Indholdsfortegnelse for July/August 2023 i Idees

Ek sal 2023 sekerlik onthou as my persoonlike ‘jaar van die huis’. Van foute regstel, van huis verkoop, oppak, huis koop, van mure afbreek, verf, mooimaak, weer trek, uitpak, mooimaak. Drie huise in een jaar. En van leef in ‘n toegegooide, ‘opgedressde’ chaos. Wat nou maar eenmaal nie goed is vir my siel nie. Veral as dit kom by my slaapkamer, moet dit ‘n plek van stilte en rus wees. As dit nie is nie, raak ek sommer vinnig happerig. Terwyl my gellefde ou huis dus stelselmatig om my in ‘n stoor vol bokse verander het, het ek probeer om my slaapkamer vir heel laaste te hou (wat op die ou end op trekdag gebeur het). Toe vyf dae in my seun, Anton, se spaarkamer, mét alles wat ek dalk…

SKEP DIE PRENTJIE Ons het ‘n mengsel van helder kleure, interessante teksture en blompatrone vir hierdie Frida Kahlo-geïnspireerde slaapkamer gebruik. Keer dat dit te besig lyk deur te hou by dieselfde kleurtoon, helder in ons geval. Wanneer jy patrone gebruik, meng groot en fyner patrone, sodat hulle nie met mekaar sal meeding om aandag nie maar eerder ‘n geheelprentjie vorm.…

handwerk MOEILIKHEIDSGRAAD: maklik tot medium TYD: 2 uur Dit is regtig vinnig en maklik om so ‘n bedkopstuk uit ‘n ronde goiingmat te skep. Gebruik jou opgemaakte bed met kussings as ‘n riglyn om te bepaal hoe hoog bo jou bed die mat moet hang. Trek die buitelyn van die mat asook die openinge daarin met gekleurde bordkryt op die muur na om te sien waar jy die skroewe moet plaas om die mat aan te hang. Gebruik ‘n betonboorpunt om die gate vir die skroewe in die muur te boor – vier of vyf behoort genoeg te wees. Druk die muurproppe en skroewe in die gate en hang die mat in posisie om as kopstuk te dien.…

BRASILIAANSESTYLHOENDER MET KLAPPER EN LEMMETJIE Probeer gerus hierdie gereg volgende keer as jy lus is om jou familie of vriende met iets anders te bederf. Dié hoender het ‘n ligte speserysmaak, maar dis baie geurig en pikant met ‘n ryk, romerige sous waaroor almal gaande sal wees. Genoeg vir: 4-6 Bereidingstyd: 40 minute Gaarmaaktyd: 60 minute Oondtemperatuur: 180 °C ♥ 1 heel hoender ♥ 30 ml sagte botter ♥ 15 ml fyngerasperde lemmetjieskil ♥ 200 g baba-rosatamaties, middeldeur gesny ♥ 250 ml geblikte swartbone, gedreineer ♥ 45 ml varsuitgedrukte lemmetjiesap ♥ babaspinasieblare, om voor te sit ♥ gaar rys, om voor te sit ♥ geskroeide lemmetjiewiggies en vars koljanderblare, om voor te sit SOUS ♥ 15 ml canola-olie ♥ 1 ui, fyngekap ♥ 2 knoffelhuisies, fyngedruk ♥ 15 ml fyngerasperde…

MOEILIKHEIDSGRAAD: medium TYD: halfdag (yskastyd ingesluit) MAAK: 1 kers JY BENODIG ♥ voedselveilige kerspit* ♥ 200 g gesoute botter by kamertemperatuur ♥ 15 ml gerookte paprika ♥ asetaat ♥ maskeerband ♥ handwerkmes en snymat ♥ liniaal ♥ versiersak Ons het Simply Bee se byewas-kerspitte gebruik. ‘n Pak van ses pitte, elk 25 cm lank, kos R50 by faithful-to-nature.co.za.…

My pa was sy tyd ver vooruit. Ons was seker die eerste huis op Potchefstroom wat in die sewentigerjare ‘n sauna gehad het. (Hy het ook die eerste Applerekenaar op die dorp gehad!) Ek sien nou nog ons span Krügertjies in ‘n ry op die dennehoutbankies in ons sauna sit terwyl hy die stoom verbete met die bloekomolie-water op die gloeiende kole stook. En daarna hol ons gillend en jillend oor die groot witgerypte grasperk om in die bibberend yskoue swembad te spring. Sommer ‘n paar warm-koud-warmkoudsessies ná mekaar. Kontrashidroterapie is deesdae die groot tendens in welstandsrituele. Dit behels watergebaseerde behandelings soos sessies in ‘n infrarooisauna of stoomkamer, ysplons en krioterapie. Gesondheidskenners kan nie genoeg goeie dinge hieroor sê nie: Om die liggaam bloot te stel aan drastiese temperatuurwisselings het…

