Landbouweekblad 30-Sep-16

DAM VAN GELUK Lede van die Geluksdam-boerevereniging buite Bloemfontein het ’n deel van die vrag voer wat hulle as skenkings van besproeiingboere by Luckhoff gekry het, aan opkomende boere van Lourierpark buite die stad geskenk. Dit is deel van gekoördineerde droogtehulp wat deur Vrystaat Landbou bemiddel is. Die landbou-organisasie het sedert verlede jaar al verskeie vorms van droogtehulp aan meer as 5 700 Vrystaatse boere verleen. Die groep opkomende boere, wat tussen hulle sowat 240 beeste besit, het sedert die begin van die droogte nog geen hulp van die Regering gekry nie. Die Geluksdam-boere het in Julie redelik reën gekry en wou die bale gee aan boere wat dit nodiger het. “Ons plase is nie ver van Lourierpark af nie en ons sien hoe die mense en diere se swaarkry,”…

7% Volgens die internasionale instituut vir waterbestuur is die proporsie landbougrond onder besproeiing in Afrika suid van die Sahara net 7%. Kenners sê die meeste van die lande in die streek het nog nie opnames gedoen oor die mees toeganklike grondwaterbronne nie. Verder is ’n gebrek aan finansiering ’n groot probleem. — Thomson Reuters Foundation £450 Die toppresterende 25% van Britse melkplase het £450 (sowat R8 040) meer wins per koei verdien as die res van die bedryf. Die jaarlikse opname van 300 melkplase het gevind die toppresteerders bestee 27% minder aan arbeid en 18% minder aan masjinerie vir elke £100 (sowat R1 787) se produksie. Hulle belê ook jaarliks 3% meer in kapitaalopgraderings. — The Cattle Site 3,71% Suid-Afrikaners bestee jaarliks 3,71% van hul salaris aan…

WAAR’S DIE WATER? Vrugteboere in die Villiersdorp-omgewing is bekommerd oor die vlak van die Theewaterskloofdam, wat in die derde week in September op 53% was. Mnr. Marinus van der Merwe van MD Boerdery, Villiersdorp, sê toe die dam in September 2004 op 56% gestaan het, het goeie reën in November verligting gebring. Hulle weet nie of dit vanjaar weer sal gebeur nie. Hul besproeiingseisoen begin einde Oktober of begin November. As hulle nie voor dan gereeld genoeg reën kry nie, sal hul beplanning en skedulering van besproeiing foutloos moet wees.…

‘Julle maak wyn vir mekaar, maar nie vir die ou wat Coke by sy wyn wil skink nie.’ MNR. CRAIG IRVING, uitvoerende hoof van die Consumer Insights Agency, oor faktore wat Suid-Afrikaanse wynverkope belemmer. Bl. 24 ‘ ’n Holistiese siening van die vyf jaar lange raadplegingsproses lei my tot die slotsom dat ’n billike proses gevolg is.’ REGTER HANS FABRICIUS, oor die staat se nuwe perk op pekelwater in bevrore hoenderstukke. Bl. 22 ‘Ek kan net ander aanspoor om die landbou te betree. Dis nie net vir plaasjapies nie.’ MNR. CHRISTIE DAVIDS, streekwenner in die Prestige Agri-kompetisie vir landbouwerkers. Bl. 21 ‘Dis maar ongelyk, met ’n klomp ryp en ’n klomp groen, maar as dit nat bly, sal die groenes bykom.’ MNR. THYS GROBBELAAR, boer van Eendekuil, oor sy koringoes.…

Suid-Afrika se mielie-uitvoer is mededingend vergeleke met vooraanstaande uitvoerlande, maar ’n produksiekoste-ontleding het gewys Suid-Afrika is minder mededingend as Argentinië, Brasilië, Amerika en die Oekraïne. Navorsing deur mnr. Wandile Sihlobo van die landbousakekamer Agbiz, het Japan, Mexiko, Taiwan, die Verenigde Arabiese Emirate en Zimbabwe geïdentifiseer as aantreklike markte met ’n hoë potensiaal, wat Suid-Afrika behoort te prioritiseer om sy aandeel in uitvoer te verhoog. Verder het ’n indeks van mark-aantreklikheid, wat vir dié studie ontwerp is, aangedui Nigerië, Maleisië, Saoedi-Arabië, Mauritius, die Verenigde Arabiese Emirate, Taiwan, Iran, die Demokratiese Republiek van die Kongo en Jemen is die aantreklikste markte vir Suid-Afrikaanse mielie-uitvoer. Sihlobo meen dit is ook nodig om ’n uitvoerstrategie vir die bedryf te ontwerp wat hierdie markte sou prioritiseer in ooreenstemming met sakebelange en om bestaande potensiaal te…

ANDERKANT DIE REËNBOOG LOESINGS VERMY Tien minute in die tweede helfte van die Springbokke se wedstryd teen die All Blacks op Christchurch, en ek begin die skottelgoedwasser regmaak. ’n Halfuur later, ná ’n vinnige, senuweeagtige kyk na die telling op TV, is ek eintlik verheug dat dit nie in die liederlike loesing ontaard het wat ek gevrees het nie. En net daar betrap ek myself: Maar, my magtag, dis mos die Bokke. Wat het dan gebeur? Die werklikheid is dat ons eenvoudig nie die slaankrag het om ’n puik All Black-span te troef nie. Dit gaan meer verg as om die volkslied uit volle bors te sing. En die probleem lê nie soseer by die spelers nie, al het van hulle lelike foute gemaak. Van die Bokke se Leeu-spelers het…