Indholdsfortegnelse for 02-nov-17 i Finweek - Afrikaans

malusi Gigaba se rampspoedige mediumtermynbegrotingstoespraak (mini-begroting) op 25 Oktober het my min beïndruk, nieteenstaande al die slegte nuus in dié begroting se 86 bladsye. Die tesourie verwag byvoorbeeld ’n tekort van R50,8 miljard in belastinginkomste. Dit sal die begrotingstekort in die boekjaar 2017-'18 tot 4,3% van die bruto binnelandse produk verhoog, aansienlik erger as die Februarievooruitskatting van 3,1%. (Sien bladsy 32.) Gigaba het Ben Okri se gedig “Poetic Fight” aangehaal en Suid-Afrikaners aangemoedig om “aktiewe bouers en vroedvroue te wees van die Suid-Afrika wat ons wil hê”. Die regering moet die toestande skep sodat mense hul aspirasies kan verwesenlik; die tempo van hervorming moet verhoog word, het hy gesê. Die sinici onder ons vind dit moeilik om te glo dat die druk vir “radikale ekonomiese transformasie” werklik die belange van…

Dis-Chem se aandeelprys het vandeesmaand herstel, aangedryf deur stewige finansiële resultate vir die ses maande tot einde Augustus. Wesensverdienste per aandeel (WVPA) was 38,1% hoër tot 46,8c, ondanks ’n styging van 8% in sy uitgereikte aandele sedert sy notering in November 2016. ’n Tussentydse dividend van 18,73035c per aandeel is verklaar. Inkomste, aangehelp deur die opening van 19 nuwe winkels, het oor die tydperk met 14% tot R9,95 miljard gestyg. Die groep het aan die einde van Augustus 118 winkels gehad. Nabelastingwins het jaar-opjaar met 37,4% tot R409 miljoen gestyg. Dis-Chem se kleinhandelsbedrywighede oorheers die groep se resultate en verteenwoordig 91% van verkope en R629 miljoen van sy voorbelastie wins, met sy groothandelsafdeling – CJ Distribution – wat ’n voorbelaste verlies van R52,8 miljoen opgelewer het. CJ Distribution, wat in…

TASTE HOLDINGS Geld raak op Taste Holdings se resultate was so sleg as wat verwag is, want hy bloei oral geld. Dat die voedseldeel geld sou verloor was te wagte, want Starbucks en Domino’s moes aan die gang kom. Die verrassing was dat selfs die juweliersafdeling se inkomste en wins gedaal het. Die ding is dat Taste se geld vinnig begin opraak. Met die verkoop van die juweliersafdeling gekanselleer, benodig hy bykomende kontant. Daarsonder is die groep in die moeilikheid. Nog ’n regteuitgifte lyk buite die kwessie, met die markkapitalisasie op sowat R370 miljoen by die skryf hiervan. Maar hier is ’n sappige stukkie inligting: sy meerderheidsaandeelhouer Conduit Capital het ’n regteuitgifte aangekondig om R350 miljoen in te samel – kan dié geld vir ’n groter aandeel in Taste bedoel…

ek het al by ’n paar geleenthede die storie van die eend en die skerpioen gebruik om te illustreer hoe mense geneig is om op ’n sekere manier op te tree, selfs al is dit nie in ons belang nie. Die eend het huiwerig aangebied om die skerpioen na veiligheid te help toe hy ná ’n vloed gestrand was. Naby die oewer het die skerpioen egter die eend gesteek, wat uiteindelik tot albei se dood gelei het. Al het die skerpioen geweet dat sy optrede hul albei se dood sou veroorsaak, was dit eenvoudig vir hom te moeilik om sy natuurlike instinkte te weerstaan. Beleggingsyfers wat maandeliks vir sowel aandele as effektetrusts gepubliseer word, kan beleggers maklik in die skerpioen se posisie plaas. Dit is in ons aard om verlede…

