Indholdsfortegnelse for 04 Feb 2021 i Landbouweekblad

MNR. ELON MUSK, Tesla se uitvoerende hoof en nou die wêreld se rykste persoon, het op Twitter aangekondig hy gaan $100 miljoen (R1,5 miljard) van sy persoonlike rykdom van $180 miljard (sowat R2,7 biljoen) weggee as ’n prys vir die beste tegnologie om koolstof op te vang. Dit is nog nie duidelik hoe só ’n kompetisie sal werk of selfs watter tegnologieë in aanmerking kan kom nie. Koolstofopvangs kan verwys na metodes wat keer dat kweekhuisgasbesoedelings uit fabrieke of kragsentrales ontsnap, of allerlei maniere om dit uit die atmosfeer te haal. Sommige nuwe maatskappye ontwikkel masjiene wat koolsuurgasmolekules uit die lug gryp, wat dan ondergronds opgeberg kan word of gebruik kan word om koolstofneutrale brandstowwe te skep. Ander groepe ondersoek maniere om minerale, bome, plante en grond te gebruik om…

ARTIKELS & RUBRIEKE ■ Koster wys SA hoe om munisipaliteit reg te ruk ■ Topskaapboer streef na hoogste wins per hektaar ■ Wees waaksaam teen slenkdalkoors ■ Veldbestuur gee deurslag in ekstensiewe skaapboerdery ■ Bouvorm sleutel tot rooivleiswins ■ Begin by grond vir beste sonneblomopbrengs GESIN ■ Soete verleiding KLEINVEE Die hoogste moontlike inkomste per hektaar is die belangrikste mikpunt van Suid-Afrika se voorste kleinveeprodusente. Daarom benut mnr. Johan en me. Marie-Louise Hoffmann en hul seun, Jos, die modernste wetenskaplike beginsels met hul Merino’s by Bothaville. Hier is Lorrette (4), Jos en sy vrou, Stephani, se dogter, by ’n lam.…

EIE TEGNOLOGIE NODIG VIR VORDERING Die groei van akwakultuur in Suid-Afrika lyk besonder belowend, maar sonder ’n statutêre tuiste sal dit ’n mite bly dat die bedryf ’n beduidende voedselvoorsiener van die toekoms kan wees. Groter staatsbetrokkenheid en -steun word bepleit, omdat ons nie bloot buitelandse tegnologie kan oorneem nie. Vanweë eiesoortige geografiese en klimaatsomstandighede verg akwakultuur in Suid-Afrika die voortsetting van toegewyde navorsing om te voldoen aan die toekomsverwagtings wat van dié jong, maar lewenskragtige bedryf gekoester word. Wat akwakultuur besonder aantreklik maak, is die feit dat dit ook in afgeleë gebiede ’n bykomende bron van vars proteïen aan ’n vinnig groeiende bevolking kan bied, terwyl dit ook ten opsigte van die meer gesofistikeerde marksegment toenemende byval behoort te vind. Deur die produkte wat wetenskaplik en higiënies geproduseer word,…

SUID -AFRIK A se wynuitvoer het in een van die bedryf se moeilikste jare met meer as 7% in waarde gegroei. Altesaam 319,2 miljoen liter wyn, ter waarde van R9,1 miljard, is verlede jaar uitgevoer, ondanks ’n vyf weke lange uitvoerverbod en struikelblokke in die Kaapstadse hawe vanweë Covid-19. Dit is 0,2% minder as wat in 2019 uitgevoer is. Me. Siobhan Thompson, uitvoerende hoof van die bedryfsliggaam Wines of South Africa (WoSA), glo aanlyn en sosialemediaveldtogte het gehelp om die buiteland bewus te maak van die plaaslike wynbedryf se benarde posisie. “Ons het ongelooflike ondersteuning van die handel, invoerders en verbruikers reg oor die wêreld geniet. “Ons is ewig dankbaar vir elkeen wat ons ondersteun het en ons hoop dié ondersteuning sal voortgaan terwyl ons op die oomblik wéér verbied…

DIE afslaersmaatskappy Vleissentraal het ’n nuwe handelskaart vir veeboere bekend gestel. Dis veral voordelig vir boere in afgeleë gebiede wat voorheen met tjeks betaal is wanneer hulle diere op die onderneming se veilings verkoop het. Mnr. Pieter van der Walt, finansiële direkteur van Vleissentraal, sê die stap is nodig omdat handelsbanke nie meer tjeks aanvaar nie. Dié betaalmetode word nou met ’n volwaardige Master-card vervang wat soos ’n debietkaart werk, waarin ’n boer se geld gedeponeer word. Die geld is dan onmiddellik beskikbaar en die kliënt kan landwyd met die kaart by enige instelling met ’n kaartmasjien goedere koop en geld by enige kitsbank of Nedbanktak onttrek. Die boer hoef nie eens ’n bankrekening te hê nie. Groot boere met bankrekenings sal steeds hul geld deur middel van ’n elektroniese…

