Indholdsfortegnelse for 08 Apr 2021 i Landbouweekblad

GOEDKOOP ingevoerde hoendervleis uit Europa is nie ’n liefdesdaad nie, dit is oorlog teen Suid-Afrikaanse produsente, skryf Mike Schüssler, ekonoom by economists.co.za. Met die Europese Unie (EU) wat deur sy algemene landboubeleid miljarde in subsidies aan boere gee, word die reëls van vraag en aanbod geïgnoreer. Die surplusvoorraad word vernietig of in ontwikkelende lande gestort. Die prys van hoendervleis in Europa is oor die algemeen duurder per kilogram as in Suid-Afrika. Die jongste gemiddelde prys vir hoendervleis in Suid-Afrika is R23,50/kg, en in die EU was die gemiddelde randprys R35/kg (wat wissel van R20,70/kg in Pole tot R54,80/kg in Duitsland). Vervoerkoste moet in berekening gebring word. Die verskepingskoste van Rotterdam na Durban alleenlik is R1,61/kg. Dit sluit oorlandvervoer, doeaneregte en gesondheidsinspeksies en -sertifikate uit. Die laagste prys vir ’n bevrore…

BEPERKENDE REGULASIES KNIEHALTER NOG LANDBOUBEDRYF Suid-Afrika se ekonomiese herstel berus in ’n groot mate op die skep van ’n meer bemagtigende sake-omgewing en om die regte strukturele ekonomiese hervorming in te stel. Suid-Afrika moet voorkeur gee aan dié hervormings wat op kort en lang termyn resultate lewer. Die neiging van die regerende party om na ideologiese denke terug te keer, moet opsy geskuif word ten einde die ekonomie te red. Die landboubedryf was een van die helde van 2020. Terwyl die meeste bedrywe in die eerste nege maande van verlede jaar gekrimp het, het die landbou met 11% gegroei. Landbou-uitvoer het verlede jaar $10,2 miljard beloop — ’n toename van 3% vergeleke met 2019. As die bedryf egter ’n rol wil bly speel in die ekonomiese herstel van Suid-Afrika, waaronder…

’N HULPFONDS van R1 miljard ten bate van sekere swart landbouprodusente en -verwerkers wat onlangs gesamentlik deur die nywerheidsontwikkelingskorporasie (IDC) en die departement van landbou, grondhervorming en landelike ontwikkeling bekend gestel is, is wyd verwelkom. Tog is daar vrae oor waar dit die Land Bank laat, en ook oor die aanwending van die finansiering. Die fonds is gemik op swart boere wat betrokke is by die produksie van hoëwaarde-uitvoerprodukte op gemeenskapsgrond, wat mededingend in die pluimvee-, varkvleis- of beesvleiswaardekettings betrokke wil raak, of wat verwerkingsondernemings ter ondersteuning van die regering se landboumeesterplanne wil begin. Die landbounywerheidsfonds is ’n inisiatief van die departement as deel van sy program vir gemengde finansiering, maar geskied in vennootskap met die IDC, met een van sy hoofdoelwitte die ontwikkeling van grootskaalse kommersiële landbouprojekte in swart…

AS radikale groepe in die land besluit om reg in eie hande te neem omdat hulle glo die regering gaan nou voor die voet grond sonder vergoeding onteien, kan daar ondenkbare chaos ontstaan, waarsku dr. Roelof Botha, ekonoom van die Optimum-beleggingsgroep. Botha het op ’n Agri SA-nuuskonferensie gesê Suid-Afrika is by ’n kruispad met onteiening sonder vergoeding. “Dit is ’n ongelooflik ernstige kwessie en as die verkeerde besluite nou geneem word, is die land in sy peetjie.” In ’n onafhanklike verslag oor die ekonomiese gevolge van onteiening sonder vergoeding is daar gekyk na die ekonomieë van lande soos Roemenië, Ethiopië, Venezuela, Zimbabwe, Portugal en Spanje wat die pad van onteiening sonder vergoeding gevolg het. In Venezuela is die inflasiekoers 25 000% en sy geldeenheid is heeltemal waardeloos. Botha sê private…

