Landbouweekblad 23-Dec-16

’N BRAHMAN ONDER BRAHMANE ’n Nuwe Suid-Afrikaanse rekordprys van R800 000 is vir dié Brahmanbul, R10 12/314 Sir Christoff, van mnr. Llewellyn en me. Corrie Labuschagne van Letsitele in Limpopo op hul jaarlikse produksieveiling op Bela-Bela betaal. Die koper was mnr. Paul Duarté van Pretoria. Dit oortref die vorige rekordprys van R575 000 wat vir die bul HOT 08/732 Mr Moremi van mnr. Linde du Plessis van Fouriesburg betaal is. BEK-EN-KLOU KOMMER Die Landbounavorsingsraad (LNR) is tans by ’n kruispad wat betref ’n nuwe entstof teen bek-en-klouseer wat minder afhanklik is van die koueketting. Daar was belowende proefresultate van twee termo-stabiele entstowwe wat vee ten volle beskerm tot vyf maande ná inenting. Produksie is egter afhanklik van die aanbou van ’n bek-en-klouseer-produksieaanleg, wat al verlede jaar voltooi sou word, maar…

15% Die parlementêre toelaes aan die Landbounavorsingsraad (LNR) is met 15% in die afgelope boekjaar tot R782 miljoen verminder. Dié besnoeiings het die LNR se inkomste laat daal vanaf R1,358 miljard tot R1,233 miljard. Dit het ’n uiters ongunstige impak op die organisasie se werk, sê dr. Shadrack Moephuli, die LNR se hoofbestuurder. Landbouweekblad berig in ’n volgende uitgawe vollediger hieroor. 1 In November is een meer trekker en een meer stroper verkoop as die ooreenstemmende tyd verlede jaar – 453 trekkers en 12 stropers. Tot dusver vanjaar is trekkerverkope 13% laer as verlede jaar en stropers 15%. Die Suid-Afrikaanse Landboumasjinerie-assosiasie sê boere is ná die ergste droogte in jare versigtig om skuld aan te gaan voor hulle meer sekerheid het oor hul gewasse. Banke is huiwerig om masjinerie te…

Mnr. Donald Trump, nuutverkose Amerikaanse president, maak geen geheim van sy minagting vir die teorie oor klimaatsverandering nie. Suid-Afrikaanse boere kan kwalik dié benadering navolg, sê mnr. Paul Harman, bedryfsbestuurder van die Sitruskwekersvereniging. Dit maak eenvoudig sin dat boere volhoubare boerderypraktyke beoefen – vir die omgewing én hul balansstaat. Boere het egter gesonde steunstrukture nodig om dit reg te kry, veral van die Regering. In dié verband het die Suid-Afrikaanse Regering en bedryfsorganisasies weliswaar steun aan boere verskaf om hulle te help om volhoubaar te boer, beginnende in die Wes-Kaap. Dit sal hopelik met die verloop van tyd uitbrei na die res van die land. Dié steun kom in die vorm van inisiatiewe, soos SmartAgri, die Greenagri-portaal, GreenCape se sektorelessenaar, FruitLook en ander projekte wat gegrond is op gemeenskapsgebaseerde aanpassing…

‘ ’n Stoetbul moet die volledige pakkie wees en niks minder as die beste is goed genoeg nie.’ MNR. HEINRICH BRUWER, Voermol se Beesboer van die Jaar, oor hoe hy teeldiere selekteer. Bl. 38 ‘Ons is maar bekommerd, want jy het net soveel chemiese middels en skietgoed om te gebruik.’ MNR. GRANT SMUTS, tamatieboer van Robertson, oor die uitbreekvan Tuta absoluta. Bl. 15 ‘Dit lyk asof die Arktiese Oseaan vergeet het dit is veronderstel om nou toe te ys.’ MNR. ROBERT HENSON, bekende klimaatskrywer. Bl. 30 ‘Die direkteur-generaal staan maar net aan die hoof van ’n reeds disfunksionele departement. MNR. THOMAS WALTERS, DA-parlementslid, oor die skielike skorsing van mnr. Mdu Shabane, die DG van Landelike Ontwikkeling en Grondhervorming. Bl. 14 ‘Daar is nie genoeg landbougrond in die wêreld nie. As…

In ’n onlangse aanbieding tydens die African Investment Indaba in Kaapstad het ek die sakeperspektief vir kommersiële boerdery in Afrika voorgehou. Ek het besluit feite sal die boodskap die beste oordra en gee dit gevolglik bloot weer in dié stuk: Res ipsa loquitur. Die gehalte van primêre inligting bepaal die gehalte van sekondêre strategiese ontwikkeling. Dit geld ook landboustrategieë in Afrika. Ek grond my stelling op vier argumente. Eerstens, Suid-Afrika se kommersiële landbou groei vinnig en is besig om tot die mees gevestigde en winsgewendste sektor op die vasteland te ontwikkel. Suid-Afrika is tans die Afrika-land met die grootste voedselsekerheid en daarbenewens die enigste netto uitvoerder van produkte op die vasteland. Die netto verdienste van die Suid-Afrikaanse landboubedryf beloop jaarliks ongeveer R80 miljard en sorg terselfdertyd vir sowat 8% van…

WENBRIEF INSPIRASIE, TROOS EN HOOP Ds. Kobus van der Westhuyzen, vandag wil ek dankie sê dat u week ná week vir ons leesstof in Landbouweekblad neerpen wat waarde het vir my Christenskap. As ek soms tog getwyfel het, is dit nou ’n werklikheid dat ek ’n Jesuskind is. Ek is ’n leesvraat en geen tydskrif word in my donasiemandjie (my ma versprei dit onder bejaardes in Modimolle) weggepak voordat ek nie ten minste my gunstelingrubrieke en -artikels gelees het nie. Op 14 September besluit ek om my man se bedkassie reg te pak voor ek by die hospitaal moet inboek vir ’n mammogram. In die hopie tydskrifte is daar toe ’n LBW van Maart vanjaar wat ongesiens by my verbygeglip het en ek sit dit onmiddellik eenkant. Met ’n koppie…