Indholdsfortegnelse for 30-Sep-16 i Landbouweekblad

‘Julle maak wyn vir mekaar, maar nie vir die ou wat Coke by sy wyn wil skink nie.’ MNR. CRAIG IRVING, uitvoerende hoof van die Consumer Insights Agency, oor faktore wat Suid-Afrikaanse wynverkope belemmer. Bl. 24 ‘ ’n Holistiese siening van die vyf jaar lange raadplegingsproses lei my tot die slotsom dat ’n billike proses gevolg is.’ REGTER HANS FABRICIUS, oor die staat se nuwe perk op pekelwater in bevrore hoenderstukke. Bl. 22 ‘Ek kan net ander aanspoor om die landbou te betree. Dis nie net vir plaasjapies nie.’ MNR. CHRISTIE DAVIDS, streekwenner in die Prestige Agri-kompetisie vir landbouwerkers. Bl. 21 ‘Dis maar ongelyk, met ’n klomp ryp en ’n klomp groen, maar as dit nat bly, sal die groenes bykom.’ MNR. THYS GROBBELAAR, boer van Eendekuil, oor sy koringoes.…

SKOTTELPLOEG MET SPYKERSKOENE Vir mnr. Servaas Wahl, wat in 1963 uit Kenia na Suid-Afrika geïmmigreer het, is dit onverklaarbaar waarom Suid-Afrikaanse saaiboere, wat elke druppel vog in die grond behoort te benut, hul grond “ontvog” deur ná oeste hul lande om te ploeg en sodoende “die hele omgeploegde oppervlak vir die son (te wys)”. Wahl, wat op Laersdrif naby Stoffberg boer, het gevolglik vir homself ’n ideale grondbewerkingswerktuig ontwerp wat hy ’n “rolbeitelgrondbreker” noem. Dit bestaan uit ’n skottelploeg met skottels waaraan hy ’n aantal beitels aangebring het. Hierdie puntige, draaiende beitelskottels se voordele bo die gewone skottel is: Dit dring die grond, ook harde grond, baie dieper in. Dit benodig baie minder trekkrag. Wahl se trekker van 60 perdekrag (45 kilowatt) trek ’n gewone drieskottelploeg beswaarlik, terwyl dit ’n…

ONDERSTEPOORT Biologiese Produkte het ná ’n onlangse noodvergadering met verteenwoordigers van die Regering, die rooivleisbedryf en die nasionale Dieregesondheidsforum (DGF) onderneem om ’n skedule op sy webwerf te publiseer oor die tipes en hoeveelhede entstowwe wat beskikbaar is. Dit kom ná toenemende ongelukkigheid in die rooivleisbedryf omdat daar geen aanduiding van OBP is watter entstowwe beskikbaar is nie. Landbouweekblad verneem daar is tekorte aan entstowwe vir brucellose en geen entstowwe beskikbaar vir drie-dae-stywesiekte en knopvelsiekte nie. Daar is ook onsekerheid oor die beskikbaarheid van entstowwe teen slenkdalkoors, miltsiekte, knoppievelsiekte, bloutong, anaplasmose (galsiekte) en rooiwater. Kuddes moet so gou moontlik ingeënt word, voor die aanvang van die reëntyd, omdat baie van die siektes deur insekte oorgedra word, en daar ook tyd nodig is vir die entstowwe om diere se weer-stand op…

DIT kos gemiddeld R600 000 om een werksgeleentheid deur die Regering se herkapitaliseringsprojek (Recap) te skep, en in sommige provinsies kos dit tot R1 miljoen. Dít was van die bevindinge van prof. Charles Machethe, waarnemende hoof van die departement landbou-ekonomie, voorligting en landelike ontwikkeling aan die Universiteit van Pretoria, in ’n studie wat hy in opdrag van die Departement van Beplanning, Monitering en Evaluering gedoen het om die doeltreffendheid van die landbouhulpprojekte Recap, Casp en Mafisa te beoordeel. Hy het gepraat op ’n konferensie van die Landbou-ekonomiese Vereniging van Suid-Afrika (Levsa) op Muldersdrift. Recap se doelwitte is tegniese en finansiële steun aan plase met probleme, Mafisa is op mikroen klein entrepreneurs en boere gerig, en Casp moet steundienste verbeter. In die studie is begunstigdes van dié projekte ondervra en gevallestudies…

‘Ons sal moet terugkeer na die kultuur waar alle belanghebbendes saamsit en die kwessie uitredeneer.’ TE MIDDE van struwelinge in die graanbedryf om konsensus oor invoertariewe op koring te kry, meen Graan SA die tyd het aangebreek dat alle belanghebbendes bymekaarkom en hul verskille eens en vir altyd oplos. Dr. Jannie de Villiers, uitvoerende hoof van Graan SA, het op ’n graandebat by die Agri-Megaweek in Bredasdorp gesê boere, kopers, meulenaars, bakkers en ander betrokkenes moet dit vir hul rekening neem om met mekaar te praat, “al is hulle kwaad vir mekaar”. “Dalk is dit tyd dat ons in ’n kamer toegesluit word en dat ons iewers tot ’n vergelyk kom, want tans skree een groep nul en die ander groep skree R1 500 vir invoertariewe en niemand stem ooreen…

SY groot droom was om ’n prokureur te word, maar nou is hy nie ’n dag spyt dat hy in die landbou werk nie, sê mnr. Christie Davids (foto) van Anthonij Rupert-wyne naby Franschhoek. Hy is as dié streek se algehele wenner in die Prestige Agri-kompetisie aangewys is. Davids het 30 ander landbouwerkers van nege verskillende plase uitgestof in die kompetisie en gaan nou op die Wes-Kaapse vlak meeding. Hy werk die afgelope sewe jaar by Anthonij Rupert-wyne. “Ek het lank vir Anglo-American op Rhodes-vrugteplase gewerk, waar plaagbestryding my vakgebied was. Hulle het egter personeel besnoei en ek moes om ander werk aansoek doen. Aanvanklik het hulle by Anthonij Rupert-wyne gesê my CV is te mooi, maar ek was bereid om myself weer van onder af op te werk,” vertel…

