Indholdsfortegnelse for 19-Jul-18 i Finweek - Afrikaans

“dit moes nie gebeur het nie,” het Kevin Sneader, nuwe internasionale bestuursvennoot van die internasionale konsultantmaatskappy McKinsey op 9 Julie in ’n toespraak by die Gordon Institute of Business Science gesê. Hy het natuurlik verwys na die maatskappy se betrokkenheid by ’n transaksie waarin dit en Trillian Capital Partners, wat Gupta-bande het, saam R1,6 miljard ontvang het. Daar is baie daaroor berig dat McKinsey op dieselfde dag die R902 miljoen terugbetaal het wat hy as deel van die transaksie ontvang het. Lees mens deur Sneader se “Ons is jammer”-toespraak, staan heelwat dinge uit (benewens al die “jammers”), veral: “Sommige lede van ons kliëntspan het mnr. Wood geglo dat geloofwaardige en gerespekteerde swart eienaars wat tot oogmerke van verskafferont-wikkeling verbind was, gereed gestaan het.” Mnr. Wood is in dié geval Eric…

Vorige aanbevelings Dit is aantreklik want na ’n onlangse uitverkoop, was die opbrengs ongeveer 12%. Die meeste beleggers koop aandele vir kapitaalgroei, maar vir party is dividende belangrik omdat hulle inkomste uit hul beleggings moet ontvang. PREFTX is ’n beursverhandelde fonds (ETF) vir voorkeuraandele wat deur CoreShares uitgereik word en ’n mandjie van 17 plaaslik genoteerde voorkeuraandele hou. Die top-5-aandele beslaan sowat 70% van die mandjie en word deur Standard Bank, FirstRand, Absa, Nedbank en Investec uitgereik. Dit is aantreklik want na ’n onlangse uitverkoop, was die dividend-opbrengs ongeveer 12%. Dus, selfs nadat weerhoubelasting van 20% afgetrek is, ontvang jy steeds ’n opbrengs van ongeveer 10%. Daar is ’n paar belangrike punte om te oorweeg. Eerstens betaal dié voorkeuraandele gewoonlik ’n persentasie wat aan die prima koers gekoppel is; indien…

capitec is die tweede grootste kleinhandelsbank in die land volgens die aantal kliënte, met glo 9,3 miljoen middel verlede jaar. Hy is verlede jaar in Lafferty Group se internasionale bank-gehaltemaatstafstudie as die beste bank ter wêreld aangewys. Capitec volg sedert 2009 ’n bestendige stygtendens en het net in Januarie drasties teruggesak (deur onmiddellik 25% te verloor) nadat die navorsingdaal-verkoper Viceroy beweer het dat daar bedenklike leningspraktyke by die bank is. Huidige vooruitsig: Die aandeelprys wissel tans en het nog nie die verliese heeltemal verhaal nie. In Mei het hy Capitec Insure ingestel om ’n begrafnisplan aan bestaande kliënte te bied. Op die grafiek: Capitec verhandel sedert Februarie in ’n simmetriese driehoek. Hy het van die onderste hang van die patroon omgeswaai en is tans by die boonste hang en dit lyk…

maatskappye in die finansiëledienstesektor word weer die minste vertrou tussen bedrywe, volgens die jongste jaarlikse Edelman Trust Barometer, wat vertroue in sake-ondernemings, nie-regeringsorganisies, regerings en die media vir die afgelope 18 jaar meet. Respondente is gevra om aan te dui hoeveel hulle sake-ondernemings vertrou om te doen wat reg is, in ’n verskeidenheid van sektore. Volgens die 2018-verslag, het vertroue in die finansiëledienstebedryf in 13 van die 28 lande afgeneem. (Die opname is in 2017 gedoen.) Oor die algemeen het die outeurs bevind dat vertroue in finansiële dienste verlede jaar “vasgehaak” het. Dit volg op ’n vyf-jaar-styging sedert 2012. Dit neem egter die mening van die algemene bevolking én die “ingeligte” bevolking in ag (die ingeligte bevolking word gedefinieer as mense tussen die ouderdom van 25 en 64 wat grade…

