Indholdsfortegnelse for 23-mar-17 i Finweek - Afrikaans

wat maak ’n besigheid suksesvol? As ’n werknemer in die drukmedia, wat omtrent net soveel bedreig word as ’n metertaxi in Johannesburg, is dit ’n vraag waaroor ek geruime tyd dink. Die antwoord, glo ek, is eenvoudig: gee die kliënt wat hy of sy wil hê. Of, as jy ’n genie soos Steve Jobs of Henry Ford is, gee hulle wat hulle nog nie eers weet hulle wil hê nie. Eenvoudige raad, maar dis ongelooflik hoe min besighede hierdie basiese beginsel reg kry. By finweek is verspreiding byvoorbeeld ’n steunpilaar van die besigheid. Tog sukkel ons steeds – ná sowat 30 jaar – om te sorg dat al ons intekenare hul tydskrif elke week betyds kry. Dit is dus vanselfsprekend dat selfs ’n liefhebber van drukmedia uiteindelik die handdoek sal…

“SAOEDIARABIË SAL NIE TOELAAT DAT HY DEUR ANDER MISBRUIK WORD NIE.” − Khalid al-Falih, Saoedi-Arabië se energieminister, het gesê ander deelnemers aan die ooreenkoms om olieproduksie te verlaag om die wêreldmark te stabiliseer, moet die las van produksieverlagings deel, het ft.com berig. Data van die Organisasie van Petroleumuitvoerlande (Opul) toon dat Saoedi-Arabië, die wêreld se grootste olie-uitvoerder, produksie in Februarie verhoog het en dat hy bygedra het tot ’n afname van 10% in die standaardolieprys, het ft.com berig. “Geteikende reklame stel ’n veldtog in staat om heeltemal verskillende, moontlik teenstrydige goed aan verskillende groepe te sê. Is dit demokraties?” − Die uitvinder van die World Wide Web, sir Tim Berners-Lee, in ’n ope brief om die 28ste bestaansjaar van die web te gedenk. Hy het gesê dat hoewel die web…

“Die ontsluiting van hierdie waarde deur ’n kontantverkoop kan R20 tot R30 toevoeg tot ons waardasie van Exxaro.” d is byna twee jaar sedert Mxolisi Mgojo in die groot skoene van Sipho Nkosi, voormalige uitvoerende hoof van Exxaro Resources, kom staan het. Ná ’n moeilike begin, gaan dit darem beter. Mgojo het ’n maatskappy geërf met sterk bates, maar wat vasgevang was in die kommoditeiteafswaai. Miskien weens marktoestande, was daar ook die kwessie van Exxaro se identiteit: Was hy ’n bedryfs- of ’n beleggingsfirma? Afgesien van sy steenkoolmyne, het Exxaro ’n belang in Kumba Iron Ore deur ’n 19%-belang in Sishen Iron Ore Company (SIOC). SIOC het opgehou om dividende te betaal, terwyl ’n 44%-belang in Tronox, ’n titaandioksied- en alkalichemikaliebesigheid wat in Amerika genoteer is, dividende uit verliese betaal…

d ie multinasionale verbruikersgoederemaatskappy Unilever is die jongste onderneming wat deur die Mededingingskommissie van kartelvorming beskuldig word. Die kommissie beweer Unilever en Sime Darby het tussen 2004 en 2013 in die mark vir die vervaardiging en verskaffing van bak- en kookprodukte saamgespan. Sime Darby het reeds met die kommissie geskik, ingestem tot ’n boete van R35 miljoen en hom daartoe verbind om R135 miljoen te investeer in verpakkings- en pakhuisgeriewe wat met Unilever sal meeding. Hy het ook ingestem om ’n bemagtigingsmaatskappy aan te stel om produkte vanuit die pakhuise te verprei. Sime Darby sal die boete in twee dele betaal, een binne 30 dae ná die skikking en die ander binne 11 maande. Hy het ook ingestem om met die kommissie saam te werk om Unilever te vervolg. Tembinkosi…