BOERE van Prieska, Mary-dale, Putsonderwater, De Aar, Britstown en omstreke kan gaan leer om hul veld beter te verstaan op Landbouweekblad, Cavalier en Agri Prieska se bossiedag. Dit word op Woensdag 21 April vanaf 09:00 op Prieska gehou. Die karooveldkundiges drr. Louis du Pisani, ’n onafhanklike konsultant, en me. Loraine van den Berg van die Grootfontein-landbou-ontwikkelingsinstituut sal praktiese wenke gee oor hoe om veld weerstandig teen droogte te maak en elke druppel reën wat val, in die grond te hou. Van den Berg sal ook die bossie-toepassing wat die Grootfontein-landbou-ontwikkelingsinstituut saam met die trust vir bedreigde natuurlewe (EWT) en TurtleTech Bpk. ontwikkel het, bekend stel. Mnre. Hannes Gerber en Christiaan Harmse, wetenskaplikes van die Noord-Kaapse departement van landbou, gaan hul navorsing oor veeladings, weidingspatrone en langtermynreënvaldata bespreek. Kaartjies kos R100…

BOERE is huiwerig om in hernubare energiebronne te belê omdat hulle betreklik min kennis het oor die risiko’s daaraan verbonde, blyk uit navorsing wat FNB oor dié sektor gedoen het. Mnr. Kyle Durham, hoof van alternatiewe energie-oplossings by F NB-besigheid, sê daar is pasgemaakte oplossings en finansiering vir alternatiewe energie in die landbou beskikbaar, maar boere is huiwerig. Uit hul navorsing blyk dit dat indien ’n boer ’n keuse het tussen ’n belegging in ’n nuwe pakhuis en ’n sonkragprojek, hy eerder die pakhuis sal kies omdat hy die risiko’s daarvoor verstaan. Geldelik kan die energieprojek egter ’n beter opsie vir sy onderneming wees. Die onsekerheid rondom konstante kragvoorsiening, saam met ’n voortdurende styging in koste, maak dit egter noodsaaklik vir boere om hernubare energiebronne te oorweeg ten einde die…

Oplossings vir uitvoer-infrastruktuur wat ’n groot bydrae tot die herstel van Suid-Afrika se ekonomiese groei moet lewer, is een van vyf projekte wat deel vorm van Operasie Vulindlela wat uit die presidensie bestuur word. Daar heers kommer oor die uitvoerlogistiek vir 2021, veral wat die Durbanse hawe betref. Die beskikbare mielies vir uitvoer kan vanjaar ’n rekord van 2 miljoen ton beloop. Sitrusuitvoer gaan ook aansienlik verhoog. Daarbenewens het die invoer van verbruikersgoedere ook toegeneem, die vervoer van grootmaat-kommoditeite per spoor (anders as graan) in die hawegebied het onlangs oorgeskuif na padvervoer, én Sanral het goedkeuring verkry om vanjaar opgraderings aan die N3 na Durban te doen. Daar heers dus met reg groot kommer oor die impak van dié faktore op die uitvoer van graan, want dit kan chaoties wees.…

INTERNASIONAAL: Die Chicagoprys het met 0,1%, of $0,29/t (R4,32/t), tot $216,51/t (R3 229/t) gedaal. Op ’n jaargrondslag is dit 54,6%, of $76,46/t (R1 140,23/t), hoër. Verwagte pryse: Mei – $217,31/t (R3 241/t), Julie – $210,78/t (R3 143/t), September – $190,23/t (R2 837/t), Desember – $183,61/t (R2 738/t). PLAASLIK: Die Safexprys van witmielies het met 1,5%, of R49/t, tot R3 150/t teenoor die vorige week gedaal. Die prys van geelmielies het met 2,6%, of R88/t, tot R3 245/t gedaal. Op ’n jaargrondslag is witmielies 11,5%, of R337/t, duurder, terwyl geelmielies 18,9%, of R515/t, duurder is. Verwagte witmieliepryse: Mei – R3 124/t, Jul. – R3 115/t, Sept. – R3 165/t, Des. – R3 251/t. Verwagte geelmieliepryse: Mei – R3 240/t, Jul. – R3 232/t, Sept. – R3 289/t, Des. – R3 356/t.…

Varkplase in Engeland, Skotland en Wallis het die afgelope 20 jaar hul koolstofspoor met byna 40% verklein, luidens die resultate van ’n studie wat in die vaktydskrif Ag ricultural Systems gepubliseer is. Volgens statistieke uit 2019 deur die Verenigde Nasies se Voedsel-en-landbou-organisasie is vark die vleistipe wat wêreldwyd die meeste geproduseer en verbruik word. Gemeet aan ander vleistipes is die omgewingsimpak van varkstelsels per eenheid vleis relatief laag. Die gesamentlike volume waarteen varkproduksie egter plaasvind, het ’n impak op die omgewing. In 2013 is bereken varkplase stel sowat 668 miljoen ton koolstofdioksied per jaar in die atmosfeer vry. Dit is sowat 10% van alle kweekhuisgasuitlatings wat aan veeproduksie toegeskryf word. Daarby dra varkboerderye ook by tot die toenemende versuring van grond en die eutrofikasie van die omgewing. Luidens ’n verklaring…