en van die dinge waaroor ek altyd praat, is om ons verhandelings- en/of beleggingsopbrengste teen ’n toepaslike maatstaf soos die JSE se Top-40 of indeks van alle aandele te meet. Maar hoe doen ons dit? Ons kan nie ons makelaar se webtuiste gebruik nie, want hulle gee gewoonlik net die prys wat ons betaal het, en as ons oor die jare ’n paar aankope gemaak het, sal dit ’n gemiddelde prys wees. Daarbenewens is die opbrengs die gemiddelde prys sedert die aankoopdatum en sluit dit nie dividende in wat ons gedurende die tydperk ontvang het nie. Om te weet wat ons werklike opbrengste oor ’n tydperk is, moet ons ons portefeulje in eenhede verdeel. Dit is heel eenvoudig, en sodra ons die proses begin het, is dit baie maklik om…

die opsie word weer oorweeg om ’n belang in Telkom te verkoop om die verlieslyende Suid-Afrikaanse Lugdiens (SAL) te help red en sodoende ’n oorskryding van R3,7 miljard van die regering se bestedingsperk in die fiskale jaar tot Maart te vermy, het Dondo Mogajane, direkteur-generaal van die tesourie, op 25 Oktober gesê. Die nuus is verrassend, want Telkom het twee weke gelede sy omsigtigheidsverklaring oor verhandeling op die JSE teruggetrek en gesê hy is nie bewus van enige huidige regeringsbesluit om sy aandeelbelang van 39% in die maatskappy te verklein nie – al het hy in September gesê dit was die geval. Mogajane het voor die tesourie se mediumtermyn-begrotingsraamwerk in die parlement aan joernaliste gesê teen Maart aanstaande jaar sal ’n finale besluit geneem wees oor ’n lys bates wat…

stel jou voor jy neem ’n reguit lyn en buig dit na binne tot die twee punte mekaar raak om ’n sirkel te vorm. Dié beeld demonstreer – op ’n baie vereenvoudigde skaal – die beoogde evolusie van die bestaande lineêre ekonomie tot ’n insulêre een waarin die materiaal, energie en hulpbronne teruggeplaas word in die sirkel – ’n sirkulêre ekonomie (SE). Die SE, ’n konsep- generiese stelsel wat ontwikkel is deur verskillende denkskole, wat insluit die nywerheidsekonomie en herskeppende ontwerp, is op drie beginsels gegrond. Dit maak eerstens staat op die herontwerp van polimere, allooie en ander mensgemaakte samestellings op so ’n manier dat dit tot kompos verwerk kan word of teruggevoer word in die nywerheidsproses as ru-veevoer. Tweedens, wil SE materiale en produkte vir so lank as moontlik…

nEkonomiese-impakstudie wat deur die National Film and Video Foundation (NFVF) gedoen en vroeër vanjaar uitgereik is, het bevind dat die Suid-Afrikaanse rolprentbedryf in die vorige finansiële jaar ’n impak van sowat R12,2 miljard op die plaaslike ekonomie gehad het. Dit het ’n regstreekse uitwerking van R4,4 miljard op ekonomiese produksie gehad, ’n indirekte impak van R4,9 miljard en het verdere voordele van R3 miljard teweeggebring. Van die 106 rolprente wat in die eerste helfte van 2017 uitgereik is, is 10 plaaslik vervaardig, aldus die NFVF. Dié tien het R30 miljoen by die loket verdien, of 5% van die totale loketverdienste van R568 miljoen. Die voorste verdiener was Keeping up with the Kandasamys wat R16,3 miljoen verdien het, gevolg deur Kalushi met R3 miljoen. Die voorste internasionale rolprent was Fate of…

Stokperdjies: Reis, fotografie, voëlkyk en voetslaan. Ek het Kilimandjaro in 1996 saam met vriende uitgeklim en op my emmerskoplys is nog berge om te klim. Gunsteling vakansiebestemmings: Waterberge en Hermanus. Ek het die Serengeti ook baie geniet! Met ons onlangse besoek daar het ek begryp waarom ’n leeu die koning van die oerwoud is. Dis nie oordryf nie. Wat lees jy op die oomblik? Watter musiek luister jy? Jeffery Deaver se boek The Burial Hour. Wat musiek betref, geniet ek enigiets van Katie Melua. Hoe om gesins- en werkslewe in balans te bring: Familie is vir my baie belangrik. By die huis skakel ek af. Probleme word net na my toe gebring as niemand anders dit kan oplos nie, wat selde is. Aandete saam met my gesin (vrou, twee dogters…

