Indholdsfortegnelse for 4-Feb-16 i Finweek - Afrikaans

Of jy nou van hom hou of hom verafsku (soos blykbaar baie ANClede in die parlement se vervoerkomitee), mens moet respek hê vir Wayne Duvenage van Outa, al is dit net oor die volharding waarmee hy Gauteng se gehate e-tolstelsel teenstaan. Soos Duvenage op 26 Januarie in die parlement gesê het, is Outa (Opposition to Urban Tolling Alliance) nie teen die beginsel van gebruikerbetaling gekant nie, maar die organisasie meen daar is kostedoeltreffender maniere om tolgeld in te vorder as Sanral se duur steierwerkstelsel uit Oostenryk – byvoorbeeld deur ’n bykomende brandstofheffing. Ek is seker baie van ons meen die bestaande brandstofheffing van R2,55 per liter vir petrol en R2,40 vir diesel behoort gebruik te word om paaie te onderhou. Die regering het byvoorbeeld in die 2014-’15-belastingjaar ’n nuttige R48,5…

Dalende toestelpryse moedig die vinnge aanvaarding van slimfone aan, en tot 2020 sal waarskynlik meer as 400 miljoen slimfoonverbindings in die streek bykom . . . die beginner-tegnologieonderneming ReWare benut die groeiende slimfoonmark deur hertoegewysde, gebruikte Samsung- en iPhonefone aan waardebewuste verbruikers te bied. Nothando Moleketi, medestigter van ReWare, sê die slimfone word internasionaal verkry en in Suid-Afrika aan ’n diagnostiese- en herstelproses onderwerp om te sorg dat die toestelle in ’n goeie toestand is. Die fone word ook skoongemaak en herverpak om ’n USB-kabel en ’n proppunt in te sluit. Alle ReWare-fone word met ’n waarborg van een jaar verkoop. “Ons koop ’n spesifieke gehalte foon wat waarborg dat al dié fone sal werk,” sê Moleketi. ReWare-fone is tans in 14 Edgars-takke en aanlyn by www.cna.co.za beskikbaar. Die pryse…

vir baie lande in Afrika suid van die Sahara sal die ekonomiese toestande vanjaar moeilik bly, hoofsaaklik omdat hulle swaar op olie en ander kommoditeite steun, waarsku die graderingsagentskap Standard & Poor’s in ’n nuwe navorsingsverslag. Lae olie- en ander kommoditeitspryse, saam met taamlik stadige groei in China, veroorsaak probleme, terwyl rentekoersverhogings in Amerika die finansiering van ontluikende markte vir internasionale beleggers minder aantreklik maak, sê S&P. Die moeilike klimaat maak dat baie mense die idee dat Afrika sal uitstyg – wat die laaste jare gesprekke oor die vooruitsigte vir die vasteland oorheers het – bevraagteken. Sim Tshabalala, mede- uitvoerende hoof van Standard Bank, het onlangs op die Africa Outlook 2016-konferensie in Johannesburg gesê terwyl baie kommentators reeds die idee dat Afrika sal uitstyg, verwerp het, bevat die prentjie veel…

Wat sê die fondsbestuurder? Die fonds se grootste binnelandse aandelebesit is defensiewe aandele met randverskansingseienskappe, soos SABMiller en British American Tobacco. “Ek besit daardie aandele al sedert 2008,” sê Glenn Moore, die bestuurder van die fonds. Sy blootstelling aan SABMiller is nog kleiner as dié van die vergelykbare indeks. “Ek koop aandele wat lyk of hulle goeie waarde het,” sê hy. Die fonds gebruik sy volle buitelandse toewysing van 25% omdat die rand oor die afgelope twee jaar “aansienlik” gedepresieer het, sê Moore. “As dit kom by buitelandse aandele, koop ek die indeks,” verduidelik hy. Die indekse wat hy volg, is gekonsentreer in die aandele wat hulle saamstel, en hy voeg waarde by deur te besluit om meer of minder as ’n indeks in sy portefeulje te hou, verduidelik hy.…