UNIEK VIR JOU TAFEL Mervyn Gers Ceramics bied nou ‘n diens waar jy jou eie ‘bespoke’ borde en bakke kan skep in die kleur, vorm en glansafwerking van jou keuse. Die diens sluit ‘n konsultasiesessie van 90 minute in waartydens jou vereistes bespreek kan word en jy kreatiewe advies kan kry. Al die produkte is geskik vir daaglikse gebruik en is ten volle skottelgoedwasser- en mikrogolfoondbestand. Die onderneming ondersteun volhoubare werkskepping deurdat elke stuk met die hand gemaak word, wat ook verseker dat jou versameling werklik uniek is. Besoek mervyngers.com vir meer. BAAI IN HANDGEMAAKTE KOPER As jy in die mark is vir ‘n nuwe badkamer, kan jy gerus die Earth Gold-webtuiste besoek waar jy kan kies uit baddens, wasbakke en lampskerms wat met die grootste sorg uit suiwer koper…

idees-klasse MOEILIKHEIDSGRAAD: uitdagend TYD: ‘n dag JY BENODIG ♥ wit duvetoortreksel ♥ patroon op bladsy 38 (of die ontwerp van jou keuse), in die verlangde grootte gekopieer ♥ ‘n stuk MDF-bord (grootte na gelang van jou ontwerp) ♥ handwerkskuimrubber ♥ koolpapier en balpuntpen ♥ akrielverf in die kleur van jou keuse (ons het swart gebruik) ♥ materiaalverfmedium (ons het DecoArt se produk gebruik) ♥ sponsaanwender ♥ gomgeweer ♥ handwerkmes en snymat ♥ latekshandskoene WENKE Was en stryk jou duvetoortreksel voordat jy die stempelwerk doen. Steek ‘n stuk stewige karton binne die oortreksel om te keer dat die verf na die agterkant toe deursypel. Vir die beste patroonherhaling, begin van die middel van die oortreksel af na elke hoek toe werk. Oefen op ‘n vel papier voordat jy die oortreksel begin…

DIE SAGSTE KOMBERS projek ELSBETH EKSTEEN MOEILIKHEIDSGRAAD: medium tot moeilik TYD: 1 week GROOTTE Omtrent 2 m x 80 cm. LET WEL: Ek is seker almal wat graag handwerk doen, het al komberse gesien wat met voorgare (roving) gemaak is. Dit lyk so pragtig, maar ons weet ook dat enige item gemaak van voorgare nie maar net soos gewone wolgoed behandel kan word nie. Wolvoorgare verwys in die algemeen na wolvesel wat verwerk is, maar nog nie in breidraad gespin is nie. Voorgare moet sagkens gehanteer word omdat die vesels nie om mekaar gedraai is soos die gewone wolgare wat jy koop nie. Dit verniel baie maklik indien dit hardhandig gehanteer word en die voltooide item kan pluise vorm as dit teen iets skuur of te hard gevryf word. Enige…

ONDERSTEBO WORTELTERT Maak: 1 tert Bereidingstyd: 40 minute Baktyd: 25-35 minute Oondtemperatuur: 200 °C ♥ 1 rol gekoopte blaardeeg, ontdooi, maar hou dit yskoud ♥ 30 ml elk botter en olyfolie ♥ omtrent 15 babaworteltjies, geskil en in die lengte middeldeur gesny ♥ 2 knoffelhuisies, ongeskil ♥ 5 ml heel karwy- of komynsaad ♥ 1 salot of klein uitjie, geskil en in dun wiggies gesny ♥ swartpepergeur roomkaas, om voor te sit ♥ ‘n hand vol vars salieblare, in botter gebraai, om voor te sit…

Om Anett Jorméus te vra om haar styl te beskryf, is soos om skilders te pols oor waarom hulle die kwas opneem. Jy kry nooit ‘n reguit antwoord nie. ‘My ruimtes is wat hulle is omdat ek sekere goed nodig het om te leef soos wat ek daarvan hou om te leef,’ sê sy. ‘n Mens sien sommer dadelik Anett se wonderbaarlike talent om ruimtes te skep wat die oog streel. Dit is juis haar oog vir toegank like styl en haar onberispelike aanvoeling vir ontwerp wat Granit help vestig het as een van Swede se suk sesvolste leefstyl-en-interieur-kettingwinkels. Kortom: Anett is allergies vir oorontwerpte en oordinkte ruimtes en meubels. As jy ‘n bietjie dieper grawe en haar uitvra oor waarom sy besluit het om haar huis met vondste van…