’N APPELKOOS-JAAR wat almal se wildste verwagtinge oortref het. Só som mnr. Jacques Jordaan, uitvoerende hoof van die Inmaakvrugteprodusentevereniging (IPV), die pasafgelope Bulida-appelkoosoes op wat meer as dubbel so groot as verlede jaar was. Die aanvanklike oesskatting was dat vanjaar net meer as 20 000 ton Bulida-appelkose gaan oplewer. Uiteindelik is 29 906 ton appelkose gepluk, waarvan 28 806 ton vir die inmaak- en sap- of pureebedryf be-stem was. Die res is vir die droogen vars mark gelewer. Verlede jaar het net sowat 12 700 ton Bulida-appelkose opgelewer. Die inmaakfabrieke het toe-gang tot 126% meer vrugte as verlede jaar gehad. Vanjaar se oes was ook 15% meer as die vyfjaargemiddelde. “Almal het gesê dit gaan ’n groot oes wees, maar niemand het gedink dit gaan dáár draai nie. Iemand sê…

Afgetredenes se belastingkoerse is meestal baie laer as toe hulle gewerk het. Geen belasting word ook op die groei binne ’n aftreefonds betaal nie, en geen boedelbelasting is by dood op die belegging betaalbaar nie. TABEL 1-3 vergelyk die vier algemeenste beleggings, naamlik ’n uitkeerpolis, ’n regstreekse belegging in ’n effektetrust, ’n belastingvrye beleggingsplan en ’n uittree-annuïteit, asook die verskillende situasies wat die belasting hierop betref. Die bedoeling van regulasie 28 van die Pensioenfondswet (Wet 24 van 1956) is om te voorkom dat lede of trustees van ’n aftreefonds ’n té gekonsentreerde portefeulje bou en die risiko loop om alles te verloor. Aftreefondse kry egter ongunstige publisiteit oor die beperkings wat regulasie 28 op portefeuljes plaas, byvoorbeeld dat nie meer as 75% in aandele en nie meer as 30% in…

R1,7 miljoen: Boranbul QT 12-30 op 18 Julie deur die Meybor-stoetery van Ermelo aan mnr. Jaco van der Walt van Limpopo. R900 000: Bonsmara LAR 17-467 op 3 Julie deur George Bonsmaras aan Sebadja Bonsmaras. R620 000: Bonsmara BBM 17-203 op 26 Mei deur Poggenpoel Bonsmaras aan Leeuwheuvel Boerdery, Christiana. R540 000: Bonsmara NFS 18-147 op 5 Junie deur Sernick aan dr. Joggie Briedenhann van Namibië. R540 000: Bovelder M17-0531 op 12 Augustus deur Boshoek, Maritz, en CV Bovelders aan mnr. Cronjé Deale van Vrede. R480 000: Hereford WDW17083 op 14 September deur mnr. Philip de Waal se Locheim-stoetery aan mnr. Lodewyk Fourie van Schweizer-Reneke. R420 000: Simmentaler JH1636 deur JH van Biljon van Lichtenburg aan mnr. Rudi Lemcke van Botswana. R370 000: Simbra JHR 16-341 op 14 Julie deur…

WAT IS DIE BESTE BOERDERYBESLUIT WAT JULLE AL GENEEM HET? Om eerder gehalte as groot hoeveelhede te produseer. WAT IS DIE BESTE RAAD WAT JULLE AL GEKRY HET? Riglyne en raad oor tradisionele groenteboerderypraktyke, en ons hou ook nooit op om van familie, vriende, ons mededingers, klante en boeke te leer nie. WAT IS DIE GROOTSTE BOERDERYFOUT WAT JULLE GEMAAK HET? Ons het in die beginjare ’n kontrak aanvaar om tonne organiese wortels, patats en botterskorsies te verskaf om babakos op ’n groot skaal te produseer. WAT IS JULLE GROOTSTE STRUIKELBLOKKE? Ons klimaat in die algemeen, maar tekens van klimaatsverandering maak boerdery in die Sandveld selfs moeiliker. EN DIE GROOTSTE GELEENTHEDE? Die geleentheid om ons eie grond te koop. WATTER TEGNOLOGIE IS ONMISBAAR IN JUL BOERDERY? Die tegnologie wat besproeiing…

Hoekom is jy so passievol oor nektariens? Ons boer ook met wyndruiwe, pere, perskes, pruime en pruimedante, maar Skoonuitsig se nektariens is sowat twee weke vroeër ryp as dié van die nabygeleë Ceres. Dit gee ons ’n goeie voorsprong op die mark. Ek geniet dié boerdery ook omdat nektarienboorde mooi en netjies is. Watter soorte verbou jy? Witvleis-nektariens en ’n seldsame lospitnektarien wat vir die droogmark verbou word. Min mense het dié kultivar, maar dit droog ongelooflik lekker en het ’n goeie smaak. Boer jy saam met die natuur? Ek glo daaraan om so min as moontlik plaagbekampingsmiddels te spuit. Ons spuit slegs wanneer ons monitering wys daar is probleme. Ons kyk ook na die natuurlike roofinsekte in die boorde sodat hulle kan help om die plae uit te sorteer.…

