Indholdsfortegnelse for 28-Jan-16 i Finweek - Afrikaans

moenie nou al moeg raak om te lees van al China se ekonomiese probleme nie – die uitwerking daarvan op jou sak sal in die komende maande veel erger raak. Terwyl heelwat aandag gegee is aan China se traer groei (met ’n koers van 6,9% in 2015, die traagste in 25 jaar), is die slim wedders al hoe meer bekommerd oor sy toenemende skuldvlakke en die moontlike uitwerking van ’n Chinese kredietkrisis op die globale finansiële stelsel. En net soos ekonome China se amptelike BBP-groeisyfers met ’n knippie sout neem, so is hulle ook skepties oor China se amptelike skuldsyfers. Wat ons egter wel weet, behoort die waarskuwingseine te laat flikker: China se totale skuld (insluitend sy ongereguleerde duistere bankwese), het – volgens ’n McKinsey-verslag van 2015 – tussen 2007…

die selfoonbedryf in Afrika suid van die Sahara sal na verwagting teen 2020 meer as 400 miljoen slimfoonverbindings bykry om die totaal op 540 miljoen te staan bring, lui ’n onlangse verslag deur die GSM Association (GSMA). Operateurs se herhalende inkomste sal na verwagting tussen 2015 en 2020 teen ’n saamgestelde jaarlikse groeikoers van 5% toeneem tot $51 miljard, sê die GSMA. Die GSMA verwag dat die getal sim-verbindings, wat nie masjien-tot-masjien-(M2M)-verbindings insluit nie, van 722 miljoen in 2015 tot 982 miljoen in 2020 sal toeneem om ’n saamgestelde groeikoers van 6,3% per jaar te gee. Die GSMA waarsku dat die toename in intekenare in die komende jare skerp kan afneem, met die saamgestelde jaarlikse groeikoers van 6,3% wat in die tweede helfte van dié dekade na verwagting heelwat laer…

ek vind dit nogal interessant dat, ondanks die feit dat tegnologie en toepassings (apps) geskep is om ons lewens te vergemaklik, talle aspekte van ons lewens besonder ingewikkeld bly, soos die redes vir die waardasie van sommige beleggings. Sedert die hoogtepunt van die kommoditeitsiklus in 2010 is die prys van platinum en koper vandag ongeveer 55% laer, terwyl olie en ystererts onderskeidelik ’n asembenemende 68% en 77% laer is. Hoewel laer pryse (veral die olieprys) goed vir verbruikers in ontwikkelde lande is, is dit sonder twyfel nie goed vir lande soos Suid-Afrika wat kommoditeite produseer nie. Dit is ook een van die belangrikste redes waarom die waarde van die rand oor dieselfde tydperk met 60% gedaal het teenoor die VSA-dollar. Talle ingewikkelde redes word aangevoer waarom hierdie dalings plaasgevind het…

ons leef tans in ’n wêreld waar tegnologiese vordering ’n uitwerking het op die manier waarop ons met mekaar in verbinding tree, hoe ons inligting insamel en ruil en besigheid doen. Hoe gaan finansiële dienste in hierdie tyd van ontwrigting daarin slaag om by te bly? Verandering kan aangedryf word deur behoeftes, geleenthede of die feit dat iets eenvoudig verouderd geraak het. Daar is twee basiese oorsake wat verandering in ons wêreld aandryf: die behoeftes van die gemeenskap en tegnologiese vordering. Ek glo dat tegnologiese vooruitgang die manier waarop ons inligting verwerk en ontleed soveel hervorm het dat dit alleen waarskynlik verreikende gevolge sal hê. Wat belangrik is, is dat dié vooruitgang ook ’n groot impak het op hoe ons met mekaar in verbinding tree. Die toekoms is nou In…