SUID-AFRIKA se wynbedryf sukkel plaaslik omdat wynmakers vir mekaar wyn maak, pleks daarvan om plaaslike verbruikersvoorkeure in ag te neem. Volgens navorsing oor verbruikersegmente waarbinne wyn sy aandeel kan laat groei, het die bedryf ook net 14% van die plaaslike bevolking ouer as 18 jaar in sy visier. Dié inligting is onlangs aan die bedryf oorgedra sodat kelders doeltreffender aan Suid-Afrikaners kan bemark. “Die wynbedryf is passievol oor wingerde, skoonheid en die wynbereidingskuns, maar die bedryf stel nie die verbruiker eerste nie,” sê me. Nicky van Hille, konsultant van The Moss Group. Mnr. Craig Irving, uitvoerende hoof van die Consumer Insights Agency, sê: “Julle maak wyn vir mekaar, maar nie vir die ou wat Coke by sy wyn wil skink nie. Ek het nog nooit ’n bedryf teëgekom waar dit…

‘Enige styging in die mielieprys kan rampspoedige gevolge vir die intensiewe veebedrywe, sowel as die hele rooivleisbedryf, inhou.’ DIE Departement van Handel en Nywerheid en die Tesourie wil ’n algehele verbod op die uitvoer van onverwerkte beeshuide instel. Daarby wil die staat ’n tarief van 20% in die eerste jaar van uitvoer op nat, blou huide instel en vanaf die tweede jaar van uitvoer ’n tarief van 40% hef. “Dit sal verreikende ekonomiese implikasies vir die bees- en slagplaasbedryf in die algemeen en spesifiek vir die opkomende sektor inhou,” het mnr. Dave Ford, voorsitter van die forum, gesê. Volgens hom is daar geen mark vir swak afgeslagte en beskadigde huide in Suid-Afrika nie. “Alles word uitgevoer. Die forum sal dit met alle mag beveg, veral omdat daar ondanks herhaaldelike versoeke…

Voerbeet (Beta vulgaris), met sy soutliewende eienskappe, is die ideale onderskeppingsgewas om op wynplase te plant, want dit kan keer dat natrium ophoop as kelders se afloopwater vir die besproeiing daarvan gebruik word. Dit kan ook as veevoer benut word. Me. Carolyn Howell, ’n navorser by die Landbounavorsingsraad (LNR), het op die Suid-Afrikaanse Wingerd- en Wynkundevereniging se konferensie op Somerset-Wes gesê baie wynkelders gebruik skoonmaakmiddels wat natrium bevat. Daarom het die kelders se afloopwater gewoonlik ook hoë vlakke van natrium. “As dié water gebruik word om winger-de of ander gewasse te besproei, sal dit die grond se fisiese en chemiese eienskappe benadeel en dus gewasgroei en -opbrengs beïnvloed. Natrium kan ook uitloog na natuurlike waterbronne, veral in gebiede met baie winterreën.” Carolyn het ’n studie uitgevoer om te bepaal in…

Voor my sit die hele Suid-Afrikaanse pimperneutbedryf: mnre. Connie Coetzee van Wercon-boerdery, Kerneels Greyling van CC Greylingboerdery en Orffer Müller van Uitdraai-boerdery. Hulle is almal van Prieska en verbou tussen hulle sowat 15 ton tot 20 ton pimperneute per jaar – die hele Suid-Afrikaanse oes. Die drie is hoofsaaklik gewasboere – koring en mielies – maar boer ook elkeen met onderskeidelik 5 ha, 6 ha en 9 ha pimperneute. En was dit nie vir die onsekere tyd waardeur die bedryf ’n paar jaar gelede gegaan het en die tekort aan plantmateriaal nie, het hulle beslis al meer hektare van dié smaaklike, groen neute aangeplant, ook bekend as groenamandels of pistasieneute. Hulle het die pimperneutboerdery in die laat negentigs en vroeë 2000’s aangepak toe Green Valley Nuts saam met die Nywerheidsontwikkelingskorporasie…

Kasslertjop-enaartappelgebak Kasslertjops is geurig en goedkoop. Dié alles-op-een-bakplaattreffer is ’n groot gunsteling in my huis. Die aand as dit op die spyskaart is, beteken dit min skottelgoed en gelukkige huismense! • 4 groot aartappels, geskil en in dik skywe gesny • 4 Kasslertjops, onder koue water afgespoel en droog gedruk • Vars gemaalde swartpeper • 3 snye growwe brood • 10 ml vars tiemieblaartjies • 2 knoffelhuisies, fyn gekap • 30 ml olie of gesmelte botter Jogurt-en-mosterdsous • 125 ml natuurlike jogurt • 5 ml heelkorrelmosterd • 5 ml heuning • ’n Skeut suurlemoensap • Sout en swartpeper na smaak Voorverhit die oond tot 190 °C en smeer ’n bakplaat met olie. Kook die aartappelskywe in ’n pot soutwater tot net-net sag. Dreineer goed en pak die aartappels op die…

