Indholdsfortegnelse for 25-may-17 i Finweek - Afrikaans

min dinge in die lewe is so moeilik soos om vrye kontantvloei te genereer, het ons professor eenkeer gesê – ’n les wat ek byna elke maand opnuut leer wanneer ek my eie begroting probeer balanseer. Op ’n groter skaal hoef mens nie verder as Lonmin te kyk vir ’n soortgelyke les oor hoe moeilik dit kan wees om op te hou om kontant te bloei nie. Ek moet dadelik erken ek het min simpatie vir die moeilikheid waarin die maatskappy hom bevind. Hy het sy werknemer- en gemeenskapverhoudinge dekades lank vrot hanteer en talle van die probleme wat hom tans in die gesig staar, is van sy eie maaksel. Kom ons bekyk byvoorbeeld die onlangse protesoptrede deur gemeenskapslede van die Bapo ba Mogale, op wie se grond Lonmin al…

“TENSY ONS LEIERSKAP EN BESTUUR REGKRY, GAAN ONS NIE AFRIKA SE EKONOMIE REGRUK NIE.” − Olusegun Obasanjo, voormalige Nigeriese president, wat by Gibs in Johannesburg gepraat het oor Making Africa Work, ’n boek wat onlangs vrygestel is en waarvan hy die medeskrywer is. “Hierdie transaksie was merkwaardig in sy uitvoering. Met verloop van tyd gaan dissipline waarskynlik wegkwyn. Bykans elke land wil hê sy produksie moet styg.” − Michael Barry, direkteur van navorsing by die konsultantfirma FGE in Londen, aan ft.com oor die Organisasie van Petroleumuitvoerlande (Opul) se ooreenkoms om produksie in te kort. Opul en sy elf nie-lidvennote het verlede jaar ooreengekom om produksie vir ses maande te vermireik, het ft.com berig. “TEN BESTE IS DIE PERS BESIG OM OLIFANTE VAN MUGGIES TE MAAK, EN DIE VOORTSLEPENDE SKANDALE IN…

ná Lonmin se halfjaarsyfers vroeër in Mei, waarin kontant voorhande van $114 miljoen in die ses maande van die vorige jaar tot $75 miljoen geval het, was ontleders soos altyd skepties oor Lonmin. Daar is selfs gerugte dat Sibanye Gold die maatskappy gaan oorneem wanneer die kontant opraak en Lonmin die mark om meer fondse nader. Aan die einde van 2015 het Lonmin herkapitalisering ter waarde van $407 miljoen deur middel van ’n regte-uitgifte nodig gehad. Hy het vroeër in Mei gesê hy het steeds netto waarde van sowat $340 miljoen bokant die $1,4 miljard wat nodig is as ’n sleutelskuldooreenkoms met uitleners, maar ernstige probleme met produksie of die pryse van platinumgroepmetale (PGM’s) kan aandeelhouers ongemaklik laat voel. Dit is belangrik om in gedagte te hou dat staatspensioene aan…

die luuksegoederegroep Richemont het ’n uitdagende jaar gehad; verkope was in die 12 maande tot einde Maart jaar-tot-jaar 4% laer, en bedryfswins ’n yslike 14% laer. Richemont, wat deur die miljardêrsakeman Johann Rupert gestig is, besit van die wêreld se voorste handelsmerke, waaronder Cartier, Van Cleef & Arpels, Piaget, Chloé, Alfred Dunhill en Montblanc. Die groep het veral in sy horlosiebesigheid ’n uitdagende omgewing beleef. Verkope het met 11% tot €2,88 miljard gedaal en bedryfswins met 57% tot €226 miljoen. Hierdie dalings is deels toegeskryf aan ’n terugkoopprogram om oormatige voorraad uit kleinhandelwinkels te verwyder. Die horlosies wat teruggekoop is, is vernietig. Tydens die bekendstelling van die resultate op 12 Mei het Rupert gesê Richemont het besluit om in die lig van die verlangsaming van die vraag op die produksieoorskot…