die Suid-Afrikaanse spaar- en beleggingsomgewing was sover taamlik immuun teen die digitale ontwrigting wat ander bedrywe wêreldwyd raak, soos die hotelbedryf (Airbnb), die taxibedryf (Uber), kleinhandel (Amazon), musiek (Apple) en vermaak (Netflix). Daar is wel ontwrigters wat in die volgende vyf jaar in Suid-Afrika gewild kan raak, en dit sal goed wees as beleggers die konsepte leer ken. Robo-advies word werklikheid Robo-advies is geoutomatiseerde aanlyn advies oor portefeuljebestuur wat met gesofistikeerde algoritmes geskep word. Dit word gewild terwyl die soeklig meer op beleggingskoste val en kliënte meer gemaklik daarmee word om na digitale beleggingsplatforms oor te skakel. Trouens, die gebruik van robo-advies het wêreldwyd ontplof en daar word geraam dat die bates onder bestuur van $18,7 miljard tans met 2 500% tot $489 miljard teen 2020 kan styg, volgens die…

voorbereidings vir die implementering van die Raad op Finansiële Dienste se kleinhandelsverspreidingsoorsig het reeds tot veranderinge in die finansiëledienstebedryf gelei. Wat sal die uitwerking wees? Die kleinhandelsverspreidingsoorsig (RDR) het ten doel die hersiening en verbetering van finansiële dienste vir Suid-Afrikaners, die verhouding tussen verskaffers van finansiële produkte en finansiële adviseurs, en hoe adviseurs betaal word. ’n Cass Business Schoolverslag oor die uitwerking van die RDR op die Britse mark vir finansiële advies gee verskeie belangrike bevindings. Wat sal dit vir individuele beleggers in Suid-Afrika beteken? Minder, groter firmas en gebonde agente Firmas sal besef dit is duur om al die regulasies en administratiewe vereistes na te kom, en die kleiner firmas sal dit moeiliker vind om te oorleef, hoofsaaklik weens die volgende redes: ■ Nie-nakoming van die minimum professionele standaarde;…

globale markte se aanvang tot die jaar was die swakste op rekord, met aandeelindekse in Japan en Europa wat met 10% geval het en die S&P 500 wat binne die eerste twee weke van Januarie met 8,8% teruggesak het. Met te perse gaan, was die JSE se Indeks vir Alle Aandele, in randwaarde, byna 14% laer as die April 2015-hoogtepunt van 55 188.34, volgens INET BFA-data. In dollarterme het die plaaslike mark selfs swakker gevaar. ’n Jaar gelede was die rand op R11,60 teenoor die Amerikaanse dollar. Op 11 Januarie het dit, hoewel kortstondig, tydens laevolume-verhandeling in Asië vir die eerste keer deur R17,90 gebreek, voordat dit tot sowat R16,65 (met te perse gaan) herstel het. Dit is die beste metafoor vir Suid-Afrika se haglike ekonomiese toestand wat daar al…

Linda Sangaret is in Boedapest, Hongarye, gebore. Haar pa, wat oorspronklik van Limpopo kom, het haar Hongaarse ma ontmoet terwyl hy in ballingskap was. Sy het in Zambië en Tanzanië grootgeword en was ook ’n ruk lank in Hongarye en Finland toe haar pa die hoof van die Wêreldvredesraad was. Sy het haar hoërskoolopleiding in Zambië voltooi waar sy die hoogste punt vir Frans in die land en ’n beurs gekry het om in Frankryk te studeer. Kort nadat sy in Frankryk gekom het, is die verbod op die ANC opgehef en is Nelson Mandela vrygelaat, en haar ouers het van Zambië na Suid-Afrika terugverhuis. In Junie 1994 het sy ook na Suid-Afrika verhuis, maar gou na Frankryk teruggegaan waar sy tussen 1995 en 1999 as ’n Suid-Afrikaanse diplomaat gewerk…

Sodra jy ’n salaris begin verdien, moet jy ’n teiken stel om ’n deel van jou salaris te spaar, en pas dit dan aan namate jou salaris styg. die eerste ding wat jy sal besef, is dat jy nie onmiddellik groot geld gaan verdien nie, maar as jy in jou twintigs is, lê daar nog baie tyd voor om jou rykdom op te bou. Nadat jy begin werk, sal jy waarskynlik toegang hê tot ’n gereëlde inkomste. Maar hoe kan jy hierdie inkomste gebruik om jou finansiële verpligtinge na te kom en steeds die lewe te geniet? “Het ek in my twintigs geld gehad om enigiets te doen?” vra Riaan Strydom, portefeuljebestuurder by PSG Wealth in Port Elizabeth. Goeie vraag, want mense in hul twintigs vind gewoonlik dat die meeste…