Die aanpassing van speenkalwers voordat hulle voerkraal toe gaan, hou verskeie voordele in, het me. Chéri-Lynn Steyn, ’n junior lektor en meestersgraadstudent in landbou-ekonomie aan die Universiteit van die Vrystaat, gesê. Die grootste voordele van aanpassing (backgrounding) is dat die voertydperk in ’n voerkraal daardeur verkort word, terwyl daar ook minder siektes en vrektes is. Die uiteindelike slaggewig, gemiddelde daaglikse gewigstoename en voeromsettingsverhouding verbeter sonder dat daar ’n noemenswaardige (indien enige) verandering in die karkassamestelling is. Die aanpassingstydperk is gewoonlik op groenvoer, veldweiding, aangeplante weiding of oesreste waar die kalwers teen lae koste matig groei. Dit kan deur die boer, ’n onderneming wat daarin spesialiseer, of die eienaar van ’n voerkraal gedoen word. Daar is die kalwers minder blootgestel aan ’n verandering in voeding en omgewing, terwyl daar minder stof…

Die gemiddelde eerste datum vir ligte ryp op ’n plek soos Bothaville in die Vrystaat sedert die jaar 2000 is 18 April, vir matige ryp is dit 3 Mei en vir swaar ryp 10 Mei. Baie mense wil die intensiteit van die winter en die eerste of laaste rypdatum koppel aan reënval. In die ondersoek na Bothaville se eerste rypdatum en reënval vanaf 2001 is gevind in die jare wanneer dit van Januarie tot einde Mei meer gereën het, het die eerste ryp ongeveer twee weke later voorgekom as in jare met minder reën. Jare met meer as 300 mm reën in dié tyd se eerste ligte ryp het gemiddeld op 30 April voorgekom. In jare met minder as 300 mm reën was die eerste ligte ryp gemiddeld op 17…

Produsente moet verstaan watter faktore die ontwikkeling van S clerotinia en potensiële druk, soos geografie, klimaat en veldgeskiedenis, beïnvloed. Indien hierdie faktore ’n hoë risiko vir skade weens Sclerotinia aandui, moet produsente bestuurspraktyke oorweeg wat die siekte drasties kan verminder. Dit sluit in die seleksie van sojaboonkultivars, wisselbou, onkruidbekamping, chemiese behandeling en moontlike bewerkingspraktyke wat ’n vroeë, digte blaredak verminder. KLIMAAT Koel en klam toestande tydens blomtyd bevoordeel die ontwikkeling van S clerotinia. Hierdie toestande kan voorkom selfs buite die algemene gebiede waar Sclerotinia problematies is. Belangriker as die algemene klimaatstoestande is die mikroklimaat onder die sojaboondeklaag. Gevolglik kan ’n digte sojaboon-blaredak meer geneig wees tot siektes as ’n oper blaredak. VELDGESKIEDENIS Sodra S clerotinia in ’n land voorkom, is dit byna onmoontlik om dit uit te roei. Sclerotinia het…

By die W and R Schmidt Boerdery naby Hazyview boer die Schmidt-familie al van pa Willem se tyd af met gemmer. Ernst Schmidt vertel waarom dit ’n geskikte gewas vir hul omgewing is en hoekom die prys onlangs só die hoogte ingeskiet het. Gemmer was onlangs byna onbekostigbaar duur. Hoekom? Daar het skielik ’n groot vraag na gemmer ontstaan weens die Covid-19-pandemie. Gemmer het baie medisinale waarde en mense wat nie voorheen gemmer geëet het nie, het dit ook begin gebruik. En as daar ’n goeie vraag is, klim die prys! Ek hoop mense het nou geleer oor gemmer en dat hulle sal aanhou om daarmee te kook. Waar in Suid-Afrika word gemmer oral verbou? Hier is heelwat gemmerboere in ons omgewing, asook by Levubu (Limpopo), waar die klimaat soortgelyk…

Om in die Kalahari te sien hoe ’n sekretarisvoël vernuftig ’n kobra met sy pote doodkap, bly ’n mens lank by. Die brute krag waarmee ’n breëkoparend met ’n likkewaan of selfs ’n steenbok wegvlieg, is eenvoudig asemrowend. Die wiegende vlug van die berghaan terwyl dit deur die lug sweef, bly een van die ikoniese prentjies van die Bosveld. Volgens verlede jaar se rooidatalys moet ons dit egter nie meer as vanselfsprekend aanvaar om hierdie voëls te kan sien nie. BirdLife Internasionaal het in Desember hierdie drie, almal eens algemeen en wyd verspreid, amptelik as bedreig verklaar weens die kommerwekkende daling in hul getalle. Wetenskaplikes het dié afname reg oor die Afrika-savanne aangeteken. Al drie spesies het voorheen groot verspreidinggebiede in Afrika suid van die Sahara gehad, maar deesdae sukkel…