VALUE LOGISTICS Ekonomie moet draai voor ek koop Ek het in die uitgawe van 4 Mei gesê Value se handelsverklaring lyk goed lyk en sy resultate was inderdaad gunstig. Inkomste het met 20% toegeneem, al was slegs 3,4% daarvan organies, met die res deur verkrygings. Koste het gedaal en die uitkering is 50% hoër op 18 sent per aandeel, wat die aandeel op ’n dividend-opbrengs van 5,5% geplaas het. Die aandeelprys het danksy dié resultate met ongeveer 25% herstel, maar is steeds benede sy netto batewaarde (NBW) van 522 sent per aandeel. Die NBWsyfer is stewig, met slegs ’n paar sent se ontasbare bates wat ingesluit is. Die aandeel is goed geprys vir ’n belegging, maar daar’s kommer oor die moeilike ekonomiese toestande wat die bestuur as teenwinde vir groei…

is dit naïef om in sprokies te wil glo? Niemand wil tog seker in die ergste moontlike uitkomste glo nie. Die mensdom neig om te glo als sal reg uitwerk, maar is dit ook op beleggings van toepassing? Bekyk mens ’n grafiek wat die laaste 50 jaar se bewegings op die JSE se indeks van alle aandele uitbeeld, is die antwoord ja, absoluut. Die algemene tendens is opwaarts en regstellings is gewoonlik taamlik kort van duur. Ek dink voordat ek verder gaan is dit nodig om kortliks te kyk wat ’n regstelling is. Ofskoon daar nie werklik ’n konkrete omskrywing van ’n markregstelling bestaan nie, is die siening onder aandelemakelaars dat dit is wanneer ’n mark met 10% of meer vanaf sy hoogtepunte terugsak. In vandag se taal sal dit…

SLEUTELAANWYSERS: Markkapitalisasie: R60,5 miljard Waarde van bates: R84,1 miljard Fokus: Kleinhandel en kantoor en in mindere mate nywerheid en logistiek Geografiese blootstelling: Suid-Afrika, Pole, Brittanje, Duitsland, Australië Lenings-tot-waarde-verhouding: 39,8% Skuldverskansing: 83% (gemiddelde termyn van 2,6 jaar) Dividendopbrengskoers: 8,04% Ontledersmening: Drie hou (saamgestel deur IRESS) Redefine het ses jaar gelede ’n strategie van buitelandse diversifiering in markte met harde geldeenhede aanvaar wat sy inkomstevloei vergroot en bestendiger gemaak het, en het ook sy gehalte en doeltreffendheid verbeter en sy plaaslike portefeulje se verhuringsprofiel verleng. Hy het sy verwysingspunte weens die kabinetsverandering en die land se kredietgraderingsverlaging teruggestel, maar die beleggersgedrewe strategie vergoed vir plaaslike ekonomiese probleme en plaas die gediversifiseerde, JSEgenoteerde eiendomsbeleggingstrust in ’n posisie om die storm te deurstaan, sê Andrew Konig, uitvoerende hoof. Dit behels onder meer dat die…

Die rampdroogte het meegebring dat die nasionale bees- en skaapkuddes met gemiddeld 15% tot 18% verklein moes word. Só sê Gerhard Schutte, die uitvoerende hoof van die Nasionale Rooivleisprodusente-organisasie (RPO). “Waar die droogte gebreek is, moet boere nou ’n middeweg vind tussen voortgesette vleisbemarking en die heropbou van hul kuddes wat drie jaar kan duur vir kleinvee en vyf jaar vir beeste. ’n Verdere impak van die drooogte is rooivleispryse wat met gemiddeld 25% gestyg het, skaapvleis met 20% en speenkalwers met 50%.” Achmat Brinkhuys, voorsitter van die SA Pluimveevereniging (SAPV), beweer dat die stortings van pluimveevleis in Suid-Afrika deur oorsese mededingers dié bedryf meer geknou het as die rampdroogte se swak mielie-oes in 2016 en duurder voerpryse. Sowat 18 miljoen braaikuikens per week word plaaslik geproduseer, terwyl 8,5 miljoen…

