Indholdsfortegnelse for 7-Jun-19 i Landbouweekblad

HOEVEEL PEULE? Dié allemintige sojaplant is mnr. Danie Bester van Balfour in Mpumalanga se inskrywing vir die jaarlikse kompetisie wat hy en mnr. Stefan Jacobs van die onderneming Stoller Suid-Afrika hou om te sien wie die enkele sojaplant met die meeste peule kan produseer. Bester sê verlede jaar se wenplant het 1 605 peule opgelewer. Jacobs reken dit kan die meeste peule wees wat nóg in Suid-Afrika op ’n sojaboonplant getel is. Intussen kan lede van die publiek skat hoeveel peule die plant dra. Bester sê die skattings is tans ’n bietjie hoog, omdat die plant vanjaar sowat ’n maand te laat aangeplant is en die grondtemperature nie ideaal was nie. Die sojaplant sal nou ’n maand lank gedroog word, waarna die peule getel sal word. Enigeen wat ’n raaiskoot…

Me. Annabel Bishop, ekonoom van Investec, meen die Reserwebank se besluit om rentekoerse onveranderd te laat, was te verwagte. Die feit dat die bank aangedui het dat hy ’n rentekoersdaling steun, was egter onverwags. Bishop meen indien die wêreldwye handelspanning verhoog en in ’n volskaalse handelsoorlog ontaard, kan daar grootskaalse verkope van bates in ontluikende markte plaasvind. Daarmee saam kan die rand verswak. In daardie geval sal daar nie ’n rentekoersverlaging wees nie; daar kan selfs die risiko van ’n rentekoersstyging ontstaan in ’n poging om massiewe bateverkope te voorkom. Ons moet hoop ons gaan nie in só ’n situasie beland nie. Dit hang uiteindelik af wat tussen China en Amerika gebeur. China sê nou hy gaan dalk nie verder met Amerika onderhandel nie, gegewe die vlak van bitterheid, wat…

ARTIKELS & RUBRIEKE ■ Meet jou waterspoor en bespaar ■ Beefmaster blink uit in omgewing met Britse rasse ■ Drupbesproeiing by vrugte: Behou opbrengs & bespaar 50% water! ■ Vet: Vergeet ou deuntjie en ontgin nuwe moontlikhede ■ Begin meet, weeg vir optimale voerwins ■ Smoor onkruid eenvoudig in die kiem SPESIAAL ■ Trekkers en werktuie; Opleiding; Beefmaster-bylae GROOTVEE Mnr. Myles van Deventer van Baynesfield tussen Pietermaritzburg en Ixopo boer pens en pootjies met Beefmasters in ’n gebied waar die meeste boere verkies om met Britse rasse te boer. Hy verduidelik waarom die Beefmaster die logiese keuse was om ’n voerkraal te begin en die wisselende mielieprys die hoof te bied.…

MNR. DAWID KRAUSE van Windhoek, korporatiewe handelsmerkspesialis en tegniese raadgewer by die stoetveediens van Feedmaster, ’n Namibiese veevoermaatskappy, speel ’n belangrike rol in die veldbulbeweging in dié land. Lees op bl. 38 waarom veldbultoetse so belangrik is in Namibië. VERTEL VAN JOU GESIN. Ek en my vrou, Ansie, haar lewe lank ’n onderwyser, het een seun, Herman, ’n mediese verteenwoordiger in Namibië. WAT HET JY NÁ SKOOL GESTUDEER? Ek het ’n landboudiploma deur die eertydse Sukses-kollege verwerf. HET JY ’N STOKPERDJIE? Toe ek jonk was, het ek windseilplankry baie geniet. Ek werk graag met my hande en bou modelvliegtuigies en doen houtwerk. Verder hou ek van tiervishengel en kosmaak. WAAR HOU JY VAKANSIE? Ons gesin is kampeerders, veral by riviere soos die Okavango en Zambezi. Ons hou ook van 4x4-toere.…

DIT raak al hoe moeiliker vir voedselmaatskappye om hoër insetkoste na verbruikers deur te gee. Brandstof- en mieliepryse wat styg, terwyl die prys van papmeel daal, het juis daartoe gelei dat Pioneer Food Group se wesensverdienste en bedryfswins vir die halfjaar tot einde Maart getuimel het. Dit is ondanks hoër verkoopsvolumes en ’n groter omset, sê mnr. Tertius Carstens, uitvoerende hoof van die maatskappy, wat onder meer mieliemeel, pasta, ontbytgrane en vrugtesap vervaardig. “Brandstofkoste het op ’n jaargrondslag met 19% gestyg, ons het meer mense in diens geneem nadat ons ons bakkerye uitgebrei het en ons moet nou ingroei in dié vermoë wat ons geskep het,” het Carstens aan Landbouweekblad gesê. Pioneer se wesensverdienste het in dié tydperk met 15% tot R506 miljoen gedaal, hoewel sy inkomste met 11,5% tot…

MNR. JOHAN VAN DER SCHYFF, ’n 36-jarige eierprodusent van Plettenbergbaai, is op ’n geselligheid in Durbanville as Agri Wes-Kaap en Santam Landbou se Jongboer van die Jaar vir 2019 aangewys. Hy sal later vanjaar met jong boere van oor die land heen meeding in Agri SA en Toyota SA se nasionale Jongboer van die Jaar-kompetisie. Van der Schyff is saam met vyf ander jong boere benoem: mnre. Stephan Bas-son van Malmesbury, Wessel van Dyk van Napier, Nicolaas Jonker van Bonnievale, Fourie Zulch van Ceres en Ian Cunningham van Elgin. Hy boer reeds 18 jaar op die plaas JJ van der Schyff en Seuns wat hy in 2001 by sy pa oorgeneem het. Die grootste vertakking van die boerdery is die eierproduksie-eenheid wat sy pa in 2000 met 100 000 henne…