ortyd word nie net as een van die grootste deurlopende uitgawes van ’n maatskappy beskou nie, maar as dit nie reg bestuur word nie, kan dit ook tot duur hofsake, lae moreel en selfs die misbruik van ’n maatskappy se geld en tyd lei. Dit is een van die mees omstrede kwessies in arbeid. Soms verwag bestuurders dat werkers te alle tye beskikbaar moet wees en werkers hou dikwels nie daarvan om oortyd te werk nie, veral as dit om redes buite hul beheer is. Amy Bailey, die hoof van finansies en mense- hulpbronne by die Amerikaanse maatskappy, TSheets, sê in moeilike ekonomiese tye is werknemers gewoonlik gretig om te bewys dat hulle harde werkers is wat nie omgee om effens langer te werk nie – sonder om noodwendig sommige…

die private sektor word van alle kante gelooi, maar het een vergoeilikende eienskap waaraan dié kritici nie aan kan ontkom nie: kompetisie. Kyk maar na KPMG – die internasionale ouditeursfirma midde in die Gupta-familieskandaal, nadat belastingbetalers se geld gebruik is om ’n huwelikseremonie in 2013 te Sun City te betaal. Na die uitreiking van ’n interne verslag oor die saak, het KPMG se uitvoerende hoof in Suid-Afrika, Trevor Hoole, bedank, asook die voorsitter en ses ander senior personeellede. Daaropvolgend het maatskappye begin om KPMG se ouditeursdienste te beëindig. Magda Wierzycka se Sygnia was eerste, gevolg deur Hulisani, Münich Re, Sasfin, AVI, Telkom, en talle ander. Selfs daardie stadig bewegende instellings, universiteite, het begin om van KPMG ontslae te raak. Bronne binne KPMG laat blyk dat die bui somber is. KPMG…

mense is nie baie goed met belegging nie. Ons word gelei deur emosies, kognitiewe vooroordeel en die aanpasbare aard van markte, en ons sit dikwels ons geld op plekke waar dit nie hoort nie. Dit is volgens Stuart Reid, hoofingenieur van NMRQL Research en medebestuurder van die NMRQL SCI Balanced Fund – Suid-Afrika se eerste effektetrust wat deur masjienleer aangedryf word. Michael Jordaan, voormalige uitvoerende hoof van FNB, is die mede-stigter van NMRQL se fonds, wat masjienleer gebruik om navorsing, ontleding en aandeelkeuse te bestuur. Die fonds sal waarskynlik beleggingspuriste afskrik en beleggingsinnoveerders boei. Dié rekenaarbeleggingsproses, wat deur die Sanlam Collective Investments-platform geadministreer word, wys patrone in onderliggende groot data uit. Sodra dié patrone ontdek is, word die fonds se batetoewysing en aandelekeuse sistematies bestuur deur gebruik te maak van…

daar's min fout te vind met Clicks, handelaar in farmaseutiese, gesondheids- en skoonheidsprodukte. Sy finansiële resultate voldoen voortdurend aan verwagtinge. Met die skerp opwaartse tendens waarin hy verhandel, en dalk by ’n toppunt is, kan enige negatiewe nuus die aandeelprys laat tuimel. Wat die grafieke sê: Clicks verhandel in ’n skerp stygende tendens en toets nuwe hoogtepunte. Met die relatiewe sterkte-indeks (RSI) vir drie maande wat die afgelope ses maande in oorkoopte gebied boer, is die aandeelprys moontlik oorspanne en gereed vir ’n regstelling binne sy hoofsaaklik opwaartse neiging. Verhandel hom só: Gaan kort: In Maart het Clicks ’n positiewe uitbreking uit sy vlagpatroon bevestig bo 12 695c per aandeel, met die mikpunt 18 120c – wat beteken die aandeelprys kan met ruweg 14% verder styg om sy mikpunt te…