toe die Mededingingskommissie aangekondig het dat hy ’n klomp plaaslike en internasionale banke van wisselkoersbedrog gaan aankla, het die openbare woede kookpunt bereik. Hoewel daar heelwat toorn en woede van 140 karakters op ’n slag was, het ek wel gesien dat ’n aantal Suid-Afrikaanse banke nié betrokke was nie. Ek het gewonder of enige van dié woedende Suid-Afrikaners bereid sou wees om van bank te verander weens dié bewerings. Ek het gewag om te sien of daar enige verbruikersaktivisme teen die banke sou wees. Ek wag steeds. Dit is waarom ek onlangs aandagtig gelees het oor Aspiration, ’n Amerikaanse finteg-beginnermaatskappy. Een van Aspiration se medestigters is Andrei Cherny, ’n voormalige toespraakskrywer van oudpresident Bill Clinton. Aspiration het ’n diens by sy mobiele banktoepassings gevoeg wat ’n kliënt se bestedingspatroon sal…

malusi Knowledge Gigaba se aanstelling einde Maart as Suid-Afrika se nuwe minister van finansies is met skok begroet. Die rand het getuimel en die land se beleggingsgradering is tot riskante status verlaag. Die nuwe minister slaan sedert sy aanstelling vure wêreldwyd dood, van Washington tot in Durban en die komende beleggersaanbieding wat vir Singapoer beplan word. Hy loop ook sedertdien deur onder die voortgesette wraak van revolusionêres in sosiale media wat sy keuse van die akademikus Chris Malikane as een van sy ekonomiese adviseurs kritiseer. Malikane is onder meer bekend om sy sterk sienings oor nasionalisering – nie ’n siening waarvan die internasionale beleggings- gemeenskap juis hou nie. Gigaba het in reaksie op die ophef gesê hy as minister is iemand wat self besluite neem. Gigaba is skerp en is…

jy weet dat jy ’n mark ontwrig as jou mededingers jou probeer sluit. Dit is wat die 24-jarige Kyle Dodds reeds op hoërskool geleer het. Om ekstra sakgeld te verdien, het hy lekkergoed by die skool teen ’n laer prys as die snoepwinkel verkoop. Maar die snoepwinkel, met die mag van die skool agter hom, het Dodds se klein lekkergoedbesigheid gou beëindig. Sy volgende geldmaakskema was private klasse in wiskunde en wetenskap. Die vraag was veel groter as wat hy ooit verwag het. Vinnig moes hy vriende inroep om ook private opleiding te gee. “In een stadium het ek ’n span van 10 opleiers gehad wat meer as 160 lesse per maand gegee het,” sê hy. Hy het dit vyf jaar lank gedoen, terwyl hy siviele ingenieurswese in Pretoria gestudeer…

tharisa, ’n maatskappy wat chroom en platinum ontgin, was verlede jaar een van die mynaandele wat die beste op die JSE gevaar het, hoofsaaklik weens ’n ongelooflike verbetering in die prys van chroom. In een stadium het die aandeel R28 per aandeel bereik, wat nie ver benede sy noteringsprys van R35 per aandeel in 2014 is nie. Destyds het Tharisa privaat gekla dat hy nie sou kies om in dié jaar te noteer nie, maar sy beleggers was gretig vir ’n uitgangstrategie en het gesê die tyd is geleë. Dus het die notering plaasgevind tydens ’n reinigingstydperk vir platinumprodusente, wat Tharisa destyds hoofsaaklik was, met die gevolg dat die aandeelprys die jaar op ’n geringe R6 per aandeel gesluit het. Gedurende die verloop van verlede jaar, het dit egter duidelik…