DIE LANDBOUSEKTOR is uitgesonder as dié sektor wat werkskepping en ekonomiese groei kan bevorder, en ’n vyfjaarplan wat daarvoor opgestel is, is nou in ’n groot mate deur die regering aanvaar. Só het dr. John Purchase, uitvoerende hoof van die landbousakekamer Agbiz, gesê in sy openingsrede op die onlangse Ensminger-varksimposium op Benoni. Hy sê Suid-Afrika se voedselsektor is ’n reusebate vir die land, en pres. Cyril Ramaphosa besef dit. “Hoewel die sektor, soos die res van die ekonomie, ook onder druk is en baie struikelblokke moet oorkom, is daar ook ongelooflike geleenthede weens die groeiende bevolking, nuwe neigings met verbruikersbesteding en nuwe markte wat oopgaan.” GOEIE NUUS Purchase het landbou-uitvoer, wat verantwoordelik is vir nagenoeg 53% van die landbou se totale verdienste, as die goeie nuus in die sektor uitgesonder.…

1 KENIA| Avo-boere verander deuntjie oor China-ooreenkoms Avokadoboere in die Kiambu-distrik wil hê ’n onlangse ooreenkoms om Hass-avokado’s na China uit te voer, moet hersien word. Die boere is ontevrede oor die Chinese regering se streng invoermaatreëls waaraan Kenia moet voldoen vóór die produkte op die Chinese mark mag kom. Die ooreenkoms vereis dat boere masjinerie en verkoelers moet aanskaf sodat die vrugte voor uitvoer eers geskil en dan tot -300 C bevries kan word. Tydens vervoer moet die vrugte teen -180 C verkoel wees. Mnr. John Karanja, ’n avokadoboer van Githunguri in Kiambu, sê dié vereistes sal talle voornemede produsente verhinder om direk aan die uitvoer deel te neem. — Standard 2 BURKINAFASO| GM nie rede vir katoeninsinking Burkina Faso se katoenprodusente-organisasie het in April 2018 ’n…

Die droogte het ’n keerpunt bereik met die laat reënval in 2018. Die verwagting is dat Suid-Afrika se somerreënproduksiegebiede vir die komende seisoene ’n toename in reënval sal ervaar. Tesame met die relatief hoër kommoditeitspryse en verwagte toename in produksie sal dit lei tot verhoogde totale bruto produksiewaardes vir die gewasse wat in die produksieseisoene 2019-’20 en 2020-’21 geproduseer gaan word Die totale boerderyskuld het weens die lae reënval ( TABEL 1 ) in die produksieseisoene 2014-’15 en 2015-’16 (Julie tot Junie) aansienlik toegeneem op ’n jaarlikse grondslag ( TABEL 2 ). Die totale landbouskuld het toegeneem van R102,5 miljard in 2013 tot R133,1 miljard in 2015. Landbouskuld het dus met R6,9 miljard (of 22%) by die Land Bank toegeneem, en R22,9 miljard (of 40%) by kommersiële banke. Suid-Afrika se…

Heelwat nuwe vroeë en mid- tot laat steen- en kernvrugtekultivars, waaronder ook appelkultivars, word tans deur Prover, ’n private, onafhanklike evaluasie-organisasie namens die Sapo- (SA Plantverbeteringsorganisasie) trust op Stellenbosch geevalueer. Vyf appelkultivars lyk tans belowend, maar veral twee daarvan – SQ159 en SQ133 – lyk baie belowend, sê me. Elsa Muller, steen- en kernvrugbestuurder by die trust. Hoewel evaluasie ingevolge smaak, voorkoms en houvermoë gerig word, word ook groot klem op weerstandbiedendheid teen swamsiektes, soos appel-skurf, geplaas. Die twee kultivars is albei uit die Fresh Forward-stal en albei dui reeds goeie weerstand teen appel-skurf. Muller meen die afgelope jaar word groei in die binnelandse mark vir appels hoofsaaklik aangehelp deur ’n toenemende voorkeur na vars vrugte teenoor verwerkte vrugte onder ’n groeiende middelklas in die land. “Appels is gewild in…

Jy hoef nie ’n rekenaarprogrammeerder te wees om die nuutste tegnologie in jou boerderybestuur in te span nie. Mnr. Edrean Ernst van die Allesbeste-boerdery het op die onlangse Maluma-simposium op Tzaneen vertel hoe hy die ideale oplossing vir hul boerdery se data-insameling en -verwerking gekry het, terwyl hy eintlik beoog het om juis só ’n program te laat skryf. Hy het gesê data-insameling en -verwerking is ’n daaglikse kwessie vir alle boere – van oesinsameling tot die bestuur van spuitprogramme. “Dit maak nie saak wat ons doen nie, ons is voortdurend besig om data bymekaar te maak. Meestal word die inligting op allerlei maniere vasgevang, op ’n stuk papier of agterop ’n sigaretboksie geskryf. As jy gelukkig is, word dit later iewers in ’n stelsel opgeneem. As jy iemand het…

Die deursneemens kan met sy arms en bene 150 kWh se meganiese werk per jaar doen. Dit is net soveel soos wat ’n groot groen, rooi of blou trekker in ’n uur kan doen. Die mens se eie werksvermoë is net voldoende om homself aan die lewe te hou en is nie genoeg om enige betekenisvolle produksie te verrig nie. Sonder brandstof kan die groot trekker, ongeag die kleur daarvan, óók geen bydrae tot produksie lewer nie. Dit kom dus daarop neer dat energie, in watter vorm ook al, die mens in staat stel om masjiene te gebruik waarmee hy sy produksievermoë met tot 1 000 keer kan verhoog. Anders gestel, ekonomiese uitset is gelykstaande aan die hoeveelheid energie wat beskikbaar is. Arms en bene word net gebruik om skakelaars…

Die opgekikkerde T-reeks Valtra Versu-trekkers is deur Valtrac van Parys vertoon. Hierdie reeks spog nou met ’n armrus wat met instrumente toegerus is, en wat die bestuurder in staat stel om die trekker se verskillende aksies met die blote aanraak van die beheerpunte te beheer. Die T234-modelle op die foto kos ongeveer R2,875 miljoen. NAVRAE: Mnr. Attie de Villiers, 083 261 9863, 056 817 7308. Mahindra is beter bekend om sy voertuie, maar trekkers met dié handelsnaam is nou ook in Suid-Afrika beskikbaar. MB Agri van Germiston het reeds vyf modelle. Die 86-110P-model op die foto is egter nog nie hier nie. Dié model is ’n trekker van 81 kW met vierwiel-aandrywing. Die prys is nog nie vasgestel nie. Mnr. Morné Tewitz (links) en me. Natascha Meyer van dié maatskappy…

