Indholdsfortegnelse for 14-Jan-16 i Finweek - Afrikaans

moenie te sleg voel oor die swak werkvooruitsigte vir verlede jaar se matrieks nie. Kyk liewer na die toekoms van jou eie werk. Die bedreiging van digitalisering en outomatisering vir werkers is niks nuuts nie, maar dit is weer beklemtoon deur Mark Zuckerberg, Facebook se stigter, se nuwejaarsvoorneme – om ’n assistent met kunsmatige intelligensie te ontwikkel om hom te help met sy huisen kantoortake. Dis nie net assistente of sekretaresses wat bekommerd moet wees nie. ’n Studie deur die Universiteit van Oxford oor die gevaar wat rekenarisering vir 702 verskillende beroepe in Amerika inhou, het in 2013 bevind dat sowat 47% van hulle in gedrang is. (Wie staan die grootste kans om hul werk oor die volgende twee dekades te verloor? Leningsbeamptes, ontvangsdames en inligtingsbeamptes, regsassistente, kleinhandelsverkoopspersoneel en taxibestuurders.…

Wat die fondsbestuurder sê Die fonds is pessimisties oor die groeivooruitsigte in ontluikende ekonomieë en die uitwerking van hoër Amerikaanse rentekoerse op dié lande se geldeenhede. “Ons bly daarvan oortuig dat ontluikende markte se geldeenhede en veral die rand vanjaar steeds druk sal beleef vanweë die normalisering van die Amerikaanse monetêre beleid en stadige groei in ontluikende markte,” sê Sean Ashton, fondsbestuurder. “Gevolglik is die maksimum gewig in ons portefeulje in buitelandse aandele, met die klem op ontwikkelde markte.” In die plaaslike aandelemark hel die fonds oor na randskansaandele, soos SABMiller en Naspers*, en het hy ’n ondergewigposisie in bankaandele, sê Ashton. Terwyl groot randskansaandele die JSE se indeks van alle aandele oorheers, sal plaaslike ekonomiese swakheid en randswakheid dalk die beurs in die algemeen steun, volgens hom. “Die plaaslike…

MTN Te veel onsekerheid Ek skryf hier terwyl die jaar pas begin het en daar nog nie veel nuus oor JSE-genoteerde maatskappye is nie. Party stories sleep wel voort, waarvan MTN die grootste is. Dié maatskappy het aangekondig dat hy sy boete van $3,9 miljard in ’n Nigeriese hof gaan beveg, maar die reguleerder het volgehou dat hy die boete teen die einde van Desember 2015 moet betaal. Sover ek kon vasstel, het MTN dit nie gedoen nie en ’n mens sou eerlikwaar aanneem die boete behoort eers ná afloop van die hofsaak betaalbaar te wees. Dat MTN hof toe gaan, bring egter twee kwessies na vore. Eerstens kan hy die saak verloor en op die ou end met die groter koste van die boete én regskoste sit (teen die…

die JSE se indeks van alle aandele se verlies was die gevolg van plaaslike politieke onsekerheid en die begin van Amerika se opwaartse rentekoerssiklus, tesame met dalende kommoditeitspryse weens China se herskikking van sy binnelandse ekonomie. Die JSE se vernaamste maatstaf het op 24 April verlede jaar tot ’n ongeëwenaarde 55 188,34 punte gestyg, maar teen middel Desember al sy winste vir die jaar weer verloor omdat kommoditeitspryse druk op hulpbronaandele geplaas het. Anglo American het met 70% gedaal, BHP Billiton met byna 30%, en Kumba Iron Ore, wat in die meerderheidsbesit van Anglo is, het meer as 86% van sy waarde verloor, wat gelei tot grootskaalse afdankings by sy kernbedrywighede op Kathu en Sishen. Goudprodusente het ook nie beter gevaar nie, met die lokoprys van goud in dollar wat…

