Finweek - Afrikaans 14-Jan-16

moenie te sleg voel oor die swak werkvooruitsigte vir verlede jaar se matrieks nie. Kyk liewer na die toekoms van jou eie werk. Die bedreiging van digitalisering en outomatisering vir werkers is niks nuuts nie, maar dit is weer beklemtoon deur Mark Zuckerberg, Facebook se stigter, se nuwejaarsvoorneme – om ’n assistent met kunsmatige intelligensie te ontwikkel om hom te help met sy huisen kantoortake. Dis nie net assistente of sekretaresses wat bekommerd moet wees nie. ’n Studie deur die Universiteit van Oxford oor die gevaar wat rekenarisering vir 702 verskillende beroepe in Amerika inhou, het in 2013 bevind dat sowat 47% van hulle in gedrang is. (Wie staan die grootste kans om hul werk oor die volgende twee dekades te verloor? Leningsbeamptes, ontvangsdames en inligtingsbeamptes, regsassistente, kleinhandelsverkoopspersoneel en taxibestuurders.…

dit is ’n onsmaaklike en omstrede idee, maar dit is die moeite werd om die vraag te bespreek: Kan Suid-Afrika se demokrasie gered word? Dit is iets wat ek die eerste keer in die openbaar by Bantu Holomisa van die United Democratic Movement gehoor het. Hy het voorgestel dat pres. Jacob Zuma dalk teen toekomstige strafregtelike vervolging gevrywaar moet word. Maar, het hy bygevoeg, dit moet as deel van ’n groter ooreenkoms gedoen word. Die groter ooreenkoms sou behels dat die ANC moet instem tot ’n hervorming van die huidige kiesstelsel. Die behoefte aan hervorming van die stelsel in Suid-Afrika is oorspronklik voorgestel deur die Van Zyl Slabbert-kommissie, wat in 2002 aangestel is “om die huidige verkiesingstelsel in Suid-Afrika te ondersoek en konsepwetgewing op te stel vir ’n verkiesingstelsel vir…

vir ’n breë, sistemiese netwerk van belanghebbendes, hier en oorsee, is Suid-Afrika se toekoms van belang. Of jy nou hier woon, familie hier het of die land as ’n toeris besoek, die dinamika van die land se toekoms sal jou lewe beïnvloed. Die sistemiese aard van onderlinge verbondenheid het natuurlik op ontwikkelings in ander lande ook betrekking en is onderhewig aan die eb en vloei van internasionale wisselvallighede. As ons oor 2015 nadink, sien ons dat die wêreld gekenmerk is deur grootskaalse gebeure wat wêreldwyd weerklink het. In ’n neutedop: natuurrampe het algemeen voorgekom en die Siriese vlugtelingkrisis het die wêreld aangegryp. In Suid-Afrika het studente-oproer, korrupsie en die veelvuldige aanstellings van ministers van finansies die nasionale diskoers oorheers, naas die afgradering van die ekonomie en die verswakkende geldeenheid. ’n…

“PRYSE GAAN LANGER LAAG BLY. ONS HET DIT AL GESÊ, EN EK DINK DIT SAL NOG ’N PAAR JAAR LANK DUUR. DIT IS BESLIS ’N KRINGLOOP VAN OPBLOEI EN INEENSTORTING.” - Bob Dudley, uitvoerende hoof van die Britse oliereus BP, in ’n onderhoud met die BBC oor die vooruitsigte vir oliepryse wat op 2 Januarie uitgesaai is. By die skryf hiervan op 6 Januarie het Brentruolie teen $36,13 per vat op ’n amperse 11 jaar-laagtepunt verhandel. “Kinders verlaat die skoolstelsel sonder die vaardighede en bevoegdhede wat in die tersiêre onderwysstelsel en die werksomgewing vereis word. Dié regeringsbeleid [om leerlinge wat druip, deur grade te druk], saboteer ’n kind se kanse lewenslank.” − Prof. Ruksana Osman, dekaan van geesteswetenskappe aan die Universiteit van die Witwatersrand, in ’n onderhoud met The Times…

toe universiteite in Oktober 2015 deur betogende studente tot stilstand gebring is, het die regering ingestem tot ’n moratorium op die verhoging van gelde in 2016, wat beteken studente betaal vanjaar dieselfde as in 2015. Luidens ’n verklaring wat die presidensie in Desember uitgereik het, sal die moratorium uitloop op ’n finansieringstekort van R2,3 miljard by universiteite vanjaar, terwyl die Nasionale Finansiële Hulpskema vir Studente (NSFAS) ’n tekort van R4,58 miljard sal hê. Die Tesourie sal dit dek deur lenings en ander hulpmiddele, lui die verklaring deur die presidensie. Hieronder volg ’n uiteensetting van klasgelde vir eerstejaarstudente, saamgestel deur Africa Check. DIE DUURSTE GRAAD IN DIE LAND R64 500 Die eerste jaar van die Universiteit van Kaapstad (UK) se baccalaureusgraad in medisyne (MBBCh) is die duurste van alle gelde waaroor…

die tabel regs toon die prestasie van die JSE se Top40-indeks verlede jaar, met die beleggingsbeheermaatskappy Brait verreweg die beste presteerder met ’n aandeelprysstyging van 112%. Ander topaandele sluit in PSG (75% hoër), Mondi (62,8% hoër) en Capitec (58,4% hoër). Anglo American was die grootste verloorder, 65% af, gevolg deur Anglo American Platinum (40% laer) en MTN (35% laer). In geheel was die Top40-indeks 4,2% hoër jaar-tot-jaar. Daar is meer as 40 aandele in die tabel omdat aandele wat vir meer as ses maande in die Top40 was, ook ingesluit word, hoewel hulle later uitgelaat is. Hulle is aangedui met (u). As inflasie – tans 4,8% – in ag geneem word, was die reële opbrengs vir die jaar net 0,3%. Hoe het die JSE gevaar? 1,8% Die JSE se Indeks…