BENODIGDHEDE ■ Weerbestande materiaal (40 cm x 45 cm) ■ Dennehoutplanke in die volgende mates: • A1 en A2: twee elk van 69 cm x 2,2 cm x 4 cm • B1-8: agt elk van 34,5 cm x 1 cm x 4,8 cm •C: een van 29 cm x 1 cm x 2 cm • D: twee elk van 55 cm x 2,2 cm x 4 cm ■ Sterk krammasjien met krammetjies ■ Twee velle skuurpapier (80 of 100 grein), merkpen en maatband ■ Boor, houtboorpunt (nommer 3), houtsaag, dun beitel en houtlym ■ Skroewedraaier en 25 houtskroewe ( 6 mm x 2 cm) SKUUR GLAD ■ Skuur al jou plankies liggies met skuurpapier en stof dit mooi af. ■ Gebruik die merkpen om op elke plankie en die rug-…

Terwyl ek hier in my studeerkamer sit en skryf, wys die termometer reeds 30-36 °C. Langs my lê Landbouweekblad, klaar gelees en nie veel vreugde gevind nie. Ek is nou wel nie ’n boer nie, maar ek stam uit ’n boerefamilie wat etlike geslagte lank ’n bestaan probeer maak het uit die grond en alles wat daarmee saamhang. Ek ken droogte. Ek ken die stryd tussen hoop en wanhoop; die stryd tussen bid en aanhou bid en dan wag en aanhou wag en vasbyt in die geloof, want die groot reën is op pad. Dit is mos wat ons liewe Here gesê het – volhard in die gebed. Ja, maar hoe lank is die eis wat volharding aan ons stel? Het die Here dalk langverlof geneem, met respek gevra? Ons…

Die plaaslike Angorabokbedryf beleef reeds ’n goeie jaar, met ramme wat uitstekende pryse, onder meer ’n wêreldrekordprys vir ’n Angoraram, behaal het. Op die Angoraramveiling op Graaff-Reinet verlede November het die oë gerek toe ’n wêreldrekordprys van R155 000 vir ’n Angoraram betaal is. Die ram, afkomstig van die Afirview-stoetery naby Aberdeen, wat deur mnre. Jan en Jannie Lategan geteel is, is deur mnr. Petrus en me. Angené Marx van die Marwykstoetery, Wolmaransstad, gekoop. Die veiling het goeie gemiddelde pryse opgelewer, met stoetramme wat teen gemiddeld R51 900 verkoop is, geselekteerde kudderamme teen gemiddeld R13 400 en kudderamme teen gemiddeld R5 800. Daar was ook ’n goeie keuse van stoetooie, waarvan die duurste lot teen R3 000 per ooi verkoop is. Op die eerste veiling vanjaar van die Angora-telersgenootskap op…

$17 miljoen Die Suid-Afrikaanse landboutegnologiemaatskappy Aerobotics het $17 miljoen (nagenoeg R258,6 miljoen) ingesamel in ’n geldinsamelingspoging om die besigheid se bedrywighede te konsolideer (’n sogenoemde reeks B-insameling). Die grootste bydrae is gelewer deur Naspers, die eienaar van Media24, wat ook Landbouweekblad besit. Ander deelnemers was ’n Johannesburgse beleggingsmaatskappy, ’n Nederlandse belegger en ’n Franse privaatkapitaalmaatskappy. – Aerobotics 16 jaar Suid-Afrika se inflasiekoers het in 2020 tot die laagste vlak in 16 jaar gedaal vanweë die uitwerking van Covid-19 op verbruikersgedrag. Die gemiddelde jaarlikse verbruikersprysindeks was 3,3% – ver benede die middelpunt van die Reserwebank se inflasieteiken van 3% tot 6%. Die inflasiekoers was in Desember 2020 op ’n jaargrondslag 3,1%, teenoor 3,2% ’n maand vantevore. In Desember was petrol- en dieselpryse onderskeidelik 11,3% en 14,3% laer as ’n jaar vantevore.…

‘As een gloeilamp in jou huis blaas, sit jy nie die hoofskakelaar af om die gloeilamp om te ruil nie; net die skakelaar vir die lig waar die probleem is.’ MNR. JOHAN DE VILLIERS, bedryfsbestuurder by die Klein Roosboom-boetiekwynlandgoed in Kaapstad, oor die onsinnigheid van ’n algehele verbod op alkoholverkope weens gelokaliseerde probleme. Bl. 14 ‘Ons is in ’n noodtoestand waar entstofontwikkeling verhaas word en miskien moet die owerhede ’n bietjie meer buigsaam wees.’ DR. LEON DE BRUYN, voorsitter van die veeartsenykundige vereniging, oor die plaaslike owerhede se versuim om mens-like gebruik van ivermektien goed te keur sodat die middel teen Covid-19 aangewend kan word. Bl. 15 ‘Die vrugte sal nou industrieel verwerk moet word, of sal bestem wees vir die sapfabriek.’ MNR. MARIUS VAN DER WESTHUIZEN, Hortgro-verteenwoordiger in die…