Ja, jy kan aandele in ons reserwebank koop, raar maar waar. Daar is 2 miljoen aandele beskikbaar vir beleggers en ’n groep van 149 000 is onlangs te koop aangebied. Dit klink laf, maar moenie dink dat jy die kans sal kry om beleid en rentekoerse te bepaal nie. Dit is nie ’n wonderlike belegging nie. Die dividend is op 10 sent per jaar vasgestel en jou enigste ander reg as aandeelhouer is om die algemene jaarvergadering by te woon. As jy minstens 200 aandele besit, kan jy oor nie-uitvoerende direkteure stem. Nou hoekom dan koop? Ek dink dis ’n fantastiese idee om die aandeelhouerbasis na ’n wye groepering van Suid-Afrikaners te diversifiseer. Daarby is die Reserwebankgebou in Pretoria ongelooflik en ons sal ’n uitnodiging na die jaarvergadering ontvang waar…

i n die laat 1990’s het die opkoms van kommersiële hidrobreking en horisontale boordery vir skalie (in Afrikaans bloot “hidrobreking”, in Engels “fracking”) die energielandskap in Amerika verander. Dié tegnologieë het dit moontlik gemaak om toegang te verkry tot voorheen onbereikbare, maar oorvloedige Noord-Amerikaanse olie- en gasreserwes. Ná dekades waarin die land swaar op ingevoerde energie gesteun het, is Amerika nou die grootste aardgasprodusent ter wêreld en hy kan Saoedi-Arabië teen 2020 verbysteek as die grootste verskaffer van koolwaterstofverbindings. Dié ontwikkelings was vernaamlik tot voordeel van Kinder Morgan, nou die grootste energie-infrastruktuurmaatskappy in Noord-Amerika. Gestig in 1997 deur die kollegevriende Richard Kinder en William Morgan toe hulle Enron Liquids Pipeline vir $40 miljoen oorgeneem het, het Kinder Morgan nou ’n markkapitalisasie van byna $50 miljard. Die maatskappy het in ’n…

The new BMW 5 Series comes in a choice of 21 colours and a selection of 17 light alloy wheels ranging in size from 17-inch to 20-inch. A variety of leather and wood trim finishes are to be had, including the Sport Line and Luxury Line equipment packages, which allow for a tailor-made car. POWERTRAINS AND PERFORMANCE A choice of two petrol and two diesel power units with four and six cylinders will be available from launch, the BMW TwinPower Turbo engines aiding in sharper performance and lower fuel consumption. BMW 530i: The four-cylinder petrol variant delivers 185kW and maximum torque of 350Nm, allowing it to sprint from 0-100 km/h in 6.2secs and reach a top speed of 250 km/h. Consumption is a frugal 5.4 litres/100km* while CO2 emissions are…

Min mense het verwag dat Suid-Afrika nou nog weens die regering se omstrede immigrasiereëls sou ly – ’n jaar en ’n half nadat die departement van binnelandse sake gesê het hy sou sommige van die beperkende regulasies verslap wat wydverspreide verliese in toerisme en verwante bedrywe veroorsaak het. Die reëls was onder meer dat minderjariges met onverkorte geboortesertfikate moes reis, asook die persoonlike insameling van biometriese data by visumaansoekpunte in sleutelgroeimarkte soos China, waar beperkte visumaansoekgeriewe beskikbaar is. Sommige veranderinge is ingestel, soos die opening van meer visumverwerkingsentrums oor die wêreld heen wat dit vir toeriste makliker maak om aansoek te doen, sê Trevor Bloem, woordvoerder van die departement van toerisme. Nuwe probleme het ingesluip. Daar word byvoorbeeld nou van gesinne uit visumvrygestelde lande, soos Amerika en Brittanje, vereis om…

Hoewel die toewysing van die 2017- nasionale begroting vir naskoolse onderwys en opleiding die snelsgroeiende bestanddeel van die land se algehele uitgawes was – ongeveer 5% van die nasionale begroting – was daar kritiek oor die kleinerige bedrag wat aan veral tegniese en beroepsonderwys toegewys is. Die drukgroep, Equal Education (EE), meen dat hoewel daar verwag word dat die besteding aan tersiêre onderwys op mediumtermyn met 9,2% tot R89,8 miljard teen 2019-’20 gaan groei, slegs 9,7% daarvan aan tegniese en beroepsonderwys en -opleiding sal gaan. Intussen word 42,7% van die begroting vir tersiêre onderwys toegewys aan universiteitsubsidies en 21,9% aan die NSFAS. “Dit is duidelik dat tegniese en beroepsonderwys ’n buiteverhoudingklein bedraggie ontvang vergeleke met universiteite. Dit word vererger deur die agterlosige toewysing aan TVET-infrastruktuurfinansiering en die stadige toepassing daarvan,”…