Vernuwing beteken nie net nuwe masjiene of ingewikkelde rekenaartegnologie nie. By BKB, die land se grootste wolmakelaar, word nuwe idees en tradisie maklik met mekaar verweef. Die moderne geriewe in Port Elizabeth en die maatskappy se vindingryke planne vir personeel en kliënte dui op sy holistiese benadering. Mnr. Jacobus le Roux, hoofbestuurder van korporatiewe bemarking en openbare betrekkinge by BKB, sê die maatskappy lê groot klem op sy kliënte, werknemers, die gemeenskap en volhoubaarheid. BKB het sowat 50 gehoorge› stremde werknemers wat ver› skeie take, soos wolsortering, verrig. Met Landbouweekblad se besoek het ’n groep van dié werknemers met die hulp van ’n tolk in gebaretaal opleiding ontvang. Hulle leer meer oor die landbouwaardeketting en hul rol in die bedryf. “Hierdie kort kursus gee hulle perspektief, maar dra ook by…

Vir meer inligting oor die siektes en toestande besoek www.landbou.com en klik op Indeks van Antwoorde. DIE linies teen die verwoestende siekte brucellose wat die land jaarliks miljoene rande se skade berokken, word opgestel vanuit die geledere van veeartse en die Departement van Landbou, Bosbou en Visserye. Luidens die verslag van die Herkouerveterinêre Vereniging van Suid-Afrika (Ruvasa) in Augustus is brucellose een van die belangrikste siektes waarna boere moet oplet. Brucellose versprei ongehinderd in ’n paar Suid-Afrikaanse provinsies. Die dieregesondheidsforum gaan in die komende maande saam met die departement verklarings uitreik om die bewustheid vir dié siekte te verhoog. Kyk na die tabel vir die siektes en toestande wat in Augustus by dr. Faffa Malan, bestuurder van Ruvasa, aangemeld is. INWENDIGE PARASIETE Talle verslae van inwendige parasiete is vanuit ál…

INTERNASIONAAL: Die mielieprys het met 2,1%, of $2,68/t (R38,37/t), tot $128,45/t (R1 839/t) gestyg. Op ‘n jaargrondslag is dit 14,6%, of $21,89/t (R313,38/t), laer. Verwagte pryse: September – $133,62/t (R1 913/t), Desember – $137,63/t (R1 970/t), Maart – $140,54/t (R2 012/t), Mei – $143,06/t (R2 048/t). PLAASLIK: Die Safex-prys van wit mielies het met 7,9%, of R330/t, tot R3 805/t gedaal teenoor die vorige week. Geel mielies is 2,3%, of R75/t. Op ‘n jaargrondslag is wit mielies 24,3%, of R753/t, duurder, terwyl geel mielies 11,6%, of R328/t, duurder is. Verwagte witmieliepryse: Oktober – R3 885/t, Desember – R3 920/t, Maart – R3 805/t, Mei – R2 794/t. Verwagte geelmieliepryse: Oktober – R3 170/t, Desember – R3 191/t, Maart – R3 138/t, Mei – R2 660/t. INTERNASIONAAL: Die koringprys het met…

Augustus en September se brandstofprysverligting was van korte duur. ’n Styging van sowat 51c/l in die prys van petrol, asook ’n styging van 26c/l in die dieselprys word vir 4 Oktober voorspel. Mnr. Wandile Sihlobo, hoof van ekonomiese en landbou-inligting by Agbiz, sê dié verwagte verhogings, gegrond op die onderverhaling teen 19 September, word toegeskryf aan die verswakking van die rand met 3% teenoor die dollar en ook ’n styging in die prys van Brentruolie. Die rand was gemiddeld R14,29 teenoor die Dollar, vergeleke met Augustus se R13,79. Die prys van ru-olie het gestyg van gemiddeld $47,07 per vat tot $47,60 per vat. Die stygings sal die petrolprys nou op R12,68/l te staan bring en die prys van diesel op R10,74/l. Van Maart tot Julie was daar ook elke maand…

SEPTEMBER TULBAGH 28 September-1 Oktober, Fries- en Saalperd-streekskou; Walliese Ponie Africa Golden Cup. Elsa Rix, sel 023 230 0189. E-pos: tulbagh skou@telkomsa.net. UNIONDALE 30 September-1 Oktober, Uniondale (OP-Saalperd), Boerperd-klubskou, provinsiale budjieskou. P. Stemmet (voorsitter), tel. 044 752 1047 OKTOBER PARYS Al vier Parys-skoue word op die Afridome-skouterrein gehou. Navrae aan Caroll-Ann Mienie, sel 079 477 4416. Web: www.afridome.co.za. 3-9, Brahmanskou en -veiling. 10-16, Nasionaal: Friesperd. 17-26, Alfa-week (beeste), Brahman. 20-23, Appaloosa. ROBERTSON 4-8, Hackney-ponie (SA kampioenskap), Saalperd (Wes-Kaapse kampioenskap), Hackney-perde, SA ryperde. Perde: Schalk Burger, sel 082 380 2525. Pluimvee: Hetty Knapp, sel 082 695 9535. Veteraantrekkers en -motors: Dieter Wagner, sel 082 564 5682. Verdere navrae: Chresna Schoonwinkel, tel. 023 626 2512. E-pos: robertsonskou@myisp.co.za. KOMGA 6-8, Komga-skou. Beeste: Pat Bailey, sel 082 327 2486. Perde: Helen Compton, sel 082 778…

7% Volgens die internasionale instituut vir waterbestuur is die proporsie landbougrond onder besproeiing in Afrika suid van die Sahara net 7%. Kenners sê die meeste van die lande in die streek het nog nie opnames gedoen oor die mees toeganklike grondwaterbronne nie. Verder is ’n gebrek aan finansiering ’n groot probleem. — Thomson Reuters Foundation £450 Die toppresterende 25% van Britse melkplase het £450 (sowat R8 040) meer wins per koei verdien as die res van die bedryf. Die jaarlikse opname van 300 melkplase het gevind die toppresteerders bestee 27% minder aan arbeid en 18% minder aan masjinerie vir elke £100 (sowat R1 787) se produksie. Hulle belê ook jaarliks 3% meer in kapitaalopgraderings. — The Cattle Site 3,71% Suid-Afrikaners bestee jaarliks 3,71% van hul salaris aan…

