Indholdsfortegnelse for 27-jul-17 i Finweek - Afrikaans

Chris Bishop, redakteur van Forbes Africa, skryf in sy nuwe boek, Africa’s Billionaires, oor Stephen Saad, stigter en uitvoerende hoof van Aspen Pharmacare. Bishop haal in die hoofstuk oor Saad aan uit ’n toespraak wat die sakeman van Durban laat verlede jaar gemaak het: “Jy weet, my portuurgenote sê hulle belê nie omdat die politieke klimaat nie reg is nie, en omdat die ekonomiese klimaat nie reg is nie. Hulle gaan wag totdat Jesus weer kom!” Saad maak ’n goeie punt: Die sakeklimaat sal nooit perfek wees nie, maak nie saak in watter mark jy bedrywig is nie. Die suksesvolle entrepreneurs is dié wat, soos Saad, geleenthede te midde van die onsekerheid vind en daarin slaag om opbrengs te verdien wat die kapitaalkoste (die risikopremie ingesluit) oorskry. Ondanks die persepsie…

Vorige aanbevelings Die gediversifiseerde myngroep, South32, wat verlede jaar gestig is nadat BHP van sy nie-kernbates ontslae geraak het, het ’n goeie lopie op die JSE gehad en het oor die afgelope jaar ’n opbrengs van 44% vir aandeelhouers gehad. Dit maak dit een van die toppresterende gediversifiseerde mynmaatskappye oor die tydperk op die JSE. Die maatskappy se aandeelprys het egter teruggesak nadat hy die staak van ondergrondse bedrywighede by die Appinsteenkoolmyn in Australië aangekondig het weens kommer oor veiligheid. Appin, wat deel is van sy groter Illawarra Metallurgical Coalonderneming en wat aan die einde van Junie gesluit is, sal na verwagting lank gesluit bly, het die maatskappy vroeër vandeesmaand gesê. Die maatskappy sal bygewerkte produksiesyfers gee wanneer hy sy resultate op 24 Augustus bekendmaak. South32, wat in Australië gesetel…

Ek teken ook die drie belangrikste redes aan hoekom ek die aandeel koop. Dié drie punte is noodsaaklik, want hulle dien as my keerverlies. Aandele moet ruimte hê en ideaal gesproke moet ’n keerverlies 8% tot 10% onder die toetreepunt wees. in my rubriek “Dit gaan alles oor die syfers” in die uitgawe van 29 Junie het ek geskryf oor die gebruik van ’n keerverlies om ’n verhandelingsportefeulje te beskerm en wins te maak deur alle groot verloorders te verwyder. Dit het tot ’n vlaag lesersbriewe gelei. Daarom wei ek vandeesweek verder uit oor die konsep. Die eerste vraag is: Verhandel jy of belê jy? Verskeie beleggers was bekommerd oor my opmerkings en ek stem saam, want belegging verskil baie van verhandeling. Jy sal keerverliese verskillend gebruik, afhangend van watter…

Bitcoin is nie vir diegene wat risiko wil versprei nie. Dit is ’n riskante belegging en vrugbare speelgrond vir handelaars wat hou van wisselvalligheid. Die totale markkapitalisasie van Bitcoin was aan die begin van die jaar sowat $15,5 miljard en is nou sowat $40 miljard, maar is laer as die Juniehoogtepunt van $47 miljard. die meteoriese styging in die prys van Bitcoin beteken dat dit nie meer as ’n moontlike beleggingsopsie geïgnoreer kan word nie. Maar slegs die dapperes sal tans hul geld op hierdie kriptogeldeenheid (ook bekend as digitale geldeenhede) waag. Die prysstyging is gedeeltelik weens onsekerheid oor die toekoms van gewone beleggings, en deels as gevolg van die toenemende aanvaarding van kriptogeldeenhede deur ’n groeiende aantal mense en instansies. Sentrale banke, groot maatskappye en finansiële instellings oorweeg almal…

