Indholdsfortegnelse for 29-jun-17 i Finweek - Afrikaans

is Suid-Afrika in ’n krisis? As mens artikels in vandeesweek se uitgawe lees oor die voorgestelde nuwe mynbouhandves, wat vernietigende gevolge vir beleggers en werksgeleenthede in die sektor kan inhou, asook oor die aanval op die Suid-Afrikaanse Reserwebank se onafhanklikheid, wek dit beslis nie vertroue nie. Maar is ons werklik in “ ’n tyd van intense probleme of gevaar”, soos ’n woordeboek die woord krisis omskryf? Professor Nick Binedell het dié vraag ’n paar weke gelede in ’n lesing by die Gordon Institute of Business Science gevra. “Of is ons op pad na ’n krisis? Of is ons bloot ’n land in oorgang wat sekere probleme ervaar?” het hy gevra. Ek dink mens kan die argument stel dat ons in werklikheid nie in ’n onheilscenario is nie. Soos Binedell tereg…

Mynbou-aandele bied dalk “aantreklike korttermynkoopgeleenthede”, maar op langer termyn is dit onmoontlik om te redeneer dat hulle gehou moet word. s uid-Afrikaanse mynbou-aandele is swaar gestraf op 15 Junie ná die publikasie van die derde mynbouhandves, ’n nuwe weergawe van die 2010-uitgawe, wat verreikende implikasies vir die land se mynbousektor het. Die implikasies is deur die bank sleg. Volgens Investec Securities se ontleder Andrew Snowdowne, bied mynbou-aandele dalk “aantreklike korttermynkoopgeleenthede”, maar op die langer termyn is dit byna onmoontlik om te redeneer dat hulle gehou moet word. Dit is omdat daar verwag word dat die nuwe handves in sy huidige vorm nie die lig sal sien nie. Ten tyde van die skryf hiervan op 20 Junie was die Kamer van Mynwese besig met voorbereiding vir ’n geding om die handves…

Die gediversifiseerde konglomeraat Bidvest, wat sy aandeel met byna 13% sien daal het sedert begin vanjaar, het op ’n onlangse beleggersdag gewaarsku marktoestande het agteruitgegaan, “soos weerspieël in laer sakeen verbruikersvertroue”. Bidvest, wat sy internasionale voedseldiensteonderneming verlede jaar in Bidcorp ontbondel het, is ’n Suid-Afrikaanse onderneming met werksaamhede in die motorbedryf, handelsprodukte, elektriese goedere, finansiële dienste, vragvervoer, kantoor- en drukwerk en dienstesektore. Hy besit ook aandele in verskeie ander ondernemings, waaronder Comair en Adcock Ingram. Hy het op 8 Junie gesê hy verwag vir die res van die jaar meer uitdagende handelstoestande weens “onbestendige sosiaal-politieke vooruitsigte en die swakker as verwagte makroekonomiese omgewing”. Die gehalte van sy verdienste bly egter hoog, sê Bidvest, en sy ondernemings met ’n soort jaargeldinkomste het “stewige resultate” gelewer. Nadat Bidcorp ontbondel is, het Bidvest…

ek wil vandeesweek oor verhandeling gesels. Nie verhandelingstrategieë of waar om die keerverlies te plaas of watter tydsraamwerk om te gebruik nie. Ek wil eerder met ’n eenvoudige analogie begin wat jou hopelik sal help om die eenvoudige konsep van waarskynlikheid in verhandeling te verstaan. Deur ’n paar basiese reëls te volg, kan ons dit tot ons voordeel aanwend. Kom ons begin deur ’n muntstuk op te skiet en dit op die grond te laat val. Elke keer as dit op kruis val, maak ons 100 sent, en as dit op munt val, verloor ons 100 sent. Nadat ons dit genoeg kere opgeskiet het, het ons ’n gelyke aantal kruise en munte en maak geen wins nie. Ons het ook geen verlies nie. Ons is presies waar ons was toe…

n ampak se strategie “om die geld te volg” die vasteland in, het dié gevestigde en gediversifiseerde verpakkingsvervaardiger gehelp om sy halfjaarverdienste in Mei met 8% te verhoog en só André de Ruyter, uitvoerende hoof, se vertroue in die veerkragtigheid van Afrika se markte vir vinnig bewegende verbruikersgoedere (FMCG) te bekragtig. In ’n gesprek met finweek vroeg in Junie – kort nadat die groep se aandeelwaarde tot die hoogste vlakke in meer as nege maande gestyg het vanweë die nuus van sy stewige vertoning – sê De Ruyter die voordele van die maatskappy se besluit om in verpakkingsbedrywighede in die onmiddellike nabyheid van drinkgoedprodusente in Afrika te investeer, blyk nou duidelik uit die inkomstestaat. In die ses maande tot 31 Maart 2017 het die maatskappy rekordverkope van koeldrankblikkies in Angola…