Daar is veral twee wbakterieë wat absesse by skape en bokke veroorsaak: Corynebacterium (ovis) pseudotuberculosis en Trueperella (Corynebacterium, Arcanobacterium) pyogenes. Die taksonome verander gedurig hul name! Daar is geen bloedtoets vir die besmettings nie. Deur monsters te neem en dit op bloedagar te groei, kan daar in die laboratorium vasgestel word watter kiem op die plaas betrokke is. Besmetting met die bakterie Corynebacterium (ovis) pseudotuberculosis veroorsaak by skape en bokke in die meeste gevalle kaasagtige limfklierontsteking (een of meer limfkliere ontsteek) — met ander woorde, absesse van die limfkliere. Soms kan die besmetting tot longonsteking, lewerontsteking, mastitis, gewrigsontsteking, ontsteking van die testes, absesse onder die vel, aborsies, doodgebore lammers en vrektes net ná geboorte lei. ’n Sindroom kom ook voor waar rooibloedselle opbreek en geelsug by skape en bokke ontstaan.…

Ons het hoofsaaklik met Angorabokke geboer, maar ook ’n klein Dorperkudde aangehou. Namate die getalle vermeerder het, kon ons skape begin verkoop op die distrik se veeveilings en aan die plaaslike slagplaas. Die skape het ook beteken dat ons ’n “stukkie Karooskaap” aan vriende en familie kon verskaf. Voor elke koshuisnaweek of skoolvakansie, wanneer ons kinders uit die Boland heen en weer moes ry, is daar genoeg geslag vir die yslike koelboks wat saam is vir die oumas en vriende wat in tye van nood vir ons moes instaan by die kinders. Aan kuiergaste op die plaas het dit ook nie ontbreek nie. Die plaas was sowat drie en ’n half uur se ry van die Boland af en ’n heerlike kuierplek vir ’n langnaweek of ’n kort vakansie. ’n…

Die volgende ontleding van grondverkope in Suid-Afrika is van transaksies in die Oos-Kaap vir die 12 maande tot Februarie vanjaar vir grond van meer as 10 ha. Altesame 389 ooreenkomste is in dié tyd in 35 distrikte gesluit. In 23 distrikte is gunstige prysneigings waargeneem. Die grootste daling (-17,6%) was by Pearston, met die grootste styging by Humansdorp (20,4%). Distrikte waar dalende prysneigings waargeneem is, is veral in die ooste en suidooste van die provinsie. In dié tyd is 277 590 ha teen R2,316 miljard verhandel. Daarvan was 79 (20%) transaksies van kleur. Dit was 30 892 ha, oftewel 11,1% van die totaal. Een van die transaksies was staatsaankope vir grond wat vir landboudoeleindes bekom is, en 72 tussen individue. Ses transaksies val buite die landbou. Uit die totaal was…

BOEREDAE 23 JUNIE: NWKV-reproduksieinligtingsdag, Bredasdorp. Tania Lusse, 028 212 3160, Jannie Fourie, 083 564 1105. 3 JULIE: Val-boeredag, toerusting en demonstrasies, aangebied deur die Waterval-boerevereniging. Buite Standerton. Hardus, 083 230 2721; Frederik, 072 160 4824, e-pos: www.valboeredag.co.za 30 AUGUSTUS: Werksessie met prof. Johan Willemse, Bloemfontein. Tema: Vooruitsigte vir die graan- en vleismark. 083 381 8011, e-pos: marlene@jomar.co.za 10 SEPTEMBER: Bewaringslandbou-boeredag, Holmdene naby Standerton. Plaaslike en internasionale kenners, geenbewerkingpraktyke in Argentinië, werktuie en tegnieke. Hendrik Jordaan, WhatsApp: +54 11 4307 6412, e-pos: consultancy@laurik.com.ar FEESTE, EKSPO’S 14-15 JUNIE: Napier-wyn-enpatatfees. E-pos: info@napier winepatatfees.co.za , web: www.napierwinepatatfees.co.za 28-30 JUNIE: Spar Kirkwoodwildsfees, River Valley, Port Elizabeth. Jennifer Honsbein, e-pos: jenni@wildsfees.co.za, web: www.wildsfees.co.za, 042 230 0066. 5-7 JULIE: Tzaneen-avofees, Afrupro-pakhuis, Politsi. 082 823 1074, e-pos: avofees@gmail.com KONFERENSIES 12-13 JUNIE: NWKV se nasionale kongres, Pine Lodge-oord, Port…

R15,8 miljard Altesaam 28 Franse maatskappye het van Januarie 2013 tot September 2018 byna R16 miljard in Suid-Afrika belê. Dit maak Frankryk die dertiende grootste buitelandse belegger in die land. In dié tydperk is 32 projekte van stapel gestuur, wat 4 209 werkgeleenthede geskep het. Dr. Rob Davies, voormalige minister van handel en nywerheid, sê buiten motors, brandstowwe en lugvaartkomponente is Frankryk ook Suid-Afrika se grootste mark vir avokado’s. — Departement van handel en nywerheid 7,4% Die relatief mak inflasiekoers van 4,4% vir April verskuil die feit dat die styging van 12% in brandstofpryse op ’n jaargrondslag bygedra het tot ’n 7,4%-styging in vervoerkoste. Dus kan 1,1 persentasiepunt van die algehele 4,4%-inflasiekoersstyging regstreeks aan vervoerkoste toegeskryf word. Pryse, wat deur die staat vasgestel word, het skerp toegeneem. Die verbruikersprysindeks vir…

