Landbouweekblad 04 Feb 2021

KRAGVLAKTE Die Zeerust-sonkragaanleg is onlangs in gebruik geneem. Dit is tans die grootste sonkragprojek in Noordwes, met 250 080 sonpanele wat na verwagting jaarliks 180 GWh sal kan lewer. Dit is genoeg om in die behoeftes van sowat 84 000 gemiddelde Suid-Afrikaanse huishoudings te voorsien. Die aanleg is ten volle deur Suid-Afrikaanse beleggers ontwikkel en is die derde sonkragaanleg wat in Noordwes in gebruik geneem word, ná die Bomakoso-sonkragaanleg naby Leeudoringstad en die Waterloo-sonkragaanleg naby Vryburg. BLAASKANS Die landbousektor sal baat vind by die bestendige rentekoers, wat die Reserwebank op 21 Januarie onveranderd gehou het op 3,5%, sê mnr. Paul Makube, senior landbouekonoom by FNB Landbou. Al sou die rentekoers weer verlaag word, sou dit nie vergoed vir die verlies aan inkomste wat boere in die drankwaardeketting tans beleef nie.…

$17 miljoen Die Suid-Afrikaanse landboutegnologiemaatskappy Aerobotics het $17 miljoen (nagenoeg R258,6 miljoen) ingesamel in ’n geldinsamelingspoging om die besigheid se bedrywighede te konsolideer (’n sogenoemde reeks B-insameling). Die grootste bydrae is gelewer deur Naspers, die eienaar van Media24, wat ook Landbouweekblad besit. Ander deelnemers was ’n Johannesburgse beleggingsmaatskappy, ’n Nederlandse belegger en ’n Franse privaatkapitaalmaatskappy. – Aerobotics 16 jaar Suid-Afrika se inflasiekoers het in 2020 tot die laagste vlak in 16 jaar gedaal vanweë die uitwerking van Covid-19 op verbruikersgedrag. Die gemiddelde jaarlikse verbruikersprysindeks was 3,3% – ver benede die middelpunt van die Reserwebank se inflasieteiken van 3% tot 6%. Die inflasiekoers was in Desember 2020 op ’n jaargrondslag 3,1%, teenoor 3,2% ’n maand vantevore. In Desember was petrol- en dieselpryse onderskeidelik 11,3% en 14,3% laer as ’n jaar vantevore.…

NOOIENSVLOED. Die Neckartaldam, Namibië se grootste opgaardam, het op 19 Januarie vir die eerste keer oorgeloop, minder as ’n jaar ná dit in Maart 2020 amptelik in gebruik geneem is. Die dam word gevoed deur die Visrivier en is stroomaf van die Hardapdam. Die hoë invloei is onder meer te danke aan die oopmaak van die Hardapdam se sluise ’n week vantevore nadat goeie reën in die opvangsgebied die vlak bo 70% laat styg het. Die dam het ’n kapasiteit van 857 miljoen meter3 en is onder meer gebou vir die besproeiing van ongeveer 5 000 ha landbougewasse, onder meer lusern en dadels, in die Neckartalbesproeiingskema. Danksy goeie reën wat reeds hierdie somer geval het, is Namibië se damme altesaam 82,9% vol, volgens die Namibiese waterkorporasie, NamWater, se jongste damverslag.…

MNR. ELON MUSK, Tesla se uitvoerende hoof en nou die wêreld se rykste persoon, het op Twitter aangekondig hy gaan $100 miljoen (R1,5 miljard) van sy persoonlike rykdom van $180 miljard (sowat R2,7 biljoen) weggee as ’n prys vir die beste tegnologie om koolstof op te vang. Dit is nog nie duidelik hoe só ’n kompetisie sal werk of selfs watter tegnologieë in aanmerking kan kom nie. Koolstofopvangs kan verwys na metodes wat keer dat kweekhuisgasbesoedelings uit fabrieke of kragsentrales ontsnap, of allerlei maniere om dit uit die atmosfeer te haal. Sommige nuwe maatskappye ontwikkel masjiene wat koolsuurgasmolekules uit die lug gryp, wat dan ondergronds opgeberg kan word of gebruik kan word om koolstofneutrale brandstowwe te skep. Ander groepe ondersoek maniere om minerale, bome, plante en grond te gebruik om…

‘As een gloeilamp in jou huis blaas, sit jy nie die hoofskakelaar af om die gloeilamp om te ruil nie; net die skakelaar vir die lig waar die probleem is.’ MNR. JOHAN DE VILLIERS, bedryfsbestuurder by die Klein Roosboom-boetiekwynlandgoed in Kaapstad, oor die onsinnigheid van ’n algehele verbod op alkoholverkope weens gelokaliseerde probleme. Bl. 14 ‘Ons is in ’n noodtoestand waar entstofontwikkeling verhaas word en miskien moet die owerhede ’n bietjie meer buigsaam wees.’ DR. LEON DE BRUYN, voorsitter van die veeartsenykundige vereniging, oor die plaaslike owerhede se versuim om mens-like gebruik van ivermektien goed te keur sodat die middel teen Covid-19 aangewend kan word. Bl. 15 ‘Die vrugte sal nou industrieel verwerk moet word, of sal bestem wees vir die sapfabriek.’ MNR. MARIUS VAN DER WESTHUIZEN, Hortgro-verteenwoordiger in die…

Dit is werklik ’n besonderse prestasie — die manier waarop die Suid-Afrikaanse landbou sy uitsette sedert 1994 kon verdubbel. Boonop was dit ondanks ’n breë beleidsomgewing wat meestal onsimpatiek teenoor die landbou staan, en ’n maatskaplike omgewing wat boerdery nie net die gevaarlikste beroep in die land maak nie, maar waar diefstal winsmarges wegkalwe en moedeloosheid laat posvat. Deesdae omarm ons boere tegnologie soos niemand anders nie. As daar iets is waarmee hulle geld kan maak of bespaar, weet hulle amper dadelik daarvan danksy digitale media. As hul plaaslike koöperasie dit nie kan verskaf nie, voer hulle dit sommer self in. Landboubesighede en ander insetverskaffers het reeds by die nuwe vraag aangepas. Nog meer verstommend is dat die landbou se prestasie veel beter kon gewees het as Suid-Afrikaners net vroeër…