watter kenmerke het mense in gemeen wat suksesvolle ondernemings bestuur? Wat moet atlete doen om die hoogtepunt van hul sportsoort te bereik? Hoekom kan sommige beleggers beduidende welvaart behaal en ander nie? Angela Lee Duckworth, sielkundeprofessor aan die Universiteit van Pennsilvanië, gebruik die term volharding vir ’n algemene kenmerk van die suksesvolle mense met uiteenlopende agtergronde en beroepe wat sy bestudeer het. Sy het vasgestel dat passie, deursettingsvermoë en stamina die algemene sleutelbepalers van sukses is – meer as talent. Die vermoë om hard te werk en gefokus te bly, kweek die volharding wat noodsaaklik is vir sukses in sake, akademie, sport en ook belegging. Ultramarathonbelegging Ek het vroeër vandeesmaand my vierde Comradesmarathon voltooi. Die ultramarathon van 90 kilometer wat elke jaar in teenoorgestelde rigtings tussen Durban en Pietermaritzburg afgelê…

finansiële kapitaal is taamlik volop en goedkoop. Volgens Bain & Company se Macro Trends-groep staan die internasionale kapitaalvoorraad op nagenoeg tien keer die internasionale BBP. Weens die oorvloed kapitaal, wêreldwye kwantitatiewe verruiming en taamlike lae vraag na beleggings in navorsing en ontwikkeling en kapitaalprojekte, is die nabelaste leningskoste vir baie maatskappye gelykstaande met, of nagenoeg gelykstaande met, inflasie. Dit bring die reële koste om geld te leen op byna nul te staan. Daarteenoor is die skaarsste hulpbron deesdae mensekapitaal, gemeet volgens die tyd, talent en energie van jou arbeidsmag. Tyd is beperk. Talent wat werklik ’n verskil kan maak, is ook skaars. Die deursneemaatskappy beskou slegs sowat 15% van sy werknemers as verskilmakers. Die deursneemaatskappy beskou slegs sowat 15% van sy werknemers as verskilmakers. Om dié talent te vind, te…

Deep Fried Man @DeepFriedMan Die rekeninge wat jy van @CityPowerJhb kry, lyk asof die president self die optelwerk gedoen het. Victor Dlamini @victordlamini Minibus-taxibase weet hoe om gelyke geleenthede vir ongerief te implementeer. The Motley Fool @themotleyfool Soek ’n werk waarvan jy hou Wees vriendelik met jou medewerkers Fokus op die oplossing van kliënte se probleme Spandeer minder as wat jy verdien Die res sal self regkom Trader 1137 @Trader1137 ’n Dwaas en sy geld is gelukkig om in die eerste plek bymekaar te kom. Adam Liaw @adamliaw Is “welstand” net gesondheid minus wetenskap plus ego minus konteks plus Instagram? Ami Kapilevich @biobot So pas vuur gemaak sonder Blitz en my baard het onmiddellik dik geword. Yiddish Proverbs @YiddishProverbs “Moenie die vel verkoop van die beer wat nog in die…

ek het onlangs ’n akademiese konferensie by die Universiteit van die Vrystaat bygewoon oor die “Dekolonisering van Afrika”. Heelwat van die besprekings was oor die verlede: die gevolge van die slawehandel, Europese kolonisering met die oplegging van kunsmatige grense en postkoloniale mislukkings van onafhanklike Afrikalande. In die slotrede het professor Alois Mlambo van die Universiteit van Pretoria die bespreking na die toekoms oorgeslaan. Hoe bou ons ’n voorspoedige, gedekoloniseerde Afrika? Onteiening van grond in Suid-Afrika is ’n kernoorsaak van die grootskaalse ongelykheid wat voorkom. Een emosionele onderwerp is grondhervorming. Baie sprekers het saamgestem dat onteiening van grond in Suid-Afrika ’n kernoorsaak is van die grootskaalse ongelykheid wat voorkom. Maar die regstelling van hierdie ongeregtighede is nie maklik nie. In die gehoor was verskeie Zimbabwiese geleerdes wat krities staan teenoor die…