TOEKEN VAN WATERREGTE BLY NETELIG Ek lees die “eksperts” se kommentaar oor waterregte (L BW , 17 Desember 2020). Ek glo nie een van die drie persone be-sit self waterregte nie, anders sou hulle nie so maklik sê dat boere moet heraansoek doen om hul eie waterregte nie. Buiten dat die staat nie so iets sal kan hanteer nie, wat nog te sê dit regverdig kan toeken. Waterregte is myns insiens nogal ’n ingewikkelde saak wat in die ou dae ook nie altyd konsekwent toegeken is nie. Hier in die gebied waar ek boer (Laeveld van Mpumalanga), verskil die toegekende hoeveelheid water per hektaar nogal aansienlik. Só het die Krokodilrivier-besproeiingsgebied ’n toe-kenning van 8 000 m³/ha per jaar in die gebied bokant Krokodilpoort, maar 12 000 m³/ha onderkant, die sogenoemde…

DIE dieregesondheidsmaatskappy Afrivet se voorraad produkte met ivermektien wat vir minstens die eerste drie maande van die jaar moes hou, is binne twee weke uitverkoop. Dr. Peter Oberem, uitvoerende hoof, sê dis moeilik om te bepaal of die toename in verkope toegeskryf kan word aan boere se behoeftes ná die goeie reën en of dit vir ander gebruike by handelaars aangekoop word. “Al wat ek kan sê, is binne die eerste 10 werksdae van die jaar het ons al ons voorraad wat vir drie tot vier maande bedoel was, uitverkoop, en behalwe vir klein verpakkings van 20 ml tot 50 ml is daar niks oor nie. Ons hoop nou dat voorraad wat ses maande gelede bestel is, teen einde Januarie by ons pakhuis sal wees.” Oor die swartmark wat ontstaan…

SUID -AFRIK A ANSE sitruskwekers kan uitsien na minder rompslomp met vrugte wat na Brittanje uitgevoer word noudat Brittanje nie meer deel is van die Europese Unie (EU) nie. Die Britse regering het onlangs aangekondig dat hy die invoer van kommoditeite soos sitrus dereguleer. Mnr. Justin Chadwick, uitvoerende hoof van die Suid-Afrikaanse Sitruskwekersvereniging, sê hy het nog nie amptelike kommunikasie van die Britse regering ontvang nie, maar dit behoort beslis makliker te wees om in die toekoms na Brittanje uit te voer. “Ons verstaan ook dat die reëls vinniger kan verander noudat Brittanje nie meer aan die EU se prosesse hoef te voldoen nie. Dit kan maande duur om ’n nuwe produsent of boord se vrugte na Europa te stuur omdat inspeksies eers gedoen moet word om te verseker die…

1 NAMIBIË| Voëlgriep in Europa lei tot invoerverbod Namibië het sedert middel Januarie die invoer van lewende pluimvee uit tien Europese lande verbied ná uitbrekings van voëlgriep daar. Volgens die land se direktoraat veeartsenykundige dienste word invoer uit Nederland, Duitsland, Brittanje, Ierland, Denemarke, die Oekraïne, België, Pole, Swede en Frankryk geraak. Gaar pluimveeprodukte vir kommersiële gebruik mag met ’n veeartsenykundige permit ingevoer word. Die invoer van lewende volstruise en onverwerkte volstruisprodukte sal ook opgehef word. Namibië verbruik maandeliks nagenoeg 2 500 ton hoendervleis en maak staat op invoer uit hoofsaaklik Suid-Afrika om in dié vraag te voorsien. — Reuters 2 KENIA | Heffing betaal vir reinigingsgerief Kenia wil die uitvoer van mango’s na Amerika en ander sleutelmarkte hervat. Om aan dié markte se streng fitosanitêre regulasies te voldoen,…

PRODUKSIE VAN PERLEMOEN GROEI, MAAR COVID-19 BELEMMER VRAAG Die Covid-19-pandemie, asook verhoogde produksie in China plaas ’n demper op die verdere groei in die produksie van perlemoen in Suid-Afrika. Volgens mnr. Etienne Hinrichsen, besturende direkteur van die maatskappy AquaEco, was die vraag na Suid-Afrikaanse perlemoen histories sterk in die Verre Ooste danksy die puik gehalte en eiesoortige smaak. “Druk op die wêreldekonomie beteken egter dat verbruikers alternatiewe en goedkoper kos soek, wat beteken dat die vraag na Suid-Afrikaanse perlemoen daal.” Volgens Hinrichsen was daar die afgelope vyf jaar sterk belegging en uitbreiding in die bedryf. Die Covid-pandemie, asook die verhoging in perlemoenproduksie in China plaas egter druk op internasionale markte. “Daar heers kommer in die bedryf dat die prys onder verdere druk sal kom namate produksie verhoog.” As teenvoeter vir…

Het jy al in die veld geloop en skielik ’n bossie oortrek met mooi geel blomme gesien en gewonder watter spesie dit is? En gewonder of jou vee dit sal eet? Of dit giftig is, of dalk ’n teken dat die veld oorbewei word? Met die beste voornemens pluk jy ’n takkie af, sit dit in jou hempsak of in die bakkie om later te identifiseer as jy weer by jou kantoor en jou plantboeke is. Gou-gou is die plantjie egter vergete omdat belangriker sake afgehandel moet word. Dit sou darem gaaf gewees het om ’n maklik bereikbare hulpbron reeds in die veld te hê om te help met die identifikasie van die plant. Die oplossing is ’n selfoontoepassing met foto’s van en inligting oor algemene veld- en weiplante van…