Iangtermynbeleggers in die sektor vir genoteerde eiendom het goeie opbrengste in die afgelope jaar geniet, met die FTSE/JSE se indeks vir genoteerde eiendom wat oor die afgelope vyf jaar met 53,1% gestyg het, volgens INET BFA. Maar dié lopie verloor stoom – die indeks is oor die afgelope 12 maande byna 12% laer. Maar Resilient, een van die JSE se grootste genoteerde eiendomsontwikkelingstrusts (reits) met ’n markkapitalisasie van byna R40,4 miljard, gaan teen dié tendens, en het byna 32% oor die afgelope jaar vir aandeelhouers opgelewer. Resilient besit ’n portefeulje van plaaslike winkelsentrums met nasionale kleinhandelaars as huurders. Sy bestaande portefeulje sluit in winkelsentrums in plekke soos Richardsbaai, Polokwane, Nelspruit en Tzaneen. Resilient bied ook blootstelling aan Nigerië deur sy meerderheidsbelang in Resilient Africa, ’n gesamentlike onderneming met Shoprite Checkers.…

Die groot verskil is dat net die werkgewer tans ’n belastingaftrekking op bydraes tot ’n voorsorgfonds kan kry, maar werknemers kan hul hele pensioen kry. By ’n pensioenfonds kan sowel die werkgewer (tot 20%) as werknemer (tot 7,5%) ’n aftrekking op hul bydraes kry, maar werknemers kan net tot ’n derde van hul pensioen as kontant vat en moet ’n annuïteit met die res koop. Pensioen- en voorsorgfondse het aftreevoordele, maar ook onttrekking- (ná bedanking of afdanking) en personeelverminderingsvoordele. Daar is ook voordele vir ongeskiktheid en betalings aan afhanklikes by ’n lid se afsterwe. In die algemeen word net werknemerbydraes uitgekeer as hulle bedank of hulle aan ’n pensioenfonds onttrek. In die algemeen word sowel werkgewer- as werknemerbydraes plus rente met personeelvermindering uitgekeer. Aftreevoordele verskil afhangend van die duur van…

VOORSORGFONDSE ■ Net bydraes ná 1 Maart en die rente op dié bydraes is aan die nuwe reëls onderworpe. ■ Van lede jonger as 55 met aftreespaargeld van meer as R247 500 sal vereis word om annuïteite vir twee derdes van die bedrag te koop. Die annuïteite sal lewenslank ’n gereelde inkomste (gewoonlik maandeliks) verseker. ■ Dit is belangrik dat lede steeds hul voorsorgfondsspaargeld as kontant kan ontvang as hulle bedank of afgedank word. In dié verband verander die wetgewing nie. ■ Alle spaargeld en beleggingsgroei tot 1 Maart word nie geraak nie. ■ Twee derdes van bydraes ná dié datum (wat saam meer as R247 500 bedra) sal in ’n pensioen geplaas moet word. ■ As lede ouer as 55 van fonds verander, sal hulle ook aan dié reëls…

luidens ’n nuusberig in die Mail & Guardian het pres. Jacob Zuma die SAL versoek om ’n roete na Khartoem in te stel as ’n blyk van ondersteuning aan die Soedannese president, Omar al-Basjir. Die voortslepende omstredenheid om al-Basjir laat die kollig opnuut val op Pretoria se Afrika-beleid onder die Zuma-administrasie. Die Zuma-regering se Afrika-beleid was tot dusver ’n mengsel van merkwaardige suksesse, klaaglike mislukkings en duur foute. Toe Zuma vir Thabo Mbeki as staatshoof opgevolg het, is gewonder of sy buitelandse beleid op dieselfde wyse as dié van sy voorgangers aan Afrika voorrang sou gee. Dié bespiegelings is vinnig ter ruste gelê toe hy in 2009 in sy eerste staatsrede verklaar het dat Suid-Afrika daartoe verbind bly “om die vasteland van Afrika te prioritiseer deur die Afrika-Unie en sy…