met deurlopende swak matriekuitslae en konflik by universiteite landwyd, is die plaaslike onderwysbedryf sonder twyfel in ’n krisis. Wiskunde- en wetenskapuitslae is die duidelikste bewys hiervan met Suid-Afrikaanse leerlinge wat voortdurend onder die swakstes in die wêreld vaar Die 2015-'16-Wêreld- Ekonomiese Forum (WEF) se Wêreldmededingendheidsverslag het Suid-Afrika byna heel laaste onder 140 lande geplaas wat betref wiskunde- en wetenskap-onderrig – net Egipte en Paraguay het swakker gevaar. Insgelyks het 2016 se Internasionale Wiskunde en Wetenskap (TIMSS) -studie, wat 10- en 14-jariges elke vier jaar in dié twee vakke toets, Suid-Afrika bykans onderaan ’n lys van 57 lande geplaas. Hoewel opvoedkundige instellings en beleidmakers kopkrap om oplossings te vind, was daar bitter min tasbare verbeterings. Maar ’n nuwe generasie entrepreneurs wat tegnologiekenners is, vestig tans hul aandag daarop om die ernstigste…

ten spyte van al die skeptisisme in Suid-Afrika se mynbousektor vind ’n paar dapper entrepreneurs tog ’n manier om te belê, veral in die energiesektor. Een is Scinta Suid-Afrika waarin Sandile Zungu, uitvoerende voorsitter van Zungu Investment Corporation (Zico) belê is, saam met Humphrey Mathe, mynbouveteraan en stigter van Tranter Resources, en finansiëledienstefirma Bravura, onder leiding van Ian Matthews en Soraya Hay. Die ander is Canyon Coal, wat gesamentlik besit word deur Mercuria, ’n Singapoerse kommoditeishandelsmaatskappy en Menar Holdings, ’n Luxemburgse beleggingsmaatskappy in die besit van Vuslat Bayoglu, ’n Turkse burger wat in die afgelope 15 jaar in die Suid-Afrikaanse steenkoolsektor werk. Volgens Charl Ferreira, uitvoerende direkteur van Zico Investments, is Scinta se plan om eksplorasiewerk te begin van ’n nuwe steenkoolmyneiendom wat hy hoop 4 miljoen ton per jaar…

Vyf jaar gelede was Steinhoff ’n klein vissie in ’n groot dam met jaarlikse inkomste van slegs €3,8 miljard. Nou is hy ’n groot internasionale speler – die wêreld se derde grootste kleinhandelaar in geïntegreerde huishoudelike goedere volgens omset – met inkomste van €10,2 miljard in die ses maande tot einde Maart. Met ’n markkapitalisasie van €19,4 miljard, besit hy 50 handelsmerke en 12 000 kleinhandelswinkels in meer as 30 lande. Steinhoff se fenomenale groei oor die laaste dekade is deur transaksies aangedryf. Die uitvoerende hoof, Markus Jooste, het die verkryging van Conforama in 2014, ’n Franse meubelkettinggroep, beskryf as ’n spelbreker vir Steinhoff. Dit het die groep se koopkrag prakties verdubbel. Die verkryging van Pepkor in 2015 was ook beduidend. Dit was een van die grootste verkrygings in Suid-Afrika…

aVI besit vooraanstaande huishoudelike handelsmerke. Sy totale portefeulje sluit meer as 50 handelsname in kategorieë soos drinkgoed, koekies, peuselhappies, bevrore voedsel, persoonlike sorg en klerasie in. Die meeste van die handelsmerke het gunstelinge in die land geword. Die dele van die onderneming wat die meeste uitstaan, is dalk die drinkgoed- en peuselhappieafdeling, wat buitengewone handelsname soos Five Roses, Freshpak, Ellis Brown, Bakers en Willards insluit. Dié afdelings dra 60% van die maatskappy se wins by. In Investec Batebestuur se gehaltespan (waarin ons Opportunity- en Cautious Managed-fonds bestuur word) soek ons ondernemings met ’n volhoubare mededingingsvoordeel en sterk sakemodel uit. Hiervolgens is AVI besonder aantreklik, want die eienaarsbelang wat sy belangrike handelsmerke bevat, maak dat die onderneming buitengewoon defensief is. Verbruikers – wat deur die konsekwente gehalte van produkte gelok word…