Suid-Afrika se mielie-uitvoer is mededingend vergeleke met vooraanstaande uitvoerlande, maar ’n produksiekoste-ontleding het gewys Suid-Afrika is minder mededingend as Argentinië, Brasilië, Amerika en die Oekraïne. Navorsing deur mnr. Wandile Sihlobo van die landbousakekamer Agbiz, het Japan, Mexiko, Taiwan, die Verenigde Arabiese Emirate en Zimbabwe geïdentifiseer as aantreklike markte met ’n hoë potensiaal, wat Suid-Afrika behoort te prioritiseer om sy aandeel in uitvoer te verhoog. Verder het ’n indeks van mark-aantreklikheid, wat vir dié studie ontwerp is, aangedui Nigerië, Maleisië, Saoedi-Arabië, Mauritius, die Verenigde Arabiese Emirate, Taiwan, Iran, die Demokratiese Republiek van die Kongo en Jemen is die aantreklikste markte vir Suid-Afrikaanse mielie-uitvoer. Sihlobo meen dit is ook nodig om ’n uitvoerstrategie vir die bedryf te ontwerp wat hierdie markte sou prioritiseer in ooreenstemming met sakebelange en om bestaande potensiaal te…

MNR. VICKIE BRUWER is die Noord-Kaapse kandidaat wat om die titel Jongboer van die Jaar meeding. Dié besproeiingsboer het ’n praktiese ingesteldheid en streef na ’n balans tussen die grond, gewasse en die natuur. Lees die artikel op bl. 38. VERTEL ONS VAN JOU GESIN. Ek is al bykans ’n jaar getroud met Chrisna Fourie. Chrisna is ’n verpleegkundige wat dikwels afloswerk in die neonatale eenheid van die Mediclinic in Kimberley verrig. My ouers is pa Vickie en ma Trisa, en ek het twee ouer broers, Gerhard en Hannes. Gerhard is getroud met Liezel, en Hannes se vrou is Almyné. Albei het twee seuntjies. WAAR HET JY GESTUDEER? In 2007, pas ná matriek, het ek ’n vakleerlingskap van drie jaar as passer-en-draaier by die Sishenmyn gevolg. Ná my vaktoets in…

VRAE heers oor die R5,8 miljoen wat aan die rypmaakkamers van die varsproduktemark op Vereeniging bestee is. Mnr. Anton Vos, besturende direkteur van die markagent Subtropico, sê dié geld is nie doeltreffend gebruik nie. Hy sê die kontrak vir die rypmaakkamers is aan ’n bemagtigingsmaatskappy toegeken, wat op sy beurt die werk gesubkontrakteer het. Dié kontrakteur doen al ’n geruime tyd instandhouding aan die mark se koelkamers. “Om ’n koelkamer te onderhou en ’n rypmaakkamer te bou, is egter twee verskillende goed. Die vakmanskap waarmee die werk aan die rypmaakkamers gedoen is, is werklik skokkend. Die waaiers wat ingesit is, is nie die regte tipe nie, die kamer is nie geseël nie en lug en etileen kan deur groot gate in die mure na buite ontsnap. En die vals mure,…

WES-KAAP KONFERENSIE | Hoor visioenêre sprekers teen slegs R250! Mnr. Wiaan van der Linde (foto), voorsitter van Wildbedryf SA, is ambisieus. Vroeër vanjaar, op die Vrystaatse Jongboer-konferensie, het hy gesê een van sy organisasie se strategiese doelwitte is om teen 2026 30 miljoen ha onder 30 miljoen stuks wild te hê – dit is 30% van die landbougrond in Suid-Afrika. Hy reken ook die bedryf kan 350 000 werkgeleenthede skep. Van der Linde, self ’n teler van buffels en swartwitpense, gaan oor die moontlikheid van ’n florerende wildbedryf in die Wes-Kaap, op 14 Oktober by die Agri-Expo Livestock-ekspo praat. SAAM MET HOM PRAAT NOG VYF ANDER DINAMIESE MENSE. Mnr. Peter Draper, die hoofspreker, is ’n ekonoom en politieke kenner. Hy praat oor die groot en veranderende magte in die internasionale…

1 ZAMBIË | Grootskaalse bedrog by boere-unie Dr. Evelyn Nguleka, voorsitter van die Zambiese nasionale boere-unie (ZNFU), en mnr. Ndambo Ndambo, uitvoerende direkteur, is in hegtenis geneem nadat twee afsonderlike forensiese ondersoeke meer as K34 miljoen (nagenoeg R24,82 miljoen) se bedrog, verduistering en diefstal van skenkergeld binne dié instansie onthul het. Nguleka was ook die voorsitter van die Wêreld-boere-organisasie, maar sy het bedank nadat die bedrog onthul is. Die ondersoeke is deur die Finse en Sweedse ambassade in Lusaka van stapel gestuur en het bevind geld wat vir boere bedoel was, is vir persoonlike gewin gebruik en herlei na rekeninge en kontrakte wat niks met die organisasie te doen het nie. Die skenkers het sedertdien verdere geld weerhou en aangedring op strafregtelike vervolging en dat die geld terugbetaal word, siende…

Die nasionale Departement van Landbou, Bosbou en Visserye het onlangs sy jongste ramings van aanwysers oor die landbou-ekonomie bekend gemaak. Daarvolgens het die landbousektor se bruto inkomste met 4,9% gestyg tot R237 317 miljoen, terwyl die landbou se netto inkomste met 1,8% gestyg het tot R78 819 miljoen. Dié syfers is vir die jaar geëindig Junie 2016. Daarvolgens lyk dit dus of die droogte baie min impak op die landbousektor gehad het. Dit is waarskynlik die syfers waarmee die Regering werk in sy beoordeling van moontlike droogte-steunmaatreëls aan die kommersiële landbou, wat eenvoudig nie realiseer nie. Dit is seker ook die syfers waarmee sekere banke se landbou-ekonome werk om hul standpunt te regverdig dat die droogte nie ’n impak het nie, want prysstygings het vergoed vir die verlies aan opbrengs.…