1. Kategoriseer maandelikse uitgawes en lys hulle van groot na klein. Takel jou grootste uitgawes eerste. Dit is ’n doeltreffender manier om jou maandelikse koste te verminder, want selfs as jy 5% op jou grootste uitgawe bespaar, kan dit veel meer as ’n besparing van 100% op iets klein, soos jou bankgelde, wees. Moet ons dan ure gebruik om deur die spinneweb van bankgelde te soek, of kan ons die tyd beter gebruik deur groter uitgawes, soos behuising, motors en kruideniersware, te verminder? 2. Kies versigtig waar jy woon. Daar is vele kostevoordele daaraan om na aan die werk te woon – minder petrol, minder voertuigslytasie, of selfs geen motorkoste nie as jy binne stapafstand is. Dit is natuurlik vir ’n enkellopende persoon makliker – as jy ’n gesin het,…

1. 22seven 22seven is ’n gratis begroting-en-beleggingstoepassing wat Old Mutual ontwikkel het. Gebruikers kan hul tjek- en spaarrekeninge, krediet- en winkelkaarte, beleggings, lenings en belonings aan die toepassing koppel om hul besteding te konsolideer. Wanneer rekeninge aan die toepassing gekoppel is, het 22seven toegang tot die vorige drie maande se transaksies in elkeen. Dit identifiseer elke transaksie en plaas dit outomaties in ’n kategorie, soos kruideniersware, huurgeld en troeteldiere, en tel bymekaar wat jy in elke kategorie bestee. Die toepassing skep ook vir jou ’n begroting op grond van jou eie koopgedrag. 2. SNAPnSAVE Wie wil nie graag geld op hul kruideniersinkope terugkry nie? Dié eenvoudige, gratis toepassing laat jou voordat jy inkopies gaan doen weet watter items as kontantterug-belonings geregistreer is. Nadat die produk gekoop is, neem inkopiegangers ’n…

Ons eerste stap was premies wat elke maand afneem. toenemende ontevredenheid oor die “baantjies vir boeties”-struktuur van die plaaslike versekeringsbedryf het die versekeringsveteraan en entrepreneur Gideon Galloway aangespoor om die korporatiewe wêreld in Junie 2012 te laat vaar en die ontwrigtende versekeraar King Price te stig. King Price het met 23 werknemers begin en die mark met ’n vernuwende voertuigversekeringsproduk getref waarvan premies elke jaar daal – ’n wêreldeerste, volgens Galloway. Meer as 102 000 kliënte het al die idee aangegryp. Die maatskappy het nou 700 werknemers en bied nou ook dekking van onder meer geboue, huisinhoud en sakeondernemings – en selfs ’n opsie om Apple-horlosies en gholfstokke teen R1 per maand te verseker. Waar het die idee ontstaan om ’n versekeringsmaatskappy te begin? Ek het ’n geleentheid raakgesien om…

Vinniger groei sal die opwaartse mobiliteit van ’n toenemend geskoolde swart bevolking in Suid- Afrika sterk stimuleer. daar is ’n duidelike en baie realistiese manier vir Suid-Afrika om uit sy armoedelokval te kom: gee aan almal veel meer vryheid om hulself te help om hul ekonomiese omstandighede te verbeter. Anders gestel – maak dit vir die ekonomie baie makliker om staat te maak op hoogs mededingende markkragte om produksie, inkomste, werkgeleenthede en lone te bepaal. Daar is oorweldigende bewyse uit die geskiedenis, veral onlangs uit baie Asiatiese lande wat ’n geweldige afname in armoede kon bewerkstellig, dat die krag van die markplek gebruik kan word om miljarde mense uit toestande van oorweldigende armoede op te hef Suid-Afrika kan veel meer gebruik maak van sy sterk punte – dit wil sê…

LONMIN LONMIN – VERSIGTIG OPTIMISTIES platinummynmaatskappy Lonmin se aandeelprys het sy hoogste vlak in meer as ’n maand bereik nadat hy hoër produksie en laer koste vir die drie maande tot einde Junie aangekondig het. Die verbeterde prestasie help om Lonmin se netto kontant met 14,7% kwartaal op kwartaal te verhoog tot $86 miljoen, wat hom ’n finansiële blaaskans gee. In die vorige kwartaal het ’n waardedaling van $146 miljoen amper veroorsaak dat die maatskappy sy skuldooreenkomste verbreek het, berig Reuters. Vooruitskouing: Lonmin herstel tans van ’n oorverkoopte posisie en toets die weerstandslyn van sy beertendens. Opwaartse potensiaal deur 1 700c per aandeel sal ’n positiewe deurbraak bevestig wat tot verdere winste in die nabye tot kort termyn sal lei. Onthou Lonmin se aandeelprysbeweging is hoogs gekorreleer met sy prestasie…

