Indholdsfortegnelse for 5-Jul-18 i Finweek - Afrikaans

iets verstommends gebeur in Kimberley. ’n Groep diamantmynwerkers stry al jare lank om die reg om wettig op sowat 400 hektaar grond te myn; hulle is al die afgelope 16 jaar bedrywig, maar mynregte oor die grond is intussen aan Kimberley Ekapa Mining Joint Venture toegeken. Moenie ’n fout maak nie: Die stelsel in Suid-Afrika hel oor in die guns van die regering en groot, formele ondernemings. Die wet het geen verdraagsaamheid vir onwettige myners nie, en daar was al baie pogings – van intimidasie, inhegtenisnemings en uitsettings deur Ekapa se sekuriteitspersoneel en die polisie – om die zama-zamas van Ekapa se grond af te kry. Maar op ’n manier het die zama-zamas die stryd gewen. In ’n historiese stap het die meer as 2 000 myners in Junie permitte…

Die voertuig- en vervoergroep, Imperial Holdings, het die afgelope vier jaar ’n suksesvolle herstrukturering ondergaan as deel van ’n strategie om dit in twee afsonderlik genoteerde entiteite te verdeel – Imperial Logistics en Motus. Nadat Imperial deur die boonste helling van sy mediumtermyn-bultendens gebreek het, het ek verwag dat hy verder sou vorder (“Hy kan verder loop,” uitgawe van 1 Maart), maar in plaas daarvan het hy reggestel nadat hy ’n nuwe hoogtepunt van 28 890 sent per aandeel getoets het. Hierdie terugsakking het gevolg op die uitvoerende hoof, Mark Lamberti, se skokbedanking nadat ’n hof teen hom bevind het in ’n saak van rassediskriminasie. Osman Arbee, ’n voormalige finansiële hoof van Imperial en uitvoerende hoof van die groep se Motusverkoopsafdeling, is in Mei as die nuwe groep- uitvoerende hoof…

SUN INTERNATIONAL ’n Swak vooruitsig Sun International het een van sy twee Chileense munisipale casino-lisensies verloor wat sy treurmare vererger. Daar was aanvanklik vyf munisipale lisensies beskikbaar, waarvan Sun International twee gehad het. Nou het hy net een en ’n enkele mededinger het die ander vier. Dit is nie goed vir die maatskappy nie. Saam met die hoë skuldvlak en die komende wetgewing teen rook in Suid- Afrika wat na verwagting dobbelinkomste vir drie jaar met tussen 15% en 20% kan verlaag, is dit nie ’n aandeel wat jy wil besit nie. PALLINGHURST RESOURCES Te veel swak plekke Pallinghurst het ’n suksesvolle Singapoerse robyn-veiling gehad wat volg op ’n middelmatige veiling van smaragde in Mei in Lusaka. Nog belangriker: die mark haat steeds die aandeel aangesien dit teen ’n diskonto…

Dit is belangrik om die negatiewe punte ook neer te skryf, anders sal mens begin dink dat die maatskappy net goeie punte het. een van die belangrikste punte van ’n suksesvolle belegger of handelaar is om aantekeninge te hou. Ek het byna ’n obsessie hieroor, en oor die jare het ek meer as 20 boeke volgeskryf met my beleggingsidees (en nog baie meer as dit met my aantekeninge oor verhandeling). Ek vind dit baie belangrik (en navorsing oor die skryf van aantekeninge deur studente bevestig dit) dat, hoewel dit maklik is om sulke aantekeninge op ’n elektroniese toestel te doen, die skryfproses met ’n pen en papier my beter laat dink en help om die inligting beter te onthou. As jy ’n skryfboek optel, weet jou brein wat jy gaan…

wanneer olifante baklei, ly die gras, lui ’n ou Afrika-spreekwoord. Die betekenis is duidelik, en kommerwekkend gepas vir wat nou lyk na ’n volskaalse handelsoorlog wat tussen Amerika en China ontwikkel terwyl die twee moondhede om oorheersing van die wêreldekonomie stry. Indirekte skade kom reeds voor, veral in ontluikende markte, wat die kwesbaarste is vir die sogenaamde sentiment om risiko te vermy wat senuweeagtige beleggers aanspoor om hul geld na vermoedelik veilige “toevlugsoorde” te skuif. Lank voordat die dreigemente en uitsprake tot hul huidige vlak verskerp het, het die Wêreldbank gewaarsku teen die uitwerking wat ’n handelsoorlog op die wêreldekonomie kan hê. “Wydverspreide en wêreldwye tariefverhogings sal negatiewe gevolge vir die internasionale handel en aktiwiteit inhou,” het hy in sy jongste ekonomiese vooruitsig, wat begin Junie uitgereik is, gesê. Tariefverhogings…