■ Ná eeue se gebruik het die verouderde infrastruktuur waarmee dit verwerk word en ’n skerp toename in tjekbedrog die gebruik van tjeks die nekslag toegedien. ■ In 2020 was tjeks minder as ’n halwe persent van die land se totale kleinhandelverkope, kaart 12% en elektroniese oorplasings 80%. ■ Die monetêre kringloopteorie beteken dat daar “nooit” ’n tekort aan geld sal wees nie. Daar kan altyd meer geskep word as daar meer nodig is, wat kopers geneig maak om meer geld uit te gee.…

Al besproei hulle die groente, benodig hulle genoeg winterreën om die boorgate aan te vul en die soute uit die grond te was, sê mnr. Theunis Engelbrecht. “Jy kan besproei soos jy wil, maar reënwater maak die groot verskil.” Hul langtermyngemiddelde reënval is sowat 200 mm per jaar, maar die afgelope paar winters het hulle dit nie gehaal nie. Theunis sê al het hulle nie genoeg reën in 2020 gekry nie, was dit beter as die vorige jare, veral omdat die verspreiding goed was. 2017 was ’n baie droë jaar by hulle. “Baie van die bosse (in die veld) het gevrek, en baie wilde diere het na die lande toe gestroom.”…

Ons wil graag sien hoe lyk jou visvang- of sportkykstoeltjie! Stuur vir ons ’n foto van jou en jou projek en jy kan ’n interessante boek ter waarde van R185 wen — geskenk deur NB Uitgewers. In Ontdek: Die Oseaan kan leergierige agies alles oor oseane leer. Golwe, die weer, sand, seebeddings, rotse, lewe op koraal, duikbote, visvang en besoedeling is maar net ’n paar van die boeiende temas wat aan die beurt kom. Stuur jou foto saam met jou naam, ouderdom en adres aan Lucille Botha (lbotha@landbou.com) teen 11 Maart om ’n kans te staan om dié oulike boek te wen.…

GAUTENG CARLETONVILLE ZWARTKRANS(172),24ha,aan C.TijssenenD.Tijssen,van B.DrewenL.Drew,R1380000. NIGEL HONIGFONTEIN(339),78ha, aanORGPrinsloo-trust,van W.P.Meyer,R1439268. PRETORIA BEYNESPOORT(335),21ha, aanA.Dry,vanK.E.Mkhonzaen M.J.Mkhonza,R900000. DEWAGENDRIFT(417),21ha, aanC.Coetzee,vanZantefamilietrust,R950000. ROOIKOPJES(483),21ha, aanBangwayoMahlatini Maduna-familietrust,van TuscanMood80(Edms.)Bpk., R1022000. KWAZULU-NATAL BALLITO CRAMO (14757), 20 ha en PLAAS 66A (2630), 20 ha, aan PSR Waste (Edms.) Bpk., van The Go Big Inv.estment-trust, R1 500 000. UMHLALI (1126), 32 ha, aan Trevor Milstead-familietrust, van Lynton Sugar Estates BK, R3 600 000. PIETERMARITZBURG DUNBARESTATE(1478),32ha, aan Dream Lemons For Africa (Edms.) Bpk., van Sendholm (Edms.) Bpk., R2 150 000. MOUNT VERDE (18081), 30 ha, aan Cafe Xpresso (Edms) Bpk., van Bidah-trust, R6 000 000. LIMPOPO ROEDTAN UITLOOP (3), 46 ha, aan Eggbert Eggs (Edms.) Bpk., van Ken’s-trust, R23 800 000. MARKEN HANOVER (62), 952 ha, aan Ratho-boerdery (Edms.) Bpk., van Ratho-trust, R12 650 000. MODIMOLLE VOGELSTRUISPAN (552), 300 ha, aan Floris Vlakte-trust, van…

Die veebedryf is optimisties dat goeie pryse behaal sal word op die reeks stoetveeveilings vir 2021 wat pas begin het. Dr. Cobus Oberholster, hoofbestuurder vir vee, eiendomme en afslaers by BKB, skryf die optimisme van telers en rooivleisprodusente toe aan die goeie reën wat in die sentrale dele van die land uitgesak het, asook die uitvoer van lewende skape, wat in 2020 te midde van omstredenheid na veral die Midde-Ooste begin het. Die hoër vraag na rooivleis wêreldwyd dra daartoe by. BKB bied tot einde Februarie sowat 3 000 Merino- en Dohne-Merinoramme op sowat 45 veilings aan, asook sowat 18 000 ooie en lammers wat die komponent kommersiële diere op dié veilings uitmaak. Sy waarskuwing aan telers is dat gehalte ’n voorvereiste vir goeie pryse is. “As jy nie diere…