Dlamini-Zuma stem in elke opsig met Ramaphosa ooreen – met internasionale statuur, leierskap en status as ’n strydros van die party. die land se adjunkpresident het onlangs die steun van Cosatu, of ten minste vyf Cosatu-vakbonde, gekry om president Jacob Zuma op te volg. Ramaphosa het glo self ook aangedui dat hy hom vir die presidentspos beskikbaar sal stel, met Gauteng wat as sy hooflofsanger vir dié veldtog na vore tree. In dié stadium het Limpopo, Ramaphosa se tuisprovinsie, sy steun belowe, en gerugte uit sekere oorde dui daarop dat hy die oortuigde kommunis Gwede Mantashe, tans sekretaris-generaal van die ANC, dalk as ’n onwaarskynlike bondgenoot sal hê wat ook as ’n kandidaat vir die adjunkpresidentspos voorgehou word. Politieke bespiegeling is in die algemeen soos om te raai wat in…

dit het 'n geveg van twee jaar gekos voordat Cosatu se sentrale uitvoerende komitee daarin kon slaag om Zwelinzima Vavi in Maart 2015 af te dank. Vavi was sedert 1998 in die pos en het in die 17 jaar daarna Cosatu tot hoogtes gevoer wat geen vakbondfederasie in Afrika tevore al bereik het nie. Die jaar toe hy hoofsekretaris geword het, het hy ’n protesoptog in die Johannesburgse middestad gelei waaraan tussen 70 000 en 100 000 mense deelgeneem het, om ’n 45-uur-werkweek te eis. Hy is al minstens twee keer senior kabinetsposte aangebied, maar het dit van die hand gewys. Hy glo vas in sy roeping om werkers en minderbevoorregtes te dien. Vavi het in sulke arm en agterlike omstandighede grootgeword dat hy en sy familie nie eens weet…

relatiewe kalmte heers tans te midde van die goed versorgde tuine en die betonstrukture van Megawatt-Park, korporatiewe hoofkantoor van die kragnutsmaatskappy Eskom. “Relatief”, want 2015 was selfs volgens Eskom se standaarde chaoties. Verlede jaar het die verwoesting van die ekonomie, beurtkrag, onderling vernietigende bakleiery in die direksie en ’n gefluister van naderende bankrotskap in die loop van sake by Eskom voorgekom. Nie sedert die onstuimige dae toe Jacob Maroga en Bobby Godsell mekaar die stryd in Eskom se direksie aangesê het, het die maatskappy ’n krisis in leierskap soos dié ervaar nie. Uiteindelik het die minister van openbare ondernemings, Lynne Brown, toegetree en Brian Molefe ingebring, wat sy van Transnet “geleen” het. Destyds is daar gesê hy sou aanvanklik net drie maande daar deurbring, wat toe tot ses maande verleng…

slegs die tyd sal leer of Sizwe Nxasana se suksesverhaal geëindig het toe hy ’n bitter beker gegee is toe hy aangestel is om die problematiese Nasionale Studente- Finansiële bystandskema (NSFAS) reg te ruk. In Augustus 2015 het die minister van hoër onderwys, Blade Nzimande, aangekondig dat die uittredende uitvoerende hoof van die FirstRandgroep aan die hoof van die omstrede studentefonds sou staan in die hoop dat hy dit kan regruk. In Nxasana se ampstermyn van nege jaar by FirstRand het die bankgroep ’n topagtmaatskappy op die JSE geword, en dit is tans Afrika se grootste bank volgens markwaarde en verdienste. Voor hy by FirstRand begin het, was hy die uitvoerende hoof van Telkom van 1998 tot 2005 en ook nasionale president van die Absagroep van 1991 tot 1994. Maar…