‘ ’n Elektroniese mark kan help om deursigtigheid in die Suid-Afrikaanse graanmark te verbeter.’ DR. MATT ROBERTS, graanmarkkenner, in sy verslag oor die koring-liggingsdifferensiaal. Bl. 14 ‘ ’n Boer wat ’n natuurlike vleiland op sy plaas bewaar om water te suiwer, moet daarvoor vergoed word.’ MNR. FRANCOIS STRYDOM, uitvoerende hoof van die Senwes-groep, oor hoe om Suid-Afrika se watertekorte aan te pak. Bl. 17 ‘Dit verg baie moed om internasionale oliemaatskappye teen te staan.’ MNR. DEREK LIGHT, die prokureur wat namens Agri SA optree in regsgedinge teen hidrobreking, oor boere se sukses tot dusver. Bl. 21 ‘Dit duur minstens vyf jaar van die ideestadium tot met oprigting begin word.’ DR. KILIAN HAGEMANN, uitvoerende hoof van G7 Renewable Energies, ’n energie-ontwikkelaar, oor die oprig van ’n windplaas. Bl. 24 ‘Grondhervorming gaan…

LBW 100 BRING HERINNERINGE TERUG Landbouweekblad se 100 jaar-uitgawe is die lekkerste leesstof van die jaar. Dit wek baie herinneringe. Die foto van afslaerlegende Namakwa Dreyer, wat ons gereeld as perde-aankondiger op die Dewetsdorpskou gebruik het, herinner aan die storie wat Chris Loock van Middelburg vertel. Hy en Namakwa was op ’n keer saam Krugerwildtuin toe. Chris sê dit was ’n vreeslike gesukkel, want waar hulle ook al stilgehou het, het Namakwa ’n paar boere geken. Dan moes daar eers gegroet en gesels word. Op pad om wit leeus te gaan kyk, skree Namakwa: “Stop, stop”, want hy herken ’n boer van Vrede se bakkie. Net daar word stilgehou en gesels. Die wit leeus is vergete, want, sê Namakwa: “Wit leeus kan jy enige tyd sien, maar jy kry nie…

SOOS verlede jaar kan die somerreënstreek sy eerste swaar ryp tydens die eerste helfte van Junie verwag. Mnr. Johan van den Berg, klimatoloog by Santam Landbou, sê tot dan dui weermodelle aan dat minimum temperature nie baie laag gaan daal oor die sentrale en noordelike dele van Suid-Afrika nie. “Hoewel dit nie ongewoon is dat Mei matige temperature en windstil dae het nie, was Mei vanjaar tot dusver besonder warm. Nog geen of baie min ryp het voorgekom. Die goeie reën in die laaste week van April het ook gesorg dat ryp nie sommer sal voorkom nie, want die lug bly vogtig, wat ’n tipe buffer na die atmosfeer is en hitte-uitstraling vanaf die aarde beperk.” WINTERGEWASSE Volgens Van den Berg kan die laat voorkoms van ryp riskant wees vir…

DIE oorregulering van veemiddels kan ernstige gevolge vir voedselsekerheid inhou. Só waarsku Afrivet, ’n lid van die Suid-Afrikaanse dieregesondheidsvereniging en ’n korporatiewe lid van Agri SA. Dié onderneming het luidens ’n verklaring ’n versoek tot mnr. Senzeni Zokwana, die uitgaande minister van landbou, bosbou en visserye, gerig om die onlangs gewysigde regulasies ingevolge die Wet op Misstowwe, Veevoer, Landboumiddels en Veemiddels (Wet 36 van 1947) te laat vaar en eerder met boere te praat oor hoe om antimikrobiese weerstand te bestuur. Die wysigings stel voor dat veemiddels in drie groepe verdeel word: ■ Middels wat slegs veeartse aan boere beskikbaar mag stel. ■ Middels wat veeartse én paraveterinêre kundiges aan boere beskikbaar mag stel. ■ Middels wat boere direk kan bekom, deur byvoorbeeld koöperasies. ’n Paar baie ou en veilige…

DIE moed en vasbeslotenheid van boere om Suid-Afrika se skaars waterbronne teen die gevolge van hidrobreking te beskerm, moenie onderskat word nie, sê die prokureur wat namens Agri-Oos-Kaap ’n hofstryd daarteen voer. Uitspraak is onlangs voorbehou in die appèlhof in Bloemfontein waar Agri Oos-Kaap die regsgeldigheid toets van tegniese regulasies oor hidrobreking wat deur die department van minerale hulpbronne ingestel is. “Boere en grondeienaars in die Karoo veg al sedert Januarie 2009 teen beoogde skaliegasontwikkeling in die Karoo en elders in die land. Die saak is ’n bewys van boere se vasbeslotenheid om ná meer as ’n dekade steeds sterk teen hidrobreking te staan,” sê mnr. Derek Light, die prokureur van Graaff Reinet wat namens Agri Oos-Kaap optree. As ’n regstreekse gevolg van die jare lange teenstand uit die boeregemeenskap…

SENWES is nou die meerderheidsaandeelhouer in die Noord-Kaapse landboumaatskappy KLK. Meer as 50% van KLK se aandeelhouers het Senwes se aanbod aanvaar. Die voorgenome transaksie is ook deur die Mededingingstribunaal goedgekeur. Mnr. Kobus Marais, voorsitter van KLK se direksie, sê KLK sal as maatskappy voortbestaan. Dit is net die aandeelhouding wat verander. “Senwes is vanuit ’n strategiese oogpunt ’n goeie keuse vir KLK en ons glo KLK sal met die nodige ondersteuning van Senwes verder uitgebou word.” Luidens ’n aankondiging wat op 20 Mei op KLK se webwerf geplaas is, het aandeelhouers van KLK wat nog nie die Senwesaanbod aanvaar het nie, nog 10 werksdae vanaf dié datum om hul keuse uit te oefen. Senwes se aanbod behels ’n kontantkoopprys van R19,50 per KLK-aandeel, betaalbaar deur Senwes, of ’n kombinasie…