Buiten dat die graan-insetfinansiers verwag dat boere hul prysen produksierisiko moet bestuur, kan ons seker aanneem dat dit in elk geval gesonde praktyk is, selfs vir boere wat nie finansiering gebruik nie. Terwyl produksierisiko’s deur onder meer oesversekering gedek kan word, impliseer die hantering van prysrisiko’s gewoonlik die sluit van voor-seisoengraankontrakte. Dié kontrakte kan regstreeks by ’n graankoper aangegaan word, of in party gevalle regstreeks op die Johannesburgse Effektebeurs (JSE) gedoen word. Op dié manier kan boere onder meer vastepryskontrakte, minimumpryskontrakte of samestellings daarvan aangaan. Boere is terdeë bewus daarvan dat ’n verskeidenheid faktore Suid-Afrikaanse graanpryse beïnvloed. Hier speel die rand-dollar-wisselkoers sowel as die Amerikaanse graanpryse ’n groot rol in die bepaling van die graanpryse in Suid-Afrika. Daarby is die basis-aanspoorder van die land se graanpryse die vraag na en…

Ek kry gereeld oproepe van boere wat sê hulle sien sekere diere verkoop teen spesifieke pryse. Iemand sal byvoorbeeld bel en sê hy sien ons het by ’n onlangse veiling gemsbokkoeie teen R50 000 tot R60 000 verkoop. Hy wil dan sommer dadelik hoor hoe gou ons sy stuk of 60 gemsbokke vir hom kan opveil. Dit is belangrik om te verstaan dat as jy 1 000 Kalahari-gemsbokkoeie vat, gaan die pryse wissel van R5 000 tot R70 000 – en net ’n klein persentasie gaan R70 000 haal. Daar is dus ’n duidelike onderskeid tussen kommersiële en stoetdiere as dit by pryse kom. As daar dus ’n veiling is en gemsbokkoeie verkoop vir minder as die toppryse, beteken dit nie die wildmark het inmekaargetuimel nie; dit beteken bloot daar…

Met watter varkrasse boer jy? Ons boer met drie rasse, die Landrasmoederlyn, die Groot Witmoederlyn en die eerste kruising (F ) 1 tussen die twee. ’n Mens het moederen karkaslyne nodig, want vrugbaarheid is die teenoorgestelde van bespiering en ons het die kombinasie nodig. ’n Moederlyn-dier is molliger en gee meer melk om kleintjies groot te maak as ’n gespierde dier, wat goeie vleis oplewer. Wat is die geheim van ’n suksesvolle varkboerdery? ’n Varkboerdery rus op vyf pilare en almal is ewe belangrik. Dit is behuising (of hul omgewing), rantsoene, gene, gesondheid en bestuur. As die behuising nie reg is nie, gaan die varke siek word. As die rantsoene nie in balans is nie, gaan hulle nie presteer nie. Alles is dus ineengevleg. Wat moet jy in ag neem…

‘Hy praat nie oor sy geloof nie; hy leef dit uit; hy wandel met sy God.’ Toe ons by geleentheid iemand moes aanstel om ’n sekere betrekking te vul, is daar besluit om die aanvaarbaarste twee aansoeke vir ’n persoonlike onderhoud te nooi. Om iemand in die oë te kyk is gewoonlik beter as om sy CV te lees. Dis selfs beter om die spoor te volg op die pad wat hy of sy geloop het. Dis presies wat ek gedoen het. Ek het ’n betroubare persoon gevra om my vertroulik in te lig oor die aansoeker se persoonlikheid en lewenskwaliteite. Sy reaksie was sonder enige huiwering: “Jy kan hom maar enige tyd aanstel.” Hy het bygevoeg: “Hy dra sy geloof in sy voete.” Ek het verstaan wat hy bedoel,…

Volgens Absa se vooruitskouing vir groente kan die onsekerheid oor die watervoorsiening vir besproeiing en die ongunstige vooruitsigte vir somerreën daartoe bydra dat die voorsiening van groente deur die jaar onder druk gaan bly. Dit sal op sy beurt meebring dat hoër pryse op markte behaal word. Die beskikbaarheid en verhandeling van kropslaai het die afgelope winter volgens markagente goed verloop, met pryse wat stabiel van R6 tot R10 elk gewissel het. Tans verkoop kropslaai teen R6 tot R8 stuk. Uieboere het hul aanplantings tot die einde van Maart verhoog, wat tot gevolg het dat die verhoogde produksievolume op kort termyn prysdruk kan meebring. Uiepryse het die afgelope week gedaal, maar kan van middel Oktober herstel. Wat wortels betref, sal die voorsieningstekort pryse op kort termyn onder druk plaas. Hoër…

Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG CARLETONVILLE BRAKFONTEIN (476) 33 ha, aan H. Bekker en S.J. Bekker, van A.H. de Beer, R2 500 000. KAALPLAATS (577) 28 ha, aan V. van Wijngaarden, van G.B. Anderson, R1 550 000. PRETORIA BOEKENHOUTKLOOF (315) 19 ha, aan Undicom (Edms.) Bpk., van E.M.J. van Bommel, R2 700 000. RIETFONTEIN (366) 19 ha, aan Truter-familietrust, van Boshoff & Bisschoff-familietrust, R2 100 000. RIETFONTEIN (375) 10 000 ha, aan F. en R.T. Ntsieni, van Ekosto 1099 (Edms.) Bpk., R2 600 000. WITKOPPIES (393) 26 ha, aan Homeless People Housing Co-Operative Ltd, van J.D.R. Coelho, R6 500 000. KWAZULU-NATAL LADYSMITH KROMME DRAAI (1033) 247 ha; NINEVEH (12164) 615 ha; NOOITGEDACHT (1041) 408 ha en OPPERMANSKRAAL (1257) 257 ha, aan Valencia-boerdery…