“Ons is besig om vinnig uit te brei in markte buite ons tuisbasis en betree vertikaal ook nuwe grond.” schalk Nolte, uitvoerende hoof van Entersekt, staan aan die hoof van ’n maatskappy wat miljoene transaksies daagliks help beveilig met behulp van unieke mobiele tegnologie. Entersekt is in 2008 gestig deur Dewald Nolte (Schalk se broer), Niel Müller, Christiaan Brand en Altus van Tonder. Die maatskappy is bedrywig in ’n groot bedryf – kubermisdaad – en beskerm sowat 4,5 miljoen eindgebruikers teen bedrog. Interpol sê kubermisdaad is die vinnigs groeiende soort misdaad. “Meer en meer misdadigers gebruik die spoed, gemak en anonimiteit van die internet om verskeie kriminele aktiwiteite te pleeg, sê Interpol. McAfee, die veiligheidsmaatskappy vir rekenaarprogrammatuur, het verlede jaar ’n ondersoek oor kubermisdaad gedoen en bevind dié misdaad kos…

Redzone se The Annual plaas The MediaShop, met sy 150 mense, se inkomste op sowat R4mjd. die geheim van jou sukses, sê Chris Botha, groep- besturende direkteur van The MediaShop, is: “Uitsonderlike mense. Daar is wonderlike mense wat in die organisasie werk. Dit is wat jou suksesvol maak. Die enigste bate wat ons kan verkoop, is ons mense en hul intellek. My taak is om ’n omgewing te skep waar hulle hul werk tot die beste van hul vermoëns kan doen.” Die 38-jarige Botha is in 2006 in The MediaShop se bestuurspan aangestel en is gereeld bevorder totdat hy in 2011 groep- besturende direkteur geword het. Met Botha aan die hoof het The MediaShop die AdReview-toekennings drie jaar opeenvolgens gewen, sowel as ’n aantal Most-toekennings. Die maatskappy is ook aangewys…

toe Muhammadu Buhari die eerste leier van die opposisie in die geskiedenis van Nigerië geword het om die presidentsverkiesing te wen, was dit sy aura van onkreukbaarheid wat hom die verkiesing laat wen het. Dít en sy klaarblyklike vasbeslotenheid om die Boko Haram-terroriste uit te roei. Hy het in Mei sy amp ingeneem en het sy belofte gestand gedoen om Nigerië se berugte korrupsie te begin uitroei. Die voormalige minister van petroleum, Diezani Allison-Madueke, en die voormalige nasionale veiligheidsadviseur, Sambo Dasuki, word vir korrupsie ondersoek, en Buhari het beloof om die verstommende bedrae geld wat van die land se oliesektor gesteel is, op te spoor en te verhaal. Om sy belofte gestand te doen, het hy homself as minister aan die hoof van die olieportefeulje aangestel. Die Nigeriese skrywer, Adaobi…

die verkiesing van Mauricio Macri, konserwatiewe sakeman en voormalige burgemeester van Buenos Aires, om Cristina Fernandez Kirchner as president van Argentinië op te volg, hou die moontlikheid van ’n volslae verandering in dié land se ekonomiese beleid in. Kirchner se termyn is gekenmerk deur proteksionistiese handelsbeleid, valutabeheer, groot staatsbesteding, regeringingryping by die ekonomie en hoë inflasie. Macri, wat op 10 Desember ingehuldig is, is ’n vryemarkvoorstander wat Argentinië se ekonomiese rigting waarskynlik heeltemal sal verander. Sy naelskraapse verkiesingsoorwinning beteken dat hy Kirchnerondersteuners nie maklik daarvan sal kan oortuig dat hy die populistiese agenda van maatskaplike welsyn wat haar termyn gekenmerk het, sal voortsit soos hy belowe het nie. Haar ingesteldheid op welsyn het nie tot groter welvaart gelei nie, en Argentinië het na die onderkant van verskeie internasionale maatstawwe van…