die Dow-teorie van markbewegings, wat wêreldwyd ’n aanhang het, wil dit hê dat die opwaartse been van ’n aandelemark-siklus in drie fases beweeg. Die eerste fase van ’n bulmark begin deurdat pryse sukkel-sukkel begin opbeweeg na ’n vernietigende beermark. Onsekerheid is die wagwoord want die pyn wat die voorafgaande beermark veroorsaak het, is nog vars in die geheue. Na ’n tydperk van sywaartse of ’n geleidelike opwaartse neiging waartydens die sogenaamde ingeligte kapitaal winskope kry (maar vermy om pryse te jaag), word die tweede fase van die nuwe bulmark ingelui: Optimisme slaan deur en meer kopers verskyn wat pryse laat verstewig. Goeie waarde is oor die algemeen beskikbaar, maar werklike winskope soos tydens die eerste fase, raak al skaarser. Dan kom die derde geesdriftige fase, waartydens pryse lewendig styg met…

“Dit is tyd om rolprente te finansier,” sê die Nywerheidsontwikkelingskorporasie (NOK) se William Smith. “ Maar wat van die geriewe? Dit is ook deel van die waardeketting.” Die NOK het belê in die SKY RING-ateljees, wat eersdaags geopen word en op die boonste vlak van die Carlton-sentrum in Johannesburg geleë is en waar die ou skaatsbaan was. ’n Vorige belegging was die Cape Town Film Studios, wat in 2010 gevestig is en gebruik is om Mandela: Long Walk to Freedom te vervaardig. Dié ateljee, onder voorsitterskap van Videovision se Anant Singh, is volgens Smith die eerste doelgeboude rolprentateljeekompleks van sy soort in Afrika, met net die beste dienste. Die ateljee is ook gebruik in die vervaardiging van internasionale rolprente soos Safe House, Dredd en Mad Max: Fury Road. Dredd-vervaardiger Andrew…

sakevennote Daniel Harris en Gary Menachemson het die eerste keer kennis gemaak met kouetrekselkoffie in Cory Doctorow se roman, Homeland. Hulle was geboei deur die manier waarop die skrywer die treksel beskryf het en het hul eie probeer maak. Hulle het ’n deegroller gebruik om die koffiebone te maal en ’n katoendoek om dit te filtreer, en hul eerste treksel was goed genoeg om dit in ’n volwaardige produk te omskep. Hulle het artikels gelees oor kouetrekselkoffie waarby stikstof gevoeg word en het ’n sakemodel saamgestel. Harris en Menachemson het toe albei uit hul werk in onderskeidelik reklame en finansies bedank sodat hulle hulself kon toespits op die onderneming. Hulle het weke lank na ’n naam vir die onderneming gesoek en het met Mighty Monk vorendag gekom, gegrond op die…

dit lyk of grootsake ná jare van onwillige voldoening aan beleid oor swart ekonomiese bemagtiging uiteindelik bereid is om die idee te aanvaar om die Suid-Afrikaanse ekonomie te ontras. Business Unity South Africa (Busa), wat as die stem van groot maatskappye beskou word, het in Junie vanjaar ’n dokument van 18 bladsye getiteld Business Approach to Black Economic Transformation gepubliseer waarin die sakesektor se siening van hoe die land inklusiewe groei kan behaal, uiteengesit word. Meer as drie maande na die publikasie van dié dokument was daar nog min openbare reaksie deur die regering, swart sakedrukgroepe, vakbonde en die burgerlike samelewing op Busa se voorstelle. Die lou ontvangs is teleurstellend, want die gebrekkige ontrassing van die plaaslike ekonomie was die afgelope 20 jaar een van die land se mees komplekse…