Sygnia se aandeelprys het gedaal nadat hy ’n jaar gelede 2 100 sent bereik het, en was 1 200 sent voor die bekendmaking van die volgende resultate, wat einde Mei behoort te wees. By die skryf hiervan was daar nog geen handelsverklaring nie en ek verwag nie dat die resultate skouspelagtig sal wees nie. Die aankondiging sal ook die besonderhede bevat van die regte-uitgifte om vir Sygnia se aankoop van Deutsche Bank (DB) se vyf x-tracker- beursverhandelde fondse (ETF’s) te betaal. Die regte-uitgifte sal verwatering veroorsaak en al maak die aankoop baie sin, word dit teen ’n prys-verdienste-verhouding (p/v) van sowat 10 gedoen. Sygnia sal egter waarskynlik die ETF’s se gelde verlaag, wat die aankoop-p/v sal verhoog. Die regte-uitgifte sal verwatering veroorsaak, en al maak die aankoop baie sin, word…

die pelgrimstog na Omaha in Mei om te luister na Warren Buffett en Charlie Munger was altyd op my lys van dinge om eendag te doen. Maar twee keer is ek die geleentheid aangebied om by te woon en albei kere het ek wat eintlik ’n flou verskoning was, voorgehou. Agterna het ek besef ek het dit nie die moeite werd beskou om dit by te woon nie. Ek het met verskeie mense gepraat wat al die byeenkoms bygewoon het, en almal het gesê dis ’n wonderlike ervaring. Hulle kon egter baie min werklike bewyse gee dat dit hulle gehelp het om beter te belê of te dink. Toe, verlede jaar, is die Berkshire Hathaway-vergadering regstreeks op die web uitgesaai. Buffett en Munger het ses ure lank vrae beantwoord, maar…

SLEUTELAANWYSERS: Markkapitalisasie: R6,9 miljard Waarde van bates: R13,3 miljard Fokus: Kantoor, kleinhandel, nywerheid en onlangse toetrede tot residensieel Geografiese blootstelling: Suid-Afrika, Australië Lenings-tot-waarde-verhouding: 37,8% Skuldverskansing: 84% (gemiddelde termyn van 2,9 jaar) Dividendopbrengskoers: 9,35% Ontledersmening: Drie hou (saamgestel deur IRESS) Emira, ’n middelkapitalisasie-eiendomsbeleggingstrust, het sy blootstelling aan kantooreiendom verklein om vir ’n moeilike mark gereed te maak, veral sy B-graadkantore, wat 11% van sy portefeulje volgens waarde verteenwoordig. Emira het twee eiendomme verkoop en verbintenisse vir nog 19 eiendomme ter waarde van R917,1 miljoen aangegaan. Onvoorwaardelike verkope vir R381,2 miljoen van dié eiendomme is al afgehandel. Geoff Jennett, uitvoerende hoof, sê die uitwerking van riskante status sal stadig geskied en nie op kort termyn wesenlik wees nie omdat 84% van Emira se skuldboek vir gemiddeld 2,9 jaar verskans is. Hy sê…

Syfers wat op 12 Mei bekend gemaak is, dui daarop dat 30% meer oesmasjiene in April as die vorige maand verkoop is, terwyl dit boonop 43% meer was as in April verlede jaar. Wandile Sihlobo, ’n ekonoom van Agbiz, skryf dit toe aan ’n algehele somergraanoes van 16,9 m ton wat tans verwag word – ’n verbetering van 80% teenoor 2016. Indien die geskatte sonneblomoes van 1,2 m ton realiseer, sal dit ’n nuwe rekord wees. Verkoopsyfers van trekkers en implemente word dikwels beskou as ’n maatstaf vir die sentiment oor die welstand van die landboubedryf. ’n Senior ekonoom van Graan SA, Corné Louw, wys egter daarop dat trekkerverkope (jaar-op-jaar) laas in die eerste kwartaal van 2016 gestyg het. “Trekkerverkope daal steeds (jaar-op-jaar) ongeag die feit dat Wes- Kaapse boere…