talle mense is van geboorte af middelklas, maar vir diegene wat in armoede gebore is, is dit ’n leeftyd se uitdaging om die middelstand te probeer bereik. Die definisie van middelklasstatus is op sigself ’n uitdaging. Mense wat in armoede lewe, word dikwels beskryf as diegene wat op minder as $1,25 (ongeveer R20,00) per dag moet oorleef (teen 2005-waardes; $1,90 of R30,40 teen 2016-waardes). Maar dit impliseer nie dat die middelklas eenvoudig bokant dié drempel begin nie. Dis maklik om die rykes te beskryf. Hulle het baie geld en baie besittings. Vanselfsprekend het hulle hul eie onderlinge range. Insgelyks is daar verskillende kategorieë in die middelklas. In Amerika sal ’n jaarlikse inkomste van $25 309 (sowat R400 000) tot $144 996 (R2,3 miljoen) mense moontlik in die onderste tot boonste…

Anheuser-Busch InBev, beter bekend as AB InBev, het op die JSE genoteer met ’n markkapitalisasie van sowat R3 duisend miljard – byna dubbel soveel as die vorige grootste aandeel, British American Tobacco (BAT). Maar AB InBev is nie SAB Miller nie. Laasgenoemde het ’n groter fokus op opkomende markte gehad, sowel as ’n aandeelprys wat opwaarts gedruk is deur gerugte van ’n oorname. Die oorname het toe uiteindelik gebeur, en SAB Miller sal gedenoteer word met ’n enorme p/v van byna 40. AB InBev is ’n defensiewe aandeel wat nie meer groei nie (niks daarmee verkeerd nie), wat eintlik moet verhandel teen ’n lae, enkelsyfer-p/v en ’n aantreklike dividendopbrengs (DO). Maar sy p/v is meer as 20 maal en sy DO is skaars hoër as 2%. So ja, jy sal…

RICHEMONT ’n Gunsteling, al het hy teruggesak Middel Januarie is wanneer ’n vloedgolf handelsverklarings deur kleinhandelaars die beurs se nuusdiens (Sens) begin tref. Richemont* was een van die eerstes en in ’n konstante geldeenheid (dit beteken die geldeenheid waarin hy verkoop eerder as waarin hy verslag doen) het verkope afgeneem. Dit is die eerste keer in baie jare dat Richemont se verkope swakker was, en baie mense meen dit is weens die terreuraanvalle in Frankryk, wat in die middel van die verslagdoeningstydperk was. Wat die rede ook al is, dit bly om drie belangrike redes een van my gunsteling-aandele: randverskansing, blootstelling aan China, en deurdat dit ’n kleinhandelaar van gehalte met ’n enorme kontantsaldo is. Ek is nie in die geringste besorg oor die afname in verkope nie en gaan…

de Investec Equity Fund belê in maatskappye waar verwagte toekomstige winste opwaarts hersien word en wat terselfdertyd teen redelike waardasies verhandel. Ons meen Truworths is so ’n maatskappy. Terwyl die kleinhandel miskien nie na ’n sektor lyk waarheen jy jou nou moet haas nie, meen ons die mark het te pessimisties geraak oor die aandeel. Een van die belangrikste dinge wat Truworths van sy mededingers onderskei, is dat hy aankope op krediet bied, wat ’n aansporing is vir verkope oor ’n verskeidenheid van sy handelsmerke heen. Nagenoeg 70% van sy verkope is op krediet, vergeleke met sy mededingers wie se kredietverkope gewoonlik ver onder 50% is. Oppervlakkig beskou klink kredietverkope miskien nie na ’n bemoedigende element nie, en ’n kleinhandelaar wat in ’n mate van kredietverkope afhanklik is, is inderdaad…

ontwrigting is ’n goeie woord. Dis ’n dreigende gevaar met reusebelofte van omwenteling, maar is die gevaar werklik of bloot wetenskapfiksie? Ek meen ontwrigting is nie die sleutelgevaar vir die beleggingsbedryf nie. Verkeerde regulering en beleggersapatie is groter bedreigings vir die spaarbedryf. Ons moet hierteen rebelleer om te sorg dat die bedryf floreer en iets word wat verdien om herontwerp te word. Die motorbedryf gons met sprake van ontwrigting, soos elektriese voertuie, bestuurderlose motors en motordeelmodelle. ’n Werklik opwindende tyd lê vir motorgebruikers voor, maar kom ons sorg dat ons die bos/koolwaterstowwe agter die bome/olievelde kan sien. Ondanks al die persberigte (en Musk-twiete) oor elektriese voertuie vergeet mense dat elektriese voertuie met batterye verlede jaar ’n skamele 0,4% verteenwoordig het van die motors wat in Amerika verkoop is. Tesla se…