Dit is wat ek ’n fundamentele handelstransaksie noem en wat met die verloop van jare goed gewerk het. Die idee is om Sasfin te koop wanneer die prys net 10% hoër as die netto batewaarde (NBW) of boekwaarde is. Dit word gewoonlik die prys/ekwiteitsverhouding (p:e- -verhouding) genoem. Wanneer die Sasfin-prys 110% van NBW bereik, is dit ’n koopsein, met die aandeelprys wat dan gewoonlik tot 140% of 150% van NBW beweeg. Op die oomblik is die verklaarde boekwaarde van Sasfin ongeveer 5 000c, maar as ek rekening hou met korporatiewe aktiwiteit, verdiskonteer ek dit tot 4 500c, wat dit op die magiese 110% van NBW te staan bring. Hierdie handel kan van ses tot 18 maande voortduur en gedurende daardie tyd sou ek verwag dat die NBW ook sal toeneem,…

de kitskosrestaurantgroep Famous Brands is onder druk terwyl hy worstel om die verliesmakende Gourmet Burger Kitchen (GBK) in Brittanje, wat hy in 2016 oorgeneem het, reg te ruk, en ook taai ekonomiese toestande in Suid-Afrika ondervind. Wat die grafieke sê: Ná ’n negatiewe handelsverklaring op 9 Oktober het Famous Brands deur die steunlyn van sy lang opwaartse tendens (sedert Junie 2013) gebreek en allerbelangrike steun op 9 905c per aandeel getoets. My vooruitsigte vir Famous Brands is sedert Oktober 2016 negatief. Ek het beleggers toe tot versigtigheid gemaan omdat die aandeelprys oorspanne was en ek het ’n kort posisie onderkant 14 900c per aandeel aanbeveel. Verhandel hom só: Gaan lank: Famous Brands verhandel in ’n steil afwaartse tendens en met die RSI vir drie weke in oorverkoopte gebied, is ’n…

die Investec Equity Fund belê in aandele met opwaarts hersiene verwagtinge vir toekomstige verdienste (of waar dit hoogs waarskynlik opwaarts hersien sal word) wat terselfdertyd op redelike waardasies verhandel. Ons het Barloworld middel laas jaar begin koop en het tans ’n oorgewig posisie. Barloworld, wat in 1902 gestig is, is een van die oudste maatskappye in die land. Aanvanklik het die maatskappy wolprodukte verkoop, soos komberse en jasse, maar mettertyd tot talle ander terreine uitgebrei, onder meer die motorhandel, boumateriale, hanteringstoerusting, verbruikerselektronika en staalvervaardiging. In die loop van sy ontwikkeling het die maatskappy niekernbates verkoop en hom geposisioneer as ’n verspreider van toonaangewende internasionale handelsname, soos Caterpillar, Avis, Budget, Audi, BMW, Ford, Jaguar, Land Rover, Mazda, Mercedes- Benz, Toyota, Volkswagen, Hyster en Massey Ferguson. Barloworld se kernafdelings is toerusting (grondverskuiwing…

Nog ’n maatskappy wat dieselfde metodologie as Randgold Resources volg deur nie halsoorkop in korporatiewe aktiwiteit in te duik nie en sy eie hulpbronne ontwikkel, is South32, wat geskep is deur die ontknoping van BHP se nie-kernbates. Toe South32 se uitvoerende hoof, Graham Kerr in Augustus deur finweek gevra is waarom die maatskappy relatief stemmig is in sy benadering tot groei, het hy gesê: “Ons is wat ons is.” Die maatskappy het met ander woorde stelling ingeneem om sy kontant konserwatief te bestuur, wat van pas lyk vir ’n maatskappy wat gebore is in die middel van die metaalpryskorreksie oor die afgelope paar jaar. Sy besluit om ’n aandeleterugkoopprogram in werking te stel, wat hy in Augustus met $250 miljoen vergroot het tot $750 miljoen, het egter sy voorstanders en…

’n Logiese vertrekpunt vir die bespoediging van die sluit van die afvalsirkel in Suid-Afrika, is die insluiting van die informele hersikleringbedryf in die formele ekonomie. Die WNNR raam die waarde van die huishoudelike afvalsektor op R15,3 miljard, of 0,51% van die land se BBP, wat werk verskaf aan sowat 30 000 mense, waarvan 67% in die openbare sektor werk (plaaslike besture), terwyl ’n geskatte 60 000 tot 90 000 mense ’n bestaan voer deur die informele afvalsektor. Linda Godfrey van die WNNR sê egter dit is al probeer, met beperkte sukses. Met ’n mislukkingskoers van 91,8% toon navorsing dat om volhoubare afval- en hersikleringkoöperatiewe tussen afvalsnuffelaars te skep, langtermynsteun en belegging vereis. “Mense wil ’n lewe maak in verpakkingsherwinning; dit is ’n baie aktiewe informele sektor – sowat die helfte…