Dit is werklik ’n besonderse prestasie — die manier waarop die Suid-Afrikaanse landbou sy uitsette sedert 1994 kon verdubbel. Boonop was dit ondanks ’n breë beleidsomgewing wat meestal onsimpatiek teenoor die landbou staan, en ’n maatskaplike omgewing wat boerdery nie net die gevaarlikste beroep in die land maak nie, maar waar diefstal winsmarges wegkalwe en moedeloosheid laat posvat. Deesdae omarm ons boere tegnologie soos niemand anders nie. As daar iets is waarmee hulle geld kan maak of bespaar, weet hulle amper dadelik daarvan danksy digitale media. As hul plaaslike koöperasie dit nie kan verskaf nie, voer hulle dit sommer self in. Landboubesighede en ander insetverskaffers het reeds by die nuwe vraag aangepas. Nog meer verstommend is dat die landbou se prestasie veel beter kon gewees het as Suid-Afrikaners net vroeër…

IVERMEKTIEN: HOFSAKE OP PAD Die storm oor die aktiewe bestanddeel ivermektien as ’n middel teen Covid-19 woed voort met dreigende hofsake. Kenners spreek hulle uit vír en téén die middel, terwyl die owerheid volhou dit bly in Suid-Afrika onwettig vir menslike gebruik. RIANA SNYMAN skryf: Dié wat dit verkoop, vra ’n arm en ’n been. Hulle dink net aan geld en nie daaraan om Covid-19 te stuit nie. Dis nie reg nie. Verkoop dit teen ’n bekostigbare prys. JACQUES DU PLESSIS skryf: My liggaam, my besluit. As ek dit wil drink, sal ek. MARIÉ DE VRIES skryf: Daar is ook ’n weergawe van die medikasie vir mense. Die regering wil dit stopsit, hulle moet Bill Gates ryk maak met entstof. SHARON JEFFERIES skryf: Die entstof het niks met Bill Gates…

Meer as 1 600 ha vrugteboorde in die Langkloof is beskadig deur ’n haelstorm wat dié gebied middel Januarie getref het. Volgens mnr. Johan Kotze, voorsitter van die Langkloof-vrugtevereniging, is haelskade by verskeie produsente by Haarlem, Ongelegen en Misgund aangeteken. Appels, pere en steenvrugte is beskadig. Mnr. Marius van der Westhuizen, ’n boer en Hortgro-verteenwoordiger in die gebied, sê op-names onder boere dui daarop dat die skade per boord en tussen boere wissel van 50% tot 100%. Boere tussen Joubertina en Krakeel het in Desember ook onder ’n haelstorm deurgeloop. Volgens Van der Westhuizen is daar dié seisoen reeds 2 000 ha deur hael beskadig. “Die vrugte sal nou industrieel verwerk moet word, of sal bestem wees vir die sapfabriek.” Dit beteken die hoeveelheid vrugte wat nou oor die paklyne…

‘N BELEGGER in die Land Bank is bekommerd dat die bank se gehalte-kliënte hul sake na ander finansieringsinstellings skuif. Futuregrowth, een van die bank se krediteure, sê die bank se finansiële resultate vir die ses maande tot einde September 2020 wys dat die presterende deel van sy leningsboek tot 66,3% gedaal het. Dié resultate is, saam met verkorte resultate vir die boekjaar tot einde Maart 2020, op Oujaarsaand bekend gemaak. Me. Olga Constantatos, hoof van krediet by Futuregrowth, sê die presterende lenings het hoofsaaklik weens terugbetalings deur kliënte van die bank gedaal. Sy sê Futuregrowth is reeds lank bekommerd dat die bank se likiditeitskrisis daartoe sal lei dat die bank nie kan voortgaan om geld aan sy kliënte te leen nie “en dat gehalte-kliënte gevolglik die bank sal terugbetaal en…

BOERE in die Karoo het hul toewyding tot die bewaring van die bedreigde kransaasvoël in die Karoo bevestig met 500 000 ha wat in net minder as 18 maande deel geword het van die Kransaasvoëlveiligheidsone-projek. “Die gesindheid van die boere is ongelooflik. Om hulle bymekaar te bring vir die projek was die eenvoudigste deel daarvan,” sê mnr. Willem Wagener van die plaas Toorberg naby Graaff-Reinet, die eerste boer wat deel gevorm het van die projek. Die stigting van ’n veilige sone vir kransaasvoëls in die Groot-Karoo is ’n spanpoging tussen grondeienaars en Karooboere, Sanparke, die Bergsebra-Kamdeboo-bewaringsomgewing, die trust vir bedreigde natuurlewe (EWT) en die ereveldwagters van Sanparke. Wagener sê die artikel “Kransaasvoëls teruggelok Karoo toe” (LBW, 25 Oktober 2019, bl. 52) het die finansiering van die projek ’n goeie hupstoot…