as ’n asmalyer van jongs af, is Nneile Nkholise bedag op hoe ’n mediese toestand die mense om haar se daaglikse lewe beïnvloed. Ná skool wou sy ’n verskil maak deur te help om ander se lyding te verlig, maar nie as ’n mediese dokter nie. Haar kans het gekom toe die Sentrale Universiteit van Tegnologie in die Vrystaat, haar tuisprovinsie, ’n kursus in meganiese ingenieurswese bekendstel vir toevoegingsvervaardiging op mediese gebied. Sy het haar graad in meganiese ingenieurswese daar verwerf en doen nou haar meestersgraad, met spesialisering in die vervaardiging van gesigsprosteses. Tydens haar studie het sy toenemend bewus geword van die markpotensiaal van borsprosteses en begin planne beraam om haar eie prostesemaatskappy, iMed Tech, te begin. Sedertdien was sy een van die finaliste in die SAB Foundation Social…

toe ek 12 jaar gelede ’n ekonomie-student was, het ons akademiese literatuur – deur die voorste ekonomiese denkleiers en sosiale wetenskaplikes – die destydse swak prestasie van die Suid-Afrikaanse skoolstelsel beween. Daar was min twyfel dat die gehalte van skole moes verbeter ter wille van die 80% Suid-Afrikaners wat steeds, ondanks ’n enorme oordrag van hulpbronne na dié skole, vasgevang was in ’n stelsel wat deur beleid van die apartheidera ontredder is. Spoel vorentoe na 2017. ’n Hele geslag is deur die stelsel en steeds is daar byna geen verbetering nie. Uit elke 100 graad 1-leerlinge wat skool toe gaan, slaag slegs 37 matriek. Onderwysersvakbonde maak kapsie teen beleidsmaatreëls wat die gehalte van die onderswyserskorps sou kon verbeter, wat ons minister van basiese onderwys oënskynlik lamlê. Korrupsie bring dikwels mee…

ondanks die feit dat die meeste werknemers in hul private hoedanigheid tegnologies kundig en vertroud met mobiele en wolk-gebaseerde hulpmiddele word, is plaaslike maatskappye traag om digitale hulpmiddele en platforms by die werk in te voer. Hierdie traagheid word kwaai gevoel op die gebied van mensehulpbronne (MH), en mensebestuur terwyl maatskappye hardnekkig vasklou aan ou metodes in ’n nuwe en snel ontwikkelende digitale wêreld. Die studie het getoon dat slegs 35% van wêreldwye MH-beroepslui hul digitale vermoëns as “goed” of “uitstekend” evalueer – en in Suid-Afrika is dié syfer 31%. Volgens Deloitte se Global Human Capital Trends-verslag van 2017, Rewriting the rules for the digital age, hou MH nie tred met tegnologiese innovering en ontwikkeling nie. Dié studie het getoon dat slegs 35% van wêreldwye MH-beroepslui hul digitale vermoëns as…

ote ons laas gepraat het oor Kropz, ’ n maatskappy waarin Patrice Motsepe se African Rainbow Capital aandele het, was sy mikpunt Maart vir die eerste produksie van fosfaatkunsmis uit Elandsfontein, ’n projek van 1,5 miljoen ton per jaar (Omgewingsgroepe behoorlik Kropz-vol, uitgawe van 8 Desember 2016). Tegnies het die projek gevorder. Die risiko vir Elandsfontein was egter die teenkanting van omgewingsbewustes soos die Weskus-omgewingsbeskermingsagentskap (WCEPA), wat in 2014 beswaar gemaak het teen ’n omgewingsmagtiging wat die departement van mineralebronne (DMH) aan Kropz toegestaan het hoewel daar ander reëls bestaan het vir dié soort magtiging. Omgewingskenners het toe aansoek gedoen om die DMH hooggeregshof toe te vat, met die betoog dat die magtiging onreëlmatig was en dat uitgrawing by Elandsfontein sal lei tot besoedeling van ’n akwifeer wat die grondwater…

