Landbouweekblad 8-Nov-19

DUBBELE VERRASSING Mnr. Robert Jooste van die High Riding-landgoed in Somerset-Wes het onlangs die tweede alpakka-boer in Suid-Afrika geword om ’n alpakka-tweeling op sy plaas te verwelkom — twee ooitjies wat Genevie en Gemma heet. Die ander tweeling, ook ooitjies, is in 2009 gebore. Jooste, wie se seun, mnr. Michael Schutte, die twee in die foto vashou, sê die tweeling se ma, Amalite, het so klein gedra dat hulle aanvanklik nie besef het sy is dragtig nie, wat die twee-ling se koms ’n nóg groter verrassing gemaak het. “Vir die eerste paar dae het sy nie geweet wat om met die tweeling te doen nie! Ons moes hulle met ’n bottel voed. Sy het egter later besef dit is haar babas en nou is sy ’n goeie ma.” Jooste se…

7 600 ha Nagenoeg 7 600 ha kommunale grond rondom die Krugerwildtuin val nou onder bewaringsooreenkomste met Bewaring Suid-Afrika (CSA) nadat twee plaaslike boerderygemeenskappe hulle by CSA se program om die grasvelde in dié omgewing volhoubaar te bestuur, aangesluit het. Voorheen was 78 boere en 3 600 ha betrokke, maar nou is 167 boere betrokke. Die boere onderneem om rotasiebeweiding toe te pas, te help met monitering, om rommel te verminder en diere volgens wet te merk. – CSA 1,73% Landbou-produktiwiteit met bestaande of minder insette moet jaarliks teen 1,73% groei om teen 2050 volhoubaar in voedselbehoeftes wêreldwyd te voorsien. Tans is die groeikoers 1,63%, luidens die 2019-produktiwiteits-verslag oor wêreldlandbou van Virginia Tech. Produktiwiteit groei sterk in China en Suid-Asië, maar verlangsaam in die sleutelgebiede Noord-Amerika, Europa en Latyns-Amerika. Produksie…

GROEN KRAG. Melkbeeste wei naby die Kouga-windplaas, een van 28 windplase van die departement van energiesake se eerste ronde in sy verkrygingsprogram vir onafhanklike produsente van hernubare energie (REIPPP). Dit het in Maart 2015 in werking getree en verskaf 80 MW aan die kragnetwerk. Die windplaas beslaan 2 948 ha, en die infrastruktuur neem sowat 28 ha in beslag, volgens die windplaas se webwerf. Volgens die regering se jongste geïntegreerde hulpbronplan kan windkrag teen 2030 sowat 18% van Suid-Afrika se krag lewer. Bouwerk het ook onlangs begin aan die Oesterbaai-windplaas, ook in die Kouga-munisipaliteit, wat 140 MW sal lewer.…

DAAR is ’n gebrek aan ’n politieke wil by die parlement om die grondkwessie by te lê, sê die voormalige pres. Kgalema Motlanthe. Hy het op ’n onlangse eiendomsimposium in Sandton in die verslag van die hoëvlakpaneel wat onder sy leiding saamgestel is, gesê ’n “eenvoudige aanbeveling” is gemaak wat binne ’n maand of twee teen geen ekstra koste in werking gestel kan word. Hy sê egter die parlementslede het nie sy verslag gelees nie, en sê oor die algemeen hou parlementslede nie daarvan om te lees nie. Die paneel het aanbeveel ’n wet vir algemene toepassing word opgestel wat riglyne daarstel vir die aankoop en waardasie van grond vir hervormingsdoeleindes. Dié versoek het op dowe ore geval. Hy sê die leiers wat by die opstel van ’n wysiging aan…

‘Ons bestel saad en beraam ander planne.’ MNR. PIETER GILDENHUYS, koringboer van Heidelberg, oor hoe boere die rampspoedige oestyd benader. Bl. 17 ‘Waar daar altyd ’n klomp bakkies voor die koöperasie gestaan het, is dit nou baie stil.’ MNR. COENIE FOURIE van die Bultfontein-bewusmakingskomitee, oor die uitwerking van opeenvolgende droogtejare op die dorp se ekonomie. Bl. 15 ‘Politici wat voortdurend die doelpale verskuif, beteken ons kan nie vir die toekoms beplan nie.’ MNR. STEFAN CRAMM, voorsitter van die Duitse jongboervereniging, oor die onsekerheid wat met nuwe omgewingswetgewing gepaardgaan. Bl. 22 ‘Die aansluitingskoste beloop R1 miljoen tot R2 miljoen, na gelang van die omvang van die Eskomvereistes vir die aansluiting.’ MNR. CHRIS SCHUTTE, direkteur van Sonfin, oor die koste om ’n mediumvolt-sonkraginstallasie aan die Eskomnetwerk te koppel. Bl. 14 ‘Dink net…

Dit voel of die land elke dag droër raak. In dele van die Noord-Kaap, die Wes-Kaap (waaronder die Klein-Karoo), die Oos-Kaap en op plekke in die verre noorde is die nood ná jare se ondergemiddelde reën nou byna onbeskryflik. Maar steeds bly die groot reën weg. Tot in Lesotho, Suid-Afrika se wateraar, raak dinge nou lelik. In die koel ooste begin planttyd aanstap, en teen druktyd het geen noemenswaardige reën al geval nie. Waar reën wel plek-plek uitsak, word dit met diep dankbaarheid begroet. Soos die voorspellings egter nou lyk, lyk dit of die groot reën weer laat gaan kom. Maar voorspellings was al verkeerd. In die Oos-Kaap, waarheen ek verlede week inderhaas moes vlieg om na ’n familiekrisis om te sien, is die andersins groen kus kurkdroog. Om Oos-Londen…