Iof het ’n heel kragtige uitwerking, maar dit is blykbaar een of die moeilikste dele van ’n bestuurder se werk. ’n Opname wat die leiersontwikkelingskonsultantgroep Zenger/Folkman gedoen het, toon dat 37% van die meer as 7 600 deelnemers nie positiewe versterking gee nie. Meer as 20% erken dat hulle dit vermy om negatiewe terugvoering te gee. Jack Zenger, uitvoerende hoof, en Joseph Folkman, maatskappyvoorsitter, sê leiers het “ ’n paar verkeerde menings” oor die waarde en voordeel van verskillende soorte terugvoering. “Hulle onderskat baie hoe sterk en nodig positiewe versterking is,” sê hulle in ’n artikel wat die Harvard Business Review gepubliseer het. Asanda Gcoyi, uitvoerende hoof van CB Talent in Pretoria, sê die eenvoudigste vorm van die kuns van lof is om iets te waardeer wat iemand goed gedoen…

die wiele van radikale ekonomiese transformasie het blykbaar vasgeval in die topbesture van Korporatiewe Suid-Afrika as die jongste syfers geglo moet word. Teen dié tempo sal diegene wat ekonomiese vryheid vandag so driftig eis, dit nie in hul leeftyd smaak nie. En dit is ’n uitkoms wat Suid-Afrikaners nie gedurende die era van gewilde slagspreuke soos “wit monopoliekapitaal” en “radikale ekonomiese transformasie” kan bekostig nie. Die gevolge kan eenvoudig sosiale en ekonomiese selfmoord wees – veral vir die private sektor. Toe die minister van arbeid, Mildred Oliphant, die verslag van die kommissie van diensbillikheid (CEE) vroeër in Mei uitgereik het, het dit geen verrassings bevat nie, maar het gekom met dreigemente van strenger boetes vir die nie-nakoming van die diensbillikheidsbeleid. Die verslag het die slakkepas waarmee ekonomiese ongelykheid in die…

suid-Afrika se finansiële markte het hulle nie aan verlede maand se kabinetherskommeling en kredietafgraderings gesteur nie danksy wêreldwye risiko-aptyt, maar die negatiewe impak op die ekonomie sal beduidend wees namate dalende vertroue private belegging swaar tref. ’n Toenemende getal ekonome hersien hul groeivooruitsigte vir hierdie jaar tot vlakke laer as 1% en waarsku verder dat die vooruitsigte sal vererger as politieke onsekerheid voortduur, met verdere afgraderings as gevolg, wat die land se kredietgradering tot onder beleggingsgraadstatus sal neem. “Teen die agtergrond van onlangse ongunstige ontwikkelinge is die brandende vraagstuk in watter mate ons die (ekonomiese) voorspelling moet afskaal,” het Hugo Pienaar, senior ekonoom by die Buro vir Ekonomiese Navorsing (BER), tydens ’n inligtingsessie op 12 Mei gesê. In hierdie stadium voorspel hy dat die ekonomie vanjaar met net 0,6% sal…

Soos baie staalvervaardigers wêreldwyd word ArcelorMittal Suid-Afrika (Amsa) deur ’n ooraanbod van staal, hoofsaaklik deur Chinese produsente, en stygende koste benadeel. Die maatskappy kon sedert 2010 nie daarin slaag om wins te maak nie. Amsa het op 12 Mei in ’n kwartaalverklaring gewaarsku dat die plaaslike handelstoestande steeds moeilik is. Die plaaslike verkope was volgens Amsa einde Maart 3,4% minder op ’n jaargrondslag, terwyl druk op die vraag voortduur weens min ekonomiese aktiwiteit en voortgesette invoer. Volgens hom sal die uitvoerverkope weens swak internasionale pryse ook druk ondervind. Daarby het produksieprobleme by sy Vanderbijlparkaanleg tot ’n daling van 2,3% in die vloeistaaluitset gelei. Amsa waarsku ook dat daar steeds baie invoer is, al is ’n invoerheffing van 10% ingestel en het dit van 310 000 ton in die eerste kwartaal…