“kultuur eet strategie vir ontbyt.” Dit klink slim en oorspronklik, maar is nie regtig so betekenisvol nie. Wat dit wel doen, is om die aandag te vestig op hoe absoluut noodsaaklik kultuur in enige onderneming se langtermyn-sukses kan wees. In die kennisbedryf, soos batebestuur, kan dit nie oorbeklemtoon word nie. Anders as ander subsektore van finansiële dienste, spruit byna 100% van die waarde wat in batebestuur vir kliënte geskep word uit ervare, toegewyde, insigryke en kreatiewe groepe individue – die bestes en die skerpstes. Daar is geen balansstaatbates of breë taknetwerk om op te steun om waarde aan die kliënt te bied nie. David Fisher, voorsitter van Capital Group, een van die beste kennisondernemings in die bedryf, het die noodsaaklike rol wat kultuur in batebestuur speel opgesom toe hy gesê…

Mensehulpbron-beleide is dikwels in regstreekse stryd met die waardes en die kultuur van ’n maatskappy. tydens die afgelope paar jaar het ek ’n voorkeur ontwikkel vir boeke wat oor werknemer-/werkgewerdinamika, organisatoriese kultuur, persoonlike ontwikkeling en sielkunde gaan. Hierdie boeke (sien kassie) probeer almal antwoorde bied. Sommige neem jou op ’n wandeling saam met die outeurs op hulle persoonlike roetes – die meeste van hulle na ’n wêreld van frustrasie. Dit is ’n frustrasie wat baie mense beleef in ’n poging om nie net te oorleef nie, maar ook die sprong te maak om by die werkplek te floreer, of om besighede gelukkige plekke vir hul personeel te maak. Ek het ook die frustrasie gevoel en magteloos gevoel. Kom ons wees eerlik, daar is altyd probleme, en dit sal altyd so…

LONG4LIFE Rakende Joffe Long4Life* het ’n moontlike transaksie bekend gemaak om Rage vir net meer as R3,9 miljard te koop, wat duur blyk te wees as mens in gedagte hou dat verdienste voor rente, belasting, depresiasie en amortisasie (ebitda)-wins slegs R360 miljoen was, wat die maatskappy op ’n ebitda-veelvoud van 11 keer plaas. Die transaksie is onderworpe aan ’n kontroleringsondersoek, maar ek is bekommerd oor die prys en hoe dit by die groep sal pas, asook enorme verwatering wat grootliks met nuwe aandele betaal word. Die punt is dat ek Long4Life besit omdat ek Brian Joffe steun. Dus moet ek op hom vertrou met dié transaksie. Dit is nie ’n normale beleggingsbenadering vir my nie, maar dit was my doelwit toe ek Long4Life gekoop het. As laaste gedagte, met al…

Calgro M3 het groot planne om sy begraafplaasonderneming, Memorial Parks, uit te brei wat hy beskou as ’n hoëgroeionderneming weens ’n tekort in die mark aan begrafnisprodukte. “Plekke om mense te begrawe is vinning besig om in Suid-Afrika op te droog,” se Lategan. “Munisipaliteite kan nie byhou nie.” Uitdagings wat die begrafnisbedryf in Suid- Afrika in die gesig staar, sluit in ’n tekort aan grond om mense te begrawe, met onvoldoende finansiering deur die staat om begraafplase te ontwikkel en in stand te hou, asook die bestaan van informele en onwettige begraafplase weens die hoë prys van konvensionele en tradisionele begrafnisse, het Calgro in sy jaarverslag gesê. Daar is ook weerstand deur gemeenskappe om alternatiewe tot begrafnisse te aanvaar, soos verassing en die hergebruik van grafte, aldus Calgro. Calgro se…

ekonomiese groei word in sy wesenlikste vorm gedefinieer as om meer met minder te doen. Ekonome bemoeilik sake dikwels. Ons praat van “ ’n toename in die bruto binnelandse produk per capita van 2%” waar ons bloot kon sê “die gemiddelde Suid-Afrikaner het 2% meer as verlede jaar gelewer”. Hoër produksie beteken hoër inkomste. Neem Indië en China as voorbeeld. Teen ’n gemiddelde groeikoers van 7%, sal dié lande hulle produksie/uitset/inkomste in 10 jaar verdubbel. In teenstelling, as Suid-Afrika teen 2% bly groei, sal dit 36 jaar neem om ons inkomste te verdubbel. Indië en China toon ook dat dit slegs ekonomiese groei is wat ons aan armoede sal laat ontkom. Ons kan onsself nie ryk herverdeel nie. Selfs as inkomstes in Suid-Afrika gelyk gemaak word, sal ons steeds armer…

