Landbouweekblad 12/24/2020

BONT BEMARKING Die Suid-Afrikaanse wynbedryftransformasie-eenheid (Sawitu) het as deel van die #SaveSAWine-veldtog, wat opwinding rondom plaaslike wyn wil skep, kleurryke muurkuns in Kaapstad onthul. Dit was die inisiatief van me. Sarah Krone van die wynuitvoeronderneming Robinson & Sinclair, en is met die samewerking van die WWF se bewaringskampioene aangebied. Die muurkunswerk, deur die Kaapse kunstenaar Waynebks van Baz-Art, is op die voorkant van ’n gebou in Loopstraat aangebring – oorkant The Wine Shop. Volgens me. Wendy Petersen, bedryfsbestuurder van Sawitu, is wyn en kuns albei uitdrukkings van talentvolle vakmanskap. PLAN VORDER Teen einde Oktober het 836 van die 905 polisiekantore die landelike veiligheidstrategie in werking gestel, landelike veiligheidskoördineerders aangestel en landelike veiligheidskomitees gestig, het adj.pres. David Mabuza in antwoord op ’n parlementêre vraag gesê. Mabuza het hierdie inligting bekend gemaak…

539 Daar is in November 593 nuwe trekkers verkoop, wat 39% meer is as die 427 trekkers wat in November 2019 verkoop is. Vir die jaar tot dusver is 385 meer trekkers verkoop as die ooreenstemmende tyd in 2019, of 8% meer. In November is vier stropers verkoop, een meer as die drie wat verlede jaar November verkoop is. Sedert Januarie tot einde November vanjaar is 182 stropers verkoop, teenoor 145 in die eerste 11 maande van verlede jaar – dit is 26% meer. – Suid-Afrikaanse Landboumasjinerieassosiasie 13,5% Die BBP het in die derde kwartaal met 13,5% gegroei teenoor die tweede kwartaal, met ’n geannualiseerde en seisoensaangepaste groei van 66,1% op ’n kwartaalgrondslag. Dit is teenoor die tweede kwartaal se groei van -16,6% en kwartaallikse geannualiseerde en seisoensaangepaste groei van…

VROEË KERSGESKENK. Op die plaas Brulpadda, halfpad tussen Williston en Brandvlei, het die Krügels en hul skape groot geskrik toe ’n onverwagse storm op 9 Desember 65 mm reën na hul kurkdroë plaas gebring het. “In die klompie jaar wat ons hier boer, het ons nog nie só iets beleef nie,” vertel me. Bea Krügel. “Ons dogtertjie, Mika (2), was vir ’n ruk heel histeries. Veral toe sy hael op die dak hoor. Tot die skape was verward. Hulle is in voerkrale om die huis en toe ons sien die krale begin onder water loop, was ons nogal benoud. Ons arme skape ken nie reën nie en weet nie hoe om te swem nie.” Sy sê al was daar voorspellings van moontlike buie het hulle eintlik glad nie reën verwag…

INWONERS van Ngqushwa in die Oos-Kaap vra al jare lank vir skoon water. Die Amathole-distriksmunisipaliteit het ’n opname van boorgatliggings in die area gedoen, en geen plekke gevind wat geskik is vir drinkwater nie. In die laaste week van November het die hulporganisasie Gift of the Givers vier nuwe boorgate in drie dae geboor. Die watergehalte moet nog getoets word, maar Gift of the Givers is vol vertroue dit sal goeie gehalte wees. Nqushwa, wat ook bekend is as Peddie, se 138 inwoners sukkel al vir 10 jaar met waterskaarste. In die nabygeleë Feni moes huishoudings vuil water uit die rivier gebruik, of water koop van plaaslike vragmotors. Krane is in dié dorpie aangelê, maar is al vir nege jaar sonder water. Tydens die Covid-19-inperking het jong mense telkens die…

‘Ons gaan vandag hier teen die see kom sit.’ MNR. LUKIE STEENKAMP, boer van Carnarvon, oor die groot watermassa wat goeie reën op sy plaas agtergelaat het. Bl. 16 ‘In die lig van die verwagting van voortgesette goeie landboutoestande en die jongste grondprysinligting, kan die gevolgtrekking gemaak word dat landbougrondpryse stabiliseer en in dele van Suid-Afrika selfs effens herstel.’ MNR. JOHANN BORNMAN, ekonoom en eiendomskenner, oor grondprysneigings. Bl. 31 ‘Dit beteken waarskynlik dat plaaskinders in kontak is met omgewingsfaktore, moontlik omgewingsmikrobiota wat in interaksie is met die dermmikrobioom, wat tot die beskermende effek lei.’ DR. MARTIN DEPNER van die Helmholtz Zentrum in München, oor hoekom plaaskinders minder vatbaar is vir asma. Bl. 33 ‘As jy nie jou afval kan bestuur nie, is daar geen manier dat jy ’n distilleerdery goed…

Gaan die landbou vir die eerste keer in baie jare ’n taamlik stresvrye feestyd beleef? ’n Seisoen waarin boere nie elke dag angstig die weerdienste nagaan en die horison dophou vir tekens van reënwolke wat saampak nie, maar klaar geplant is met kalwers en lammers wat op groen gras loop? Miskien sal sulke goeie toestande ons vanjaar meer tyd gee saam met familie en vriende — ’n aangename vooruitsig ná ’n moeilike jaar van inperkings, afsondering en geliefdes wat aan Covid-19 afgestaan is. Boonop volg dit op jare se bekommernis oor reën wat net nie in Desember en vroeg in Januarie wou kom nie. Volgens die landbouweerkundige mnr. Johan van den Berg is die kans taamlik goed dat Suid-Afrika ’n lekker warm, nat Desember en vroeë Januarie kan hê wat…