die geskiedenis herhaal homself nie, maar hy rym wel. Een van die jongste gonswoorde wat in finansiële dokumente verskyn, is “finteg”, wat ons herinner aan die internetrevolusie van die laat 1990’s. Gedurende dié tyd was daar wilde voorspellings aangaande die algehele verandering aan die weefsel van die ekonomie wat sou lei tot die afsterwe van stene en sement. Die werklikheid was egter heel anders, en ondanks die enorme uitwerking wat dit gehad het, het dit slegs ’n paar nisgebiede ontwrig. Die gevolg was dat tradisionele sake tegnologie gebruik het om sy sakebedrywighede doeltreffender te voer. Finteg is ’n alomvattende begrip vir besighede wat sagteware en tegnologie in die algemeen benut om die een of ander soort finansiële diens te lewer. Hierdie finansiële dienste is gewoonlik veral op nisse toegespits en…

Teen Januarie vanjaar het die voorspraakgroep Outa meer as 70 000 handtekeninge van die publiek ingesamel in protes teen die instelling van dié plan. die talle #mustfall-veldtogte van verlede jaar bied ons ’n duidelike beeld van die inspirasie, bohaai en trefkrag van algemene opinie wat ’n gemene saak nastreef. Ikone en kwessies, oues en nuwes, moes die woede en mag van groepe mense trotseer wat hul frustrasie in aksie omskep het. As ons terugkyk, het ons een minder standbeeld, universiteitsklasgeld wat bevries is en ’n land waarvan die president nie immuun is teen die moontlikheid van ’n opstand nie. Daar is gemengde menings aangaande of dié veldtogte hulle doelwitte bereik het en, nog interessanter, of en waar hulle weer kan uitbars. Ondanks die debat, was hulle almal bemoedigende tekens gewees…

Die tawwe begin van die jaar is afgeskop met die devaluasie van 1,5% van die yuan teenoor die dollar gedurende die eerste vier dae van verhandeling in Januarie (die totale devaluasie in 2015 was ’n skamele 4,4%, volgens die The Wall Street Journal). Dié volatiliteit is toegeskryf aan die bekendmaking van negatiewe vervaardigingsdata wat toon dat China se ekonomie in ’n slegter toestand is as wat verwag is. Dit het tot ’n uittog uit Chinese aandele gelei wat in die eerste week van Januarie op twee verhandelingsdae met 7% gedaal het – wat genoeg was om alle verhandeling te staak kragtens nuwe “stroomafsluiter”-reëls wat op die Chinese aandelemark ingestel is. (Hierdie reëls is intussen verander om beleggersvertroue te verbeter.) Saam met verwagtinge van verdere rentekoersverhogings in Amerika het dit tot…

’n Swaar taak lê voor vir Linda Sangaret, nuwe bemarkingsbaas van Brand South Africa. Maar diplomaat wat sy is, lyk dit egter nie of dit haar pla om aan te sluit by die organisasie wat die taak het om ’n “positiewe, verenigde beeld van Suid-Afrika te skep – een wat trots bou, investering en toerisme bevorder, en nuwe ondernemings en werkskepping aanhelp” in ’n tyd waarin die rand teen historiese laagtepunte verhandel, beleggersvertroue en ekonomiese groei kwyn, en baie mense meen dat ’n riskante soewereine kredietgradering vanjaar waarskynlik is nie. Sangaret sê ’n paar dae nadat sy die pos aanvaar het aan finweek ’n paar maklike strategieë kan vir vinnige welslae toegepas word, waaronder die verbetering van bestaande programme en die uitbou van verhoudinge met belanghebbendes. Sy beplan ook dat…