Moenie jou portefeulje op die advies van ’n professionele beer skoei nie. Moenie alles verkoop en in kontant of goud belê omdat ’n professionele beer jou bang gemaak het nie. laas naweek het ek ’n professionele beer ontmoet. Nee, nie ’n beer wat jy in ’n dieretuin sal sien of in die bos sal teëkom nie, maar ’n markbeer; iemand wat dink dat die mark enige oomblik ineen gaan stort en dat dit tot die einde van finansiële markte sal lei. Meer spesifiek is dit iemand wat dit al die afgelope 15 jaar of so dink en daaroor praat, dus noem ek hulle “professioneel”. Dit het my aan baie goed laat dink. Eerstens noem ek hom ’n professionele beer omdat hy al sedert 2002 daalsentimente toon en omdat alles wat…

BELASTINGWERKSDAE EN DIE BESPARING WAT MEEGEBRING WORD DEUR TOT UA’S BY TE DRA Let wel: 2017-'18 se belastingtabelle vir belastingbetalers jonger as 65. *Werksdae sluit nie naweke en openbare vakansiedae in nie (2017 kalenderjaar). **Maksimum bydrae van R350 000 per jaar word bereik. ***Belastingvrye datum is die laaste dag waarop belasting betaal word. As jy R50 000 per maand verdien, het jy 64 belastingwerksdae, maar as jy 15% van jou belasbare inkomste in ’n aftreefonds soos ’n uittree-annuïteit stort, dan verminder jy jou belastingdae van 64 tot 50 dae. die belastingseisoen – die tydperk waarin jy jou jaarlikse inkomstebelasting-opgawe moet indien – het op 1 Julie afgeskop, dus het ek gedink dit sal interessant wees om te sien hoe lank ons, metafories gesproke, vir die belastinggaarder werk. As ons veronderstel…

HOE SAAMGESTELDE RENTE WERK 1. Verstaan saamgestelde rente. Soos Albert Einstein eenkeer gesê het: “Saamgestelde rente is die agtste wonder van die wêreld. Iemand wat dit verstaan, verdien dit ... Wie dit nie verstaan nie, betaal dit.” Saamgestelde rente behels nie net die oorspronklike lening- (of spaar-) bedrag nie, maar ook die rente wat in vorige tydperke opgeloop het. (Sien die tabel van Investopedia hieronder.) Dit wys hoeveel geld jy kan bespaar deur lenings vinniger af te betaal, en hoeveel jy ekstra kan verdien deur so gou moontlik te begin spaar. 2. Dra enige oorskotgeld na jou verbandlening of skuld met ’n hoë rentekoers oor om dit vinniger af te betaal en die rente te verminder. 3. Verbeter jou krediettelling deur rekeninge betyds te betaal, meer as die minimum vereiste…

1. Volg die 20-4-10-reël wanneer jy ’n motor koop. Betaal ’n deposito van minstens 20%; moenie die motor vir meer as vier jaar finansier nie; en moenie meer as 10% van jou bruto inkomste aan vervoerkoste (insluitend petrol, onderhoud en versekering) bestee nie. Party mense meen dat jy net ’n motor moet koop wat jy kontant kan betaal. 2. Bestuur ekonomies. Goeie bestuursgewoontes, soos om ratte te wissel wanneer die toepaslike toerevlak bereik word en by spoedperke te hou, sal die brandstofverbruik tot die minimum beperk. “Hoe versigtiger jy bestuur, hoe meer kan jy die koste verminder,” sê Des Fenner, hoofbestuurder van Datsun Suid-Afrika. Nog wenke om die verbruikskoste te beperk, is om geluier te beperk, lugversorging minimaal te gebruik, vensters tydens ritte toe te hou om lugweerstand te verminder,…