Die grootskaalse uitbreking van die hoogs aansteeklike Afrika-varkpes in China kan internasionale graan- en vleismarkte in die komende paar jaar omverwerp met groot verskuiwings in handelspatrone en die verbruik van voergraan en vleis. Selfs die suiwelmark gaan nie gespaar word nie, omdat ’n groot deel van Europese weipoeier as veevoer na China gaan. China het die grootste varkkudde ter wêreld. Die sowat 600 miljoen varke behoort hoofsaaklik aan kleinboere, wat die bekamping van siektes moeilik maak. Die uitbreking van Afrika-varkpes einde verlede jaar het reeds tot gevolg dat sowat 200 miljoen varke uitgeslag moet word. Die uitbreking is egter steeds nie onder beheer nie. Die siekte het intussen na ander lande in Asië versprei. MARK VIR VEEVOER China voer jaarliks 90 miljoen ton tot 100 miljoen ton sojabone as veevoer…

Die vraag na Wagyu-vleis wêreldwyd is groot, maar die aanbod daarvan is klein, sê dr. Michael Bradfield van die Wagyu-telersgenootskap. “Wagyu-beesvleis is die begin van ’n nuwe kommoditeitsiklus in Suid-Afrika en aangesien telers nie eens plaaslik in die vraag voorsien nie, is dit ’n aanloklike sakegeleentheid vir enige beesboer,” sê Brad-field. “Boere besef watter groot potensiaal in kruisteling met dié ras opgesluit lê.” Besoekers aan vanjaar se Nampo-oesdag het hul lippe behoorlik afgelek vir die eetervaring wat Wagyu-vleis by twee verkooppunte op die terrein gebied het. By die stalletjie van die Nederduits Gereformeerde gemeente Vierfontein en by die ou veilingskompleks wat deur die Wagyu-telersgenootskap beman is, moes fynproewers dikwels onverrigter sake uit die lang toue omdraai om van die meer as 4 500 Wagyuburgers te bekom. Mnr. Brian Angus van…

CAPE WOOLS het pas ’n nuwe projek begin waarmee produsente in staat gestel sal word om die prestasie van hul skeersels te evalueer en te vergelyk met die markprestasie. Produsente hoef slegs by www.capewools. co.za te registreer en te klik op die skakel Analytics. Dit sal hulle toegang tot hul gegewens ten opsigte van wolproduksie vanaf 2006-’07 gee. Die program is so ontwerp om boere nie net in staat stel om skeerseleienskappe soos die lengte, mikron en skoonopbrengs van die verskillende seisoene te vergelyk nie, maar ook te kyk hoe hul skeersels prysgewys gevaar het vergeleke met die markpryse. Daarbenewens kan hulle vooruitskouings doen om te bepaal of hulle ’n beter inkomste sou verdien het as hulle byvoorbeeld in ’n sekere seisoen wol met ’n stapellengte van 80 mm gelewer…

Mikrobes word al hoe meer ingespan om plante se groei- en dus oespotensiaal te ontsluit sodat die boer nie meer slegs op chemiese kunsmis en ander middels hoef staat te maak nie. Dit is ook die regte rigting vir volhoubare landbou. Mnr. Henry Strydom, produkbestuurder van Nulandis in Barberton, het op die jaarlikse insettedag op die Leeuwpoort-proefplaas by Delmas gesê hul uitgangspunt is volhoubare landbou deur die natuur se potensiaal te ontsluit. Die dag is gereël deur Agronomy Info Services (AIS), ’n maatskappy sonder winsoogmerk wat deur dr. Derick van Staden bestuur word. Volgens Strydom is nét chemiese middels in die verlede gebruik, maar die afgelope paar jaar word ’n nuwe roete ingeslaan met biokultuur — ’n kombinasie van lewende mikro-organismes wat op die plantwortels toegedien word. Dit bestaan uit…

Byna twee maande nadat die Chinese regering wolinvoer vanaf Suid-Afrika tydelik opgeskort het weens die uitbreking van bek-en-klouseer vroeg vanjaar, het China op 8 Mei ’n kennisgewing uitgereik dat die verbod onmiddellik opgehef word. Hierdie nuus is deur die plaaslike wolbedryfgroep Cape Wools SA verwelkom, wat daarop gewys het dit impliseer dat enige gewaste wol of bokhaar nou na China uitgevoer kan word. Die voorwaardes waaronder vetwol uitgevoer mag word, sal egter onderhewig wees aan die regulasies vir veilige kommoditeite van die internasionale organisasie vir dieregesondheid (OIE). Die wolbedryf wag tans op groter duidelikheid oor hoe die departement van landbou, bosbou en visserye die uitreiking van gesondheidsertifikate binne dié spesifikasies gaan toepas. Dit is alles goeie nuus. Toe daar nog geen duidelikheid was oor wanneer die uitvoerverbod op Suid-Afrikaanse wol…

WAT WAS JOU BESTE BOERDERYBESLUIT NÓG? Om in die waardeketting te belê. Kontrakte en standaarde waaraan ons moet voldoen, het ons gedwing om meer uit te brei en presisiebestuur toe te pas in alles wat ons in die pakhuise en op die lande doen. WAT IS JOU GROOTSTE STRUIKELBLOKKE? ’n Gebrek aan mededingende prysstygings, asook toerusting, voertuie en gewasse wat snags gesteel en met bakkies en vragmotors weggery word. Beurtkrag die afgelope jaar het tot swakker opbrengste gelei omdat ons watersiklusse nie volgehou en voltooi kon word nie. Hael en storms is ook probleme. WAT IS DIE BESTE RAAD WAT JY AL GEKRY HET? My pa, Doeks, sê altyd: Jy moet nooit dink jy is te oud om iets nuuts by iemand te leer nie. Ook: Wees altyd bereid om…