Die jaarlikse prys wat Roche tans in die private sektor vir Trastuzumab vra is $38 365 (sowat R516 700), terwyl die min openbare geriewe wat toegang daartoe het, dit teen sowat $15 735 (R211 920) per jaar verkry. die Mededingingskommissie het sy visier tans op hoë pryse vir kankermedikasie. Die kommissie het vroeër vandeesmaand aangekondig dat hy verskeie ondersoeke by groot farmaseutiese maatskappye geloods het. Die maatskappye is Roche Holding AG, Aspen Pharmacare en Pfizer Inc. Mededingingskommissaris Tembinkosi Bonakele het gesê die pryse van hierdie medisyne was van “groot nasionale belang”. Die Fix the Patent Lawskoalisie, wat bestaan uit 37 lidorganisasies, het die kommissie se ondersoeke verwelkom. Die koalisie het sy Tobeka Daki-veldtog vir toegang tot Trastuzumab, ’n behandeling vir borskanker, in Februarie vanjaar van stapel gestuur. Daki was ’n…

HOE ONTSPAN JY? Ek hou van lees en ek lees baie! Ek hou veral van biografieë. Ek hou ook daarvan om naweke my motorfiets te ry. WAT LEES JY OP DIE OOMBLIK? ’n Uitstekende biografie oor Tesla. WAT IS JOU GUNSTELING-VAKANSIEBESTEMMING? Onrus, in die Wes-Kaap WAT IS JOU GUNSTELING-KOS? ’n Ordentlike stuk steak. DIE BESTE SAKEADVIES WAT JY OOIT GEKRY HET? Jy weet nie eintlik baie van besigheid voor jy nie ’n verliesmakende besigheid bedryf het nie.…

digitale detoksifisering is wêreldwyd ’n groeiende tendens. Miljoene mense kies om hul elektroniese toestelle ’n ruk lank af te skakel om hul brein van die aanslag van e-pos, kennisgewings en sosialemedia-boodskappe te laat rus wat kenners sê stres vermeerder, slaap ontwrig en minder tyd vir gesellige verkeer en ander gesonde aktiwiteite, soos oefening, laat. Al hoe meer studies toon dat om konstant aanlyn te wees, die geheue, konsentrasievermoë en emosies beïnvloed en selfs die brein beskadig. ’n Opname deur Pew Research Center in Amerika verlede jaar toon dat mense se toenemende afhanklikheid van die internet vir inligting en vermaak hulle slegter maak met probleemoplossing, die onthou van feite en ook slegter laat leer. Mense verskil oor of daar werklik iets soos internetverslawingverstoring is – ’n term om kompulsiewe gedrag te…

baie dinge in die lewe, en veral in die finansiële wêreld, berus op die persepsies van mense en die markte waarin hulle bedrywig is. Om dinge vanuit ’n sterk posisie te doen, is soveel makliker as om dit uit ’n verswakte posisie te doen. Die toename in politieke onsekerheid in die land bring mee dat die ekonomiese omgewing wisselvalliger is. Die vermoë om dinge vanuit ’n sterk posisie te doen, neem vinnig af. Nisha Dharamlall, hoof van sakeherstruktureringsdienste by Deloitte, sê in dié tye is dit belangrik om deur die newels te kan sien. Sy haal Albert Einstein aan, wat gesê het: “Te midde van elke krisis skuil geleenthede.” Dit is nou die tyd om rats en proaktief op tree ten einde die onsekerhede wat sakeondernemings in Suid-Afrika omring, te…

die heersende ekonomiese krisis wat tans in Suid-Afrika woed, is ’n regstreekse gevolg van ekonomiese wanbestuur wat hoofsaaklik veroorsaak is deur die plundering van ondernemings in staatsbesit (SOE’s). Talle is in groot moeilikheid. Blote onbevoegdheid en korrupsie het entiteite soos die Suid-Afrikaanse Lugdiens (SAL) en die SAUK tot op die rand van finansiële ineenstorting gestoot. Ernstige vrae word gevra oor die wettigheid van verkrygings van miljarde rand byTransnet en Eskom. Die omvang van die probleem is die afgelope paar weke skerp na vore gebring deur twee ontwikkelings wat toon dat korrupsie in SOE’s al jare lank die botoon voer. Die eerste is die vrystelling van ’n verslag wat geskryf is deur akademici: Betrayal of the Promise. Die tweede is die uitlek van 200 000 e-posse wat twyfelagtige bande tussen die…

