die ANC se beleid van een China – waarvolgens Taiwan ’n “afvallige provinsie” en nie ’n afsonderlike staat is nie – ondermyn. Maimane is verkwalik dat hy die ANC-regering se veronderstelde beleid om Israel te isoleer, in gevaar sou stel. Sommige binne die ANC het dit selfs verraad genoem. Msimanga het gou verduidelik dat hy…

“AS DINGE VERKEERD LOOP, KAN DIT DIE BEGIN VAN ’N LANG AFNAME IN DOLLARHEERSKAPPY WEES, EN VAN VINNIGE RENTEKOERS- EN INFLASIESTYGINGS, EN VAN INTERNASIONALE ANGS.” – Seth A. Klarman, waardebelegger en stigter van die Baupost Group, wat $30 miljard bestuur, waarsku kliënte oor belegging in die era van Amerika se president Donald Trump. Hoewel aandeelpryse herstel het ná Trump se oorwinning, waarsku Klarman oor “gevaarlik hoë waardasies”. Hy sê beleggers fokus op die potensiële voordele van belastingverlagings om die ekonomie te stimuleer, maar ignoreer die risiko’s van Amerikaanse proteksionisme en die oprigting van nuwe handelsversperrings, berig nytimes.com. “ONS HET ’N BEDRYF [IN SUIDAFRIKA] WAT AL 20 JAAR LANK KRIMP. AS ONS DIE AGTERUITGANG WIL STOPSIT, HET ONS ’N DOKUMENT EN ’N RAAMWERK NODIG WAT BELEGGING AANMOEDIG.” – Mark Cutifani, uitvoerende…

ons doel is om kliënte te bemagtig om gebruikte voertuie moeiteloos te koop en verkoop,” het CarZar se medestigter en mede- besturende direkteur, Fernando Azevedo Pinheiro, aan finweek gesê. Met eerstehandse ervaring van die slaggate en probleme wat gepaard gaan met die verkoop van ’n tweedehandse motor in Suid-Afrika het Pinheiro, ’n Brasilianer van geboorte, besluit daar moet ’n beter, makliker manier wees om hierdie transaksie te doen. Toe hy sy motor wou verkoop, kon hy nie ’n enkele handelaar vind in Kaapstad, waar hy woon, wat dit wou koop nie. Toe hy uiteindelik daarin geslaag het om daarvan ontslae te raak, was dit vir veel minder as wat dit werd was – en die aanbod het gekom van ’n Johannesburgse handelaar. Ná ’n ontmoeting met Michael Muller, gesamentlike besturende…

Fondsbestuurder se insigte: Die onbestendigheid van finansiële markte onderstreep die belangrikheid om portefeuljebestuurders te hê wat vaardig is in die kies van aandele, sê Chris Freund, Investec se hoof van Suid-Afrikaanse aandele- en multibatebestuur en portefeuljebestuurder by Investec Asset Management. Die Investec Equity Fund is ’n aktief bestuurde aandelefonds vir beleggers wat op soek is na kapitaalgroei op lang termyn. Aangesien aandele as ’n hoërrisiko-bateklas beskou word, is dit belangrik om ’n langtermynbeleggingshorison te hê. Aandelefondse kan op korter termyn onbestendig wees, maar met verloop van tyd, namate korporatiewe verdienste groei, klop hulle laerrisiko-beleggings soos kontant en effekte met gemak, sê Freund. Volgens hom het die fonds ’n unieke aandeelkiesbeleid, waarvan die hoeksteen is om aandele van redelike waarde te kies waar die verwagtinge van toekomstige wins opwaarts hersien word…

Januarie is verby en Februarie snel voort, en dit beteken dat die einde van die belastingjaar vinnig nader kom en daarmee saam jou laaste geleentheid om jou jaarlikse belastingvrye belegging vir dié belastingjaar ten volle te benut. Elke individu word toegelaat om elke belastingjaar R30 000 in ’n belastingvrye rekening te belê, en as jy nog nie die hele R30 000 belê het nie en jy het kontant wat wag om belê te word, doen dit voor einde Februarie. In Maart sal die jaarlikse toelating na R30 000 teruggestel word (tensy die minister die bedrag vergroot, wat ek betwyfel). Ek het CSEW40* en DBXWD* in gelyke mate gekoop en in Maart sal ek PTXTEN* byvoeg en die portefeulje hersaamstel met 40% elk in CSEW40 en DBXWD en die orige 20%…