dit is ’n onsmaaklike en omstrede idee, maar dit is die moeite werd om die vraag te bespreek: Kan Suid-Afrika se demokrasie gered word? Dit is iets wat ek die eerste keer in die openbaar by Bantu Holomisa van die United Democratic Movement gehoor het. Hy het voorgestel dat pres. Jacob Zuma dalk teen toekomstige strafregtelike vervolging gevrywaar moet word. Maar, het hy bygevoeg, dit moet as deel van ’n groter ooreenkoms gedoen word. Die groter ooreenkoms sou behels dat die ANC moet instem tot ’n hervorming van die huidige kiesstelsel. Die behoefte aan hervorming van die stelsel in Suid-Afrika is oorspronklik voorgestel deur die Van Zyl Slabbert-kommissie, wat in 2002 aangestel is “om die huidige verkiesingstelsel in Suid-Afrika te ondersoek en konsepwetgewing op te stel vir ’n verkiesingstelsel vir…

Balwin is in Oktober verlede jaar genoteer, en ek het aandele in die aanvanklike openbare aanbod teen die noteringsprys van 988c gekry. Maar ek het hulle nou teen ’n verlies van sowat 15% verkoop. Wat my bekommer is dat die swakker rand en hoër voedselpryse weens die droogte inflasie in die loop van vanjaar gaan opstoot. Dit sal tot hoër rentekoerse lei, en die sukkelende Suid-Afrikaanse verbruiker gaan ’n moeilike tyd beleef. Ons sal ongetwyfeld wanbetaling van huislenings sien. Daar sal ook minder huislenings toegestaan word. Dit sal druk op huispryse sit en Balwin nadelig raak. Dalk sal die maatskappy veilig deurkom, en met die onlangs aangekondigde 15 000 eenhede in die Waterfall-nodus het hy beslis ’n goeie besigheidspyplyn. Maar ek is nie daarvan oortuig dat hy groot wins kan…

In dié uitgawe gee ons profiele van 26 invloedryke sakelui, politici en sportlui wat vanjaar dopgehou moet word: Die uitvoerende hoofde met buitengewoon moeilike take, soos Brian Molefe van Eskom en Mark Cutifani van Anglo American; die tegnologieentrepreneurs wat sake op wêreldskaal roer, soos Schalk Nolte van Entersekt; die politici wat dinge van die parlement in Kaapstad tot die regeringsetel in Buenos Aires omkrap én dié wat van internasionale sportroem droom, soos die naelloper Wayde van Niekerk en Tokyo Sexwale, wat hoop om Fifa se president te word.…

die parlement het verlede jaar op ’n dramatiese noot afgesluit met ’n dooie punt tussen die bestuur en parlementêre werkers, wat uiteindelik politieke ingryping vereis het om die instelling aan die werk te hou. ’n Dispuut oor die interpretasie van die bepalings van beloofde prestasiebonusse het dalk gewys dat die dooie punt basies ’n arbeidskwessie was. Wat egter nie só duidelik was nie, is hoeveel die dinamiek agter die skerms op groter ANC-magstryde gedui het. Baleka Mbete, speaker van die Nasionale Vergadering, is voorgehou as ’n moontlike kandidaat om pres. Jacob Zuma op te volg. Met dié dat die opvolgstryd al hoe meer as ’n tweestryd tussen Nkosazana Dlamini-Zuma, voorsitter van die Afrika-unie, en adj.pres. Cyril Ramaphosa beskou word, is Mbete eenkant gestoot – na die parlement, ’n plek waarheen…

Mathunjwa het ’n mandaat van sy sowat 35 000 lede by die land se goudmyne om ’n loonstaking uit te roep. daar is drie redes waarom Joseph Mathunjwa, president van die Association of Mineworkers and Construction Union (Amcu) in 2016 fyner dopgehou gaan word as enige ander vakbondleier in die land. Mathunjwa het ’n mandaat van sy sowat 35 000 lede by die land se goudmyne om 'n loonstaking uit te roep vir ’n basiese intreevlak-loon van R12 500 per maand. (lees berig elders). En in Julie 2016 verval die loonooreenkoms wat verlede jaar tussen Amcu en die land se drie grootste plantinumprodusente, Anglo American Platinum, Impala Platinum en Lonmin, gesluit is ná die langste en grootste staking in die land se geskienis. ’n Nuwe ooreenkoms moet beding word en…

