Finweek - Afrikaans 5-Jul-18

iets verstommends gebeur in Kimberley. ’n Groep diamantmynwerkers stry al jare lank om die reg om wettig op sowat 400 hektaar grond te myn; hulle is al die afgelope 16 jaar bedrywig, maar mynregte oor die grond is intussen aan Kimberley Ekapa Mining Joint Venture toegeken. Moenie ’n fout maak nie: Die stelsel in Suid-Afrika hel oor in die guns van die regering en groot, formele ondernemings. Die wet het geen verdraagsaamheid vir onwettige myners nie, en daar was al baie pogings – van intimidasie, inhegtenisnemings en uitsettings deur Ekapa se sekuriteitspersoneel en die polisie – om die zama-zamas van Ekapa se grond af te kry. Maar op ’n manier het die zama-zamas die stryd gewen. In ’n historiese stap het die meer as 2 000 myners in Junie permitte…

Die grond-tot-arbeidverhouding word toenemend gebruik om die sosiale en kulturele verskille tussen plekke te verduidelik. voordeelfaktore klink soos ’n vervelige gesprek vir die etenstafel. Die grond-totarbeid- verhouding van Indië, Europa of die Masai Mara doen bitter min om die aptyt aan te wakker en kan dalk, om die waarheid te sê, ’n hoflike manier wees om aan te dui dat die aandjie verby is. Maar voordeelfaktore verduidelik inderwaarheid baie meer omtrent onsself as wat ons sal wil toegee – van die dinge wat ons vervaardig en mee handel dryf, tot ons trourituele en wat ons eet. Die verhouding tussen ’n land se voordeel wat betref grond en arbeid, die grondtot- arbeid-verhouding, is ’n algemene ekonomiese teorie. ’n Belangrike teorie van internasionale handel, die Heckscher Ohlin-teorie, gebruik byvoorbeeld voordeelfaktore om te…

Sonder die betrokkenheid van die private sektor sal daar min hoop wees om ontwikkelende swart boere tot suksesvolle kommersiële boere te ontwikkel. in die tradisionele ekonomie is grond meer as net ’n stuk van die aarde; dit is een van die produksiefaktore. Met ander woorde, sonder grond is produksie nie moontlik nie en kan daar dus geen noemenswaardige opbou van rykdom plaasvind nie. Sedert die antieke tye het die egte waarde van grond nog altyd ontstaan uit die tekort daaraan, en daar is baie grondkopers wat grond aanskaf om uit dié tekort te kapitaliseer, om dit te ontwikkel vir residensiële en kommersiële doeleindes, vir kommersiële boerdery, vir die doeleindes van mynbou en mineraleverwerking, of ’n hele verskeidenheid ander aktiwiteite. Bo en behalwe die kontantgenererende waarde van grond, hou kommersiële banke…

“EK VOEL VOL ENERGIE, NOU MEER AS OOIT TEVORE, OM AAN TE HOU VEG OM VERANDERING IN DIE LEWENS VAN DIE ARMES EN GEMARGINALISEERDES IN KAAPSTAD TE BEWERKSTELLIG.” - Patricia de Lille, beleërde burgemeester van Kaapstad, in ’n twiet nadat die Wes- Kaapse hooggeregshof in haar guns beslis het. Sy het ’n aansoek gebring dat die DA se besluit om haar van haar lidmaatskap te ontneem, hersien en tersyde gestel moet word. By die skryf hiervan op 27 Junie het die DA gesê die party sal die uitspraak bestudeer en “verdere regsopsies oorweeg, onder meer die moontlikheid van appèl”. “Dit gaan moeilik wees om enigiets aan Suid-Afrikaanse verbruikers te verkoop – versekering moet verkoop word, anders as hamburgers, wat gekoop word.” - Simon Brown, stigter van Justonelap en een van finweek se…

toenemende vraag na platinum, palladium en rodium het Collins Saguru laat besluit om ’n metaalherwinningsproses te kommersialiseer wat hy ontwikkel het terwyl hy sy meestersgraad in metallurgiese en materiaal-ingenieurswese aan die Universiteit van die Witwatersrand gedoen het. Die unieke proses wat deur Saguru ontwikkel is omvat die herwinning van platinum, palladium en rodium van outokatalitiese omsetters; toestelle wat gebruik word om giftige uitlaatgasse van binnebrandenjins te verminder. Sy proses is ’n spelbreker omdat dit die herwinning van die metale laat geskied teen ’n baie laer temperatuur as die pirometallurgiese prosesse wat tans die herwinningsbedryf oorheers. Dit is dus baie meer kostedoeltreffend. Om sy eie herwinningsmaatskappy, AltMet, te begin, het sakesin gemaak, omdat herwonne platinumgroepmetale ’n groterwordende aandeel tot die wêreld se totale voorraad bydra, verduidelik Saguru. En terwyl Suid-Afrika meer…

Onthou gerus dat nadat die mynboureg verval het, al die bemagtiging oorgedoen moet word, onder meer om bemagtigingaandeelhouers weer by ’n belang van 30% “Ons meen dat Suid-Afrikaanse mynbou se internasionale mededingendheid voorop moet staan, maar transformasie wat deur ware oordrag van ekonomiese waarde gekenmerk word, is belangrik vir die volhoubaarheid van die bedryf.” by die skryf hiervan is ’n konferensie, waarby die regering, die mynboubedryf, verteenwoordig deur die Mineraalraad, en ander belanghebbendes, soos vakbonde betrokke is, belê om die naweek van 7 en 8 Julie plaas te vind – rusdae wat die ANC graag vir sy beleidspartytjies en so meer opkommandeer. Of die konferensie aan die verwagtinge sal voldoen, is egter ’n vraag. Volgens Gwede Mantashe, minister van mynbou, is die doel om probleme rondom ’n dokument uit te…