Landbouweekblad 08 Apr 2021

PAMPOENKOEKIES VIR WÉKE ’n Pampoen genaamd Johanna, wat ’n allemintigte 790 kg weeg, het mnr. Wykus Lamprecht van Meyerton in Gauteng op Saterdag 20 Maart die louere besorg in die Goliat van Gat-pampoenkompetisie in Silverton, Pretoria. Dit is ’n rekord vir dié kompetisie en maak dit ook die grootste pampoen nóg wat noord van die Oranjerivier gekweek is. Die pampoenpit waaruit Johanna gekweek is, is verlede jaar op 5 Oktober geplant. Lamprecht sê dit het baie geduld en moeite geverg om die plant te versorg. “Daar is daagliks daarna omgesien om oorbevolkte ranke en siektes te voorkom. Verdere maatreëls het ’n gazebo teen die weer en waaiers om die stingel droog te hou, ingesluit. Vogtigheid kan veroorsaak dat die pampoen slegte plekkies kry, wat tot verrotting sal lei.” REËNPOUSE Herstelwerk…

40% Produksie deur swart sitrusprodusente het in die 2019-’20-seisoen met 40% gestyg. Die Sitruskwekersvereniging het bekend gemaak talle plase en swart produsente het hul produksie in slegs een jaar met 40 000 kartonhouers vermeerder. Een swart boer het sy produksie met 99 000 kartonhouers verhoog. Volgens die oesrekords het swart sitrusprodusente 55% meer aan plaaslike markte gelewer as in 2019. Hulle het 400 000 kartonhouers vrugte aan plaaslike supermarkte gelewer. – Fresh Plaza 90 miljoen Die getal mense in die middel- en hoërmiddelklas het in 2020 na raming wêreldwyd met 90 miljoen tot 2,5 miljard gedaal. Dit is die eerste keer sedert die 1990’s dat die middelklas krimp. Volgens skattings gegrond op Wêreldbank-data het byna twee derdes van huishoudings in ontwikkelende ekonomieë ’n inkomsteverlies weens Covid-19 ervaar. Dié daling het…

VOËLRESTAURANT-SPITSTYD. Reiers, bosluisvoëls en ander geveerde vriende vreet die insekte agter ’n spilpunt wat lusern op ’n plaas naby Hopetown in die Noord-Kaap besproei. Op die agtergrond stap ’n kameelperd. Wanneer die water op die lusern en grond val en insekte soos sprinkane laat beweeg, is die voëls byderhand om ’n middagete in die krop te kry. Dit is hoekom die voëls net agter die bewegende spilpunt aanstap. Ander wat reeds dik gevreet is, sit bo-op die spilpunt en rus.…

GOEDKOOP ingevoerde hoendervleis uit Europa is nie ’n liefdesdaad nie, dit is oorlog teen Suid-Afrikaanse produsente, skryf Mike Schüssler, ekonoom by economists.co.za. Met die Europese Unie (EU) wat deur sy algemene landboubeleid miljarde in subsidies aan boere gee, word die reëls van vraag en aanbod geïgnoreer. Die surplusvoorraad word vernietig of in ontwikkelende lande gestort. Die prys van hoendervleis in Europa is oor die algemeen duurder per kilogram as in Suid-Afrika. Die jongste gemiddelde prys vir hoendervleis in Suid-Afrika is R23,50/kg, en in die EU was die gemiddelde randprys R35/kg (wat wissel van R20,70/kg in Pole tot R54,80/kg in Duitsland). Vervoerkoste moet in berekening gebring word. Die verskepingskoste van Rotterdam na Durban alleenlik is R1,61/kg. Dit sluit oorlandvervoer, doeaneregte en gesondheidsinspeksies en -sertifikate uit. Die laagste prys vir ’n bevrore…

‘Die tyd van lukrake kunsmistoediening is verby en boere, veral graanboere, behoort presisieboerdery toe te pas. Tegnieke soos minimum bewerking speel ook ’n belangrike rol.’ MNR. DAWIE MAREE, hoof van inligting en bemarking by FNB-landbou, oor hoe graanboere drasties hoër insetkoste kan trotseer. Bl. 14 ‘Ons vind dit vreemd dat die minister se kantoor sedert die einde van 2019 versuim om die interne appèl te verwerk, maar wel Rhino Oil se aansoek om omgewingsmagtiging afgehandel het.’ ME. CLARISSA PIENAAR, regsverteenwoordiger van boere wat gekant is teen Rhino Oil se eksplorasie-aansoek, oor hoe mnr. Gwede Mantashe, minister van mineralehulpbronne en energie, die saak benader. Bl. 17 ‘Die vraag na ons produkte op oorsese markte is ’n wonderlike getuigskrif van die gehalte van Suid-Afrikaanse sitrus.’ MNR. JUSTIN CHADWICK, uitvoerende hoof van die…

ANDERKANT DIE REËNBOOG SÓ DRAAI DIE WIEL Net meer as 100 jaar gelede is die eerste uitgawe van Landbouweekblad gedruk. Die doel van die nuwe tydskrif was om aan Afrikaner-bestaansboere ’n tegniese handleiding in hul eie taal te gee. Die praktiese landboukennis moes help om boerefamilies se erge verarming tydens die Anglo-Boereoorlog teen te werk. Dit was ’n groot sukses en uit die wanhoop, swaarkry en armlastigheid van destyds se bêkvelders het die kommersiële landboubedryf van wêreldgehalte mettertyd verrys waarmee Suid-Afrika vandag geseënd is. Ons probeer nou weer om ’n beskeie bydrae te lewer wat die vestiging van ’n nuwe geslag boere betref. Deur middel van ons African Farming-tydskrif (wat saam met dié uitgawe van Landbouweekblad verskyn), ’n TV-program met dieselfde naam, ’n webwerf en verskeie sosialemediaplatforms, vertel ons die…