Hoewel winkelsentrums onder druk kan kom van die bedreiging van aanlyn inkopies, teiken waardesentrums en kleinhandelparke gewoonlik ’n onderbediende demografiese mark. belegging in Sentraal- en Oos-Europa (SOE) blyk om nou weer gewild te wees. Een maatskappy wat dié streek se groeivooruitsigte aggressief teiken, is die JSE-genoteerde MAS Real Estate Inc. MAS, wat ook op die aandelebeurs in Luxemburg genoteer is, se portefeulje is meer as €500 miljoen werd en sluit eiendomme in Brittanje, Duitsland, Switserland en Sentraal- en Oos-Europa in. Maar met ’n enorme pypleiding van dubbel die huidige batewaarde is, hoop MAS om sy hoofsaaklik kleinhandelsportefeulje oor die volgende drie tot vyf jaar tot nader aan €1 miljard te laat oen werd en sluit eiendomme in Brittanje, Duitsland, Switserland en Sentraal- en Oos-Europa in. Maar met ’n enorme pypleiding…

Corbett is in 1981 in Pietermaritzburg gebore, het aan Carter High School skoolgegaan, haar B.Compt-graad deur Unisa en B.Com-honneurs deur die Universiteit van KwaZulu-Natal behaal. Sy en haar man Murray woon in Mauritius met hul twee dogters van ses en nege. STOKPERDJIES “My werk is my stokperdjie. Ek het ’n ongelooflike werksetiek. Dit is vir my moeilik om vrye tyd te hê.” Sy hou wel daarvan om te gaan draf. “Ek kan my hardloopskoene oral saamvat. Dit is ook ’n wonderlike manier om die wêreld te verken.” GUNSTELING BESTEMMINGS “Ek reis so baie dat ek daarvan hou om tuis te wees en tyd met my gesin deur te bring.” Ski-vakansies is egter iets waarvan die gesin hou. LEES Corbett lees tans The Obstacle is the Way deur Ryan Holiday… vir…

modest proposal @modestproposal1 Siklus van ekonomiese verklarings: 8:30: # 8:31: !!! 8:32-8:35: Kitskommentaar 8:35-8:45: Eienaardighede opgemerk 8:45-9:00: Diepsinnige grafieke 9:00-9:30: Beredeneerde ontleding IG: richpoplak @Poplak Soms tydens daardie klein tussentydjies in ’n besige dag besef ek dat ek wonder wat Shaun Abrahams nou doen. Ranjeni Munusamy @RanjeniM Brei doilies vir behoeftiges. valentio samuels @diff_sam 1990: Liverpool-ligatitels = 18 Federer- Grand Slams = 0 2017: Liverpool-ligatitels = 18 Federer- Grand Slams = 19 Casey Monteiro @Casey_ek_se “Moet nooit probeer om ’n vark te leer sing nie; dit mors jou tyd en irriteer die vark.” Robert A. Heinlein Boyd’s Backyard @TheBoydP Diet Coke: laat mense sedert 1982 beter daaroor voel dat hulle twee Big Macs en ’n groot porsie skyfies bestel het. “Tussen twee euwels kies ek gewoonlik die een wat ek…

Volhoubare en buigsame oplossings vir hernubare energie het beslis reeds in Oos-Afrika ’n merkbare invloed op landelike gemeenskappe. nuwe ontwrigtende tegnologieë verander die wyse waarop energieopwekking en -verspreiding in Afrika verstaan en finansier word. Hierdie veranderinge het implikasies ver buite die energiesektor. Afrika se beleidmakers, regerings, banke en beleggers, asook internasionale finansierders, moet kennis neem van hierdie veranderinge en herbesin oor hoe energie op die vasteland gegenereer en bestuur word. Tegnologie-gedrewe verandering sal waarskynlik daartoe lei dat inwoners van Afrika ’n veel groter rol speel in die benutting van energie op die vasteland. Nuwe tegnologieë sal toegang tot energie buite Afrika se stedelike sentrums uitbrei. Dit kan lei tot betekenisvolle ekonomiese deelname deur Afrika se uitgebreide plattelandse bevolking, en kan groei op die vasteland volhoudend steun vir volgende generasies. Klein…