met sy blou trui en warm glimlag terwyl hy die hotelketting se vooruitsigte bespreek, onder meer nuwe liggings, lyk Clifford Ross, uitvoerende hoof van City Lodge Hotels Group, nie of die moeilike ekonomiese klimaat in Suid-Afrika hom onderkry nie. Ross, ’n streng werkgewer wie se verbintenis met die maatskappy oor drie dekades strek en nou in sy 25ste jaar aan die stuur daarvan staan, is deel van die groep se DNS. Hy het in Orkney in ’n gesin van ses grootgeword met die droom om eendag ’n dokter te word, maar die noodlot het dit anders bestem en die gasvryheidsbedryf het geseëvier – ’n verstekkeuse wat hom reeds vier dekades lank besig hou. Sy dag begin om 06:00 en sy oggendritueel behels onder meer om in te haal met e-posboodskappe…

Die koffie begin met ’n sorgvuldig gekeurde mengsel van 100% Coffea arabica-bone. Hierdie gekeurde mengsel word gemaal en laat staan om ongeveer 16 tot 24 uur lank in gesuiwerde koue water te week. Deur slegs koue water gedurende produksie te gebruik, is die eindproduk nie so bitter nie en tot 60% minder suur as gewone koffie. Dit het ook ’n sterker kafeïenskop omdat die bone so lank in water geweek word. Nadat dit geweek is, word die oplossing deur ’n dubbelfiltrasiestelsel gelei, wat jou met ’n sagte, heerlike hoë-kafeïen-, laesuurkoffie laat. Die koue konsentraat kan dan verdun word en oor ys bedien word as ’n ryk, sagte yskoffie of kan met kookwater gemeng word vir ’n stomende koppie koffie. BRON: www.mightymonk.co.za…

Vandeesweek is ’n eksemplaar van Frans Rautenbach se South Africa Can Work op die spel. Om deel van die trekking vir dié boek te wees, moet jy die aanlyn weergawe van die vasvrawedstryd vanaf 30 Oktober op fin24.com/finweekinvul. Sterkte! 1 In watter land is ’n standbeeld van Jacob Zuma onlangs tot die misnoeë van sy burgers opgerig? ▪ Nigerië ▪ Venezuela ▪ Rusland 2 Met watter godsdiens word die sjaria-reg verbind? 3 Waar of onwaar? Dudu Myeni is nie meer die voorsitter van SAL nie. 4 Wat is GEPF? ▪ ’n Nuut ontdekte planeet ▪ ’n Pensioenfonds ▪ ’n Franse aandelebeurs 5 Waar of onwaar? Wim de Klerk is die uitvoerende hoof van Steinhoff. 6 Hoe lank gelede is wyle Oliver Tambo, die vryheidsvegter, gebore? ▪ 100 jaar ▪ 75…

Tom Eaton @TomEatonSA Dink aan en bid vir alle Suid-Afrikaanse ambassades wêreldwyd, want hulle wag gespanne om te sien of hulle #DuduMyeni as ’n nuwe ambassadeur kry. Michael Jordaan @MichaelJordaan As jy te veel drink, beteken dit jy leen vandag reeds van môre se geluk. VeryBritishProblems @SoVeryBritish “O wee” – Vertaling: Nog ’n droom verpletter. Jewel Staite @JewelStaite Ek is “dié restaurant is te lawaaierig” jare oud. The Motley Fool @themotleyfool “Al die wiskunde wat jy in die aandelemark nodig het, leer jy in graad vier.” – Peter Lynch duumb @duumb [Hoërskool-reünie] Ek: Onthou jy hoe ek die wiskundeklas gemis het om jou te sien? Eks: Ee... ja… Ek [haal ’n klomp papiere uit]: Werk nou my belasting uit. John Mayer @JohnMayer Hulle moet reël dat almal wat wag om…