Prescient Investment Management is ’n gemagtigde finansiëlediensteverskaffer (FSP 612). Wat die fondsbestuurder sê: Die Prescient Income Provider Fund word geklassifiseer as ’n laerisiko-fonds wat beleggers op ’n stabiele en deurlopende grondslag teen inflasie beskerm. Dit is geskik vir beleggers wat stabiele, reële opbrengste soek en poog om inkomste te maksimaliseer deur blootstelling hoofsaaklik aan die Suid-Afrikaanse gelden effektemarkte, sê Meyer Coetzee, hoof van kleinhandel by Prescient Investment Management. Om aan sy beleggingsdoelwitte te voldoen, belê die fonds in plaaslike en buitelandse geldmarkte, effekte, eiendom, voorkeuraandele, inflasiegekoppelde obligasies en afgeleide instrumente. Die uiteindelike doelwit is om negatiewe verrassings, wat daartoe kan lei dat die algehele portefeulje swakker as inflasie presteer, te vermy, sê Meyer. As die renteopbrengs op die portefeulje byvoorbeeld 12% is, kan blootstelling aan volatieler bates soos eiendom verhoog…

het jy al ooit vir jouself gesê: “Ek spaar wat ek kan, maar ek het nie ’n behoorlike finansiële plan nie. Wanneer moet ek daarna kyk?” Of dalk: “Ek is amper 40, en ek is nie seker of ek verstandig belê nie. Hoe moet ek weet?” Teen die tyd wat mense hul 40’s bereik, het drie uit vier van hulle iets vir hul aftrede gespaar. En dit is reg so, want hulle is aan die toppunt van hul verdienvermoë en behoort ver op die pad na hul langtermyn-besparingsdoelwitte te wees. Maar die lewe maak dinge gewoonlik moeilik – soms is dit ’n uitdaging om aan te hou spaar en jou beleggings- en finansiële doelwitte te bereik. ’n Probleem vir diegene in hul 40’s is dat hulle dikwels geld moet spaar…

goud het ’n lang en ryke geskiedenis as ’n kwantitatiewe maatstaf van persoonlike welvaart. Die besoek van die koningin van Skeba aan koning Salomo se weelderige tempel is maar een voorbeeld van hoe oud die praktyk is. Dan is daar ook talle mites en legendes, soos dié van El Dorado, wat vandag nog ontdekkers van oor die wêreld heen na die stad van goud lok, en sprokies soos Jan en die Boontjierank, waarin die gans wat die goue eiers gelê het, sy lewe vir altyd verander het. Dis nie moeilik om te verstaan waarom goud deur die jare heen soveel mense se oë laat glinster het nie. Goud was ook eeue lank die vaste standaardwisselkoers tussen lande vir internasionale handel, maar dit het in 1971 opgehou met die ineenstorting van…

die dag nadat finweek ’n onderhoud gevoer het met Discovery se stigter en uitvoerende hoof, Adrian Gore, op 10 Maart, was dit 25 jaar sedert hy die eerste keer sy plek in die maatskappy ingeneem het. Toe Gore die oorspronklike Discoverygesondheidsorgmodel saamgestel het, was die konsep van die beloning van verbruikers vir hul gesondheid betreklik vreemd. “Ons het in die 1990’s met hierdie Vitality-idee afgeskop. Dit was werklik opportunisties toe ons dit per abuis ontdek het, maar dit het grondig geword namate ons dit nagestreef het. Destyds was dit nie iets natuurliks om ’n gesonde leefstyl aan te moedig nie,” sê Gore aan finweek. Die groep het nogal teenstand gekry omdat daar gemeen is dat die konsep waardevolle, skaars gesondheidsorghulpbronne mors deur vir gimlidmaatskap te betaal. “Iets wat vandag so…

spioenasie en kuberkraking is weer in die nuus nadat Wikileaks weer dokumente laat uitlek het. Die organisasie het tussen 2013 en verlede jaar 8 761 dokumente en lêers gepubliseer wat na bewering uiteensit hoe die Amerikaanse sentrale intelligensiediens (CIA) spioeneer deur tegnologie in teikenhuise te gebruik. Wikileaks sê in ’n persverklaring dat die dokumente die “omvang en rigting” van die CIA se wêreldwye koverte krakingprogram, sy wanware-arsenaal en spesifieke instrumente uiteensit wat Apple se iPhone, asook Google se Android- en Microsoft se Windows-fone teiken naas Samsungtelevisies, wat in geheime mikrofone verander word. Die CIA wou nie oor die egtheid van die uitgelekte dokumente kommentaar lewer nie, maar die FBI doen glo ’n strafregtelike ondersoek na die uitlekking daarvan. “Die Amerikaanse publiek behoort baie onrustig te wees oor enige Wikileaksbekendmaking wat…