Pallinghurst, wat bykans tien jaar gelede teen R100 per aandeel genoteer is, sou kastig Brian Gilbertson se tweede goeie toetrede tot die mynbou gewees het nadat hy BHP Billiton* (sedertdien tot BHP herdoop) begin het. Maar soos ek altyd waarsku, is tweede toetredes selde suksesvol, en Pallinghurst bewys dit. Direkteure het goed gevaar met enorme gelde wat aan hulle betaal is, maar sonder enige beloning vir aandeelhouers. Daar was nooit ’n gelykstelling tussen aandeelhouers en direkteure nie. Daar is nou beloftes dat dit reggestel gaan word, maar ek is skepties. Daar is ook praatjies dat die maatskappy in ’n bedryfsmynmaatskappy omskep gaan word deur beheer van Gemfields oor te neem, maar aandeelhouers het stellig reeds vertroue in die direkteure verloor. Die aandeel is steeds 70% benede sy noteringsprys, en hoewel…

JSE Kommer oor besnoeiings Die JSE se aankondiging dat hy tot 60 van sy personeellede gaan afdank, is slegte nuus. Dit is nooit goed om te hoor dat mense hul werk verloor nie. Die tweede helfte van sy onderneming van kostebesnoeiing is ’n “vermindering van die JSE se tegnologiese uitgawes met ’n minimum van R70 miljoen oor ’n tydperk van twee jaar” en dit kan ’n bron van kommer wees. Ek het al voorheen gesê dat die JSE groot tegniese uitdagings met sy makelaarshandelaarsrekening- stelsel (MHR-stelsel) het en dat hy die stelsel moet moderniseer, veral omdat tegnologie die gebied is waar nuwe beurse teen die oues kan meeding. Minder besteding aan tegnologie kan daartoe lei dat hy al hoe verder agter raak by die tegnologiestelsels van die nuwe beurse. Die…

Sea Harvest voer tans sowat 40% van sy volume uit en het ’n teiken om dit tot 50% te vergroot terwyl hy sy huidige deel van verkope aan die plaaslike voedseldiensbedryf verklein waar die marges kleiner is. sea Harvest, wat in 1964 in Saldanhabaai gestig is, is vandag een van die land se grootste en mees erkende visserygroepe en het vanjaar op die JSE genoteer. Die onderneming besit sy eie treilbote en verwerkingsgeriewe. Hy versprei bevrore seekosprodukte onder sy handelsmerke wêreldwyd. Die meeste van sy bedrywighede is in Suid-Afrika en is op die vang, verwerking en bemarking van Kaapse stokvis ingestel wat aan die suidwestelike kus van Suider-Afrika voorkom. Die groep het sy geografiese teenwoordigheid verlede jaar uitgebrei met die verkryging van ’n beherende belang in Mareterram, wat in Australië…

In teenstelling met vaste eiendom, is die meeste eiendomsaandele wat op die FTSE/ JSE genoteer is, hoogs verhandelbaar. VYFJAARPRESTASIE VAN AANDELE, EIENDOMSAANDELE, EFFEKTE EN GELDMARKBELEGGINGS ons lewens is in baie opsigte besonder ingewikkeld. Net soos tegnologie, het beleggings al hoe meer gevorderd geraak. Ongelukkig het dit nie makliker geword om te verstaan nie. Per slot van rekening, hoef die term “goeie geleentheid” nie slegs op ingewikkelde beleggingskeuses betrekking te hê nie. Eenvoudiger en selfs goedkoper beleggings soos eiendomsaandele moet beslis nie oor die hoof gesien word as beleggingskeuse nie. Met ’n opbrengs van 14% per jaar oor die afgelope vyf jaar, is dit Suid-Afrika se toppresterende bateklas (van plaaslike aandele, effekte, eiendomsaandele en kontant). Ek sê egter nie dat eiendomsaandele oor die volgende vyf jaar dieselfde groei gaan toon nie.…

1 Hoe gouer jy begin, hoe gouer spaar jy. Vandag se besparing beteken meer geld om môre te bestee. Elke bietjie tel. Begin en gebruik die geld en inkomste wat jy het. Terwyl R100 dalk nie nou na veel lyk nie, sal jou welvaart toeneem namate jy aanhou byvoeg. 2 Maak spaar outomaties. Reël ’n maandelikse debietorder om geld uit jou lopende rekening na jou spaarrekening oor te plaas. 3 Begroot. Die doel met ’n begroting is eerstens om te weet waarheen jou geld gaan en waaraan jy dit elke maand bestee. Tel hoeveel geld elke maand inkom en hoeveel jy bestee. “Jy moet besluit wat vir jou belangrik is,” sê Warren Ingram, welvaartsbestuurder by Galileo Capital. “Wat sal jou genoeg motiveer om te keer dat jy geld bestee aan…