Gedurende die laaste weke van 2020 het speenkalfpryse skerp gestyg. Daar was selfs berigte van speenkalfpryse van R43/kg, wat van die hoogste nóg is, te midde van ’n skerp ekonomiese insinking en baie duur voerpryse. Intussen het klas A-beesvleispryse in Desember by R50/kg gaan draai, maar voerkrale verloor van R2 000 tot R2 500 per speenkalf net om hul besighede se deure oop en die aanbodketting aan die gang te hou en aan kontrakte te kan voldoen. Berigte doen die ronde van vleis wat in Januarie traag verkoop, en ’n verbruikersmark wat terugsak. Dit gebeur te midde van hernude staatsinperkings op besighede, onder meer restaurante, en grootskaalse werkloosheid. Intussen het die wêreld se graan- en sojaboonvoorraad gedaal weens ongunstige produksietoestande en lande wat selfs uitvoerbeperkings op graan plaas. Gevolglik behaal…

’N GOEIE SEISOEN VIR LIETSJIES Die uitvoer van Suid-Afrikaanse lietsjies oortref alle verwagtinge nadat die bedryf einde verlede jaar gemeen het vroeë vrugte uit Madagaskar kan die Europese mark oorversadig. Fresh Plaza berig egter dat Madagaskar se lietsjies (wat tien dae voor Suid-Afrika se produk op die Europese mark aangekom het) uitverkoop was toe die eerste vrugte uit Suid-Afrika daar aankom. Boon-op was Suid-Afrika se vroeë vrugte vanjaar van besonder goeie gehalte met goeie kleur en grootte. Kopers het dus reeds voor die nuwe jaar aangebreek het, tougestaan vir Suid-Afrikaanse lietsjies – nie net in Europa nie, maar ook in die Midde-Ooste. Brittanje het ook ’n beduidende rol in die vraag gespeel. Ten spyte van probleme met lugvraguitvoer na Amerika het Suid-Afrika dieselfde hoeveelheid lietsjies as in 2019-’20 na dié…

Kennis oor die belangrikheid van grondbiodiversiteit, die rol wat dit in natuurlike prosesse en menslike welstand speel, en die bedreigings vir grondbiodiversiteit is pas saamgevat in die wêreld se eerste verslag oor dié onderwerp. Wetenskaplikes van reg oor die wêreld het hieraan help skryf. Die verslag getiteld State of knowledge of soil biodiversity: Status, challenges and potentialities, bevat tientalle foto’s van grondorganismes en diagramme wat verskillende prosesse in die grond verduidelik. Mense is toenemend bewus daarvan dat die meeste van die miljoene organismes in die grond plante en boere se vriende is omdat hulle organiese materiaal in die grond verwerk tot voedingstowwe in vorme wat plante kan opneem. Vir gewasboere bespaar stikstofbindende bakterieë baie rande aan bemestingskoste. Die biologiese kors wat bakterieë, alge, mosse, lewermosse, swamme en ligene op die…

Onteiening van enige aard is ’n angswekkende vooruitsig. Stel jou egter die volgende scenario voor: Die staat besluit om in ’n multimiljoenrand-infrastruktuurprojek te belê, soos ’n snelweg of ’n reservoir wat tot groot voordeel van die publiek sal wees. Die meeste grondeienaars sien die voordele in en is gewillig om ’n verkooptransaksie te onderhandel, maar die hele projek word vertraag deur een of twee eienaars wat weier om aan onderhandelinge deel te neem, ongeag watter aanbod op die tafel is. Wat staan die staat dán te doen? Dít is waar onteiening gewoonlik in die prentjie kom, en hoekom byna elke land soortgelyke wetgewing het. Trouens, die Suid-Afrikaanse staat se gesag om te onteien, kom uit artikel 25 van die Grondwet. Dit laat die staat toe om eiendom te onteien, maar…

Die verstewiging in die pryse van bulle in die grendeltyd was heeltemal teen die verwagting in, sê mnr. John Boulle, ’n dierewetenskaplike en evalueerder van lewende hawe. Die boodskap vir kopers moet egter nie wees dat sekere rasse se bulle te duur vir hul sakke geword het nie. “Toe die grendeltyd aangekondig is, was ek benoud dat dit die pryse aansienlik kan afdruk. Dit het in daardie stadium gelyk of niemand toegelaat gaan word om veilings by te woon nie. Bywoningsgetalle is aansienlik beperk.” Maar die boerderygemeenskap het vinnig aangepas. “Met die instelling van aanlyn veilings het pryse gestabiliseer en is dit meestal op dieselfde vlakke as voorheen gehandhaaf.” Daar is in 2020 ’n aantal rekordpryse vir stoetbulle betaal wat die oë laat rek het. Die hoogste prys was ’n…

Die Engelbrechts sê die toename in kosen huistuine tydens die inperking om die verspreiding van die koronavirus te voorkom, het saadverkope laat toeneem. “Ons kan nie kla nie. Dis mos snaaks hoe mense se koppe werk, so asof almal dink ons moet selfvoorsienend wees want die wêreld kom tot ’n einde. Ons het baie saad verkoop. Ons hoop net die tuine wat begin is, kan aangaan.” Susi sê hulle vind ook dat mense baie meer waarde heg aan die kos wat hulle koop en meer gesondheidsbewus geword het. Die ander goeie ding van so baie mense wat hul eie groente probeer kweek, is dat hulle agterkom hoe moeilik dit eintlik is. “Noudat hulle hul eie wortels verbou, sien hulle al die snaakse dinge, met sytakke en al.”…