politici is lief vir mag. Wanneer politici burokratiese instellings kombineer, is die rede gewoonlik om politieke mag te konsolideer eerder as om die doeltreffendheid van die instellings te verbeter. Dit is waarom samesmeltings wat deur politici gedryf word die wenkbroue laat lig, veral wanneer hulle nie deur gesonde sakebeginsels ondersteun word nie, maar deur verborge politieke agendas. Die onlangse samesmelting tussen staatsbeheerde finansieringsagentskappe die Nywerheidsontwikkelingskorporasie (NOK) en die Nasionale Bemagtigingsfonds (NBF) is dié soort ongewilde samesmelting wat aan swart sakedrukgroepe opgedwing is ten spyte van hul teenverklarings oor die potensiële negatiewe impak wat dit op swart ekonomiese bemagtiging (SEB) kan hê. Die Black Management Forum (BMF), die Progressive Professionals Forum (PPF), en sover ek verstaan, ook die Black Business Council (BBC), is sterk gekant teen die konsolidasie van die NBF…

1. Sit goed waar mense dit sal vind: Werk met wolkdeelhulpmiddele soos OneDrive. Jou lêers sal altyd veilig wees (selfs as jy jou skootrekenaar verloor) en jy kan lêers en dokumente maklik deel en saam aan hulle werk. Jy kan ook maklik soek na inhoud van jou medewerkers waartoe jy magtiging het. 2. Reël doeltreffende vergaderings: Ons bestee (gemiddeld) 47% van ons tyd in vergaderings. Maak seker dat dié tyd goed benut word, met bepaalde agendas, aksiepunte, gedeelde notules, optekening van aanwesigheid en gesprek-interaksie asook afstandsvergaderings oor Skype vir sake- en ander hulpmiddele. 3. Leer om OneNote te gebruik. Hou boek van al jou werkinhoud wat jy maklik met spanne kan deel. Laat almal in ’n vergadering notules en ander dokumente op ’n enkele plek in reële tyd bêre.…

Die opening van uitvoermarkte aan opkomende termiesesteenkoolmyne in swart besit lê die regering lank na aan die hart. Dit is dus ’n verrassing om syfers van die Richardsbaaisteenkoolterminus (RBST) vir Januarie te sien wat toon dat uitvoer deur swart maatskappye daal. Volgens RBST, die bedryfsgerief wat steenkool oorlaai van Transnettreine na skepe onderweg na Indië, Europa en Suidoos-Asië, het uitvoer deur Quattro, die terminus se SEB-skema, gedaal tot 1,8 miljoen ton (Mt) teenoor 2,2 Mt in 2015. Quattro se vermoë is egter veel groter – 4 Mt per jaar. Een aanname was dat lae steenkoolpryse aflewerings nie aangespoor het nie, maar dit verduidelik nie swak volumes deur Quattro nie, veral in November toe RBST ’n geannualiseerde 91 Mt uitgevoer teenoor uitvoer van 72 Mt vir die kalenderjaar ten tyde van…

eOH, Suid-Afrika se grootste IKTdiensteverskaffer, bied ’n verskeidenheid dienste wat toegespits is op drie gebiede: tegnologie, konsultasie en uitkontraktering. EOH is in 1998 op die JSE genoteer, het meer as 6 000 mense in diens en 120 punte van teenwoordigheid in Suid-Afrika en elders in Afrika waar kliënte diens ontvang in ’n verskeidenheid van sektore, insluitende finansiële dienste, telekommunikasie, vervaardiging en logistiek, die openbare sektor, mynbou en kleinhandel. Hoewel sy aandeelprys oor die afgelope jaar traag was, het hy 7% gespring in intradaghandel ná die vrystelling van die groep se jongste handelsverklaring in Februarie, waarin hy ’n verwagte toename van tot 25% in verdienste en wesensverdienste per aandeel vir die tussentydse tydperk aangekondig het. Hul resultate, wat op 15 Maart bekendgemaak is, het ’n verdienste per aandeel van 23%, en…