Basani Maluleke kom uit ’n gesiene gesin. Haar pa, George Maluleke wat in 2017 oorlede is, was ’n gerespekteerde regter van die hooggeregshof en haar oudste suster, Tsakani Ratsela, is die adjunk-ouditeur-generaal van Suid-Afrika. “Daar loop ’n sterk geen van sosiale geregtigheid in my familie,” sê Maluleke. Sy het egter geen voorneme om ’n staatsamptenaar te word nie, want sy meen nie dit is iets wat sy hoef te doen om Suid-Afrikaners te dien nie. Op slegs 40 jaar oud het Maluleke hope ervaring van verskillende sektore. Sy het as ’n rekenmeester en prokureur gewerk vir Edward Nathan Sonnenbergs voordat sy die bankwese betree het. Sy het 12 jaar by die FirstRand-groep deurgebring, waar sy tot hoof van FNB Private Clients bevorder is. Sy was ook ’n medestigter van die…

Die grond-tot-arbeidverhouding word toenemend gebruik om die sosiale en kulturele verskille tussen plekke te verduidelik. voordeelfaktore klink soos ’n vervelige gesprek vir die etenstafel. Die grond-totarbeid- verhouding van Indië, Europa of die Masai Mara doen bitter min om die aptyt aan te wakker en kan dalk, om die waarheid te sê, ’n hoflike manier wees om aan te dui dat die aandjie verby is. Maar voordeelfaktore verduidelik inderwaarheid baie meer omtrent onsself as wat ons sal wil toegee – van die dinge wat ons vervaardig en mee handel dryf, tot ons trourituele en wat ons eet. Die verhouding tussen ’n land se voordeel wat betref grond en arbeid, die grondtot- arbeid-verhouding, is ’n algemene ekonomiese teorie. ’n Belangrike teorie van internasionale handel, die Heckscher Ohlin-teorie, gebruik byvoorbeeld voordeelfaktore om te…

shoprite is die grootste supermarkhandelaar op die vasteland van Afrika, met meer as 2 400 afsetpunte in 15 lande. Met die uitbreek uit sy afwaartse kanaal in Augustus 2016 het Shoprite ’n nuwe stygfase betree en in Maart op 28 190 sent per aandeel ’n nuwe hoogtepunt getoets. Vooruitsigte: Shoprite het sedert Maart met sowat 20% teruggesak. Ofskoon swak wisselkoerse, lae hulpbronpryse en ’n tekort aan buitelandse valuta sy nie-Suid-Afrikaanse werksaamhede belemmer, is Shoprite ’n goed bestuurde saak. Die groep brei ook uit in Kenia, waar hy in inkopiesentrums leegstaande ruimte oorneem sedert Nakumatt Holdings verlede jaar aansoek om bankrotskap gedoen het. Wat die grafieke sê: Shoprite se aandele is relatief ongeskonde gelaat deur die Steinhoff-krisis en die huidige terugtrekking kan bloot as ’n regstelling dien. Waar die aandeel tans…

Hoe moet beleggers hul dan vir die wisselvallige internasionale ekonomiese vooruitsig posisioneer? George Glynos, besturende direkteur van Econometrix Treasury Management, meen dat die pessimisme wat deur kommer oor ’n internasionale handelsoorlog veroorsaak word, oordrewe is, veral ten opsigte van ontluikende markte. “Ek dink nie dat sake net in een rigting sal ontwikkel nie. Daar is ’n geweldige hoeveelheid heraanpassing in ontluikende markte en op dié vlakke kan mens in die versoeking wees om weer te peusel (aan ontluikendemark- effekte en -geldeenhede). Ons raai kliënte aan om nou hul portefeuljes bloot te stel aan opbrengskoerse wat hulle nêrens anders kan kry nie,” sê hy. Adrian Saville van Cannon Asset Managers is ook versigtig. Die beste benadering is om ’n bedryfsbenadering te volg, eerder as ’n landsbenadering en oop en veelverhandelde bedrywe,…