Een van die eerste vrae wat voornemende bessieprodusente gewoonlik vra, is hoe lank die bedryf nog winsgewend gaan wees. Dié vraag word maklik beantwoord deur die statistieke en volumes wat maandeliks in Europa verkoop word. Gaan loer gerus na https://www.internationalblueberry. org/live-stats/ om ’n idee te kry van hoeveel Suid-Afrika tans lewer. Dis nog ’n druppel aan die emmer en plaaslike aanplantings sal tot sowat 8 000 ha moet groei om enigsins ’n impak op die Europese mark te maak. Hortgro, die vrugteprodusentevereniging, werk ook hard om bessie-uitvoer na China te bewerkstellig. As dit ’n werklikheid word, wag daar groot uitvoergeleenthede. Die plaaslike bessieprodusentevereniging (www.saberries. co.za) doen ook baie moeite om die binnelandse bedryf te bevorder en voornemende produsente te adviseer.…

Die eerste Pretoriase boeremark meer as 25 jaar gelede het “ ’n stormloop van Pretorianers” gelok. Só het die Landbouweekblad van 23 Oktober 1992 berig oor dié mark van die destydse Transvaalse Landbou-unie (TLU), wat vandag nog aan TLU SA behoort en steeds elke Saterdagoggend deur duisende mense besoek word. “So groot was die stormloop dat boere wat sesuur die oggend met hul vragmotors vol plaasprodukte daar aangekom het, ingewag is en nie eens kans gehad het om hul goedere van die vragmotors af te laai nie,” lui die berig. Onder die kopers was mnr. Johan van Wyk, wat ’n paar jaar later die markbestuurder sou word, en steeds is. As hy vandag terugdink aan daardie eerste mark, skryf hy die sukses daarvan toe aan goeie bemarking, die feit dat…

Een van Suid-Afrika se digters van die ouer geslag, C. Louis Leipoldt, het in sy bekende gedig “Opdrag” die volgende gesê: “Moed, mense, hou moed! / Die kwaad sal verander in goed / Die môrelig kom uit die duister.” Uit hierdie aanhaling wil ek ’n stelling onderstreep wat al menigmaal ’n interessante debat ontketen het, naamlik: “Die kwaad sal verander in goed.” Die vraag waaroor die debat gaan, is: Kan daar enige kwaad wees wat werklik iets goeds na vore bring? Aan die een kant is die argument: Uit die bose kom net boosheid na vore. Kwaad kan op geen manier – selfs nie eens ’n klein stukkie nie – goed oplewer. Die lyn tussen goed en kwaad is nie ’n stippellyn nie. Dis duidelik en sigbaar getrek – óf…

Dit was net nog ’n gewone naweek. So flouerig soos die Bulle se vertoning teen die Brumbies was, so goed was my laaitie se o.8-rugbyspannetjie vroeg Saterdagoggend. Dit was beslis die beste rugbywedstryd van die naweek! Mnr. Cyril Rampahosa is ook tydens dié naweek as Suid-Afrika se sesde president ingehuldig, daar op Loftus, waar ons Blou Bul-ondersteuners al baie lekker gekry het, maar deesdae maar swaar trek. ’n Mens hoop Ramaphosa is ’n Blou Bul en dat Loftus vir hom ’n bietjie geluk gaan bring, want die vet weet, ons het dit nodig. In baie opsigte sal sy presidentskap die land se laaste kans wees om dinge reg te ruk. Daar is nie meer genoeg aanloopbaan oor vir verdere uitstel of verskonings nie. Ons probleme is onmiddellik en dringend. Die…

BEVEILIG JOU PLAAS SÓ, SONDER DAT DIT SAKKE VOL GELD KOS “As ’n misdadiger jou wil aanval, is daar min wat jy kan doen om dit te voorkom as jy ’n maklike teiken is, maar as jy jouself en jou omgewing ’n moeilike teiken maak, kan jy die misdadiger afskrik.” Só het dr. Jane Buys, veiligheidrisiko-ontleder van Vrystaat Landbou (VL), op die Nampo-oesdag in ’n sessie oor veiligheid opgemerk. Buys het gesê daar is gesofistikeerde stelsels waarmee individue hulself en hul eiendom veilig kan hou. Almal het egter nie ewe veel geld om op veiligheid te bestee nie. Sy het gesê boere kan hul omgewing beter beveilig sonder dat dit hulle baie geld kos. Volg die skakel https://bit. ly/30EzkcD om die volledige berig te lees. RIA VISSER skryf: Kry opleiding…

Weens klimaatsverandering en die ekonomie wat onderdruk is, moet boere meer met minder doen. Baie sukkel om kop bo water te hou. Net in die afgelope twee jaar moes boere droogte, hael, beken-klouseer, kommandowurms en veldbrande die hoof bied. AFGRI se ondersteuningsfonds bied ’n belangrike baken van hoop aan landbougemeenskappe in Suid-Afrika. Dié fonds, wat in Februarie gestig is, bied finansiële ondersteuning aan begunstigdes in die landboubedryf, en is toegespits op diegene wat binne AFGRI se geografiese gebiede werk. AFGRI besef fondse soos dié moet volhoubaar wees om ’n werklike verskil te maak. Buiten ’n minimum jaarlikse skenking van R3 miljoen sal AFGRI dus verskeie gesellighede aanbied, waaronder gholf- en boeredae, om geld vir die ondersteuningsfonds in te samel. AFGRI aanvaar ook bydraes van individue en ander organisasies. Boere kan…

DIE REGERING se gesloer om die hoër tarief op ingevoerde koring, wat reeds twee keer die afgelope drie maande geaktiveer is, af te kondig, verhoog risiko’s in die hele koringwaardeketting. Die tarief wat op 12 Maart op R675/ton geaktiveer is, is op 24 Mei in die Staatskoerant afgekondig. Om dinge verder te kompliseer, het ’n hoër tarief van R958/ton op 14 Mei geaktiveer. Mnr. Cobus du Plessis, senior bestuurder van graanverhandeling by Kaap Agri se Wesgraan-afdeling, sê die gesloer met die afkondiging van die hoër tarief het heelparty ongunstige implikasies. “Dit beteken dat invoerpariteitsberekeninge moeilik is omdat niemand weet watter invoertarief om te gebruik vir wanneer nie. “Die mark verloor spekulatiewe belangstelling in koring omdat die risiko van verkeerde prysbepalings net te hoog raak.” Hy sê verder boere se bemarkingsgeleenthede…

