Finweek - Afrikaans 02-nov-17

malusi Gigaba se rampspoedige mediumtermynbegrotingstoespraak (mini-begroting) op 25 Oktober het my min beïndruk, nieteenstaande al die slegte nuus in dié begroting se 86 bladsye. Die tesourie verwag byvoorbeeld ’n tekort van R50,8 miljard in belastinginkomste. Dit sal die begrotingstekort in die boekjaar 2017-'18 tot 4,3% van die bruto binnelandse produk verhoog, aansienlik erger as die Februarievooruitskatting van 3,1%. (Sien bladsy 32.) Gigaba het Ben Okri se gedig “Poetic Fight” aangehaal en Suid-Afrikaners aangemoedig om “aktiewe bouers en vroedvroue te wees van die Suid-Afrika wat ons wil hê”. Die regering moet die toestande skep sodat mense hul aspirasies kan verwesenlik; die tempo van hervorming moet verhoog word, het hy gesê. Die sinici onder ons vind dit moeilik om te glo dat die druk vir “radikale ekonomiese transformasie” werklik die belange van…

die private sektor word van alle kante gelooi, maar het een vergoeilikende eienskap waaraan dié kritici nie aan kan ontkom nie: kompetisie. Kyk maar na KPMG – die internasionale ouditeursfirma midde in die Gupta-familieskandaal, nadat belastingbetalers se geld gebruik is om ’n huwelikseremonie in 2013 te Sun City te betaal. Na die uitreiking van ’n interne verslag oor die saak, het KPMG se uitvoerende hoof in Suid-Afrika, Trevor Hoole, bedank, asook die voorsitter en ses ander senior personeellede. Daaropvolgend het maatskappye begin om KPMG se ouditeursdienste te beëindig. Magda Wierzycka se Sygnia was eerste, gevolg deur Hulisani, Münich Re, Sasfin, AVI, Telkom, en talle ander. Selfs daardie stadig bewegende instellings, universiteite, het begin om van KPMG ontslae te raak. Bronne binne KPMG laat blyk dat die bui somber is. KPMG…

dit lyk of grootsake ná jare van onwillige voldoening aan beleid oor swart ekonomiese bemagtiging uiteindelik bereid is om die idee te aanvaar om die Suid-Afrikaanse ekonomie te ontras. Business Unity South Africa (Busa), wat as die stem van groot maatskappye beskou word, het in Junie vanjaar ’n dokument van 18 bladsye getiteld Business Approach to Black Economic Transformation gepubliseer waarin die sakesektor se siening van hoe die land inklusiewe groei kan behaal, uiteengesit word. Meer as drie maande na die publikasie van dié dokument was daar nog min openbare reaksie deur die regering, swart sakedrukgroepe, vakbonde en die burgerlike samelewing op Busa se voorstelle. Die lou ontvangs is teleurstellend, want die gebrekkige ontrassing van die plaaslike ekonomie was die afgelope 20 jaar een van die land se mees komplekse…

− Politieke kommentator Justice Malala het by die konferensie van die Financial Planning Institute Professionals gesê president Jacob Zuma het “aan niemand gesê hy gaan ’n kabinetskommeling hê nie”. In die nuutste kabinetskommeling, Zuma se tweede vanjaar, is die jarelange Zuma-ondersteuner Blade Nzimande, hoofsekretaris van die Suid-Afrikaanse Kommunistiese Party, ontslaan. Dit stel die toekoms van die drieparty-alliansie in gevaar. - Edgar Pieterse, Suid-Afrikaanse navorsingsprofessor in stedelike beleid en stigtersdirekteur van die Afrika-sentrum vir stede aan die Universiteit van Kaapstad, sê die hoeveelheid protesoptrede en rassisme toon dat Suid-Afrikaners “gatvol” is. “En ons ekonomiese stagnasie beteken maatskaplike vordering gaan nêrens nie,” het hy in Oktober aan die Green Buildingkonferensie in Kaapstad gesê. Pieterse het die uitdagings bespreek om die ongeregtigheid van ruimtelike beplanning van die verlede reg te stel. Hy sê…

mense is nie baie goed met belegging nie. Ons word gelei deur emosies, kognitiewe vooroordeel en die aanpasbare aard van markte, en ons sit dikwels ons geld op plekke waar dit nie hoort nie. Dit is volgens Stuart Reid, hoofingenieur van NMRQL Research en medebestuurder van die NMRQL SCI Balanced Fund – Suid-Afrika se eerste effektetrust wat deur masjienleer aangedryf word. Michael Jordaan, voormalige uitvoerende hoof van FNB, is die mede-stigter van NMRQL se fonds, wat masjienleer gebruik om navorsing, ontleding en aandeelkeuse te bestuur. Die fonds sal waarskynlik beleggingspuriste afskrik en beleggingsinnoveerders boei. Dié rekenaarbeleggingsproses, wat deur die Sanlam Collective Investments-platform geadministreer word, wys patrone in onderliggende groot data uit. Sodra dié patrone ontdek is, word die fonds se batetoewysing en aandelekeuse sistematies bestuur deur gebruik te maak van…

Dit is wat ek ’n fundamentele handelstransaksie noem en wat met die verloop van jare goed gewerk het. Die idee is om Sasfin te koop wanneer die prys net 10% hoër as die netto batewaarde (NBW) of boekwaarde is. Dit word gewoonlik die prys/ekwiteitsverhouding (p:e- -verhouding) genoem. Wanneer die Sasfin-prys 110% van NBW bereik, is dit ’n koopsein, met die aandeelprys wat dan gewoonlik tot 140% of 150% van NBW beweeg. Op die oomblik is die verklaarde boekwaarde van Sasfin ongeveer 5 000c, maar as ek rekening hou met korporatiewe aktiwiteit, verdiskonteer ek dit tot 4 500c, wat dit op die magiese 110% van NBW te staan bring. Hierdie handel kan van ses tot 18 maande voortduur en gedurende daardie tyd sou ek verwag dat die NBW ook sal toeneem,…