1. ’n Begroting: ’n Begroting help jou om te sien waar jy jou geld bestee en hoeveel jy spaar. ’n Begroting sal jou help om te sien of jy meer bestee as wat jy verdien, sê Strydom. 2. Verminder jou uitgawes: Sodra jy sien waar jy te veel bestee, moet jy jou uitgawes prioritiseer. Een manier kan wees om ’n gesonde leefstyl te volg. Hou op rook of gaan na die gim, sê Strydom. Dit kan dalk die premies van jou lewensversekering afbring. 3. Verstaan jou diensvoordele: In plaas daarvan om sommer enige vorm by jou nuwe werk in te vul, vra vrae en maak seker jy verstaan waartoe jy instem, sê Muller. Jy maak belangrike besluite oor hoe jou pensioen belê sal word; dit sal ’n uitwerking hê jou…

“EK GLO EINTLIK DAAR IS NIE GENÓÉG BLOED IN DIE STRATE NIE.” Larry Fink, uitvoerende hoof van BlackRock, die wêreld se grootste batebestuurder, op 15 Januarie in ’n onderhoud met die Financial Times. Wêreldmarkte het hul slegste jaarbegin tot nog toe gehad. Indekse in Japan en Europa het in die eerste twee weke van die jaar 10% van hul waarde verloor, terwyl die S&P 500 met 8,8% gedaal het. Fink voorspel dat aandele met nog 10% kan daal. “Nêrens is tekens dat groei ’n onderste draaipunt bereik nie. Trouens, dit sal minstens nog twee jaar lank verder verlangsaam.” Li-Gang Liu, hoofekonoom vir groter China by Australia and New Zealand Banking Group, aan The New York Times oor China se groeivooruitsigte nadat die land groeisyfers vir sy bruto binnelandse produk vir…

’n Dalende rand is nie altyd sleg nie. Dit is voordelig vir randverskansingsaandele soos BAT. In ’n wisselvallige mark moet ’n goed gediversifiseerde portefeulje aansienlike blootstelling aan buitelandse bates hê omrede die omgekeerde korrelasie tussen die prestasie van die aandele en die waarde van die plaaslike geldeenheid. Namate die rand daal, styg hul verdienste in rand, wat beteken die randwaarde van daardie beleggings kry ’n gesonde hupstoot. BAT is ’n internasionale tabakmaatskappy met handelsmerke wat in meer as 200 markte verkoop. Die vier grootstes is Dunhill, Kent, Lucky Strike en Pall Mall. In 2014 het hy 667 miljard sigarette in meer as 200 markte regoor die wêreld verkoop. Ander produkte sluit in e-sigarette, medisinale nikotienprodukte en tabakverwarmingsprodukte. Hoewel inkomste met 8,45% van £15,26 miljard in 2013 tot £13,97 miljard in…

is ontwrigting die Jedi’s van ons era – in ’n stryd gewikkel met die donker magte wat in korporatiewe ruimteslagskepe wegkruip? Of is dit net nog ’n modewoord, nog ’n opvolgprent wat nie ’n toekenning van die Akademie sal ontvang nie? Ons missie (dit is weliswaar besonder ambisieus) in hierdie uitgawe van Kollektiewe Insig is om te bepaal of die finansiële bedryf op die punt staan om ’n evolusionêre of ’n revolusionêre era te betree. Ons hoop dat die konsepte wat hier aangebied word ’n nuttige padkaart sal wees om die wurmgate van die finansiële heelal te navigeer. Die redaksiekomitee, geskoei op ’n goeie intergalaktiese raad, het probeer om ’n bemiddelaar vir vrede te wees in artikels wat soms teenstrydig is en strek van akademies tot dié wat vol grille…

In ’n verbruikersgesinde wêreld is die bankbetalingsbedryf met sy wye teenwoordigheid duideliker in die ontwrigters se visier. Wat kan die beleggingsbedryf dan doen om te sorg dat hy – altyd – wen? Eenvoudiger, nie eenvoudig nie. Moet ons daagliks verhandel? Moet ons ons portefeulje intyds kan sien? Al is tegnologie hóé verstommend, is dit goed vir ons? Ons weet dat markte raserig is en dat meer inligting tot meer verhandeling kan lei – wat gedragsfinansies ons waarsku dikwels nie ’n wenstrategie is nie. Daaglikse rekonsiliasies en deurdringende verwerking is nie kosteloos nie. Dalk is dit tyd vir ’n stadiger, goedkoper diensmodel. Speelbenadering. As my mediese fonds vir my ’n koffie kan gee omdat ek drie keer per week oefen, wat kan my finansiële maatskappy my gee? Ligsabels, asseblief. Bedryf slaan…

