Landbouweekblad 03 July 2015

VEEDIEFSTAL ERGER Sowat 75% van alle veediefstalgevalle word nie aangemeld nie, volgens die nuutste voorlopige navorsing. Mnr. Willie Clack, voorsitter van die Nasionale Veediefstal-voorkomingsforum, sê op dié organisasie se Facebook-blad dié syfers is 11% hoër is as dié van Statistieke SA. Clack sê nagenoeg 247 skape, 197 beeste en 100 bokke word daagliks in Suid-Afrika gesteel. Navorsing wat namens die Rooivleisbedryfstrust deur die Universiteit van die Vrystaat onderneem is, dui daarop dat die omvang van veediefstal grootliks onderskat word en dat dié verliese in der waarheid naby aan R2 miljard per jaar is. – Landbou.com TE VEEL HOENDER Die uitbreking van voëlgriep in Amerika het pryse van braaihoender in dié land laat daal omdat verskeie lande ’n verbod geplaas het op die invoer van hoender uit Amerika. Die hoeveelheid hoender…

12% Suid-Afrika het min goeie, bewerkbare landbougrond. Volgens Agri SA se jongste nuusbrief is slegs 12% van Suid-Afrika se oppervlakte geskik vir gewasproduksie. Landbougrond raak ook ál minder. Studies deur die Departement van Landbou, Bosbou en Visserye toon dat ’n gebied so groot soos die Nasionale Krugerwildtuin se landbougrond reeds omgeskakel is na gebruik vir mynbou en stedelike ontwikkeling. 23 000 Die Afrika-leeu is volgens die Wêreldbewaringsunie, ’n nie-regeringsorganisasie, een van 23 000 diersoorte wat deur die gevaar van moontlike uitwissing in die gesig gestaar word. In sekere dele van Afrika, veral in Wes-Afrika, het leeus byna uitgesterf weens onvolhoubare jagpraktyke en die uitsterf van dié roofdiere se prooi. Habitatsverlies dra ook by tot leeus se stelselmatige verdwyning uit Afrika. – bdlive 2,77MILJ. Volgens dr. Rob Davies, Minister van Handel…

Die persfotograaf en joernalis Willem van der Berg het die leeu wat los loop in die Karoo, gaan soek. Toe die Karoo Nasionale Park se ontsnapte leeumannetjie die 11de dag vry rondloop, kon ek dit nie meer hou nie. Ek wou weet hoe de duiwel hy dit regkry. Op dag 12 trek ek dus in op mnr. Kobus en mev. Helena Marais se plaas Muggefontein, tussen Fraserburg en Leeu-Gamka. Op hul buurplaas Tafelberg kruip die leeu al drie dae lank in digte doringbosse en bome weg. “Nie eens skokgranate of traangas kry hom daar uit nie,” vertel Kobus. By sy ander buurman, mnr. Eltrus Mocke van Palmietfontein, het die leeu 13 Vleismerino-ooie en ’n ram doodgebyt. Ses dae lank volg ek die leeu se spoor oor die Nuweveldberge, die Rantepad…

As die ligte afgaan, kan Suid-Afrikaners ’n kers aansteek of ’n kragopwekker aanskakel, maar wat gebeur wanneer die krane begin opdroog? Me. Christine Colvin, senior bestuurder van die varswaterprogram van die Wêreldnatuurlewefonds (WWF), sê in ’n meningstuk op die WWF se webwerf dat net die helfte van die wêreld se gemiddelde reënval in Suid-Afrika val. Die meeste van dié reën val boonop in afgeleë bergopvanggebiede. Suid-Afrika ervaar ook hoë vlakke van verdamping, wat gewasse dorstiger maak vir besproeiing. Verdamping veroorsaak ook dat damme se watervlakke met soveel as 2 m kan daal nog voor ’n druppel daaruit getap word. En sodra dit wel uitgetap word, gaan minstens 40% verlore weens lekkasies en bereik nooit eens ’n kraan nie. Colvin sê dat dit belangrik is om in ’n toenemend onvoorspelbare toekoms…

‘Iemand het selfs al aangebied om my naam op duisende boeregrafte te gaan graveer.’ Mnr. Rod Gravelet-Blondin, voormalige hoof van Safex, oor boere se reaksie op dié mark vir afgeleides in die vroeë dae. Bl. 12 ‘Ek is voornemens om hierdie stryd enduit te baklei.’ Mnr. Ash Davenport, voormalige volstruisboer, wat sê Standard Bank het sy skuld aan ’n Taiwannese bank verkoop, maar hulle wil steeds sy plaas vat. Bl. 14 ‘Die publiek is in die skuld.’ Mnr. Ernst Janovsky, hoof van Absa Agribesigheid, oor een van die oorsake dat boere nie meer geld leen om leefstylplase te koop nie. Bl. 16 ‘Dit is byna soos ’n vuurpyl wat gelanseer is.’ Mnr. Rob Davies, Minister van Handel en Nywerheid, oor groei van gesubsidieerde hoendervleisinvoer uit die EU na Suid-Afrika, ná…

Dit was nie juis iets wat ’n mens wou raaklees ná die naweek se Stormerskandes en met ’n Wêreldbekertoernooi wat nog voorlê nie. Dit is dat ons nou ook sommer te midde van die sesde groot uitsterwing in die wêreld se geskiedenis staan. Volgens ’n Engelse professor in paleobiologie is dít wat met die dinosourusse gebeur het, dié keer net met die internet, kernkrag en stralervlugte. Anders as die vorige paar keer toe meteoriete en vulkaniese uitbarstings die dinosourusse se doppie geklink het, is dit dié keer net een sondaar se skuld: Die mensdom. Ons behoeftes het só enorm geword dat die planeet sukkel om by te hou, met ál minder plek vir diere. Ons sal seker sonder die Yangtze-dolfyn of Costa Rica se goue padda kan klaarkom, maar hul…