VIR ekonomies volhoubare boerderye is veldaangepaste diere wat optimale produksie op natuurlike weidings kan handhaaf, soos goud in die hand. Dít is een van die belangrikste doelstellings van die groep Proveld Bonsmara wat op 19 Oktober sy veiling op die Vryburg-skouterrein aanbied. Volgens mnr. Marius Ferreira (Molopo-stoetery), een van Proveld se tien lede, is die resultaat van die gebruik van Proveld-bulle dat hul koeikuddes bogemiddelde reproduksieindekse toon. “Oor die afgelope paar jaar was veilingsbulle se moeders se gemiddelde reproduksie-indekse bo 110,” het hy aan Landbouweekblad gesê. Proveld vier vanjaar sy 18de bestaansjaar en toets deesdae sowat 250 bulle per jaar op die veld. Bulle word in groot groepe aan ’n strawwe veldtoets onderwerp en op die veld vir veilings voorberei. Slegs goedgekeurde bulle wat die toets slaag, ontvang die groep…

ANDERKANT DIE REËNBOOG LOESINGS VERMY Tien minute in die tweede helfte van die Springbokke se wedstryd teen die All Blacks op Christchurch, en ek begin die skottelgoedwasser regmaak. ’n Halfuur later, ná ’n vinnige, senuweeagtige kyk na die telling op TV, is ek eintlik verheug dat dit nie in die liederlike loesing ontaard het wat ek gevrees het nie. En net daar betrap ek myself: Maar, my magtag, dis mos die Bokke. Wat het dan gebeur? Die werklikheid is dat ons eenvoudig nie die slaankrag het om ’n puik All Black-span te troef nie. Dit gaan meer verg as om die volkslied uit volle bors te sing. En die probleem lê nie soseer by die spelers nie, al het van hulle lelike foute gemaak. Van die Bokke se Leeu-spelers het…

BUFFELBUL INALA BEHAAL R168 MILJOEN! Suid-Afrika het ’n nuwe superbuffel. Die teelbul Inala is op 16 September vir R168 miljoen op die Thaba Tholo-veiling in Limpopo verkoop. Die koper is mnr. Piet du Toit en vennote. GERHARD DE BEER skryf: Dankie aan boere soos dié wat die vermoë het om sulke pryse te betaal. So word ons diere se genetika verbeter, en almal gaan vorentoe daarby baat vind. MR B skryf: Wys asb. nou die EFT wat gedoen is vir dié buffel. RUSLOU skryf: Iemand gaan nog baie verliese ly. Pryse kan nie so aangaan nie. ABRAHAM skryf: ’n Vraag waaroor ek al lank wonder: As ek so ’n aandeel in ’n superbuffel koop, is ek dan dadelik ’n bona fide-boer wat die koopprys in dieselfde jaar kan aftrek soos…

DIE DEPARTEMENT van Water en Sanitasie se droogtekoördineerder waarsku dit kan tussen drie en vyf jaar duur vir damvlakke om ná die droogte weer nor-male vlakke te bereik. Die departement se mnr. Trevor Balzer het op die nasionale droogteberaad in Pretoria gesê die land se damvlakke staan tans op ’n gemiddelde van 52,5%. In 1984 was damvlakke af tot 34% en dit het tot April 1988 geduur om weer ’n gemiddelde vlak van 85% te bereik. “Al het ons hierdie seisoen dalk normale reënval en die mielies groei weer, sal ons steeds die watersituasie vir die volgende paar seisoene noukeurig moet bestuur,” het hy gesê. Volgens Balzer was die dam-me verlede jaar hierdie tyd nog gemiddeld 71,3% vol. Die dam-me in die Vaalrivierstelsel staan nou op 52% teenoor verlede jaar…

BEGROTING | Gee landbou ’n groter sny van die koek Die Regering bestee minder aan die landbou as wat die sektor tot die ekonomie bydra. Van 2003 to 2013 het staatsbesteding aan die landbou van 2,5% tot 2% van die totale staatsbesteding gedaal, terwyl die sektor se relatiewe bydrae tot die ekonomie van ’n bietjie meer as 4% tot 2,5% gekrimp het, het dr. Frikkie Liebenberg van die departement landbou-ekonomie aan die Universiteit van Pretoria op ’n konferensie van die Landbou-ekonomiese Vereniging van Suid-Afrika (Levsa) gesê. Liebenberg het ’n span gelei wat in opdrag van die Departement van Landbou, Bosbou en Visserye, met steun van onder meer die Wêreldbank en die Bill en Melinda Gates-stigting, staatsbesteding aan die landbou ondersoek het. In hul verslag oor dié studie beveel Liebenburg-hulle aan…

EKONOMIESE groei, verwagte beter weerstoestande en hoop dat die komende produksiejaar meer werksgeleenthede sal bring, stem landbousakelui vir die eerste keer in ’n lang tyd weer optimisties. Dié sienings het in vanjaar se derde kwartaal die Agbiz-IDC-indeks oor landbousakevertroue beduidend laat verbeter. Die indeks was vir vyf agtereenvolgende kwartale onder die vlak van 50 punte, en het in die derde kwartaal met 13 punte tot by 60 verbeter — die hoogste sedert die derde kwartaal van 2014, volgens mnr. Wandile Sihlobo, hoof van landbousakenavorsing by die landbousakekamer Agbiz. Die vooruitsigte vir La Niña- of normale weerstoestande en verwagte goeie winteroeste het waarskynlik gelei tot groter vertroue wat betref algemene landboutoestande. Die indeks meet sienings in 10 subindekse. Die indekspunte het in drie subindekse gestyg en in sewe gedaal. Vertroue in…