’n Verslag deur Mint, ’n finansiële dagblad in Indië, haal twee naamlose bronne aan wat sê ’n besluit deur Volcan Investments om die aandele te koop wat hy nie reeds in Vedanta, ’n mynbougroep wat in die Verenigde Koninkryk genoteer is, besit nie, is die eerste stap in ’n driestapplan om Suid-Afrikaanse bates uit Anglo American te onttrek. Volcan is die familie-onderneming van Anil Agarwal, die stigter en voorsitter van Vedanta, wat verlede jaar sy stemreg in Anglo American tot net meer as 19% verhoog het. Aangesien die stemreg ontstaan uit aandele wat by Anglo-aandeelhouers geleen is, glo niemand Agarwal se amptelike verduideliking dat sy belangstelling in Anglo suiwer vir beleggingsdoeleindes is nie. Vandaar die neiging om Mint te glo as hy sê dat, sodra Vedanta gekoop en in Londen…

Vorige aanbevelings Netcare, wat in 1996 begin en in dieselfde jaar op die JSE genoteer is, is vandag een van die grootste private gesondheidsorgvoorsieners in Suid-Afrika en Brittanje. Hy het in 2001 na Brittanje uitgebrei en in 2006 ’n beherende belang vir £2,2 miljard verkry in General Healthcare Group, Brittanje se grootste private hospitaalgroep met 50 hospitale. Private gesondheidsorg in Suid-Afrika, en hoe bekostigbaar dit is, was die laaste ruk omstrede. Die bevindings van die Mededingingskommissie se ondersoek na ons private gesondheidsorgsektor, wat vroeg in Julie verskyn het, het getoon dat die drie grootste hospitaalgroepe – Netcare, Mediclinic Southern Africa en Life Healthcare – ’n gesamentlike markaandeel van 83% van Suid-Afrika se private hospitaalgeriewe met betrekking tot die getal beddens het. Dié oorheersing het die ondersoek op hulle laat fokus,…

’n Aandeelprys is ’n eienaardige ding. Wanneer ons oor aandele praat, is dit gewoonlik waarna ons verwys. In een sin beteken dit alles. Maar in ’n ander beteken dit niks. Dit beteken alles in die sin dat dit is wat ons betaal, en ons wins of verlies en dividendopbrengs, prystot- verdienste- en ander verhoudings berus alles op daardie prys. Maar dit sê eintlik baie min. As ek sê een aandeel kos R66 en ’n ander een R200, dink ons ons weet baie van die twee aandele. Maar ons weet niks nie. In hierdie voorbeeld sal die R66 FirstRand wees, en die R200 is Standard Bank. Maar FirstRand is eintlik die grootste in algehele waarde, omdat hy 5,6 miljard aandele het, terwyl Standard Bank 1,6 miljard aandele het. FirstRand het dus…

’n Kultuur van aktivisme as ’n kliënt is net so belangrik as die kultuur in firmas. nadat ek onlangs vroeg vir ’n vergadering opgedaag het, het die tweede persoon wat betyds opgedaag het, teenoor my genoem – terwyl ander stadig by die vergadersaal ingedrentel het – hoe maklik dit deel van ’n onderneming se kultuur en ’n aanvaarbare norm kan word om laat te wees vir vergaderings. Gewoonlik kan mens dit aflag as ’n klein irritasie by dié wat goeie tydhouers is teenoor dié wat nie is nie. Dié idee van kultuur kan gevolglik na iets kleins lyk, maar is dit? Dis opmerklik dat een van die eerste dinge wat Suid-Afrika se nuwe president gedoen het, was om daarop aan te dring dat vergaderings betyds begin. Dit kan eweneens as…

