Landbouweekblad 03 April 2015

ZAMBIË VOER UIT Zambië gaan tot ’n derde van sy rekord-mielie-oes in die 2014-produksiejaar verkoop. Droogtes en vloede in dié land se buurlande het ’n moontlike mark geskep vir die 1 miljoen ton wit mielies wat dié land wil verkoop. In Botswana dreig ’n misoes weens lae reënval. Malawi en Mosambiek het op hul beurt vloede gehad. In Suid-Afrika is daar sekere mieliestreke wat swaar deurloop onder die ergste droogte sedert 1992. Lees ’n meer volledige verslag op bl. 21. GIF KANKERWEKKEND? Roundup,diegrootstestaatmakervir boereasditbyonkruiddoderskom, iswaarskynlikkankerwekkend,sêdie Wêreldgesondheidsorganisasie(WGO) seafdelingvirkankernavorsing.Die sondaarisglifosaat,eenvandieonkruiddodersehoofbestanddele. Hoeweldieonkruiddodernieenigegevaar virtuiniereinhounie,moetdaarglo rekeninggehouwordmetdienywerheidsgebruikvandiemiddel, soosindie landbou.Monsanto,dievervaardiger, hetegter’ndringendevergadering metdieWGO gevra, aangesienRoundupdeurtientalle reguleringsowerhedegoedgekeuris, insluitendedieAmerikaanseregering seomgewingsbewaringsagentskap. –TheGuardian MEER GRAAN REIS REIS Die invoer van graan het wêreldwyd meer as vyfvoudig toegeneem van 1960 tot 2013, sê die Worldwatch-instituut. Dit het die vrees laat ontstaan dat lande…

250 TON Soveel tamaties produseer die natuurboerdery ZZ2 deesdae per ha in hul nethuise danksy verhoogde biologiese produktiwiteit. Sy oopland-produksie staan op 100 ton/ha. Die landbou-ekonoom mnr. Ernst Janovsky het op ’n bewaringslandbou-konferensie by Ottosdal gesê die benutting van nuwe tegnologie is die ding wat ’n boer moet laat wakker lê, nie kommer oor politiek nie. 5,5 Met soveel keer het die aanplanting van droogteverdraagsame (DV) mielies in Amerika sedert 2013 toegeneem. In Suid-Afrika is die eerste DV witmielie-bastersaad wat deur die Wema-projek ontwikkel is, vanjaar geplant. Sowat 10 000 sakkies DroughtTEGO WE3127 van 500 gram elk is gratis deur die Landbounavorsingsraad landwyd aan opkomende boere geskenk. – Croplife 1:346 Die polisie se begroting is in die nuwe boekjaar met sowat R10 miljard opgestoot tot R82,7 miljard, maar dit lyk…

TRAP VIR TRAP: Twee deelnemers aan die Absa Cape Epic-bergfietstoer swoeg deur ’n bosstok-wingerd tydens dié uitmergelende toer se vyfde skof tussen Worcester en Wellington. Dit is alombekend dat ouer bosstok-wingerde wyn van ’n hoë gehalte lewer. “Sulke wingerde is baie meer in balans as opgeleide wingerde en lewer mooi, gekonsentreerde wyne,” sê mnr. Francois Viljoen, konsultasiebestuurder by Vinpro. “Dit is ook baie goedkoper. ’n Tradisionele opleistelsel kan boere R50 000 tot R60 000 uit die sak jaag. Dit sluit nie eens die arbeid om die stelsel op te rig in nie.” Maar bosstok-wingerde is stadig maar seker besig om minder te word omdat die prys wat die kelders en aankopers vir die druiwe betaal, nie vergoed vir die laer produksie van sulke wingerde nie. “Dit is ook moeiliker om…

WIE’S IN DIE BESKULDIGDEBANK? “Moenie hof toe gaan oor geld nie. Net prokureurs en advokate word ryk in die hof.” Dis mos die goue reël. Dit lyk my die beste wat ’n mens van howe kan verwag, is om ’n beginsel te vestig. En dit is presies wat al hoe meer mense doen in die afwesigheid van doelgerigte en konstruktiewe wetgewing. Soos om die blatante uitbuiting van plaaswerkers stop te sit. Nie uitbuiting deur boere nie, maar deur geldvoorskieters en skuldinvorderaars. Tans word slotbetoë in die Wes-Kaapse Hooggeregshof aangehoor in die waterskeidingsaak oor die roekelose uitlenings aan plaaswerkers en die moontlik ongrondwetlike, en definitief skandalige, skuldinvorderingsprosesse wat gereeld daarmee gepaardgaan. Eers word geld teen onbekostigbare rentekoerse deur geldvoorskieters aan plaaswerkers geleen. Die skuld word weer verder verkoop, met rentekoerse wat…

WENBRIEF OPE BRIEF AAN MNR. GUGILE NKWINTI Ek rig hierdie brief aan mnr. Nkwinti, Minister van Landelike Ontwikkeling en Grondhervorming, na aanleiding van die berig “Boere reageer goed op voorstel” (Die Burger, 21 Maart). Daarin beweer u dat die boere goed reageer op die 50-50-beleidsraamwerk om hul werkers te help bemagtig, en u noem voorbeelde. Die eerste voorbeeld is dat drie boerderye, insluitend die Du Toit-groep, 50 ha aan hul werkers bewillig het. Daarvoor sal hulle vennootskappe met hul werkers aangaan op voorwaarde dat die staat ’n dam se houvermoë verhoog. Nêrens word dit genoem dat die drie boerderye bereid is om die helfte van hul plase af te staan nie. Impliseer dit dat 50 ha genoeg vir hul werkers is? Die volgende voorbeeld wat u noem, is ’n boer…

MNR. CHRISTO JOUBERT is die hoof uitvoerende bestuurder van die Grasslands-groep by Jeffreysbaai. Mnr. Trevor Elliot, ’n melkboer in die Tsitsikamma en eienaar van Grasslands, het 11 jaar gelede ’n suksesvolle bemagtigingsprojek aangepak. Hulle sukkel egter nou om iets soortgelyks vir hul ander werkers tot stand te bring. Lees die artikel op bl. 40. VERTEL ONS MEER VAN JOUSELF Ek kom oorspronklik van die Boland – gebore in Montagu – en is met Carina getroud. Ons het ’n seun, Jean (8), en ’n dogter, Karli (10). Ek het ’n graad in chemiese ingenieurswese aan die Universiteit Stellenbosch verwerf en was vir 15 jaar in die metallurgiese bedryf werksaam. In Oktober 2012 is ek as hoofbestuurder by Grasslands aangestel. WATTER RUGBYSPAN ONDERSTEUN JY? Ek is ’n Stormer. WIT- OF ROOIWYN? ’n…