GRAANTARIEWE | Itac wil vanjaar nog klaarmaak met hersiening Mielie-, koring-, en suikerboere behoort teen die einde van die jaar te weet watter tariefbeskerming hulle sal geniet teen ingevoerde kommoditeite, ná die Kommissie vir Internasionale Handelsadministrasie (Itac) aangedui het hy wil die hersiening van dié tariewe voor die einde van die jaar afhandel. Die Regering hersien tans die plaaslike verwysingsprys – wat op die Amerikaanse dollar gebaseer is – en die veranderlike tariefformule ná invoer weens die droogte skerp gestyg het. Die vloerprys van mielies is in 1999 op $110/ton gestel en nog nie weer aangepas nie. Suiker se vloerprys is in 2009 op $330/ ton gestel en in 2014 tot $566/ton aangepas. Die vloerprys vir koring is ook twee keer, tot $215/ton in 2010 en tot $294/ton in 2013,…

IN die Wes-Kaap is dit afdraand oestyd toe met die eerste koring en kanola wat al in die suidelike graangebiede gelewer is. Mnr. Henk de Beer, hoofbestuurder van bedrywe by Sentraal-Suid-koöperasie (SSK) op Swellendam, sê die eerste paar vragte koring is drie weke gelede op Albertinia gelewer en die eerste kanola is middel September by SSK se Krombeksrivier-silo ingeneem. Volgens hom is daar goeie vooruitsigte vir ’n oes wat oorwegend beter as verlede jaar s’n kan wees. “Dit was ’n taamlik gesonde jaar en geen nuwe of groot siektes of plae het voorgekom nie. Produsente volg deesdae in elk geval voorkomende spuitprogramme.” In die omgewing van Caledon en Bredasdorp lyk die graan baie goed ná die min reën met planttyd, sê mnr. Francois Human, landbou-adviseur by Overberg Agri. “Dis veral…

DIE Departement van Landbou, Bosbou en Visserye se 15%-pekelperk vir hoenderstukke sal vanaf 22 Oktober geld. Regter Hans Fabricius van die Hooggeregshof in Pretoria het verlede week ’n aansoek deur die Suid-Afrikaanse Pluimveevereniging (SAPV) dat nuwe regulasies oor die pekelperk tersyde gestel en hersien word, met koste van die hand gewys. Fabricius het ook die SAPV se aansoek om agt weke grasie ná die hofbevel van die hand gewys. Die regter sê in sy uitspraak in die sowat 4 000 bladsye dokumente wat vir die saak ingedien is, word onder meer verwys na 19 vergaderings met alle moontlike belanghebbendes, asook 52 briewe en e-posse daaroor. “ ’n Holistiese siening van die vyf jaar lange raadplegingsproses lei my tot die slotsom dat ’n billike proses gevolg is.” ‘MEDE-REGERING’ Fabricius verwys na…

DIE WÊRELDBEVOLKING gaan oor die volgende 35 jaar van net meer as 6 miljard mense tot byna 10 miljard toeneem. Volgens die Wêreldbank het Suid-Afrika se bewerkbare grond, uitgedruk as hektaar per persoon, van 2000 tot 2013 met byna 26% gedaal (0,31 ha tot 0,23 ha). Die landelike bevolking, as ’n persentasie van die totale bevolking, het van 43% in 2000 tot 36% in 2014 gedaal. Die bewerkbare grond as ’n persentasie van die totale grondoppervlakte het van 11,4% tot 10,3% gedaal. Die Amerikaanse tydskrif National Geographic het bevind 16% van die wêreld se bevolking is afhanklik van voedsel wat in ander wêrelddele gelewer word, en dus ingevoer word. Teen 2050 sal dit 50% wees. Navorsing dui ook daarop dat tot 1,3 miljard mense, meestal in Afrika, die risiko loop…

Ballonne en motors hoort nie bymekaar nie. Nie eens met ’n groot rooi lint nie! Buiten die ballonne bo-op die motor, hoort ballonpaaiemente (daardie groot restantbetalings aan die einde van die termyn) en motors ook glad nie saam nie. Dit is kommerwekkend hoe min mense die gevolge van groot ballonpaaiemente verstaan. Sommige motormaatskappye vertel jou jy kan ’n motor vir R0 koop. Dit is heeltemal waar, mits jy vergeet jy moet vir 72 maande betaal om aan die einde steeds 35% van die koopprys te skuld. Wanneer ’n mens hierdie wonderlike nuwe geleentheid vergelyk met van die ouer betalingsmetodes, besef jy hoeveel slegter jy daaraan toe gaan wees. Neem as voorbeeld ’n aanbod wat tans beskikbaar is ( TABEL ). Die motor kos R164 900. Geen deposito is betaalbaar nie.…

Die Noord-Kaapse Genadeboerdery ryg die pryse in – maar nie een van die Bruwers laat toe dat dit na hul kop toe gaan nie. Mnr. Vickie Bruwer sr. en sy seuns in die distrikte Hope-town en Douglas is verlede jaar aangewys as Graan SA en Syngenta se Graanprodusent van die Jaar. Nou volg die 28-jarige Vickie jr., beter bekend as Tokkie, in sy familie se voetspore. Sy broers, Gerhard en Hannes, was in 2009 GWK se Jongboer van die Jaar en die boerdery was onderskeidelik OVK se lusernprodusent en GWK se aartappelprodusent van die jaar. Aan die oewer van die Vaal- en Rietrivier bestuur Vickie jr. ’n groeiende en hoogs gediversifiseerde boerdery. Sy produksie behels hoofsaaklik mielies, koring, lusern en grondbone, en afwisselend aartappels saam met Hannes en Gerhard op…