Ek skryf baie oor hoe om jou portefeulje resessie- en laegroeibestand te maak – hope buitelandse verdienstes en wees versigtig vir SA-aandele. Daar is egter ’n uitsondering: lae-LSM voedselhandelaars. Almal moet eet en Shoprite het die voetspoor om byderhand te wees vir elke inkopieganger wat goedkoper kos wil hê. Wat ons ook sal sien, is dat ryker mense goedkoper wil koop. Daardie deftige Woolworths*-winkels is gaaf wanneer ons ryk voel, maar wanneer dit begin knyp, gaan selfs dié wat altyd daar koop begin wonder hoe hulle hul rande kan rek – en dan gaan hulle ook by Shoprite-winkels begin inloer. So, Shoprite gaan voordeel trek uit bykomende inkopiegangers wat goedkoper wil koop, die bestaande klante wat hy sal behou en laastens die reën. Die reën sorg vir laer insetkoste vir…

M-FITEC Einde van notering M-FiTEC het aangekondig dat hy kapitaal aan aandeelhouers teruggee en van die JSE denoteer. Dis ’n klein aandeel waarvan die meeste mense nog nooit gehoor het nie, maar vir ’n spesialedoel-verkrygingsmaatskappy (SPAC) is dit ’n belangrike mylpaal. ’n SPAC het ’n beperkte tydperk waarin hy meer as die helfte van geld wat verkry is, moet aanwend om ’n lewensvatbare bate te bekom. Anders moet hy die kapitaal teruggee en denoteer. In hierdie geval is sy tyd nie verby nie; die huidige swak marksentiment is eerder die rede hoekom hy die kapitaal teruggee. Die belangrike les hier is om ’n SPAC net teen minder as die kontantwaarde te koop. Trouens, ’n kontantbeheermaatskappy moet altyd teen minder as die kontantwaarde gekoop word weens die negatiewe uitwerking van die…

o m in aandele te belê, is nie altyd so maklik as wat dit lyk nie. Aan die een kant het jy bekende beleggingsdeskundiges wat beweer dat dividende, volgens hul beleggingsresep, en meer spesifiek, die groei wat met maatskappydividende gepaard gaan, die sleutel tot sukses is. Aan die ander kant het jy beleggers wat net so suksesvol is en wat jou sal wys dat hul sleutel tot sukses is om in maatskappye te belê wat nie wins in die vorm van dividende uitbetaal nie, maar wat dié kapitaal in nóg uitbreidings en groei belê. Warren Buffett hou daarvan om in maatskappye te belê wat met verloop van tyd groei op dividende bied. Sy eie maatskappy, Berkshire Hathaway, betaal nie dividende uit nie en verkies om dié kapitaal te belê. Maak…

oral om my kanselleer mense deesdae hul DStvintekening. Al wat ek die afgelope maande by familie, vriende en kollegas hoor, is “Ons het nou vesel, ons het ons DStv-intekening gekanselleer,” of “ons het besluit om Netflix te gebruik,” of “ek stroom sommer gratis inhoud aanlyn.” In Amerika word verbruikers wat hulle uit hul betaal- TV-kontrakte onttrek, koordknippers (“cord-cutters”) genoem. Die neiging het in 2007-'08 begin kop uitsteek. In die gesig gestaar deur ’n wêreldwye ekonomiese afswaai en die bekendstelling van nuwe televisiedienste oor die internet deur maatskappye soos Apple, Netflix, Amazon, Hulu en YouTube, het verbruikers hul betaal-TV begin kanselleer. Naas koordknippers is daar egter ook koordnooiters (“cord- -nevers”) – verbruikers wat sedert kinderdae gewoond is om programme aanlyn te kyk en vermoedelik minder geredelik op betaal-TV sal inteken. ’n…

Vandeesweek kan ’n eksemplaar van Time, Talent, Energy: Overcome Organizational Drag & Unleash your Team’s Productive Power deur Michael Mankins en Eric Garton gewen word. Om deel van die trekking te wees, moet jy die aanlyn weergawe van dié vasvrawedstryd invul wat van 26 Junie op fin24.com/finweek beskikbaar is. Sterkte daarmee! 1 Waar of onwaar? Mapi Mhlangu is die nuwe redakteur van HuffPost South Africa. 2 Wie het voorgestel dat die mandaat van die Reserwebank verander moet word? 3 Watter plaaslike bank is beveel om R1,125 miljard terug te betaal weens die reddingsaksie van Bankorp, wat in 1992 deur hom verkry is? 4 Watter versekeringsmaatskappy het ’n lawaai veroorsaak toe hy ’n rassistiese Vadersdag-advertensie op sosiale media gepos het? 5 Wie is die voorsitter van SAL? ▪ Dondo Mogojane ▪…