Landbouweekblad 06-Oct-17

EERBEWYS Lucille Botha, assistentredakteur van Landbouweekblad, het Vrydagaand die 13de Izethelo-eerbewys vir landboujoernalistiek ontvang op die 42ste gala-aand van Hortgro, die produsente-organisasie vir die Suid-Afrikaanse sagtevrugtebedryf. Benewens haar werk as assistentredakteur en artikels oor verskillende bedryfsvertakkings heen behartig Lucille ook die beplanning van die gesinsblaaie en skryf sy artikels vir Landbou Boerekos. Lucille is vereer vir haar beriggewing oor sagtevrugte en wyn. Mnr. Dappie Smit, hoof van bedryfsdienste by Hortgro, het gesê Lucille se artikels toon dat sy die vrugtebedryf in sy volle diversiteit volg, en altyd ewewigtig en met goeie begrip daaroor berig. Artikels wat uitgesonder is, is “Geveerde bome soos goud vir vrugteboere” (LBW, 4 Augustus 2017), “Kampioene van die kultivarspel” (21 April 2017), “Inmaakboere se kele met stomp mes gesny” (30 Junie 2017) en “Kan SA koning…

2 miljoen Sowat 2 miljoen hoenders en eende in die Wes-Kaap was teen einde verlede week al van kant gemaak weens die uitbreking van die hoogs aansteeklike virus H5N8. Mnr. Alan Winde, minister van landbou in die Wes-Kaap, sê ’n week gelede is dit al op 26 plekke in die provinsie geïdentifiseer. Ses provinsies word geteister. Die ander is Mpumalanga, die Oos-Kaap, Gauteng, KwaZulu-Natal en Noordwes. — Joylene van Wyk 21 800 ton Suid-Afrika het net 21 800 ton koring in die week tot 22 September ingevoer. Met die bemarkingsjaar op ’n einde en net verlede week se syfers uitstaande, lyk dit onwaarskynlik dat die invoerteiken van 980 000 ton koring vir die jaar behaal is. Om die teiken te behaal, sou 124 000 ton verlede week ingevoer moes word…

MET ruvoerbronne onder groot druk in die grootste deel van die Oos-, Noord- en Wes-Kaap moet melkboere behoorlik opdok vir hooi en lusern van goeie gehalte. Dié Holsteinmelkkudde wat naby Kookhuis in die Oos-Kaap staan, kry ’n volvoerrantsoen wat uit ’n mengsel van groen lusern en mieliekuilvoer bestaan. Boere in dié omgewing wat nog toegang tot sterk besproeiingswater uit die Gariepdam het en self ruvoer verbou, is in ’n mate gespaar van die ergste slae wat die droogte tans uitdeel. As dié boere lusern uit die Noord-Kaapse besproeiingsgebiede moes aankoop, sou dit sowat R2 200 per ton lusern en R500 per ton aan vervoerkoste kos.…

’n Teenkorrupsie-eenheid moet gestig word om korrupsie in die landboubedryf te ondersoek, sê mnr. Bheki Cele, Adjunkminister van Landbou, Bosbou en Visserye. Hy het op ’n byeenkoms in Umlazi, suid van Durban, gesê toe hy onlangs die departement se kantoor by Cato Ridge besoek het, het hy gesien nuwe trekkers wat die Regering gekoop het, staan toegegroei onder die gras pleks daarvan dat dit gebruik word om ontwikkelende boere te help. Daar is ook verrotte saad ontdek. “Korrupte amptenare koop die saad in groot maat, neem wederregtelik ’n deel van die wins en gee dan nie om wat verder daarvan word nie,” het hy gesê. Cele wil hê die departement moet die bestuur van die toerusting oorneem. “Die Regering het dit gewoonlik in die hande van tradisionele leiers gelaat, maar…

‘As ons boere nie die draak van landelike misdaad aandurf nie, gaan die draak hulle verslind.’ DR. THEO DE JAGER, voorsitter van die wêreldorganisasie vir boere (WFO) op ’n internasionale landelike misdaadkonferensie. Bl. 14 ‘Sy het ons laat weet dat plekke min raak en dat ons die registrasietarief van R1 200 moet betaal om plek te verseker.’ ME. KARIEN VAN RENSBURG van Polokwane oor ’n beweerde bedrogspul by die “Vaal Landbou Kollege”. Bl. 15 ‘Ek het net gedink ’n rand in die sak is beter as twee wat net moontlik daarbuite rondsweef.’ MNR. TIAAN BUYS, deeltydse boer en rekenmeester, wat aan BVG se verskansingskompetisie deelgeneem het. Bl. 16 ‘Ons het nog min kennis van die plaag omdat dit nou eers vir die tweede seisoen in Suider-Afrika voorkom.’ MNR. FANIE YSSEL,…

WIE, WAAR, HOEVEEL? Tussen die Springbokke, die weer en die onlangse kwaai brande is daar wel ’n bietjie goeie nuus. In die Parlement se wandelgange hoor ons dat die Regering uiteindelik sy grondoudit gaan bekend maak. Met syfers kan ons ’n sinvolle gesprek begin voer, sodat ons ook kan begin praat oor ander dringende sake, soos veranderende weerpatrone, Suid-Afrika se waterkrisis en nuwe uitvoergeleenthede om broodnodige buitelandse valuta te verdien. Dit behoort mos glad nie so ingewikkeld te wees nie. Ons weet hoe groot Suid-Afrika is en ons weet ook waar die hoëpotensiaalgrond lê — ’n mens hoef net te kyk waar die meeste reën val. Daar’s ook die aktekantoor waar alle grondtransaksies registreer word. Tussen dié drie behoort ’n mens darem ’n heel skaflike aanduiding te kry van wat…