die werk van die Suid-Afrikaanse Reserwebank se president het ná die afdanking van Nhlanhla Nene as minister van finansies heelwat ingewikkelder geword. Kganyago, wat tot dusver ’n sagte en konserwatiewe benadering tot rentekoersverhogings gevolg het, sal dalk in Januarie vir Suid-Afrikaners sê dat rentekoerse met 0,5 tot 1,0 persentasiepunte verhoog sal word, afhangend van hoe groot die rand se daling en uitvloei is, luidens ’n Fin24-berig waarin Peter Attard Montalto, ontluikendemark-ekonoom by Nomura International, aangehaal word. Kganyago het die amptelike uitleenkoers in November met 0,25 persentasiepunte tot 6,25% verhoog ná ’n soortgelyke verhoging in Julie. Hy het teen ’n aantal faktore gewaarsku, waaronder inflasionêre druk, lae ekonomiese groei en rentekoersverhogings in Amerika. Hy kon toe nog nie voorsien watter bykomende druk in Desember sou opbou nie. Inflasiedruk word nou as…

Molefe het blykbaar die enorme probleme by Prasa sy eie gemaak. hy is nêrens elders op pad nie, en hy gaan nie die blaam vir wanbestuur dra wat onder sy voormalig uitvoerende hoof, Lucky Montana, plaasgevind het nie. Dit was die woorde van ’n uitdagende Popo Molefe, voorsitter van die Passenger Rail Agency of SA (Prasa) aan LP’s in November. Maar ondanks die feit dat hy vasgeskop het oor die kwessie, stry Molefe nie teen die beswarende bevindings van die openbare beskermer, Thuli Madonsela, nie. Sy het bewyse ontbloot van verreikende wanadministrasie by die semi-staatsinstelling. In plaas daarvan het hy en die direksie bevestig dat hulle sal toesien dat die bestuursproses van Prasa se voorraadketting opgeknap word. En hulle sal ook diegene wat in die verslag betrek word, straf en…

froneman was in 2015 die argetipiese man van daad van die Suid-Afrikaanse mynbousektor. Hy het ’n reeks korporatiewe bedrywighede bekend gemaak wat daartoe gelei het dat Sibanye Gold ook tot die platinum- en steenkoolsektor toegetree het. Uit ’n bedryfsoogpunt was die jaar betreklik sleg vir Froneman. Die jaareind-dividend van R1 miljard wat hy beloof het, sal waarskynlik nie ’n werklikheid word nie weens laer as beloofde produksiesyfers van sommige van sy myne. Gevolglik sal Froneman in 2016 moet bewys dat die reeks nuuswaardige korporatiewe transaksies hom nie afgelei het van sy kernvaardigheid as mynbestuurder nie. Hy sal nie in staat wees om die dollar-goudpys te beheer, wat waarskynlik nie deur die styging in rentekoerse in Amerika aangehelp sal word nie, maar insgelyks sal Sibanye voordeel trek uit die inploffing van…

Onder Modi se administrasie het buitelandse belegging in Asië se derde grootste ekonomie toegeneem. die 65-jarige Narendra Modi is die 15de en die huidige eerste minister van Indië, sedert sy aanstelling op 26 Mei 2014. Modi is die leier van die Bharatiya Janata-party (BJP) en word alom geprys vir sy goeie administratiewe vaardighede, eerlikheid en die ekonomiese hervormings wat hy ingestel het sedert hy die amp aanvaar het. Terwyl die ander lede van Brics – Suid-Afrika, China, Rusland en Brasilië – tans op ekonomiese gebied sukkel, is Indië een van die min lande waar die wêreld verwag om groei te sien. Onder Modi se administrasie was daar ’n toename in buitelandse belegging in Asië se derde grootste ekonomie, die aandelemark vaar goed en die roepee het versterk as gevolg van…