DIE suksesvolle sitrushandelsmerk ClemenGold se kleinsus, LemonGold, maak binnekort haar buiging op plaaslike winkelrakke in ’n treffende swart-engeel verpakking. LemonGold, ’n handelsmerk vir pitlose suurlemoene, is vanaf Junie in plaaslike supermarkte beskikbaar. Dis reeds in Duitse en Ierse supermarkte te koop, waar sjefs, tuiskokke, kroegmanne en gesondheidsbewustes gaande is oor die pitlose produk. Hoewel pitlose suurlemoene al as die heilige graal van die suurlemoenbedryf beskryf is, is dit nie ’n nuwe verskynsel nie. Dis wel die eerste keer dat ’n sterk handelsmerk hierom gebou word. Mnr. Viresh Ramburan, direkteur by ANB Investments se kultivarmaatskappy Citrogold, sê hulle het ’n paar jaar gelede die potensiaal vir pitlose suurlemoene besef en lisensies vir twee kultivars bekom. Die kultivars kom onderskeidelik uit Suid-Afrika en Australië. Albei word onder die LemonGold-vaandel bemark. “Die Australiese…

DIE jong boere van Suid-Afrika is besig om geleenthede in die chaos van grondhervorming, transformasie en ’n trae ekonomie te vind. Jong boere met ’n optimistiese gesindheid het enorme geleenthede voor hulle, meen mnr. Johann Kotze, uitvoerende hoof van die Suid-Afrikaanse Varkprodusenteorganisasie. Hy het op die jaarvergadering van Agri Wes-Kaap se jongboerkomitee twee paneelbesprekings oor toekomstige landbougeleenthede en jong boere se rol in grondhervorming en transformasie gelei. “Vergeet wat jou pa jou gesê het van grondhervorming, en luister met jou hart. Ons hoef nie te redeneer oor grondhervorming nie; dit gáán gebeur. “Ons moet by ’n padkaart uitkom wat ons op ’n pad van groei en vooruitgang sit. Ons moet die musiek hoor tussen al die geraas,” het hy gesê. Mnr. Theo Boshoff, hoof van regsintelligensie by die landbousakekamer Agbiz,…

Die voorlaaste bokhaarveiling van die seisoen het nóg ’n seisoensrekord opgelewer. Twee bale jongbokhaar van mnr. Ben van der Westhuizen van die plaas Leewdrifte naby Adelaide het ’n wêreldrekordprys van R589/kg behaal. Die diere vir die skeersel is deur middel van ’n rekenaar en die EGT-proses (every goat tested) geselekteer volgens fynheid, lengte en gehalte. Die bale het 24,8 mikron getoets, met ’n skoonopbrengs van 89,1%. Mnre. Billy en Fred Colborne van die plaas Kilborne, Willowmore, se baal somerkleinbokkiehaar is teen ’n seisoensrekordprys van R801,10/kg verkoop.…

INTERNASIONAAL: Die Chicagoprys het met 7,9%, of $11,16/t (R160,79/t), tot $152,78/t (R2 201/t) teenoor die vorige week gestyg. Op ’n jaargrondslag is dit 4%, of $6,44/t (R92,78/t), laer. Verwagte pryse: Junie – $159,28/t (R2 295/t), Julie – $162,59/t (R2 343/t), September – $165,35/t (R2 382/t), Desember – $168,97/t (R2 434/t). PLAASLIK: Die Safexprys van witmielies het met 0,1%, of R3/t, tot R2 680/t teenoor die vorige week gedaal. Die prys van geelmielies het met 1%, of R27/t, tot R2 641/t gestyg. Op ’n jaargrondslag is witmielies 25,9%, of R552/t, duurder, terwyl geelmielies 19%, of R421/t, duurder is. Verwagte witmieliepryse: Jun. – R2 705/t, Jul. – R2 764/t, Sept. – R2 842/t, Des. – R2 869/t. Verwagte geelmieliepryse: Jun. – R2 661/t, Jul. – R2 717/t, Sept. – R2 782/t, Des.…

Winter in die Wes-Kaap lui “inwendige parasiet-tyd” in, sê dr. Jannie van der Merwe, ’n veearts van Darling. “Skape wat tot onlangs nog gevoer is, se parasiettelling is laag, maar dit kan in die volgende drie weke baie verander as hulle na groen weiding gaan.” Hy sê dit is veral rondewurm en haarwurm wat van nou tot November en Desember kan moeilikheid gee. Lammers wat in Maart en April gebore is, moet hul eerste dosering ses tot tien weke daarna kry. Boere moet begin Julie ooie teen bloutong inent en die lammers op ses tot tien weke oud teen bloednier. Dit kan ’n skoon entstof of ’n kombinasie van entstowwe wees wat ook die die-re teen Clostridium-bakterieë, wat bloedpens of bloedderm veroorsaak, beskerm. Dit moet weer ná vier tot ses…

VOLHOUBAARHEID en deursigtigheid was belangrike besprekingspunt op die kongres van die Internasionale Woltekstielorganisasie (IWTO) wat in Venesië, Italië, gehou is. Bekende handelsmerke lê al hoe meer klem op volhoubare produksielyne, terwyl deursigtigheid regdeur die waardeketting as belangrik geag word. Die betroubaarheid van inligting is net so belangrik, sê mnr. Deon Saayman, bestuurder van Cape Wools, wat die kongres bygewoon het. Hy sê die tegnologie begin ’n groot rol speel, met blokketting- (blockchain) tegnologie wat al hoe meer aandag op gespreksforums kry. “Volhoubaarheid en naspeurbaarheid gaan in die toekoms al hoe belangriker word en gaan aan internasionaal erkende standaarde gemeet word.” Saayman sê Suid-Afrikaanse wolboere het ’n uitstekende geleentheid om hulself te onderskei deur aan die standaarde vir beste praktyke te voldoen. Hulle het ook die voordeel dat Mule se operasie…

