Finweek - Afrikaans 29-jun-17

is Suid-Afrika in ’n krisis? As mens artikels in vandeesweek se uitgawe lees oor die voorgestelde nuwe mynbouhandves, wat vernietigende gevolge vir beleggers en werksgeleenthede in die sektor kan inhou, asook oor die aanval op die Suid-Afrikaanse Reserwebank se onafhanklikheid, wek dit beslis nie vertroue nie. Maar is ons werklik in “ ’n tyd van intense probleme of gevaar”, soos ’n woordeboek die woord krisis omskryf? Professor Nick Binedell het dié vraag ’n paar weke gelede in ’n lesing by die Gordon Institute of Business Science gevra. “Of is ons op pad na ’n krisis? Of is ons bloot ’n land in oorgang wat sekere probleme ervaar?” het hy gevra. Ek dink mens kan die argument stel dat ons in werklikheid nie in ’n onheilscenario is nie. Soos Binedell tereg…

ek het onlangs ’n akademiese konferensie by die Universiteit van die Vrystaat bygewoon oor die “Dekolonisering van Afrika”. Heelwat van die besprekings was oor die verlede: die gevolge van die slawehandel, Europese kolonisering met die oplegging van kunsmatige grense en postkoloniale mislukkings van onafhanklike Afrikalande. In die slotrede het professor Alois Mlambo van die Universiteit van Pretoria die bespreking na die toekoms oorgeslaan. Hoe bou ons ’n voorspoedige, gedekoloniseerde Afrika? Onteiening van grond in Suid-Afrika is ’n kernoorsaak van die grootskaalse ongelykheid wat voorkom. Een emosionele onderwerp is grondhervorming. Baie sprekers het saamgestem dat onteiening van grond in Suid-Afrika ’n kernoorsaak is van die grootskaalse ongelykheid wat voorkom. Maar die regstelling van hierdie ongeregtighede is nie maklik nie. In die gehoor was verskeie Zimbabwiese geleerdes wat krities staan teenoor die…

die heersende ekonomiese krisis wat tans in Suid-Afrika woed, is ’n regstreekse gevolg van ekonomiese wanbestuur wat hoofsaaklik veroorsaak is deur die plundering van ondernemings in staatsbesit (SOE’s). Talle is in groot moeilikheid. Blote onbevoegdheid en korrupsie het entiteite soos die Suid-Afrikaanse Lugdiens (SAL) en die SAUK tot op die rand van finansiële ineenstorting gestoot. Ernstige vrae word gevra oor die wettigheid van verkrygings van miljarde rand byTransnet en Eskom. Die omvang van die probleem is die afgelope paar weke skerp na vore gebring deur twee ontwikkelings wat toon dat korrupsie in SOE’s al jare lank die botoon voer. Die eerste is die vrystelling van ’n verslag wat geskryf is deur akademici: Betrayal of the Promise. Die tweede is die uitlek van 200 000 e-posse wat twyfelagtige bande tussen die…

“VOLGENS ENIGE MAATSTAF, IS DIT ’N ONAANVAARBARE SYFER.” − VN se hoë kommissaris, Filippo Grandi, het dit op 20 Junie in ’n verklaring op Wêreldvlugtelingsdag gesê in reaksie op ’n bevinding deur die Verenigde Nasies se vlugtelingsagentskap dat bykans 66 miljoen mense in 2016 met mag uit hul huise gedwing is. Volgens die agentskap, beteken dit dat een persoon elke drie sekondes ontwortel is Die verslag Global Trends, wat deur die kantoor van die VN se hoë kommissaris vir vlugtelinge vrygestel is, sê dat daar ’n toename van 300 000 vlugtelinge sedert die einde van 2015 was. Volgens die verslag, is die meeste vlugtelinge van. Sirië afkomstig, met 12 miljoen mense wat in buurlande en weg van die gebied woon. In 2016, het Suid-Sudan egter die grootste bydraer tot vlugtelinge…

met deurlopende swak matriekuitslae en konflik by universiteite landwyd, is die plaaslike onderwysbedryf sonder twyfel in ’n krisis. Wiskunde- en wetenskapuitslae is die duidelikste bewys hiervan met Suid-Afrikaanse leerlinge wat voortdurend onder die swakstes in die wêreld vaar Die 2015-'16-Wêreld- Ekonomiese Forum (WEF) se Wêreldmededingendheidsverslag het Suid-Afrika byna heel laaste onder 140 lande geplaas wat betref wiskunde- en wetenskap-onderrig – net Egipte en Paraguay het swakker gevaar. Insgelyks het 2016 se Internasionale Wiskunde en Wetenskap (TIMSS) -studie, wat 10- en 14-jariges elke vier jaar in dié twee vakke toets, Suid-Afrika bykans onderaan ’n lys van 57 lande geplaas. Hoewel opvoedkundige instellings en beleidmakers kopkrap om oplossings te vind, was daar bitter min tasbare verbeterings. Maar ’n nuwe generasie entrepreneurs wat tegnologiekenners is, vestig tans hul aandag daarop om die ernstigste…

b usisiwe Mkhwebane, die openbare beskermer, se skokvoorstel dat die Suid-Afrikaanse Reserwebank (SARB) se rol moet verander, kom neer op ’n aanslag teen die onafhanklikheid van ’n instelling wat beskou word as die laaste bolwerk teen staatskaping en verskeie verdere kredietafgraderings wat die land se brose ekonomie baie sleg sal knou. Haar aanbeveling dat die SARB se inflasieteikenraamwerk, wat die waarde van die rand beskerm, geskrap moet word, het die geldeenheid se waarde met 1,5% teenoor die dollar verswak Haar aanbeveling dat die SARB se inflasieteiken-raamwerk – wat die waarde van die rand beskerm – geskrap moet word, het die geldeenheid se waarde met 1,5% teenoor die dollar laat verswak tot verby die belangrike vlak van R13/dollar, terwyl finansiële markte die gevaar vir een van die steunpilare van Suid-Afrika se…