Die laaibank is ’n moet op ’n beesplaas. Een wat met gebruikte buitebande gebou is, het verskeie voordele en is boonop goedkoop, sê mnr. Callie Muller van die plaas Roodehoogte, Herbertsdale, naby Mosselbaai in die Suid-Kaap. Dit kan maklik en vinnig op die regte hoogte gebou word en is veilig om te gebruik. Die materiaal – ou buitebande – is in baie gevalle gratis, die boer moet dit net self by die bandehandelaar gaan haal. Verder is net ’n paar pale, draad en gruis of grond nodig. Muller sê hy pak die bande opmekaar tot op die hoogte van ’n vragmotor se bakklap met ’n laer gedeelte waar hy met sy bakkie vrag kan op- of aflaai. Die bande en die laaiblad word dan met gruis of grond gevul tot…

Onderstebonektarienspeser ykoek ■ Gesmelte botter, vir smeer ■ 3 nektariens, ontpit en in wiggies gesny ■ 195 ml strooisuiker ■ 460 ml bruismeel ■ 3 ml gemengde speserye ■ 3 ml kaneel ■ 3 ml bakpoeier ■ 150 g botter, gesmelt ■ 125 ml heuning ■ 3 ekstragroot eiers ■ 125 ml karringmelk Voorverhit die oond tot 180 °C. Voer ’n losboomkoekpan van 22 cm met bakpapier uit en smeer die boom met gesmelte botter. Rangskik die nektarienwiggies in ’n mooi patroon op die papier en sprinkel 15 ml van die strooisuiker oor. Sif die res van die strooisuiker saam met die bruismeel, gemengde speserye, kaneel en bakpoeier in ’n mengbak. Klits die gesmelte botter, heuning, eiers en karringmelk goed en voeg by die droë bestanddele. Meng tot ’n dik…

Jy hoef nie net ’n paar bakstene hoog te wees om die wonderlike projekte op die Plaaspikkies-blad aan te pak nie. Didi Lamprecht kom van George. Sy het vir ’n skooltaak rommel versamel om dié kunswerk (regs) te maak om mense bewus te maak van seebesoedeling. Baie geluk, Didi! Hou gerus die pos dop, jou kopie van Ster en die skugter vyf deur Henriëtte Linde-Loubser is op pad. Dit is geskenk deur NB-Uitgewers. Ons sê ook dankie vir Christopher Oberholzer (4, links) wat ons laat weet het hoe lekker hy saam met sy oupa Johan en ouma Maggie op die plaas De Hoek by Fraserburg met verskillende weggooidoppies en -proppies speel. Hy gebruik dit om oor alles van kleure tot groottes, getalle en sortering te leer. Hy het selfs ’n…

Dit lyk asof die registrasie van grondtransaksies groter as 10 ha in Noordwes, Mpumalanga en die Noord-Kaap minder ernstig deur Covid-19-inperkings geraak is. Die TABEL toon ’n vergelyking vir transaksies in dié provinsies vanaf November 2019 tot Oktober 2020. In Noordwes is 502 transaksies (5,6% minder teenoor die vorige 12 maande) in 12 distrikte geregistreer. Altesame 161 307 ha is teen R2,220 miljard verhandel. ’n Verbetering van grondpryse is opmerklik in 58% (33% in die vorige 12 maande) van die distrikte. Die moeilike landboutoestande plaas steeds druk op grondpryse in vyf distrikte in die provinsie. Altesame 300 transaksies (26,6% minder as die vorige jaar) is in ses distrikte in Mpumalanga beklink. Altesame 74 146 ha is verhandel teen R1,805 miljard. Pryse by Bethal het effens gestyg (3,2%). In die Noord-Kaap…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com BOEREDAE 4 MAART: Kuilvoerdag, Klipheuwel-plaas, Durbanville. Lesings, uitstallings en demonstrasies. E-pos: wc@mpo.co.za,0767741284. 27-28 MAART: Werksessie met Gabe Brown (’n Amerikaanse kenner van herlewingslandbou), aangebied deur die instituut vir volhoubare boerdery in Suid-Afrika, Lowerland-plaas, Prieska. E-pos: info@permaculture instituteforsouthernafrica.org FEESTE, EKSPO’S 2 FEBRUARIE: Wynoesherdenkingsgeleentheid (virtueel), aangebied deur Agri-Expo. E-pos: razelle@agriexpo.co.za 25 FEBRUARIE: Beoordeling van die Suid-Afrikaanse suiwelkampioenskapskou, aangebied deur Agri-Expo. 26 MAART: Aankondiging van die Suid-Afrikaanse suiwelkampioene, aangebied deur Agri-Expo. 7 MEI: Internasionale Sauvignon blanc-dag, aangebied deur Agri-Expo. Razelle Galant, e-pos: razelle@agriexpo.co.za KONFERENSIES 11 MAART: Vloot-en-brandstofbestuurkonferensie, aangebied deur Maphosa Management Consultant. 010 214 0666, e-pos: chris@ maphosam.co.za, web: www. maphosamanagement.co.za 22-24 JUNIE: Africa Agri Tech, Sun-arena, Menlyn.…