die batebestuursbedryf het al talle suksesse behaal, maar geslagsdiversiteit is nie een van hulle nie. Met ’n studie van McKinsey wat aandui dat slegs een vyfde van vroue in die bedryf wêreldwyd uitvoerende poste vul, is die huidige toedrag van sake in die bedryf een wat gegrond is in die verouderde oortuiging oor hoe prominent vroue daarin is. Gevolglik is die oorheersende sakemodel van die finansiële bedryf een wat dit moeilik maak vir vroue om professioneel te vorder. Nog ’n twispunt is of dié geslagswanbalans met innovasie en dringendheid aangepak word – uit ’n morele sowel as kommersiële perspektief. Dit is maklik om aan te neem dat geslagsdiversiteit in ’n “lekker-omte- hê”-kategorie pas, maar maatskaplike ontwikkeling en die moderne kliënt sal dié aanname betwis en sê dat dit ’n “nodig-om-te-hê”…

wat moet ’n leier doen om die kultuur reg te kry? Hoe bestuur jy kultuur? In Focus Consulting Group (FCG) se navorsing sê 97% van beleggingspersoneel dat “ ’n sterk kultuur tot sukses bydra”. ’n Sterk kultuur lok talent, verbeter die moreel, verbeter besluitneming, en verhoog kliënttevredenheid. Maar om dit reg te kry, is moeilik. ’n Sterk kultuur lok talent, verbeter moreel, verbeter besluitneming, en verhoog kliënttevredenheid. FCG gebruik ’n model wat ons Esar (ervarings, stories, aksies, resultate) noem. Die model begin met die vrae: Wat probeer ons bereik? Wat is ons doelwitte? Watter resultate sal ons belanghebbendes (kliënte, werknemers en eienaars) tevrede stel? Die kultuur bestaan om die firma se doelwitte te ondersteun. Sonder ’n doel sal kultuurpogings nie slaag nie. Kom ons veronderstel die bestuur het die visie,…

geld kan dalk ’n motivering wees as mense met hulle loopbaan begin, maar op ’n sekere punt word dit minder belangrik. En in ’n moeilike ekonomiese tyd het baie klein ondernemings buitendien nie die kontant om geld as motiveerder te gebruik nie. Die vermoë om werknemers te motiveer is een van die grootste vaardighede wat ’n entrepreneur kan besit, sê Ilya Pozin, die stigter van die gratis internet-televisiediens Pluto TV. Hy het vinnig besef hy besit nie dié vaardigheid nie, en het daarom ’n uitvoerende hoof aangestel wat dit wel gehad het. Pozin het gedink dat ’n gebrek aan geld dit uiters moeilik sou maak om die maatskappy se moreel in moeilike tye te verbeter. Hy skryf in Inc., ’n Amerikaanse tydskrif wat weekliks verskyn en inhoud publiseer oor klein-…

The Motley Fool @themotleyfool Groter risiko lewer teoreties groter beloning, maar ’n dom belegging bly maar ’n dom belegging. Ryan Love@RyanJL Die bedankingsbrief van ’n Britse minister van buitelandse sake wat kla dat Brittanje op pad is na die “status van ’n kolonie” sonder ’n tikkie ironie. Vergeet van Europa, die res van die wêreld maak hulself nat. Yiddish Proverbs@YiddishProverbs As jy geld het, is jy slim en mooi en kan jy ook goed sing. – Jiddisje spreekwoord Saxonwold Shebeen@StateShebeen As jy dink Duduzane Zuma se R100 000 vir sy borgtog is baie, wag tot jy sien hoeveel hy aan tequila spandeer. ♥Mrs M…….♥ @zanelen2 Hoeveel?? Saxonwold Shebeen@StateShebeen Wat ook al die begroting van die Vrystaat is. Elizabeth Windsor@Queen_UK* Teksboodskap van Theresa May: “Hunt buitelandse minister.” Nie seker dis nie…