De Beers het nagenoeg 42% tot Anglo se voljaarverdienste bygedra. de Beers, die diamantprodusent en -bemarker waarin Anglo American ’n belang van 85% het, het op 26 Januarie die goeie nuus aan sy moedermaatskappy bekend gemaak dat die verkope van ongeslypte diamante in vanjaar se eerste besigtiging (siklus) meer as dubbel die verkope in die vorige siklus was. Die verkope tot 25 Januarie het altesame $540 miljoen bedra, vergeleke met $248 miljoen in die vorige siklus (die tiende en laaste siklus van verlede jaar), ’n ontwikkeling wat aan hoër verkooppryse toegeskryf word. Die styging in diamantpryse steun blykbaar opmerkings deur Philippe Mellier, uitvoerende hoof van De Beers, in Desember dat die diamantmark onder ’n leweringsvertraging ly wat net met die tyd sou regkom. “ ’n Positiewe vakansieseisoen vir kleinhandel in…

Ons het onlangs gesê die bekendstelling van Netflix in Suid-Afrika was nie ’n bedreiging vir Naspers* nie. Dit beteken nie hy is nie ’n goeie potensiële belegging nie. Nadat hy vroeër vandeesmaand van 30 tot 160 lande uitgebrei het, het hy die eerste internasionale maatskappy in die nuwe era van televisie deur die internet geword. Met geen advertensies nie en die gerief om te kyk waarna jy wil, is dit die toekoms. Onlangse resultate het getoon dat groei in Amerika verlangsaam, maar dit is internasionale groei wat belangrik is. Die Amerikaanse mark gee Netflix ’n uitstekende grondslag en inkomste om sy eie inhoud te skep, en namate die res van die wêreld inteken, sal hy groei. Winste bly steeds beskeie, en die maatskappy is op ’n prys-tot-verdienste-veelvoud (p/v) van bykans…

SYGNIA & CORONATION Een saam met die mark, die ander beter Sygnia Asset Management en Coronation Fund Managers het albei die syfers vir hul bates onder bestuur vir die kwartaal tot einde Desember aangekondig. Coronation se syfer het met net meer as 2% tot R623 miljard gegroei, terwyl dié van Sygnia met bykans 7% tot R146 miljard toegeneem het. Die Top40-indeks het in die laaste kwartaal met 2% gestyg, dus kan die eerste 2% van die groei in die algemeen aan markbewegings toegeskryf word. Dít is nie geheel en al billik nie, aangesien fondsbestuurders probeer om die mark te klop, en hulle kan nie die hele mark besit nie; hulle kan selfs onderpresteer. Tog toon dit goeie reële groei vir Sygnia van omtrent omtrent 5% in die kwartaal, wat op…

Dié 15% was tot nou toe slegs op jou niepensioendraende bydrae van toepassing. Met die nuwe wetgewing vorm die hoër persentasie van tot 27,5% deel van óf jou belasbare óf jou bruto inkomste, watter een ook al die hoogste is. wanneer ek aanbiedings oor aftrede doen, begin ek gewoonlik met die bedrag van R1 410. Nee, dit is nie hoeveel ’n nuwe gholfbal oor ’n maand of twee gaan kos nie (as die rand sy afwaartse spiraal voortsit), maar eerder die staat se huidige pensioentoelae (R1 430 vir mense van 75 en ouer). Ek is daarvan oortuig dié bedrag is vir die meeste lesers nie naastenby genoeg wanneer hulle aftree nie, en met die huidige belastingjaar binne weke verby, is dit tyd om jou persoonlike aftreebegroting deeglik onder oë te…