sy naam beteken “vrede” in Tswana. Maar vir ’n kolwer is daar nie sprake van vrede voor die penne wanneer Kagiso Rabada boul nie. Geseënd met ’n blits van ’n arm behaal dié 20-jarige snelbouler gereeld ’n snelheid van tot 150 km/h. In sy arsenaal het dié regterarmbouler nie ’n tekort aan dodelike wipballe of kort geplante balle nie, genoeg om by selfs die mees legendariese kolwers respek af te dwing. Dié opkomende jong ster laat die paaltjies wyd en vinnig kantel. Met die 150 km/h wat hy al behaal het, val hy reeds in ’n elite-kategorie van snelboulers. Met sy 1,9 meter is Rabada ’n lang man – soos snelboulers dikwels is – en mik hy vir die magiese 160 km/h. Dit is ’n syfer wat nog net vyf…

vir ’n breë, sistemiese netwerk van belanghebbendes, hier en oorsee, is Suid-Afrika se toekoms van belang. Of jy nou hier woon, familie hier het of die land as ’n toeris besoek, die dinamika van die land se toekoms sal jou lewe beïnvloed. Die sistemiese aard van onderlinge verbondenheid het natuurlik op ontwikkelings in ander lande ook betrekking en is onderhewig aan die eb en vloei van internasionale wisselvallighede. As ons oor 2015 nadink, sien ons dat die wêreld gekenmerk is deur grootskaalse gebeure wat wêreldwyd weerklink het. In ’n neutedop: natuurrampe het algemeen voorgekom en die Siriese vlugtelingkrisis het die wêreld aangegryp. In Suid-Afrika het studente-oproer, korrupsie en die veelvuldige aanstellings van ministers van finansies die nasionale diskoers oorheers, naas die afgradering van die ekonomie en die verswakkende geldeenheid. ’n…

Die vervaardigingsektor in Suid-Afrika is in die afgelope jaar onder geweldige druk, met uitdagings soos die moeilike plaaslike ekonomiese omgewing, stygende insetkoste, elektrisiteitsbeperkings en mededinging van goedkoop invoere, wat langtermynvolhoubaarheid in die wiele kan ry. Vervaardiging se bydrae tot die BBP het gedaal van 24% in die 1980’s tot 13% in 2014, volgens die Wêreldbank se jongste syfers. Nampak het sy bedrywighede herstruktureer en het ander produksieuitdagings in sy glasbedrywighede ervaar. Die aandeelprys het in die afgelope 12 maande meer as 40% van sy waarde verloor en is nou op vlakke wat laas in 2011 gesien is. Maar ná ’n tweemaanderegstelling het Nampak uit sy mediumtermyndaaltendens gebreek, wat gelei het tot optimisme dat dié daaltendens ’n laagtepunt kan wees. Maar, ná ’n hoogtepunt van 2 820c per aandeel vroeg in…

die Economic Freedom Fighters (EFF) het die Suid-Afrikaanse politieke toneel só driftig binnegeval dat hy in 2014 in die nasionale verkiesing 6,35% van die stemme gekry het. Dis glad nie sleg vir ’n nuweling nie. Dit sal egter vir die EFF veel moeiliker wees om met sy tweede poging by die stembus te slaag. Die party, met Julius Malema aan die stuur, het gesê hy sal in elke wyk in die komende munisipale verkiesings deelneem. Politiek dapper? Dalk ja. Die EFF het egter nog nie werklik sy staal gewys in die reeks tussenverkiesings ná sy prestasie in 2014 se algemene verkiesing nie. Tussenverkiesings kan ’n belangrike toets vir enige party se vertoning vanjaar by die stembus wees. Die EFF het sover swak gevaar in die paar tussenverkiesings waaraan hy deelgeneem…

