Finweek - Afrikaans 28-Jan-16

moenie nou al moeg raak om te lees van al China se ekonomiese probleme nie – die uitwerking daarvan op jou sak sal in die komende maande veel erger raak. Terwyl heelwat aandag gegee is aan China se traer groei (met ’n koers van 6,9% in 2015, die traagste in 25 jaar), is die slim wedders al hoe meer bekommerd oor sy toenemende skuldvlakke en die moontlike uitwerking van ’n Chinese kredietkrisis op die globale finansiële stelsel. En net soos ekonome China se amptelike BBP-groeisyfers met ’n knippie sout neem, so is hulle ook skepties oor China se amptelike skuldsyfers. Wat ons egter wel weet, behoort die waarskuwingseine te laat flikker: China se totale skuld (insluitend sy ongereguleerde duistere bankwese), het – volgens ’n McKinsey-verslag van 2015 – tussen 2007…

talle mense is van geboorte af middelklas, maar vir diegene wat in armoede gebore is, is dit ’n leeftyd se uitdaging om die middelstand te probeer bereik. Die definisie van middelklasstatus is op sigself ’n uitdaging. Mense wat in armoede lewe, word dikwels beskryf as diegene wat op minder as $1,25 (ongeveer R20,00) per dag moet oorleef (teen 2005-waardes; $1,90 of R30,40 teen 2016-waardes). Maar dit impliseer nie dat die middelklas eenvoudig bokant dié drempel begin nie. Dis maklik om die rykes te beskryf. Hulle het baie geld en baie besittings. Vanselfsprekend het hulle hul eie onderlinge range. Insgelyks is daar verskillende kategorieë in die middelklas. In Amerika sal ’n jaarlikse inkomste van $25 309 (sowat R400 000) tot $144 996 (R2,3 miljoen) mense moontlik in die onderste tot boonste…

“EK GLO EINTLIK DAAR IS NIE GENÓÉG BLOED IN DIE STRATE NIE.” Larry Fink, uitvoerende hoof van BlackRock, die wêreld se grootste batebestuurder, op 15 Januarie in ’n onderhoud met die Financial Times. Wêreldmarkte het hul slegste jaarbegin tot nog toe gehad. Indekse in Japan en Europa het in die eerste twee weke van die jaar 10% van hul waarde verloor, terwyl die S&P 500 met 8,8% gedaal het. Fink voorspel dat aandele met nog 10% kan daal. “Nêrens is tekens dat groei ’n onderste draaipunt bereik nie. Trouens, dit sal minstens nog twee jaar lank verder verlangsaam.” Li-Gang Liu, hoofekonoom vir groter China by Australia and New Zealand Banking Group, aan The New York Times oor China se groeivooruitsigte nadat die land groeisyfers vir sy bruto binnelandse produk vir…

Moenie misloop nie! Kyk uit vir Finweek Money Matters elke Vrydag om 13:00 op CNBC Africa op DStv se kanaal 410. Ons bespreek elke week die volgende uitgawe se relevantste artikels. Fondsbestuurder se insigte: Die fondsbestuurder het sommige van die beste name in die klein- en middelkapitalisasie-omgewing gekies. Hiervan is Ascendis Health een van die bekendstes. Dié maatskappy, wat handelsmerke soos Efekto, Evox en Marltons besit, word goed ondersteun deur die beleggingsgemeenskap, volgens Keith McLachlan, fondsbestuurder. “Die maatskappy se handelsmerke is waardevol,” verduidelik hy deur te verwys na die bekende name in sportvoeding, plantgesondheid en dieresorg wat deur Ascendis besit word. “Dit is nogal ’n defensiewe aandeel asook ’n groei-aandeel.” Ascendis het onlangs die Europese farmaseutiese gebied betree deur middel van ’n Spaanse verkryging, wat aan die maatskappy waardevolle toegang…

Anheuser-Busch InBev, beter bekend as AB InBev, het op die JSE genoteer met ’n markkapitalisasie van sowat R3 duisend miljard – byna dubbel soveel as die vorige grootste aandeel, British American Tobacco (BAT). Maar AB InBev is nie SAB Miller nie. Laasgenoemde het ’n groter fokus op opkomende markte gehad, sowel as ’n aandeelprys wat opwaarts gedruk is deur gerugte van ’n oorname. Die oorname het toe uiteindelik gebeur, en SAB Miller sal gedenoteer word met ’n enorme p/v van byna 40. AB InBev is ’n defensiewe aandeel wat nie meer groei nie (niks daarmee verkeerd nie), wat eintlik moet verhandel teen ’n lae, enkelsyfer-p/v en ’n aantreklike dividendopbrengs (DO). Maar sy p/v is meer as 20 maal en sy DO is skaars hoër as 2%. So ja, jy sal…

’n Dalende rand is nie altyd sleg nie. Dit is voordelig vir randverskansingsaandele soos BAT. In ’n wisselvallige mark moet ’n goed gediversifiseerde portefeulje aansienlike blootstelling aan buitelandse bates hê omrede die omgekeerde korrelasie tussen die prestasie van die aandele en die waarde van die plaaslike geldeenheid. Namate die rand daal, styg hul verdienste in rand, wat beteken die randwaarde van daardie beleggings kry ’n gesonde hupstoot. BAT is ’n internasionale tabakmaatskappy met handelsmerke wat in meer as 200 markte verkoop. Die vier grootstes is Dunhill, Kent, Lucky Strike en Pall Mall. In 2014 het hy 667 miljard sigarette in meer as 200 markte regoor die wêreld verkoop. Ander produkte sluit in e-sigarette, medisinale nikotienprodukte en tabakverwarmingsprodukte. Hoewel inkomste met 8,45% van £15,26 miljard in 2013 tot £13,97 miljard in…