“die manier waarop ons ons innerlike wêreld navigeer – ons gewone gedagtes, emosies en eie verhale – is die enkele belangrikste bepaler van ons lewensukses. Dit dryf ons optrede aan, ons loopbane, verhoudinge, geluk, gesondheid; alles.” Dit is volgens dr. Susan David in haar boek Emotional Agility: Get Unstuck, Embrace Change, and Thrive in Work and Life, wat aangebied is deur Sarah Babb, ’n leierskapontwikkelingspesialis, by USB Executive Development (USB-ED) en finweek se onlangse We Read For Youbyeenkoms in Bellville. David, ’n bekende sielkundige en kenner op die gebied van emosies, geluk en sukses, gebruik haar meer as 20 jaar ervaring om te wys dat diegene wat emosioneel rats is, die vermoë het om situasies en hul eie gevoelens te verstaan, en hierdie kennis gebruik om aan te pas en…

'n Paar maande gelede moes ek die ses uur lange tog na Durban toe aflê. Alleen. Dit het gelukkig saamgeval met my ontdekking van die SYFY Origin Stories-potgooi-reeks, aangebied deur Adam Savage. Namate die kilometers op die N3 verbygevlieg het, het ek na Savage geluister wat met wetenskapsfiksie-ikone soos Frank Oz, die poppespeler wat Yoda vir die Star Warsfranchise geskep het, en die skrywer D.C. Fontana, wat die meeste van die Vulcankunde vir die Star Trek-franchise geskyf het. Die Nigeries-Amerikaanse fantasie- en wetenskapsfiksieskrywer Nnedi Okorafor het ’n draai gemaak om oor haar werk te gesels, asook die skepper van Futurama, David X. Cohen. Die Britse outeur Neil Gaman, bekend om sy boek American Gods, het ook kom saamgesels. Binne ’n oogwink was ek in Durban. Terwyl mens nie kan verwag…

Tom Eaton @TomEatonSA Nasionale Gesondheidsversekering: ’n Regering wat nie ’n 1987-model Ford Escort kan onderhou nie, wil ’n nuwe belasting oplê, sodat hy ’n ruimtetuig kan koop wat hy nie sal weet wat om mee te doen nie. Bill Murray @BiIIMurray Die uitdrukking, “Moet dit nie verkeerd opneem nie” het 0% kans om te slaag. Sithembile Mbete @sithembete As ’n man jou telefoonoproep neem tydens ’n Brasiliëwedstryd, dan weet jy hy is die een. Ek sê maar net. Scott Dodds @itsBOMBARDIER Ek op 14: Kan nie wag om die hele wêreld deur te reis as ek my eie geld verdien nie. Ek nou: Moenie daardie Tupperware-bak by die werk vergeet nie; dis die enigste een wat ek het. Alan Knott-Craig @alanknottcraig Die hoogtepunt van optimisme: Gaan op ’n sakereis sonder…

Sonder die betrokkenheid van die private sektor sal daar min hoop wees om ontwikkelende swart boere tot suksesvolle kommersiële boere te ontwikkel. in die tradisionele ekonomie is grond meer as net ’n stuk van die aarde; dit is een van die produksiefaktore. Met ander woorde, sonder grond is produksie nie moontlik nie en kan daar dus geen noemenswaardige opbou van rykdom plaasvind nie. Sedert die antieke tye het die egte waarde van grond nog altyd ontstaan uit die tekort daaraan, en daar is baie grondkopers wat grond aanskaf om uit dié tekort te kapitaliseer, om dit te ontwikkel vir residensiële en kommersiële doeleindes, vir kommersiële boerdery, vir die doeleindes van mynbou en mineraleverwerking, of ’n hele verskeidenheid ander aktiwiteite. Bo en behalwe die kontantgenererende waarde van grond, hou kommersiële banke…

Gereelde lesers van finweek sal weet dat ek met die verloop van jare ernstig oor my belegging in Sasol* getwyfel het en uiteindelik besluit het om die aandeel te hou en dat ek die afgelope drie jaar nie nog aandele gekoop het nie. My groot bekommernis was die sikliese aard van die maatskappy omdat die olievraag en -aanbod die olieprys grootliks beperk het, met slegs die (swakker) randbewegings ’n langtermyn- opwaartse aandrywer. Maar Sasol se Lake Charles-projek nader nou voltooiing, wat beteken dat kapitaaluitgawes sal ophou en dat die maatskappy inkomste van Lake Charles sal begin verdien, ’n dubbele voordeel. Daarbenewens sal die maatskappy nie meer so siklies van aard wees nie, wat prysskommelings sal verminder. (Sien ook bladsy 17.) Op die oomblik het ’n swak rand en die hoë…