“Dis brutaal.” - Sarah Quinlan, senior visepresident vir markinsigte van Mastercard, waarsku Suid-Afrikaanse verbruikers teen die gekombineerde uitwerking van brandstof-prysstygings en die toenemende spanning tussen China en Amerika in ’n artikel in Business Day. “China het ’n bewustelike besluit geneem om sy ekonomiese groei plaaslik te rig, en daarom moet Suid-Afrika op diversifisering konsentreer en ophou om op invoer staat te maak,” het sy volgens die koerant gesê. “Baie Navo-lande, wat ons veronderstel is om te verdedig, kom nie hul huidige verbintenis van 2% (wat min is) na nie, en is ook agterstallig omdat betalings jare lank nie gedoen is nie. Sal hulle Amerika vergoed?” - ’n Twiet deur president Donald Trump van Amerika op pad na Brussel vir die jaarlikse Navo-konferensie, soos berig deur Financial Times. Trump se neerhalende…

woolworths Holdings besit die plaaslike kleinhandelket-tinggroep Woolworths en die Australiese ondernemings David Jones en Country Road Group. Die plaaslike afdeling het 217 volreekswinkels en 421 voedselwinkels, asook nog 65 winkels elders in Afrika. Die groep moes vroeër vanjaar $541 miljoen van sy David Jones-onderneming afskryf. Huidige vooruitsig: Nadat Woolworths ’n hoogtepunt van 10 800 sent per aandeel getoets het, het hy sy styging in November 2015 verloor en die aandeelprys het meer as gehalveer nadat hy David Jones vir R21,4 miljard (AUS$2,1 miljard) verkry het. Woolworths verhandel steeds in sy aanvanklike langtermyn- daaltendens en skerper korttermyn-daaltendens. Nadat hy sy skerper daaltendens se weerstandstendenslyn getoets het, het Woolworths weer sy styging verloor, maar steeds steun by 5 225 sent behou. Op die grafiek: As steun by 5 225 sent behou word, kan…

as iemand wat baie jare lank navorsing oor die batebestuursbedryf gedoen het, beskou ek kultuur as een van die belangrikste faktore om sukses te waarborg. Tog verstaan baie sakeleiers dit nie regtig nie. Kultuur word gevorm deur die wisselwerking van baie invloede en deelnemers: regulasies wat die konteks bepaal waarbinne ’n besigheid funksioneer, maatskaplike norme, veranderinge in kliëntvoorkeure en -behoeftes en ook tegnologie. Zwelakhe Mnguni, medestigter van die beleggingsmaatskappy Benguela Global Fund Managers, het in ’n gesprek oor die onderwerp ’n goeie sokkeranalogie gebruik toe hy gesê het dat “ ’n batebestuursfirma sonder ’n kultuur amper sal wees soos ’n sokkerwedstryd waar die afsonderlike spelers ’n obsessie het om self ’n doel aan te teken eerder as om die geleenthede en verantwoordelikhede met ander spelers te deel”. Hoewel elke speler…

Regters van die hooggeregshowe het die kode inderdaad deel gemaak van ons gemenereg. naphtali Hoff, president van Impactful Coaching & Consulting, het geskryf dat benewens substansie en essensie, die konsep om jou inwaarts toe te spits om jou diepste oortuigings en hartstogte te identifiseer dikwels “Jou Weet Waarom” genoem word. Die leierskapsghoeroe, Simon Sinek, sê dat dit nie voldoende is om te weet wat jy doen en hoe om dit te doen nie; in ons wese word ons die meeste gemotiveer as ons weet waarom ons iets doen. Dit is deur dié bewustheid dat ons ten beste aan ander kan kommunikeer dat een van die belangrikste gevolge van bewuste leierskap is dat dit ’n bewuste kultuur skep. Die definisie waarvan ek die meeste hou, is dat ’n bewuste kultuur ’n…

kultuur is nie net ’n sosiale term, of ’n uitstappie na Cinema Nouveau nie. Dit het ook betekenis in die biologiese wêreld. Dalk kan metafore uit die biologiese konteks ons help om die belang van kultuur in die organisatories/sosiale konteks te verstaan. ’n Kultuur is wat gebruik word om biologiese stukkies te handhaaf (soos weefselselle, of bakteriëe) buite ’n organisme op ’n manier wat geskik is vir latere gebruik. ’n Ander gebruik vir kultuur verwys na lewende organismes wat by stowwe gevoeg word om hulle te omvorm, soos kultuur wat melk omskep in jogurt of kaas. “Kultuur” is dus ’n lewende ding (en kan klein en mikroskopies wees) wat ’n groot impak het. Dit handhaaf lewe; dit bevorder groei en kan stowwe omvorm. Wat die sosiale en organisatoriese konteks betref,…

