Landbouweekblad 14-Jul-17

SLIMKOPPE Dié groep doktorsgraadstudente en prof. Johan van Rooyen (middel), van die Universiteit Stellenbosch se departement landbou-ekonomie, het 22 ander universiteitspanne uitgestof in die internasionale voedsel- en landbou-sakebestuursvereniging se studente-gevallestudiekompetisie in Miami, Florida. Hulle moes met ’n kreatiewe en praktiese oplossing vir ’n komplekse landbou-gevallestudie in ’n opkomende mark vorendag kom. Van links is mnr. Johann Boonzaaier van die Universiteit Stellenbosch, me. Melissa van der Merwe van die Universiteit van Pretoria, Van Rooyen, mnre. Jan Swanepoel van die Universiteit van die Vrystaat en Heinrich Jantjies van die Universiteit Stellenbosch. G’N ENT VIR VOËLGRIEP Inenting teen voëlgriep is nie in die land se beste belang nie, sê mnr. Senzeni Zokwana, Minister van Landbou, Bosbou en Visserye. Dit kan volgens kenners die virus moeilik bespeurbaar en dus mettertyd endemies maak, monitering bemoeilik…

8% Die uitvoervolume van appels en pere sal na verwagting 8% laer as verlede jaar wees weens die uitwerking van die voortslepende droogte in produksiegebiede. Hortgro sê vrugtegroottes het gely onder droogte- en hittegolftoestande. Appeluitvoer sal na verwagting 9% laer wees en peeruitvoer 6% laer. Die grootste dalings word verwag in Pink Lady-appels (29%) en Vermont Beauty-pere (19%). – Hortgro R1 miljard Die Namibiese regering hoop dat die land se tafeldruiwe-uitvoer vanjaar nagenoeg N$1 miljard (R1 miljard) kan wees danksy vinnige groei sedert 2015. Me. Lucia Basson, die Kharas-goewerneur, sê daar is tans 1 729 ha onder produksie. Daarvan is 1 453 ha by Aussenkehr. Teen die einde van die jaar behoort meer as 2 200 ha by dié syfer gevoeg te word danksy nuwe aanplantings. – Bizcommunity 20% Die…

ONS KOM HELP. Mnr. Burre Burger is een van talle mense wat die afgelope jaar groepe op sosiale media gestig het om boere te help in rampgebiede waar die droogte nog nie gebreek is nie. Hy het dié foto verlede maand geneem toe lede van sy Facebook-groep, Calvinia Nood, hul 118de vrag laatmiddag op Vanrhynsdorp afgelewer het. Hy het die groep vier maande gelede gestig om mense in Calvinia in die Noord-Kaap te help, maar sedertdien het hulle onder meer ook na Reitz, Prieska, Williston, Springbok en Copperton uitgebrei. Hulle het al nagenoeg 500 ton voer en mielies vervoer. Die meisie in die middel is sy dogter, Beate.…

ME. NKOSAZANA Dlamini-Zuma se “oproerige” ondersteuners, meestal van KwaZulu-Natal, het blykbaar op die ANC se beleidskonferensie in Johannesburg probeer keer dat mnr. Ma-thole Motshekga afgevaardigdes toespreek oor grondhervorming. Motshekga is ’n lid van die party se nasionale uitvoerende komitee. Die groep afgevaardigdes was gekant teen Motshekga se verwerping van ’n voorgestelde Grondwet-wysiging wat die onteiening van grond sonder vergoeding sal toelaat. Volgens ’n bron het Motshekga aangedring dat die voorstel “irrasioneel en roekeloos” is. Motshekga het glo benadruk dat die Grondwet bepaal dat enige veranderinge daaraan binne die raamwerk van die Grondwet en die reg moet geskied. Dlamini-Zuma was blykbaar op dié sessie teenwoordig en het Motshekga se reg om te praat verdedig. Die ANC is verdeeld oor onteiening sonder vergoeding. Pres. Jacob Zuma en sy tuisprovinsie, KwaZulu-Natal, steun dié…

‘Ek hoop ek kan sommige van julle in aktiviste verander.’ MNR. PRAVIN GORDHAN, voormalige Minister van Finansies, aan landbou-sakelui oor sy hoop op ’n meer regverdige ekonomiese bedeling. Bl. 15 ‘Ons drinkwater en veewater is op, ons riviere staan en ons damme is leeg.’ MNR. WEEBER TRUTER van die Herold-landbouvereniging, oor die verwoestende droogte wat daar heers. Bl. 16 ‘Dit kan aanvaar word dat ’n chaos heers in die lisensiëring en administrasie van vuurwapens. ’ REGTER RONEL TOLMAY, in die uitspraak waarin sy dele van die Vuurwapenwet ongeldig verklaar het. Bl. 15 ‘Almal gaan so aan oor antibiotika, maar wat anders kan ons doen? Jy spuit eerder R10 000 se antibiotika as om R50 000 se vee te verloor.’ MNR. BERTUS SWANEVELDER, ’n boer van Vaalwater, oor die voortslepende vertraging…

BEWARINGSLANDBOU ÁL UITWEG IN NOORDWES Bewaringslandbou — ’n kombinasie van geenbewerking (of minimale grondversteuring), wisselbou en die behoud van ’n deklaag van oesreste — is die enigste manier om volhoubaar graan te verbou. Konvensionele grondbewerking, wat uit skeurploegbewerking (rip), ploeg en skoffel bestaan, veroorsaak erosie en die agteruitgang van die grond se gehalte. Bewaringslandbou word op ’n beraamde 20% van die grond in die somersaaigebied toegepas, terwyl die oppervlakte in KwaZulu-Natal en die Wes-Kaap ongeveer 80% is. In die somersaaigebied word dus hoofsaaklik op konvensionele grondbewerking staatgemaak om graan te verbou. Die vooruitsig vir mielies met bewaringslandbou lyk egter baie gunstig in veral Noordwes. Noordwes se klimaat is droog en die grond is oorwegend sanderig. Internasionale navorsing toon dat hoër opbrengste met geenbewerkingsmielies in dié toestande verwag kan word. Die…