Kenners stem in die algemeen saam dat die hervormings positief is en mense se swaarverdiende spaargeld sal help beskerm. Dit vereenvoudig ook die belasting op aftreespaargeld en laat verskillende aftree-instrumente – pensioenfondse, voorsorgfondse en uittreeannuïteite – ooreenstem. Dit maak egter nie veel keuse van aftreespaaropsies moontlik nie, want dit maak nou nie juis ’n verskil of mense ’n pensioenfonds, voorsorgfonds of uittreeannuïteit het nie. Kyle Mandy, belastingbeleidsleier van PwC, sê Suid-Afrika se huishoudelike spaarkoers is basies negatief en daarom word jaargelduitkering ná aftrede verwelkom omdat dit huishoudelike besparing bevorder en “mense teen hulself beskerm” as hulle aftree en ’n enkelbedrag vat, want daar is baie voorbeelde van mense wat hul spaargeld in die verkeerde beleggings, soos piramiedskemas, plaas. In die algemeen verwelkom Mandy ook die nuwe aftrekkingstelsel, wat drie verskillende…

as jy Reginald Pillay vra om homself te beskryf, sal hy jou vertel hy’s ’n strategiese denker. “Ek is iemand wat van uitdagings hou. Uiteraard ’n optimis, en ek is passievol oor sake en om ’n positiewe verskil te maak,” voeg hy by. Pillay se vennoot in die sakedienste-maatskappy wat hul saam bestuur, Suran Moodley, staan ook sterk as dit by strategie kom en hy hou daarvan om probleme op te los. “Ek geniet dit om skeppend te wees en om innoverende oplossings vir moeilike uitdagings te vind of om ongewone maniere te vind om alledaagse kwessies op te los. Ek was gelukkig dat ek in die kunste en wetenskap opgelei is, gevolg deur sielkunde en bedryfsielkunde voordat ek sakestudies aangepak het. Dit het die wyse waarop ek die wêreld…

ten spyte van sy klein begin as ’n familiebesigheid het SA Florist die e-handelsektor waarin hy bedrywig is vinnig verander en ’n reputasie verkry as die “Uber van bloemiste”. Sedert sy ontstaan in 2013 het die stigter Nicholas Wallander gefokus op die ontwikkeling van ’n platform waar plaaslike blom- en geskenkhandelaars hul produkte kan laai vir kliënte om na te kyk. In 2014 het Wallander ’n vennootskap gevorm met digitalebemarkingsdeskundige Fraser Black, en saam het hulle deelgeneem aan die eerste reeks van Dragons’ Den Suid-Afrika. Hul voorlegging het die grootste belegging van die program gewen, met al vyf “drake” wat deel wou wees. Wallander het hierdie belegging gebruik om die platform te bou en ’n uitgebreide netwerk op te bou, wat nou bestaan uit ’n totaal van meer as 220…

MY ENIGSTE VRAAG IS: HOEKOM NEEM DIT SO LANK VIR DIE BBPSTATISTIEKE OM TE BEVESTIG DAT DAAR ’N RESESSIE IS?” - Colen Garrow, ekonoom by Lefika Securities, in sy kommentaar op die Reserwebank se leidende aanwyser wat in November jaar-tot-jaar met 5% ingekrimp het. Die leidende aanwyser is belangrik omdat dit die verwagte groei in BBP met ongeveer drie tot vier kwartale voortuitloop. Die uitgerekte tydperk wat geannualiseerde groei afneem, is ’n duidelike aanduiding dat die ekonomie in ’n resessie is, het Garrow gesê. “OM SUID-AFRIKA WEER KOERS TE GEE, HET ONS BETER PRYSE, BETER REËNVAL NODIG – EN DAT DIE REGERING IN DIE GEHEEL SAAMWERK, WAT NOG NIE GEBEUR NIE.” - Sim Tshabalala, mede- uitvoerende hoof van Standard Bank, in ’n toespraak by die Africa Outlook 2016-konferensie in Johannesburg.…