Waarom is sommige lammers geel met geboorte? Die geboortekleed van lammers wat normaal gebore word, is kleurloos en deurskynend. Geel lammers is meestal ’n teken van geboortestres, wat deur verskeie faktore veroorsaak word. Hoe langer die lam voor geboorte in die geboortekanaal vertoef, hoe groter is die risiko dat die lam met ’n geel geboortekleed gebore word. Ongebore lammers (fetusse) kry suurstof via die bloed wat van hul moeder deur die naelstring vervoer word. Wanneer die lammers te lank in die geboortekanaal is, vind onvoldoende suurstofuitruiling plaas. Dit gebeur ook as die naelstring toegedruk word. Wanneer dit gebeur, ervaar die lammers ’n suurstofnood. Sulke lammers word benoud en skei hul ontlasting (mekonium) in die baarmoeder uit. Dit “spoel” dan letterlik oor die lammers en verkleur hulle geel. Die ontlasting se…

Toe sy meer as 25 jaar gelede besluit het om haar eie kuierplekkie op die plaas te begin, kon sy nie eens ’n skon bak nie, verklap Kitta Burger. Vandag haal sy die een ná die ander boerekos-lekkerny uit haar Dover-koolstoof se pens: Die ou bekendes, soos potgebraaide lamsvleis, sagopoeding of veldkoolbredie, asook haar befaamde diepgoue anyspatats en veerligte skons.…

BELEGGING Bevorder onderlinge handel in Afrika vir landbougroei AFRIKA se potensiaal om as landboureus op te staan, kan slegs ’n werklikheid word indien die lande op die vasteland begin om met mekaar handel te dryf. Dr. Theo de Jager, voorsitter van die Pan-Afrika-boerevereniging (PAFO), het tydens die Agri All Africa-werksessie op die Jakarandaskou in Pretoria gesê Afrika het die meeste boere op enige vasteland ter wêreld. Gebrekkige infrastruktuur en ’n historiese gebrek aan handel tussen Afrikalande maak egter van boere van die armste gemeenskappe op die vasteland. “Dit lyk vir my of elke generasie van mense sy oorlog het om te veg. Die huidige generasie se oorlog is die oorlog teen armoede en hongersnood in Afrika. Geen ander generasie sal so goed toegerus wees om die oorlog te wen as…

Die 2,2 miljoen liter olyfolie wat jaarliks in Suid-Afrika geproduseer word, is ’n derde van die olyfolie wat plaaslik verbruik word, sê mnr. Nick Wilkinson, voorsitter van die Suid-Afrikaanse Olyfbedryfsvereniging. Vanjaar se oes was sowat 10% groter as dié van verlede jaar. Dit kan toegeskryf word aan meer hektare wat in produksie gekom het, en die feit dat dit vir sommige produsente ’n “aan”-jaar was. Die gehalte is uitstekend. Dit is dié besonderse gehalte wat Suid-Afrikaanse olyfolie dikwels op internasionale kompetisies met die pryse laat wegstap, sê Wilkinson. Die gehalte kan toegeskryf word aan die moderne tegnologie wat plaaslike produsente gebruik om die olies te ekstraheer en te verwerk. Boonop is Suid-Afrika se klimaat ideaal vir die verbouing van olywe. “Ons plant die regte kultivars vir ons toestande en die…

Die volgende ontleding van grondverkope in Suid-Afrika is van transaksies vir grond wat groter is as 20 ha in KwaZulu-Natal, Noordwes en Limpopo vanaf Julie 2015 tot Junie 2016. Die prysneigings in KwaZulu-Natal en Limpopo is grootliks gunstig, terwyl die pryse in die helfte van die distrikte in Noordwes gedaal het – ’n duidelike impak van die droogte. In KwaZulu-Natal is 314 ooreenkomste in 15 distrikte gesluit. Altesame 90 665 ha is teen R2,062 miljard verhandel. Uit die verkope was 106 (34%) transaksies van kleur, wat 41 577 ha (45,8%) verteenwoordig teen R957 miljoen, 46,4% van die totale waarde. Die meeste transaksies 112 (36%) was vir grond kleiner as 50 ha. In Noordwes is 625 transaksies in 12 distrikte voltrek. Altesame 256 401 ha is teen R4,132 miljard verhandel. Daarvan…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan lbw@landbou.com. ALGEMEEN 1 OKTOBER: Sakkie vd Merwekommandorit: Plesierrit met per-de en trekkers, ete en skuurdans. Philadelphia. Jimmy Smuts, sel 076 155 5433. 13-15 OKTOBER: Agri-Expo Livestock 2016. Sandringham, Stellenbosch. Tel. 021 975 4440. E-pos: admin@agriexpo.co.za. Web: www.livestock.org.za. 14-15 OKTOBER: Algemene jaarvergadering, SA Pekanprodusentevereniging. Magogong-skouterrein, Vaalharts. Sprekers sluit in Allen Brandt (Green Valley Pecans,Arizona) en die ekonoom dr. Roel of Botha. Dries Duvenhage, sel 0829482933. E-pos:sappa@hortgro.co.za. 4-5 NOVEMBER: Agri-Workslandbou-ekspo, Stellenbosch. Van der Stel-sportterrein. Tel. 021 854 4700. Web: www.agriworks.co.za. E-pos: info@cadek.co.za. 4-5 NOVEMBER: Gamtoosekspo, ten bate van Laerskool Gamtoosvallei. Patensie, Oos-Kaap. Tel. 083 556 3206. E-pos: info@gamtoos.co.za. Web: www.gamtoos.co.za. BOEREDAE 7 OKTOBER: Bosrumoer-boeremiddag. Doornrivier, Zeerust, Noordwes.…