1. Soek waenhuisverkopings in jou omgewing op wanneer jy goedere soek wat tweedehands gekoop kan word, of besoek webwerwe soos Gumtree en Junk Mail vir gebruikte goedere en meubels. 2. Verkoop ongebruikte meubels, sporttoerusting en huishoudelike goedere en spaar die geld wat jy kry. 3. Beplan jou etes volgens wat in die kruidenierswinkel teen spesiale pryse beskikbaar is. 4. Eet minder vleis – ten minste vir eers. Die Rooivleisprodusenteorganisasie verwag dat vleispryse vanjaar met meer as 30% gaan styg omdat veeboere sukkel om hul kuddes ná die droogte van drie jaar weer op te bou. 5. Koop generiese of laerak-items in die kruidenierswinkel. 6. Vermy wegneemkoffie by die werk. 7. Neem oorskietkos werk toe eerder as om elke dag middagete te koop. 8. Koop plante of kruie as geskenke. 9.…

“Metope het beleggings in MAS en glo sterk aan die langtermyngroeipotensiaal van die maatskappy. MAS bied beleggers stewige groei in euro’s en maak nie net staat op valutaverskille om ’n aantreklike belegging te voorsien nie.” “36ONE het ’n positiewe uitkyk op MAS, aangesien groei van 30% per jaar in die huidige mark moeilik is om in enige sektor te kry.” “Ons wil graag ons posisie bokant 10% hou.” “Ons hou al meer van die storie, veral omdat MAS nou inkomste betaal en stewige groeivooruitskattings het. Ons het ’n oorgewigposisie in ons portefeuljes geneem.” “Ons blootstelling aan MAS is effens oorgewig teenoor die Suid-Afrikaanse genoteerde-eiendomsindeks (SAPY). Die ontwikkelingpypleiding voeg aansienlike risiko by die onderneming by, maar as Suid-Afrikaanse beleggers op soek is na reële groei in uitkerings en bereid is om…

Solank as wat die gereg polisie beskerm wanneer hulle doodmaak, is geregtigheid slegs ’n droom. die Suid-Afrikaanse komediant, Trevor Noah, wat in 2015 gekies is om as gasheer op te tree van Comedy Central se The Daily Show en tans in Amerika woon, het onlangs opspraak verwek. Noah het ’n monoloog gelewer nadat ’n opname gespeel is van die onlangs vrygestelde paneelkamera-opname van die polisiebeampte van Minnesota wat die 32-jarige Philando Castile verlede jaar in Julie doodgeskiet het. Dit het gebeur nadat Castile weens ’n gebreekte agterlig voorgekeer is. Die situasie het ’n dodelike wending geneem sekondes nadat Castile aan die polisieman gesê het dat hy ’n wapen dra waarvoor hy ’n permit het. Die paneelkamera-opname is geredelik aanlyn beskikbaar, maar is traumaties. “Ek gaan nie vir julle jok nie,”…

1 Hoekom het die operateurs van die 10111-inbelsentrums gestaak? 2 Wat word die Japannese geldeenheid genoem? 3 Waar of onwaar? Dit het onlangs in die Wes-Kaap gesneeu. 4 Wie was Amelia Earhart? ▪’n Fisikus ▪’n Vlieenier ▪’n Verpleegster 5 In watter Europese stad is die onlangse G20-spitsberaad gehou? 6 Waar of onwaar? Marin ?ili?, die naaswenner in vanjaar se Wimbledontoernooi, is ’n Amerikaanse tennisspeler. 7 Waar is die hoofkantoor van die eiendomsfonds Grit gelee? ▪Suid-Afrika ▪Mauritius ▪Duitsland 8 Waar of onwaar? Die nuwe akteur wat in die Britse TV-reeks Doctor Who die naamrol speel, is ’n swart akteur. 9 Wat is ’n Michelin Ster? ▪’n Ster met minder as drie planete wat om hom wentel ▪’n Toekenning vir uitnemendheid in die kulinere bedryf ▪’n Luukse motor 10 Waar of onwaar?…