die petrochemiese produsent Sasol se welstand was nog altyd nou verweef met die rand-dollar-wisselkoers en die olieprys. Hy verhandel sedert 2015 in ’n breë band tussen 50 000 sent en 34 655 sent per aandeel. Met die verstewiging van die rand en die olieprys wat geleidelik van sy laagtepunt op $26 per vat herstel het, het Sasol vir die grootste deel van laasjaar aan die onderkant van sy verhandelingsband geboer. Vooruitsigte: Dit lyk of beleggersentiment gunstiger raak, want die aandeelprys kry weer opwaartse momentum binne die breë verhandelingsband. Die aandeel verhandel teen ’n diskonto op sy intrinsieke waarde. Lake Charles, sy chemiese projek van $8,9 miljard in Amerika, kan volgende jaar begin produseer, terwyl die afname in kapitaalbesteding ook in die komende boekjare ’n positiewe uitwerking op verdienste behoort te…

enige klere-uitverkoping is sekerlik my ergste nagmerrie. Afgesien daarvan dat hulle nooit voorraad in die regte grootte het van die items waarvan ek hou nie, is die mees frustrerende aspek van uitverkopings dat winteruitverkopings gewoonlik aan die einde van die winter is en someruitverkopings gewoonlik in die tyd wanneer jy iets warm soek om aan te trek. My dogter het my onbewustelik die idee vir dié uitgawe se artikel gegee toe sy daarop gewys het dat sy uitverkopings gebruik om klere teen laer pryse te koop, selfs al beteken dit sy moet vir die geskikte seisoen wag om dit te dra. Plaaslike eiendomsaandele (indeks J253) het daarin geslaag om tussen begin 2008 en einde verlede jaar teen 15% per jaar te groei. Wat die syfer werklik verstommend maak, is dat…

INVICTA ▪ Invicta het vir die jaar tot einde Maart ’n daling van 81% in die wesensverdienste per aandeel verklaar ná belastingvoorsiening van R400 miljoen. ▪ Die inkomste was onveranderd, en die wins voor belasting uit voortgesette bedrywighede het met 15% tot R760 miljoen gedaal voor die belastingvoorsiening vir ’n aanspreeklikheid wat hy met die Suid-Afrikaanse Inkomstediens bespreek. BRAIT ▪ Brait se netto batewaarde het met byna ’n derde gedaal volgens sy resultate vir die jaar tot einde Maart wat ’n afskrywing van sy belegging in die Britse kleinhandelaar New Look toon. ▪ Hy het ook ’n aanspreeklikheid van R1,9 miljard verklaar vir lenings aan werknemers om aandele in Brait in 2011 te koop wat hy gewaarborg het. Die groep se verlies vir die jaar was R9,7 miljard.…

“Dit kan moeilik wees om in ’n reeds oorspanne begroting ruimte te skep, maar klein treetjies om van spaar ’n leefstyl te maak, sal ’n groot verskil meebring.” hoe jy die saak ook al bekyk, ekonomies gaan dinge swaar in Suid-Afrika. Ons word voortdurend daaraan herinner om suiniger met ons geld te werk, met minder klaar te kom én nie te vergeet om iets weg te sit vir ’n noodgeval en vir aftrede te spaar nie. Terwyl pryse styg, maar nie jou salaris nie, is dit makliker gesê as gedaan. Dit kan mens nogal paniekerig laat voel. Hoe kweek jy dus die nodige selfdissipline aan vir goeie geldbestuur? Van kleiner, alledaagse gewoontes tot die groter finansiële besluite – hier is ’n klompie maklike metodes om jou persoonlike finansies onder beheer…

die “heldhaftige leier” op sy hings, wat die troepe van voor af aanvoer, besef die wêreld het heeltemal te kompleks vir hom geword om op sy eie reg te kom. Dit was altyd ’n eensame plek, maar met toenemende korporatiewe druk, ’n veranderende werkplek en ’n ver meer komplekse wêreld, kan dit selfs eensamer word. Party leiers daal uit hul hoë torinkies neer om hulp en steun te soek, maar daar is steeds hopeloos te veel wat stewig aan die teuels vasklou. Die afrigtingprofessie het spoedige groei in afgelope jare gesien, hoofsaaklik omdat leiers ’n vertrouensraadgewerverhouding soek waar hulle kan afpak, raad vra en die nodige gereedskap kry om op koers te bly. Spanbenadering Barbara Walsh, sistemiese leierskapspan-afrigter en vennoot by Metaco Coaching and Training, sê haar maatskappy het ’n…