Trusts word om verskeie redes gestig en ’n mens moet seker maak die trust word reg gestruktureer om in ooreenstemming met die stigter se wense te wees. In dié rubriek word na spesiale trusts gekyk. Daar is twee soorte spesiale trusts. Die eerste trust (tipe A) word geskep vir die uitsluitlike voordeel van ’n persoon/persone met ’n gestremdheid. Hierdie gestremdheid moet dit onmoontlik vir die persoon/persone maak om genoeg geld te verdien om vir hul versorging te betaal of vir die bestuur van hul eie finansiële sake. So ’n trust kan gedurende die leeftyd van die stigter of by afsterwe (’n testamentêre trust) geskep word. Die tweede trust (tipe B) word geskep vir die uitsluitlike voordeel van sekere familielede van ’n persoon wat gesterf het, en waar die jongste begunstigde…

Grondhervorming. Uiter die woord en dit wek ’n potpourri van rou emosie. Die klem van dié debat, hoewel noodsaaklik, val tans net op ’n enkele onderdeel van grondhervorming, naamlik grondeienaarskap. Kan die deelnemers hulself egter losknoop van hierdie starre werklikheid en vir ’n oomblik besin oor ’n baie fundamenteler en noodsaakliker vorm van grondhervorming? Ek praat van die hervorming, die opbou en herstel, van ons uitgeputte, selfs uitgemergelde, en afgetakelde landbou-, mynbou-, gemeenskaps- en openbare grond, wat ook munisipale meentgrond insluit. Suid-Afrika, soos die meeste lande ter wêreld, gaan gebuk onder grootskaalse omskepping en verandering van wat genoem word natuurlike kapitaal. Natuurlike kapitaal bestaan uit hernubare natuurlike kapitaal, byvoorbeeld diere en plante, nie-hernubare natuurlike kapitaal, byvoorbeeld mynboureserwes, omgewingskapitaal (sonlig, water en grond), en ontwikkelde natuurlike kapitaal (saailande). Dié kapitaal werk…

Klapper-enamandelpoeding Hierdie besonderse poeding vorm ’n klapper-en-amandel-sponslaag bo-op, met ’n romerige, dik vlalaag onder in die bak. Wees versigtig om die poeding nie te lank te bak nie, anders kan dit droog wees. ■ 250 ml suiker ■ 125 ml koekmeel ■ 2 ml sout ■ 2 ml bakpoeier ■ 250 ml klapper, liggies gerooster ■ 100 ml gemaalde amandels (of amandelmeel) ■ 4 ekstragroot eiers ■ 100 g botter, gesmelt ■ 2 ml amandelgeursel ■ 500 ml volroommelk ■ 50 g gevlokte amandels Voorverhit die oond tot 180 °C en smeer ’n oondvaste bak met ’n bietjie gesmelte botter. Plaas die suiker, koekmeel, sout, bakpoeier, klapper en gemaalde amandels (of amandelmeel) in ’n mengbak en roer dit tot goed gemeng. Klits die eiers, botter, amandelgeursel en melk in ’n…

Benodigdhede ■ 1 x PVC-geutpyp (30 mm x 80 mm) ■ 2 x geutpyp-elmboë van 90 ° (80 mm) ■ 2 x ronde spieëltjies met ’n deursnee van 75 mm ■ Weerbestande verf, maskeerband en wondergom ■ Gomgeweer en gomstrokies ■ Saag SAAG-SAAG ■ Plaas die reguit geutpyp in ’n tulbandboks en saag dit tot ’n lengte wat vir jou gemaklik is (dit moet minstens 30 cm lank wees). HEG DIT AANMEKAAR ■ Neem nou die twee elmboë en druk dit aan weerskante van die pyp in. ■ Die openinge moet weg van mekaar af wys (sien foto regs). SPIEËLTJIE, SPIEËLTJIE AAN DIE WAND ■ Plaas die spieëltjies in die binnedraaie of -hoeke van die elmboë teen ’n 45 °-hoek. ■ Dit is belangrik dat die spieëls teen die regte…

GAUTENG CARLETONVILLE HARTEBEESTFONTEIN (38), 30 ha, aan Darul Khair (Edms.) Bpk., van C.A.J. Cronjé, R1 600 000. RIETFONTEIN (33), 297 ha, aan Leeupan (Edms.) Bpk., van WW Bartlett Poultry Farm, R3 600 000. PRETORIA SUIKERBOSCHFONTEIN (529), 34 ha, aan QM Trading Enterprise, van T.J. van der Merwe, R1 900 000. WITPOORT (563), 30 ha, aan L.K. Mattinson, van Gloedland Beleggings, R440 000. KWAZULU-NATAL LADYSMITH KRANSKLOOF (13091), 248 ha, aan Greendale Agricultural Property (Edms.) Bpk., van Arnut Hill, R2 100 000. ZWARTKOP NEW (17327), 640 ha, aan K2016378949 SA (Edms.) Bpk., van D.D. Phipson, R15 961 864. LIMPOPO DERDEPOORT HERMIA (16), 801 ha, aan Emenjay (Edms.) Bpk., van D.M. en H.N. Barnard, R1 500 000. MODIMOLLE GROENFONTEIN (141), 21 ha, aan J.W. van der Westhuizen, van Leeuwenkuil Boerdery, R897 000. SOEKMEKAAR…

Die langdurige droogte in die Vrystaat het ’n demper geplaas op die vraag na Dexters. In sommige gebiede waar die toestande die afgelope jare gunstiger was, vaar dié ras beter. Mnr. Johan Daffue van die Zandu-stoetery, Bloemfontein, sê hy ondervind meer belangstelling in die ras in die noordelike deel van die land, ’n neiging wat hy aan ’n hoër gemiddelde reënval toeskryf. Dragtige teelverse behaal sowat R15 000 stuk, terwyl koeie gemiddeld sowat R20 000 behaal na gelang van hul gehalte en skouprestasie. Volgens hom ondervind telers in die algemeen ’n teleurstellende belangstelling in bulle. Bulle behaal in sommige dele gemiddeld sowat R16 000 en dikwels word hulle nie verkoop nie aangesien die telers meer verwag. Daffue sê indien die koste van fase C-toetse in ag geneem word teenoor die…