Lewis verdedig wasmasjien van R18 000; ‘dreig’ Vegter Onne Vegter, sakeman van George, sê Lewis het hom in ’n brief met moontlike regstappe gedreig. Dit is nadat Vegter Lewis die stryd aangesê het omdat hy ’n 14 kgwasmasjien op krediet aan Vegter se 60-jarige tuinier verkoop het. Die tuinier sou oor 36 maande R17 955 vir ’n wasmasjien van R5 999 betaal het. Luidens mediaberigte het skuldkenners gesê dit verteenwoordig ’n roekelose lening. Lewis het in ’n verklaring aan Fin24 gesê die feite van die saak steun nie die beskuldiging van roekelose krediet nie. 26/01/2016 21:30 Brandstofheffing nie vir Gautengse snelweë nie – parlement Om die brandstofheffing te gebruik om Gauteng se e-tolstelsel te vervang, sal die dienslewering aan armes verswak, het die parlement se vervoerkomitee op 26 Januarie gesê.…

As die JSE se Indeks van Alle Aandele in ’n afwaartse regstelling is, kies beleggers dikwels defensiewe aandele soos British American Tobacco (BAT). Reinet Investments, wat beheer word deur die miljardêr-sakeman Johann Rupert en wie se grootste bate ’n belang in BAT is, is ook ’n defensiewe belegging, want sy verklaarde doel is om aandeelhouers ’n beleggingsvoertuig te bied wat hul fondse “op ’n konserwatiewe manier sal bestuur en kapitaal sal beskerm terwyl sy doel langtermyngroei is”. Met BAT wat teen die einde van Desember verlede jaar bykans 71% van Reinet se netto batewaarde (NBW) verteenwoordig het, beskou baie mense hom steeds as hoofsaaklik ’n goedkoop toegangspunt vir indirekte blootstelling aan BAT. Beleggers hoop ook om voordeel te trek uit Rupert se sakevernuf, veral deur die ongenoteerde ondernemings waarin Reinet…

Die tesourie sê die wysigings is bedoel “om afgetredenes met voorsorgfondse te help om die risiko van hoe ouderdom (dit is die risiko om na aftrede langer te leef as wat aftreespaargeld hou) en beleggingsrisiko (dit is die risiko van stygings en dalings in beleggingsinstrumente se markprys) beter te bestuur, en om hulle te keer om hul aftreebates te vinnig te bestee en buitensporig afhanklik van die staat of hul familie te word“. Cosatu en ander kritici verskil. Hulle sal waarskynlik hul besware nog meer lug wanneer die regering wette oor bewaring instel wat vereis dat mense aftreespaargeld tot met aftrede in ‘n fonds hou. Terwyl dit dalk daarop gemik is om te sorg dat mense na aftrede beskerm word omdat hulle geneig is om hul spaargeld te laat uitkeer…

Op die internasionale markte is wit mielies nie so geredelik soos geel mielies beskikbaar nie. Hoewel Zambië suksesvolle mielie-oeste het, is dit heelwat kleiner as Suid-Afrika s’n. Boonop hou Zambië ’n aansienlike hoeveelheid van sy mielies vir eie verbruik, terwyl hy na verwagting ook van sy mielies sal uitvoer na van sy direkte buurlande wat ook deur droogtetoestande en tekorte geraak word. Volgens Jannie de Villiers, uitvoerende hoofbestuurder van Graan SA, produseer die VSA ook wit mielies, maar nie soveel soos Suid-Afrika nie. Mexiko het ook ’n klein hoeveelheid wit mielies beskikbaar, maar hy ervaar self van tyd tot tyd tekorte. Geel mielies, wat hoofsaaklik by dierevoer ingesluit word, sal hoofsaaklik uit Brasilië en Argentinië ingevoer word asook uit die VSA en die Swartseelande. De Villiers reken dat daar teen…