honeywell is ’n gevestigde en gediversifiseerde nywerheidsmaatskappy wat ’n betroubare dividendgeskiedenis het. Met Honeywell se huidige dividendopbrengs van ongeveer 2% en die maatskappy se gunstige vooruitsigte vir dividendgroei is dit Marriott se mening dat dié maatskappy ’n vername belegging in die belegger se portefeulje moet vorm. Die grafiek beklemtoon Honeywell se dividendgeskiedenis. Maatskappye wat betroubare groeiende dividende kan betaal, het gewoonlik ’n gediversifiseerde produkaanbod, sterk balansstate, gesonde kontantvloei en die vermoë om marges te handhaaf of te verhoog. Honeywell is goed geposisioneer om voordeel te trek uit twee belangrike langtermyntendense – groeiende verbruikersbesteding in ontwikkelende markte en die industriële internet. Ontwikkeling van verbruikersbewustheid Die BBP-groei van groot ontwikkelende markte word al hoe meer aangedryf deur huishoudelike besteding met die oorgang van beleggingsgeleide tot verbruiksgedrewe ekonomieë. McKinsey beskryf dit as “die…

SLEUTELAANWYSERS: Markkapitalisasie: R73 miljard Waarde van bates: R120,4 miljard Fokus: Kantoor en kleinhandel Geografiese blootstelling: Suid-Afrika, Australië en Roemenië Lenings-tot-waarde-verhouding: 36,7% Skuldverskansing: 80,5% (gemiddelde termyn van 3,5 jaar) Dividendopbrengskoers: 7,46% Ontledersmening: Twee verkoop, twee hou (saamgestel deur IRESS) Growthpoint, ’n maatskappy in die JSE se Top 40-indeks, is die grootste plaaslike eiendomsbeleggingstrust en die 26ste grootste maatskappy op die JSE. Hy het 533 eiendomme, waarvan 473 in Suid-Afrika en 59 in Growthpoint Properties Australia (GOZ) deur sy belang van 64,3% is. Sy strategie het nie met riskante status verander nie. “Ons wil ons Suid-Afrikaanse kleinhandel-, kantoor- en nywerheidseiendomsake optimaliseer en verbeter en aanhou groei en uit die V&A [Waterfront in Kaapstad] ontwikkel,” sê Estienne de Klerk, besturende direkteur, aan finweek. Growthpoint se doel is ook om sy uitkeerbare inkomste uit…

SLEUTELAANWYSERS: Markkapitalisasie: R55,37 miljard Waarde van bates: sowat R62 miljard Fokus: Hoofsaaklik nywerheid en logistiek en kleinhandel en in mindere mate kantore Geografiese blootstelling: Suid-Afrika en wye niefisieke internasionale blootstelling deur sy belange in die genoteerde aandele Greenbay, Nepi, Resilient, Hammerson en Rockcastle Lenings-tot-waarde-verhouding: 25,2% Skuldverskansing: 93,5% (gemiddelde termyn van 4,1 jaar) Dividendopbrengskoers: A-klas: 7,6%; B-klas: 4,49% Ontledersmening: A-klas: Een koop, een verkoop, een hou; B-klas: Twee verkoop, een hou (saamgestel deur IRESS) Fortress, nog ’n Top 40-maatskappy, is ’n hibridiese eiendomsbeleggingstrust wat ’n A-en-B-dubbelaandeelstelsel bedryf. Hy belê in sowel fisieke as genoteerde eiendom, met sowat R30 miljard van sy bates van R62 miljard wat uit fisieke bates in Suid-Afrika kom en die res uit buitelandse genoteerde eiendomsaandele. Selfs al is dié blootstelling sowat 50%, is groter buitelandse blootstelling dalk…