FEESTE, EKSPO’S 7 MEI: Internasionale Sauvignon blanc-dag, aangebied deur Agri-Expo. 13-14 AUGUSTUS: Wes-Kaapse Landbou-veterane 2021 (plek sal bevestig word). Johannes Uys, 082 552 5491 of 021 981 8537; Hennie Richter, 073 391 8495 of 022 451 2692; e-pos: sekr.wk@telkomsa.net WEBINARE 8 APRIL: Praktiese bestuur van kos vir akwakultuur. Gratis webinaar oor koskeuses, asook die koop, vervoer, opberging en hantering daarvan, voerprogramme, voedingstegnieke en opsporing van voerdoeltreffendheid. Aangebied deur Karen Veverica en Harrison Karisa. Registreer by bit.ly/3vsdbxM KURSUSSE 5-8 APRIL: Sweiskursus, Nuwe Hoop-opleidingsentrum, Tromps-burg. Selfhelp tot gevorderde vlak met internasionale erkenning. Tom Theunissen, 082 291 7490; Pieter Grobbelaar, 083 275 4323. 8–9 APRIL: Simbra-beoordelaarskursus vir beginners. Kaapstadse Universiteit van Tegnologie (CPUT). E-pos: info@simbra.org 8-9 APRIL: Sampioensubstraatontwerp en -verbouing vir entrepreneurs. Virtueel of e-leer. Web: www.mushroomacademy.com, e-pos: registration@mushroom academy.com 12-13 APRIL: Sampioensubstraatontwerp…

40% Produksie deur swart sitrusprodusente het in die 2019-’20-seisoen met 40% gestyg. Die Sitruskwekersvereniging het bekend gemaak talle plase en swart produsente het hul produksie in slegs een jaar met 40 000 kartonhouers vermeerder. Een swart boer het sy produksie met 99 000 kartonhouers verhoog. Volgens die oesrekords het swart sitrusprodusente 55% meer aan plaaslike markte gelewer as in 2019. Hulle het 400 000 kartonhouers vrugte aan plaaslike supermarkte gelewer. – Fresh Plaza 90 miljoen Die getal mense in die middel- en hoërmiddelklas het in 2020 na raming wêreldwyd met 90 miljoen tot 2,5 miljard gedaal. Dit is die eerste keer sedert die 1990’s dat die middelklas krimp. Volgens skattings gegrond op Wêreldbank-data het byna twee derdes van huishoudings in ontwikkelende ekonomieë ’n inkomsteverlies weens Covid-19 ervaar. Dié daling het…

‘Die tyd van lukrake kunsmistoediening is verby en boere, veral graanboere, behoort presisieboerdery toe te pas. Tegnieke soos minimum bewerking speel ook ’n belangrike rol.’ MNR. DAWIE MAREE, hoof van inligting en bemarking by FNB-landbou, oor hoe graanboere drasties hoër insetkoste kan trotseer. Bl. 14 ‘Ons vind dit vreemd dat die minister se kantoor sedert die einde van 2019 versuim om die interne appèl te verwerk, maar wel Rhino Oil se aansoek om omgewingsmagtiging afgehandel het.’ ME. CLARISSA PIENAAR, regsverteenwoordiger van boere wat gekant is teen Rhino Oil se eksplorasie-aansoek, oor hoe mnr. Gwede Mantashe, minister van mineralehulpbronne en energie, die saak benader. Bl. 17 ‘Die vraag na ons produkte op oorsese markte is ’n wonderlike getuigskrif van die gehalte van Suid-Afrikaanse sitrus.’ MNR. JUSTIN CHADWICK, uitvoerende hoof van die…

MNR. PIETER STEENKAMP is een van die direkteure van die Tweekop-boerdery by Heidelberg (Wes-Kaap), wat as die Landbounavorsingsraad se nasionale kudde met die beste tussenkalfperiode in 2020 in die Meestersuiwelboerkompetisie aangewys is. Die regte voeding is die kern van die melkery se sukses. Lees die artikel op bl. 36. VERTEL VAN JOU GESIN. My vrou, Michelle, was ’n onderwyseres, maar bedryf deesdae haar eie bakkery vanaf die huis (VARSgebak). Ons het twee kinders, Arno (6) en Suria (2). HET JY NÁ SKOOL VERDER GESTUDEER? Ja, BScAgric aan die Universiteit Stellenbosch. My hoofvakke was landbou-ekonomie en veekunde. Ek het ook ’n honneursgraad in landbouekonomie en herkouervoeding verwerf. WAT IS JOU STOKPERDJIES? Ek is lief vir lees, veral Deon Meyer se boeke, Hoard’s Dairyman en Landbouweekblad, en volg graag sportgebeure, veral krieket…