“As ’n wêreldwye kommunikasienetwerk wat oor vastelande en oseane heen strek, het dit ’n omwenteling in die sakewêreld teweeggebring, tot nuwe vorms van bedrog en misdaad aanleiding gegee, en die gebruikers daarvan met ’n stortvloed inligting oorweldig. Romanses blom oor die lug, geheime kodes word deur party ontwerp en deur ander ontsyfer. Fortuine word bymekaargemaak en weer verloor namate die netwerk vorm aanneem. Mense se ingesteldheid teenoor als, van nuusbrokkies tot die diplomatieke wêreld tot die vooruitsigte op wêreldvrede, word heeltemal van vooraf bedink.” – Uit The Victorian Internet, deur Tom Standage die uittreksel bo is in die middel van die 1800’s met verwysing na die elektriese telegraaf gebruik. Kronosentrisme is ons geneigdheid om te glo ons eie generasie is beter as enige ander generasie; dat die veranderings wat in…

... die bedryf [gee nie] naastenby genoeg aandag aan noodsaaklike ontwrigting nie, as sy doel is om ’n betekenisvolle rol in SA se toekomstige finansiële stabiliteit te speel. ssoos wat die einde van 2015 nader gekom en dit gelyk het of Suid-Afrika aan ’n aantal fronte op die rand van “ontwrigting” (of ten minste intense verbrokkeling) staan, is ’n veel sagter woordoorlog tussen die invloedryke voorstander van ontwrigtingteorie Clayton M. Christensen van die Harvard Business School en The Economist gevoer. Die kwessie van die vraag was: Wat verteenwoordig werklik ontwrigtende innovasie in die sakewêreld en watter konsepte werklik só genoem kan word. Hoekom moet ons só ’n fyn teoretiese punt vir ons saak maak? Want ’n begrip van die onderskeid hou verreikende implikasies in vir wat die finansiëledienstebedryf dalk sal…

Dis nie jou gewone “gentleman’s club” nie. Maar net soos met daardie eksklusiewe klubs waarvoor die Britse hoër klasse bekend is, hét dit baie met status en rykdom te make. Wat dié private klub – slegs vir lede – anders maak as die tradisionele rykmansklub, is dat dit nie soseer oor geslag of sosiale stand gaan as oor wat jy ry nie. Dié is ’n supermotorklub, sien, die toelatingsvereiste is dat jy ’n supermotor moet besit. Dit kan ook nie sommer enige supermotor wees nie. Net dié met supermotors wat kwalifiseer, sal die deure van die IBV Supercar Club vir hulle sien oopgaan. Supermotors soos Bugatti, Koenigsegg, Lamborghini, McLaren en Pagani, en natuurlik onder meer Aston Martin, Ferrari, Maserati en Porsche. Die toename in supermotoreienaarskap het tot die ontstaan van…

1 Watter platform vir sosiale media was op 19 Januarie wêreldwyd tydelik buite werking? ■ Twitter ■ Facebook ■ Reddit 2 Waar vind die jaarlikse vergadering van die Wêreld- Ekonomiese Forum plaas? ■ Johannesburg ■ Davos ■ Washington, DC 3 Hoekom gaan Jada Pinkett Smith en Spike Lee vanjaar se Oscar-toekennings boikot? 4 Reg of verkeerd? Die kitsboodskapdiens WhatsApp het aangekondig dat hy sy gebruikskoste van $1 per jaar gaan skrap. 5 Wie is die DA se burgemeesterskandidaat vir Johannesburg? 6 Van watter maatskappy is Carlos Brito die uitvoerende hoof? 7 Watter multinasionale Britse bank oorweeg dit om sy belang in sy Afrika-bedrywighede te verkoop? 8 Reg of verkeerd? Volgens die Verenigde Nasies se toerismeorganisasie het die getal toeriste in die wêreld verlede jaar nuwe hoogtepunte bereik. 9 In watter…