die regering het ’n voormalige bankier en batebestuurder met voorbedagte rade as hoof van die kwynende poskantoor aangestel, ná ’n jaar van stakings, verliese en swak bestuur. Mark Barnes, wie se vorige posbenaminge beleggingsbankier by Standard Corporate and Merchant Bank en hoof van die private ekwiteitsfirma Brait insluit, gaan later vandeesmaand die stuur oorneem by dié semi-staatsinstelling. Die voormalige uitvoerende hoof, Christopher Hlekane, is in Oktober 2014 geskors oor die wanbestuur van fondse. Hy en die maatskappy in staatsbesit se weë het uiteindelik in September 2015 geskei, ná ’n onstuimige tydperk waartydens ’n aantal diensverskaffers en leweransiers hul dienste opgeskort het. Barnes is op die oomblik die uitvoerende voorsitter van ’n handels- en beleggingsoplossingsmaatskappy, Purple Group. Sy opdrag is om die Poskantoor se mandaat te verander – benewens die aflewering…

verlede jaar in November is die uitvoerende hoof van Vumatel, Niel Schoeman, aangewys as die IT-persoonlikheid van die jaar vir 2015 vir sy verbete pogings om vesel-na-die-huis (FTTH) na Suid-Afrika te bring. Schoeman se plan om laekostebreëband aan verbruikers in Suid-Afrika te lewer, is as visioenêr, vermetel en ontwrigtend beskryf. Hy gebruik Parkhurst in Johannesburg as sy toetsterrein, en Vumatel se hoëspoed-, laekoste-konnektiewiteitnetwerk sal binne die volgende drie tot vier jaar sy weg na meer as 200 000 huise vind. Die plan is nie goedkoop nie – die geraamde koste is tussen R2 miljard en R3 miljard – maar met Schoeman se eie geld wat in die projek belê is en met Investec as minderheidsaandeelhouer, beskou Vumatel homself as ’n tipiese nutsmaatskappy, met hoë vooruitbetaalde kapitaalkoste en ’n terugbetalingstyd van…

ons het nog altyd gewonder wat Tokyo Sexwale se volgende stap gaan wees. Nou weet ons: hy het sy oog op Fifa se presidentskap. Die skandaal-geteisterde administrasie van die wêreldliggaam is op soek na ’n nuwe president en indien hy suksesvol is, sal Sexwale die eerste Fifa-president uit Afrika wees. Of die bewerings dat Suid-Afrika Fifaamptenare omgekoop het om die Wêreldbeker 2010 aan te bied, moet nog gesien word. Dis ’n moeilike taak om Fifa se beeld in ere te herstel. Ander aanspraakmakers op Fifa se presidentskap is die Europese sokkerbaas, Michel Platini, en prins Ali bin al Hussein van Jordanië, asook die voormalige kaptein van Trinidad en Tobago, David Nahkid, en die voormalige adjunk-sekretaris-generaal van Fifa, Jerome Champagne. Die voormalige Gautengse premier, wat later die mynbou- en sakegroep, Mvelaphanda,…

die kuns om dié onsigbare markte te betree en produkte suksesvol daar te bemark en te verkoop, is om die investeringsrisiko met kennis en inligting te verklein. Ongelukkig is daar geen navorsingsdokumente van hooggeagte universiteite of opnames deur marknavorsers nie, en daarom moet sakelui dit op die outydse manier doen – klim in ’n taxi, shay’iround (besoek plekke), maak hul skoene vuil deur die stofstrate van ekasi en emalalini (dorpe) te bewandel, of roei dalk in die Tugela af om met daggakwekers te praat. Dit is met die dagga-les in gedagte dat ek die bekendstelling van Parmalat Individually Wrapped Cheese Slices eers in die Soweto-mark en later oor Suider-Afrika heen benader. Dit is ’n prima produk – ’n sny geprosesseerde kaas in ’n plastiekomhulsel toegedraai, en nie die soort produk…