EXXARO RESOURCES Veranderende strategieë saai groter twyfel Exxaro Resources wys hoe maatskappye se langtermynstrategieë soms so vinnig verander dat beleggers sukkel om te verstaan presies wat hulle koop en wat die toekoms inhou. Enkele jare gelede wou Exxaro minder blootstelling aan steenkool hê en sy blootstelling aan ystererts en minerale sand vergroot. Dit het tot ’n mislukte uitstappie gelei om die Mayoko-ysterertsprojek in die Republiek van die Kongo te koop, wat die groep ná vier jaar sowat R6 miljard gekos het aan afskrywings toe hulle uiteindelik in 2016 weggestap het. Nou het hy aangekondig hy wil wegstap van die Tronox-aandele wat hy besit, nadat hy laat in 2011 effektief R12 miljard daarvoor betaal het. Hy het nie kontant betaal nie, maar sy mineralesandwerksaamhede in Tronox ingesteek en aandele in plaas…

Die toerismebedryf is dalk heel opgewonde oor die nuus van die rekord van 10 miljoen besoekers, maar die sentiment is flou vir beleggers in JSE-genoteerde toeristemaatskappye, veral hoteloperateurs. Sun International Dit is anders as wat mens verwag, want die groter toeristetal het die besettingskoers en gevolglik die verdienste laat styg. Die goed gediversifiseerde dog altyd dalende Sun International, waar Anthony Leeming, vroeër finansiële groepshoof, in Mei die toppos sal oorneem, verklaar dié teenstrydigheid deels. Die markkapitalisasie van dié hotel-en-casino-reus, wat nou op R8,6 miljard gewaardeer word, het die afgelope dekade met meer as ’n derde (van R16,3 miljard in 2007) gedaal, al is heelwat beleggersgeld in verkrygings belê en is miljarde meer aan opknappings en buitelandse groeiprojekte bestee. Die aandeelprys, wat die afgelope jaar 18,3% vir beleggers opgelewer het, verhandel…

HOE LANK IS JOU GEWONE WERKDAG? Waarskynlik 15 ure. Ek staan ongeveer vyfuur op en ek kom redelik vroeg tuis. Ek en my vrou het drie volwasse kinders (19, 23 en 25), maar sy het onlangs swanger geraak en nou het ons ’n babaseun van 18 maande. Dus is dit gewoonlik 12 tot 13 ure op kantoor en ’n paar ure tuis, ná sy badtyd. KRY JOU BALANS: Ek dink balans is ’n funksie van wat jy probeer vermag. Balans moet betrekking op jou aspirasies hê. As jy die wêreld probeer verander, kan jou werkdag nie vyf ure wees nie. My prioriteite is om die onderneming te laat groei, en my gesin. Ek is of hier, of tuis; ek mors nie tyd met ander goed nie. Ek hou my fiks,…

n Regstreekse BBC-onderhoud met ’n gesiene akademikus oor die woelinge in Noord-Korea is onlangs onverwags deur sy twee kindertjies onderbreek, en toe ook hul moeder, wat desperaat probeer het om hulle uit die kamera se oog te kry. Die video het vinniger op sosialemedianetwerke versprei as wat jy vir ’n baba se kwyl kan koes. Oral ter wêreld het dit ouers pynlik herinner aan die morsige konflik tussen werk en ouerskap. Die kombinasie van ’n uitdagende loopbaan en die begeerte om ’n volmaakte ouer te wees, kan uitputtend wees. Albei rolle verg hope tyd en aandag, wat menige werkende ouer verskeurd laat voel tussen mededingende verantwoordelikhede. Een van die grootste probleme wat ouers het, is hul enorme skuldgevoel dat hulle nie meer tyd aan hul kinders bestee nie, sê Mia…

Victor Dlamini @victordlamini Samespanning: Wat jy korrupsie noem wanneer dit in ’n private skool was. Joseph Fahmy @jfahmy Ek wou nog altyd opgradeer van VERKOOP na HOU. Hoe moet ek dit HOU as jy nou net gesê het ek moet VERKOOP? Conor Sen @conorsen Soos hulle sê: “Wanneer ’n man moeg is om te wag op die verandering in die arbeidsmagsyfer, is hy moeg vir die lewe.” Anele Mdoda @Anele Het jy al ooit OR Tambo probeer verlaat sonder om jou parkeerkaartjie te betaal? Onmoontlik, maar party mense kan met R24 miljoen wegkom! Ferial Haffajee @ferialhaffajee #Prasa #SABC #StateofCapture #Airportheist #Sassa. Dis soos om in ’n fliekweergawe te lewe van “Dis jou beurt om te vreet”. Warren Robertson @WarrenRcomedian As Johannesburg die Kaapstadse verkeer gehad het, sou ons al lankal…