Landbouweekblad 27-Sep-19

GOED GEVOED Mnr. Rudi Engelke van die Edwern-Heim-boerdery by Kaapstad het in die somer van 2018 rape gesaai om dit vir die sopmark in die winter te oes. Ván die rape het lank genoeg in die grond agtergebly om saad te skiet. Vanjaar het hy in die winter beet op dieselfde land gevestig, en ván die raapsaad het saam met die beet ontkiem. Een van die rape het 4,5 kg geweeg. “Die kunsmisprogram vir beet is baie intensiewer as vir rape. Voorts het die rape gereelder water gekry saam met die beet en derhalwe het die groot rape ontwikkel.” Hy reken die rape kan effe sponsagtig in die kern wees, maar meen tog hulle sal kombuis toe kan gaan. DRANK-RELLETJIE Die Mededingingstribunaal was kort voor druktyd besig met ’n verhoor…

R18,8 miljard Sedert 2014 is R18,8 miljard se belastinggeld bestee aan die ondersteuning van kleinboere. Dit het egter net ’n paar suksesverhale opgelewer, het mnr. Christiaan Smit, DA-LP, tydens vraetyd in die parlement aan adjunkpres. David Mabuza uitgewys. Smit het Mabuza daarop gewys dat die sogenoemde agriparke nie bestaan nie en dat marktoegang vir boere ’n groot struikelblok is. Mabuza het gesê die regering is besig met ’n nuwe, beter steunstelsel. Hy het bygevoeg dat die regering begunstigdes sal ondersteun totdat hulle sukses behaal. Sien ook bl. 15 en bit.ly/2kgKzYw. — Joylene van Wyk 54 Die afgelope 19 jaar het Suid-Afrika 54 plekke gedaal op die wêreld se indeks vir ekonomiese vryheid. Volgens die jongste indeks wat pas bekend gestel is, beklee Suid-Afrika nou die 101ste plek uit 162 lande…

KOLLEGAS UIT ARGENTINIË. Altesaam 151 boere en 30 afgevaardigdes van verskeie Argentynse maatskappye in Suid-Afrika het onlangs ’n Argentynse boeredag oor bewaringslandbou en geenbewerking op die plaas van mnr. Hendrik Odendaal by Standerton bygewoon. Die dag is deur die Argentynse ambassade geborg, en gereël deur mnr. Hendrik Jordaan van Laurik International, ’n konsultante-onderneming in Buenos Aires, Argentinië. “Die idee is om (Argentynse bewaringsboere se) metodes in Suid-Afrika bekend te stel, gerugsteun deur 40 jaar se ervaring, sodat Suid-Afrikaanse boere nie van voor af hoef te begin en dieselfde foute maak as wat die Argentyne gemaak het nie,” sê Jordaan. Hier inspekteer van die boere ’n grondprofielgat op Odendaal se plaas.…

SOMMIGE diereregte-aktiviste en veganiste glo dat klimaatsverandering, wat volgens die Wêreld- Ekonomiese Forum een van die grootste bedreigings vir die mensdom is, omgekeer kan word as mense ophou vleis eet en eerder die produksie van en vraag na dieregebaseerde voedsel skuif na plantgebaseerde voedsel. Meeste navorsing sê veeproduksie dra 14-16% by tot alle mensgemaakte kweekhuisgasse. Die herlewingslandboubeweging glo egter dat die landbou die beste kans bied om klimaatsverandering op groot skaal aan te pak, en moedig mense aan om meer veldvleis te eet, veral as dit met ’n spesifieke bestuursmetode geproduseer word. “Om ’n stokkie te steek voor veeboerdery gaan nie klimaatsverandering omkeer nie. Diere is eintlik die oplossing. Mits dit nie op ’n manier gedoen word wat vernietigend is soos konvensionele landbou nie, en die doel het om die…

‘ ’n Beduidende aantal polisielede (het) ’n groter belang by misdaad as die bestryding daarvan.’ DR. PIET CROUCAMP, politieke ontleder aan die Noordwes-Universiteit, oor die polisie se beperkte sukses met misdaadbestryding. Bl. 15 ‘Dit is egter kwessies wat ons nie moet uitbuit nie, maar iets wat ons moet help regstel.’ DR. PIETER VERVOORT, voorsitter van die nasionale dieregesondheidsforum, oor kwessies met die aansoek vir die land se bek-en-klouseervrye status. Bl. 14 ‘Die armoedevirus in Suid-Afrika is verreweg Afrikavarkpes se meerdere en voorloper.’ MNR. JOHANN KOTZÉ, uitvoerende hoof van die Suid-Afrikaanse Varkprodusenteorganisasie. Bl. 20 ‘Ons volg die uieringbeginsel. Begin van buite af en werk binnetoe.’ MNR. GARY MCKAY, uitvoerende hoof van Fidelity ADT, oor hoe ’n suksesvolle plaasveiligheidstrategie saamgestel word. Bl. 22 ‘Wanneer ons geld oorbetaal, ‘eet’ die boere dit.’ ME.…

Eers die goeie nuus: Die afgelope paar weke het die land ’n groter dringendheid en doelgerigtheid bespeur om van die landbou se probleme gesamentlik die hoof te bied. Daar was mnr. Ebrahim Patel, minister van handel, nywerheid en ekonomiese ontwikkeling, se welkome aankondiging dat ’n ooreenkoms tussen die Suider-Afrikaanse Doeane-unie en Brittanje uiteindelik gesluit gaan word. Dit sal Suid-Afrika se aansienlike landbou-uitvoer beskerm indien die Britte sonder ’n ooreenkoms uit die Europese Unie geboender word. Minstens is dié tameletjie nou gesystap en hoef veral die beleërde wynbedryf nou een minder terugslag te trotseer. Landbouweekblad was nog altyd ’n bietjie lugtig vir Patel, ’n vurige, voormalige vakbondman, maar dit is baie bevredigend om verkeerd bewys te word! Sy Brexit-sukses volg kort op die hakke van nog meer vordering met sy bemiddeling…