een van die kommerwekkende eienskappe van baie plaaslike portefeuljes wat ek onder oë kry, is dat hulle goud- en platinummynaandele bevat. Dié neiging is dikwels duideliker in nuwer en kleiner portefeuljes. Inderwaarheid sien ek dié voos mynaandele in veels te veel portefeuljes, en in elke geval is die aandele verliesmakend. Dié verlies is soms kleinerig, maar dit kan enorm wees weens ’n konsentrasie van dié enkel-kommoditeitmynaandele. Daar is ’n paar redes vir dié belange waarvan tuis- en prysvooroordeel die grootste is. Tuisvooroordeel is in dié geval omdat ons plaaslike ekonomie grootliks gebou is op die fondament van mynbou en mynmaatskappye, en baie mense voel steeds die aantrekkingskrag tot die duiselende hoogtes wat dié aandeelpryse eens bereik het. Dit is ten spyte daarvan dat die bedryf se gloriedae lank reeds verby…

SANLAM INVESTMENT MANAGEMENT SMALL CAP Tien grootste belange: BowCalf, Italtile, Cartrack, Homechoice, NBS, Curro, Rhodes Food, Dis-Chem, AdaptIT, Blue Label Prestasie oor een jaar: -6,6% (teenoor maatstaf 1,9%) Prestasie oor vyf jaar: 5,5% (9%) OLD MUTUAL MID AND SMALL-CAP Tien grootste belange: Tsogo Sun, Capevin, City Lodge, Trencor, Italtile, Invicta, ADvTECH, Pioneer Food, Tongaat, Afrimat Prestasie oor een jaar: -7,5% (-4,6%) Prestasie oor vyf jaar: 6,2% (5,8%) INVESTEC EMERGING COMPANIES FUND Tien grootste belange: Kontant, Implats, HCI, Grindrod, Reunert, RCL, Pan African Resources, Netcare, Metrofile, AECI Prestasie oor een jaar: -4,67% (-1,61%) Prestasie oor vyf jaar: 0,22% (5,31%) MOMENTUM SMALL MID-CAP Tien grootste belange: Geldmark, Cartrack, AVI, Tongaat, Nampak, KAP, Barloworld, Blue Label, Spar, AECI Prestasie oor een jaar: 7,21% (-1,61%) Prestasie oor vyf jaar: 2,71% (5,31%) THE ALPHAWEALTH PRIME…

Met die fokus op bekostigbare en gesubsidieerde behuising, vind Calgro – volgens party mense – hom in die gelukkige posisie dat daar ’n beduidende vraag na sy produkte is. Maar met staatsbesteding onder druk en lang tydperke alvorens residensiële eiendomme in die private sektor verkoop of verhuur word, is bedryfskapitaal ’n groot beperking. In die tweede helfte van die finansiële jaar vir 2018, het die bestuur werksaamhede verlangsaam om oormatige druk op bedryfskapitaal te verhoed, wat tot ’n afname in inkomste gelei het, aldus die uitvoerende hoof, Wikus Lategan. Calgro het verlede jaar in Oktober sy eerste internasionale finansiering bekom – ’n ongesekureerde gerief van R387 miljoen van Proparco, die finansieringsvleuel van Frankryk se ontwikkelingsbank AFD in die private sektor. Die eerste onttrekking van R278 miljoen het in Desember plaasgevind,…

1. Wees vrygewig met die toeswaai van lof Dit is een van die maklikste dinge om te doen. Wanneer jy eers gemaklik daarmee is om ’n werknemer te prys as julle alleen is, probeer ook om hulle voor ander mense te prys. 2. Moet nooit kritiseer of regstel nie Dit demotiveer mense as jy vir hulle vertel dat hulle iets verkeerd gedoen het. Probeer ’n indirekte benadering om mense sover te kry om te verbeter, uit hulle foute te leer en dit reg te stel. Voer ’n gesprek en gesels oor oplossings, liewers as om vinger te wys. 3. Maak jou idees hulle s’n Mense haat dit om voorgesê te word wat om te doen. Vra mense liewers op ’n manier wat hulle sal laat voel dat dit hulle idee…