Finweek - Afrikaans 4-Feb-16

Of jy nou van hom hou of hom verafsku (soos blykbaar baie ANClede in die parlement se vervoerkomitee), mens moet respek hê vir Wayne Duvenage van Outa, al is dit net oor die volharding waarmee hy Gauteng se gehate e-tolstelsel teenstaan. Soos Duvenage op 26 Januarie in die parlement gesê het, is Outa (Opposition to Urban Tolling Alliance) nie teen die beginsel van gebruikerbetaling gekant nie, maar die organisasie meen daar is kostedoeltreffender maniere om tolgeld in te vorder as Sanral se duur steierwerkstelsel uit Oostenryk – byvoorbeeld deur ’n bykomende brandstofheffing. Ek is seker baie van ons meen die bestaande brandstofheffing van R2,55 per liter vir petrol en R2,40 vir diesel behoort gebruik te word om paaie te onderhou. Die regering het byvoorbeeld in die 2014-’15-belastingjaar ’n nuttige R48,5…

luidens ’n nuusberig in die Mail & Guardian het pres. Jacob Zuma die SAL versoek om ’n roete na Khartoem in te stel as ’n blyk van ondersteuning aan die Soedannese president, Omar al-Basjir. Die voortslepende omstredenheid om al-Basjir laat die kollig opnuut val op Pretoria se Afrika-beleid onder die Zuma-administrasie. Die Zuma-regering se Afrika-beleid was tot dusver ’n mengsel van merkwaardige suksesse, klaaglike mislukkings en duur foute. Toe Zuma vir Thabo Mbeki as staatshoof opgevolg het, is gewonder of sy buitelandse beleid op dieselfde wyse as dié van sy voorgangers aan Afrika voorrang sou gee. Dié bespiegelings is vinnig ter ruste gelê toe hy in 2009 in sy eerste staatsrede verklaar het dat Suid-Afrika daartoe verbind bly “om die vasteland van Afrika te prioritiseer deur die Afrika-Unie en sy…

MY ENIGSTE VRAAG IS: HOEKOM NEEM DIT SO LANK VIR DIE BBPSTATISTIEKE OM TE BEVESTIG DAT DAAR ’N RESESSIE IS?” - Colen Garrow, ekonoom by Lefika Securities, in sy kommentaar op die Reserwebank se leidende aanwyser wat in November jaar-tot-jaar met 5% ingekrimp het. Die leidende aanwyser is belangrik omdat dit die verwagte groei in BBP met ongeveer drie tot vier kwartale voortuitloop. Die uitgerekte tydperk wat geannualiseerde groei afneem, is ’n duidelike aanduiding dat die ekonomie in ’n resessie is, het Garrow gesê. “OM SUID-AFRIKA WEER KOERS TE GEE, HET ONS BETER PRYSE, BETER REËNVAL NODIG – EN DAT DIE REGERING IN DIE GEHEEL SAAMWERK, WAT NOG NIE GEBEUR NIE.” - Sim Tshabalala, mede- uitvoerende hoof van Standard Bank, in ’n toespraak by die Africa Outlook 2016-konferensie in Johannesburg.…

Dalende toestelpryse moedig die vinnge aanvaarding van slimfone aan, en tot 2020 sal waarskynlik meer as 400 miljoen slimfoonverbindings in die streek bykom . . . die beginner-tegnologieonderneming ReWare benut die groeiende slimfoonmark deur hertoegewysde, gebruikte Samsung- en iPhonefone aan waardebewuste verbruikers te bied. Nothando Moleketi, medestigter van ReWare, sê die slimfone word internasionaal verkry en in Suid-Afrika aan ’n diagnostiese- en herstelproses onderwerp om te sorg dat die toestelle in ’n goeie toestand is. Die fone word ook skoongemaak en herverpak om ’n USB-kabel en ’n proppunt in te sluit. Alle ReWare-fone word met ’n waarborg van een jaar verkoop. “Ons koop ’n spesifieke gehalte foon wat waarborg dat al dié fone sal werk,” sê Moleketi. ReWare-fone is tans in 14 Edgars-takke en aanlyn by www.cna.co.za beskikbaar. Die pryse…

die mediamonitormaat-skappy Media Tenor het onlangs sy jaarlikse Afrikagroeiverslag in Davos, Switserland, uitgereik. Vanjaar se verslag bevat onder meer inligting oor die media-dekking van maatskappye wat verlede jaar in Afrika bedrywig was. Uit ondersoeke na finansiële drukmedia word Afrika-maatskappye in die verslag geïdentifiseer wat verlede jaar meer as tien positiewe berigte in internasionale media gekry het. M-Pesa en Naspers* was gelyk boaan die lys. “M-Pesa het grootliks lof gekry omdat hy die ontwikkelende wêreld finansieel bemagtig deur transaksies te vereenvoudig en aan miljoene mense maklike toegang tot finansiële dienste gee,” lui die verslag. Naspers het positiewe berigte gekry danksy die prestasie van sy belegging in Tencent. Luidens die verslag het die Financial Times gesê Naspers se aanvanklike belegging van $34 miljoen in Tencent het “skouspelagtig gegroei”. Verder word Barclays Africa…

Lewis verdedig wasmasjien van R18 000; ‘dreig’ Vegter Onne Vegter, sakeman van George, sê Lewis het hom in ’n brief met moontlike regstappe gedreig. Dit is nadat Vegter Lewis die stryd aangesê het omdat hy ’n 14 kgwasmasjien op krediet aan Vegter se 60-jarige tuinier verkoop het. Die tuinier sou oor 36 maande R17 955 vir ’n wasmasjien van R5 999 betaal het. Luidens mediaberigte het skuldkenners gesê dit verteenwoordig ’n roekelose lening. Lewis het in ’n verklaring aan Fin24 gesê die feite van die saak steun nie die beskuldiging van roekelose krediet nie. 26/01/2016 21:30 Brandstofheffing nie vir Gautengse snelweë nie – parlement Om die brandstofheffing te gebruik om Gauteng se e-tolstelsel te vervang, sal die dienslewering aan armes verswak, het die parlement se vervoerkomitee op 26 Januarie gesê.…