Finweek - Afrikaans 19-Jul-18

“dit moes nie gebeur het nie,” het Kevin Sneader, nuwe internasionale bestuursvennoot van die internasionale konsultantmaatskappy McKinsey op 9 Julie in ’n toespraak by die Gordon Institute of Business Science gesê. Hy het natuurlik verwys na die maatskappy se betrokkenheid by ’n transaksie waarin dit en Trillian Capital Partners, wat Gupta-bande het, saam R1,6 miljard ontvang het. Daar is baie daaroor berig dat McKinsey op dieselfde dag die R902 miljoen terugbetaal het wat hy as deel van die transaksie ontvang het. Lees mens deur Sneader se “Ons is jammer”-toespraak, staan heelwat dinge uit (benewens al die “jammers”), veral: “Sommige lede van ons kliëntspan het mnr. Wood geglo dat geloofwaardige en gerespekteerde swart eienaars wat tot oogmerke van verskafferont-wikkeling verbind was, gereed gestaan het.” Mnr. Wood is in dié geval Eric…

ekonomiese groei word in sy wesenlikste vorm gedefinieer as om meer met minder te doen. Ekonome bemoeilik sake dikwels. Ons praat van “ ’n toename in die bruto binnelandse produk per capita van 2%” waar ons bloot kon sê “die gemiddelde Suid-Afrikaner het 2% meer as verlede jaar gelewer”. Hoër produksie beteken hoër inkomste. Neem Indië en China as voorbeeld. Teen ’n gemiddelde groeikoers van 7%, sal dié lande hulle produksie/uitset/inkomste in 10 jaar verdubbel. In teenstelling, as Suid-Afrika teen 2% bly groei, sal dit 36 jaar neem om ons inkomste te verdubbel. Indië en China toon ook dat dit slegs ekonomiese groei is wat ons aan armoede sal laat ontkom. Ons kan onsself nie ryk herverdeel nie. Selfs as inkomstes in Suid-Afrika gelyk gemaak word, sal ons steeds armer…

“Dis brutaal.” - Sarah Quinlan, senior visepresident vir markinsigte van Mastercard, waarsku Suid-Afrikaanse verbruikers teen die gekombineerde uitwerking van brandstof-prysstygings en die toenemende spanning tussen China en Amerika in ’n artikel in Business Day. “China het ’n bewustelike besluit geneem om sy ekonomiese groei plaaslik te rig, en daarom moet Suid-Afrika op diversifisering konsentreer en ophou om op invoer staat te maak,” het sy volgens die koerant gesê. “Baie Navo-lande, wat ons veronderstel is om te verdedig, kom nie hul huidige verbintenis van 2% (wat min is) na nie, en is ook agterstallig omdat betalings jare lank nie gedoen is nie. Sal hulle Amerika vergoed?” - ’n Twiet deur president Donald Trump van Amerika op pad na Brussel vir die jaarlikse Navo-konferensie, soos berig deur Financial Times. Trump se neerhalende…

’n Voorstel deur Sibanye-Stillwater vir ’n metalestroomlyningsooreenkoms kan nie vinnig genoeg kom vir die goud- en platinumprodusent wat bekommerd is oor die welstand van sy balansstaat nie. Daar is ernstige kommer oor die aandeelprys, wat oor die afgelope 12 maande met 47% gedaal het. “Uitdagings met die Suid-Afrikaanse goudbedryf bring die balansstaat weer in fokus, en vordering met opsies om hefboomfinansiering te verminder, word binnekort verwag,” het BMO Capital Markets in ’n nota gesê. Hy het bygevoeg dat die swakker rand die druk tot ’n mate verlig het, maar “… die Suid-Afrikaanse goudbedryf bly naby die gelykbreekpunt, en ons is bekommerd dat strukturele probleme sal aanhou om die langtermynprestasie te beïnvloed.” Hierdie “strukturele probleme” blyk duidelik uit die 19 ondergrondse sterftes vanjaar by die maatskappy se goudmynbedrywighede aan die Wes-Rand,…

’n Verslag deur Mint, ’n finansiële dagblad in Indië, haal twee naamlose bronne aan wat sê ’n besluit deur Volcan Investments om die aandele te koop wat hy nie reeds in Vedanta, ’n mynbougroep wat in die Verenigde Koninkryk genoteer is, besit nie, is die eerste stap in ’n driestapplan om Suid-Afrikaanse bates uit Anglo American te onttrek. Volcan is die familie-onderneming van Anil Agarwal, die stigter en voorsitter van Vedanta, wat verlede jaar sy stemreg in Anglo American tot net meer as 19% verhoog het. Aangesien die stemreg ontstaan uit aandele wat by Anglo-aandeelhouers geleen is, glo niemand Agarwal se amptelike verduideliking dat sy belangstelling in Anglo suiwer vir beleggingsdoeleindes is nie. Vandaar die neiging om Mint te glo as hy sê dat, sodra Vedanta gekoop en in Londen…

*finweek is ’n publikasie van Media24, ’n filiaal van Naspers. Fondsbestuurder se insigte: In teenstelling met klem op getalle, beskou Mazi Capital se Prime Equity Fund sy diverse span van 30 as ’n geheime wapen om hoë kapitaal op lang termyn te handhaaf. “Ons sterkte lê in die diversiteit van ons span. Ons is ’n trots Suid-Afrikaanse batebestuurder in swart besit wat diversiteit sterk nastreef. Dit bied ons verskillende benaderings tot beleggings omdat ons nie almal dieselfde mening huldig nie,” sê een van die fonds se portefeuljebestuurders, Francois Olivier. Die portefeulje het vanaf die einde Mei met 20% van R836 miljoen tot net meer as R1 miljard teen druktyd gegroei, ondanks ’n moeilike begin tot die jaar vir ekwiteitsmarkte, met die positiewe sentiment wat spruit uit die politieke veranderings in…