MOEILIKHEIDSGRAAD: medium TYD: 2 uur JY BENODIG ♥ swart-en-wit blomprent op ‘n inkstraaldrukker uitgedruk ♥ velle linoleum (by die meeste handwerkwinkels te kry) ♥ linosneegereedskap ♥ akrielverf in die kleure van jou keuse ♥ kunskwassies ♥ papier van jou keuse ♥ asetoon ♥ lappie ♥ handwerkmes of skerp skêr ♥ rubberroller (opsioneel) ♥ latekshandskoene WENKE Vir ‘n egaliger afdruk kan jy ‘n rubberroller gebruik om die verf op jou stempel aan te wend, maar vir ons tweekleur-blomme het ons ‘n kwas gebruik om die twee kleure aan te wend. Probeer jou ontwerp op papier van verskillende kleure druk. Werk altyd weg van jou af wanneer jy linoleum sny.…

SKEP DIE PRENTJIE Niks maak ‘n huis so snoesig soos wol en al sy brei- en hekelmaats nie. Sorg dus dat jy hierdie winter knus en warm bly deur jou met oorgenoeg wollerige goed te omring. Pak ‘n lekker vuurtjie en ontspan met jou hekel- of breiwerk. En as jy klaar is, klim onder jou kombers in en ontspan met ‘n boek. Hier is ‘n paar projekte om jou koue vingers warm te werk. CHEVRONMAT MOEILIKHEIDSGRAAD: gemiddeld TYD: ‘n dag GROOTTE Omtrent 104 x 60 cm. JY BENODIG ♥ Elle CottonOn DK in Dusty Pink 053: 4 x 250 g-bolle (415 m elk) ♥ 7 mm-hekelpen LET WEL: As jy redelik styf hekel, gebruik ‘n dikker hekelpen of as jy te los hekel, gebruik ‘n dunner hekelpen. AFKORTINGS her-herhaal ks…

MOEILIKHEIDSGRAAD: ervare beginner TYD: 2-3 weke Spesiale vaardighede: in die rondte brei, Fair Isle-kleurbreiwerk, vermeerdering en vermindering, optel en brei van steke GROOTTE Klein/medium SPANNING 20 ste en 18 rye = 10 x 10 cm (geblok) JY BENODIG ♥ African Expressions Harmony HK – 9 x 50 g 2059 (Grey) KK – 1 x 50 g 6059 (Natural) ♥ African Expressions Hope HK – 5 x 50 g 6059 (Grey) KK – 1 x 50 g 6001 (Natural) ♥ 6 mm-sirkelbreipen om heen en weer en in die rondte te brei ♥ stopnaald om die breidraadpunte in te werk ♥ breispelde of oorskietbreidraad om steke op te hou ♥ steekmerkers AFKORTINGS aw – aweregs her – herhaal HK – hoofkleur KK – kontraskleur PM – plaas merker r – regs…

BLOKKERS Plaas ‘n 500 g-blok gesoute botter in ‘n botterbakkie. Knip drie stukkies voedselveilige kerspit* volgens die hoogte van die blok en druk dit in die botter. Steek jou kerse aan en geniet die smeltende botter op ‘n broodjie! SUURLEMOEN-EN-KRUIEKERS (LINKS) MOEILIKHEIDSGRAAD: medium TYD: halfdag (yskastyd ingesluit) MAAK: 1 kers JY BENODIG ♥ voedselveilige kerspit* ♥ 200 g gesoute botter by kamertemperatuur ♥ gerasperde skil van 1 suurlemoen ♥ 5 ml fyngedrukte knoffel ♥ 15 ml fyngekapte kruie van jou keuse ♥ asetaat ♥ maskeerband ♥ handwerkmes en snymat ♥ liniaal ♥ versiersak SO MAAK JY 1 Maak die botter sag met ‘n lepel en voeg die suurlemoenskil, knoffel en kruie by. Meng dit goed deur. 2 Vou ‘n stuk asetaat in die verlangde grootte in ‘n silindervorm. Heg die…

Toe ek en my oud-kollega Lizelle Tenten vir koffte ontmoet, het ek pas my huis verkoop. Dit was die huis waarin ek nog die langste gewoon het en voor my lê elf jaar se goeters wat opgepak moet word. ‘n Gesprek met haar was net wat ek nodig gehad het. Oorkant die tafel sit en sprankel Lizelle soos ek haar van nog altyd af onthou. Sy lyk dieselfde en lag dieselfde. Die lewe behandel haar beslis goed. Of sal ek liewer sê haar keuses vir haar lewe doen haar goed. Veral haar gróót keuse – om besittings te laat vaar en te fokus op herinneringe. Haar en haar man, Werner, se paadjie het dieselfde as baie ander paartjies s'n geloop. Verhouding, reis, avontuur, trou, reis, baba, tuisbly … en toe…