Afgesien van die afgelope seisoen se goeie neerslae in die somerreënvalgebiede, het meer doeltreffende boerderypraktyke en tegnologie grootliks daartoe bygedra dat Suid-Afrika die tweede grootste mielie-oes in sy geskiedenis verwag. Luan van der Walt, ’n ekonoom van Graan SA, wys daarop dat produsente die vermoë ontwikkel het om baie hektare in kort tye aan te plant. Ingevolge die Nasionale Oesskattingskomitee (NOK) se derde skatting vir somergrane vir die 2017-’18-bemarkingsjaar word ’n algehele mielie-oes van 14 535 700 ton verwag. Wat die gemiddelde opbengs betref, word ’n nuwe rekord van 5,46 ton/ha verwag. Vergeleke met verlede jaar se 3 408 500 ton witmielies, dui die jongste skatting op ’n oes van 8 618 400 ton en ’n opbrengs van 5,25 ton/ha. Die geskatte geelmielieproduksie vir die seisoen is 5 917 300…

Suid-Afrika het nie ’n entrepreneursvisum nie, maar ons het wel ’n besigheidsvisum wat entrepreneurs toelaat om hier in die land te kom werk. Die besigheidsvisum is gekoppel aan ’n spesifieke besigheid wat opgerig moet word of waarin belê moet word. Die entrepreneur moet ’n omvattende besigheidsplan voorlê met volle besonderhede van die werk. Entrepreneurs moet ook minstens R5 miljoen in buitelandse valuta belê en onderneem om werkgeleenthede vir Suid-Afrikaners te skep. Daar is ook belasting- en gesondheidsvereistes wat nagekom moet word. Hierdie besigheidsvisum laat die entrepreneur toe om die land binne te kom en hier te werk en te woon, maar is nie ’n voorvereiste om in ’n besigheid in Suid-Afrika te belê nie. Familielede word ook deur middel van ’n begeleidende visum toegelaat om die land binne te kom.…

1 Waaroor het finweek se voorbladstorie verlede week (18 Mei-uitgawe) gegaan? Buitelandse belegging Genetika Mynbou 2 Wie is die DA se woordvoerder? 3 Waar of onwaar? Safaricom is ’n Keniaanse mobielediens-operateur. 4 Watter soort kwaadwillige sagteware is WannaCry, wat derduisende toestelle wêreldwyd aangetas het? Losprysware ’n Trojaanse perd ’n Virus 5 Waar of onwaar? EFF-ondersteuners het voor Eskom se kantoorgebou betoog op die dag dat die uitvoerende hoof, Brian Molefe, teruggekeer het. 6 Met watter minister is die hoof van die Valke, Berning Ntlemeza, in ’n woordestryd gewikkel? 7 Wat is die hoofstad van Noord-Korea? 8 Waar of onwaar? Amerika het gesê hy sal moontlik die verbod op skootrekenaars in handbagasie uitbrei om inkomende vlugte vanaf Europa in te sluit. 9 Watter sanger het onlangs aangekondig dat sy ’n liefdadigheidsorganisasie…

Paul Berkowitz @paulyberk DA 2009 Zille: Ons kweek ons eie bome DA 2017 DA: . . . wat ons in die koue winternagte kan brand Sukoluhle Nyathi @SueNyathi “Behoort jy ’n lid van die parlement te wees as jy nie ’n ruggraat het nie?” Hoofregter #secretballot osiame molefe @o_siame Sars-gevegte, Optimum-kaping, goedpratery van Net1 en nog meer. KPMG se naam duik gewis in talle bedenklike sake op. Lesego Semenya @LesDaChef Ek het besluit. Daar is net twee soorte mense: 1. Dié wat die vreugde ken om ’n beskuit te doop. 2. Dié wat nie van vreugde hou nie. Scot4bz @scot4bz Feit: Alkohol maak die “stuur”-knoppie 89% groter. Clinomaniac @gamue72 Rou eiers is fantasties vir ’n fiksheidsdieet. As jy nie van die smaak hou nie, voeg net kakao, meel, botter en…