VRESE dat versuipskade die opbrengs van somergewasse nadelig sou beïnvloed het, blyk ongegrond te wees met ’n skatting wat selfs effens groter as Februarie s’n is. In sy tweede produksieskatting vir die 2020-’21-seisoen voorspel die nasionale oesskattingskomitee (NOK) ’n totale somergraan- en oliesade-oes van 18,7 miljoen ton, vergeleke met 17,6 miljoen ton die vorige seisoen. Dit is 1% meer as Februarie se skatting en word toegeskryf aan hoër skattings vir mielies, sojabone en sorghum, terwyl sonneblomsaad, droëbone en grondbone se oeste afwaarts aangepas is. Volgens die skatting staan die mielie-oes nou op 15,9 miljoen ton, wat op ’n jaargrondslag 4% meer is, en beloof om die twee-de grootste oes ooit te wees. Die skatting vir sojabone staan op 1,7 miljoen ton ‒ 39% meer as die vorige seisoen en die…

DR. IVAN MEYER, Wes-Kaapse minister van landbou, eis dat die departement van landbou, grondhervorming en landelike ontwikkeling ’n volledige lys van staatsplase en begunstigdes in die Wes-Kaap uitreik, asook aan wie dit toegeken is. Dit volg nadat die departement die uitsettingsbevel vir mnr. Ivan Cloete, wat op die staatsplaas Colenso in die distrik Darling boer, teruggetrek het. Dit sou die vierde keer wees dat Cloete van ’n staatsplaas geskuif sou word. Meyer sê die ondersoek oor die beoogde uitsetting het op onregmatighede en onbehoorlike optrede gewys en dat die departement wreed en sonder simpatie opgetree het. “Die nasionale regering moet Suid-Afrikaners verseker dat grondhervorming nie misbruik word om politici en hul vriende te laat baat vind ten koste van hardwerkende en verdienstelike aansoekers nie,” sê Meyer. “Ons kan nie toelaat…

NÁ ’n uitgerekte hofsaak oor die registrasie van Animate Animal Health se voerbymiddel Salbutamate 10% (reg.nr. G4048, Wet 36 van 1947) vir beeste, skape, varke en pluimvee het die hooggeregshof in Pretoria ’n aansoek waarin die registrasie van die produk betwis is, met koste van die hand gewys. Die vereniging van bekommerde beroepsdierekonsultante het die registrasie van Salbutamate 10% as veemiddel ingevolge artikel 3 van die Wet op Misstowwe, Veevoere, Landboumiddels en Veemiddels (Wet 36 van 1947) bevraagteken. Dit was gegrond op bewerings dat die registrateur nie die aansoek om registrasie deeglik oorweeg het nie, en nie die registrasie in 2014 of die hernuwing daarvan in 2017 moes toegelaat het nie. TELEURSTELLING Animate Animal Health sê in ’n verklaring hy, die destydse minister van landbou, bosbou en visserye, en die…

COVID -1 9 het ’n verandering gebring in die manier waarop boere en ander belanghebbendes in die landbou in die toekoms met mekaar gaan kommunikeer. Digitale platforms gaan ’n baie groter rol in die toekoms speel, meen mnr. Jannie de Villiers, uitvoerende hoof van Graan SA. Hy het op ’n vergadering van Graan SA oor die ontwikkelende landbou gesê alle boere, ook ontwikkelende boere, sal bereid moet wees om veranderinge en nuwe tegnologie te aanvaar anders sal hulle agtergelaat word. Almal sal in hul begrotings voorsiening moet maak vir internettoegang en data, want al hoe meer oordrag van kennis sal deur middel van opleidingsvideo’s en digitale gesprekke plaasvind. Dr. Dirk Strydom, hoof van graanekonomie en bemarking by Graan SA, het gesê weens Covid-19-inperking was daar verlede jaar minder opleidingsessies en…

Onlangse wetswysigings beklemtoon die staat se oogmerk om ’n kultuur van spaar te vestig en lede van aftreefondse aan te moedig om voldoende voorsiening vir hul oudag te maak. Drie veranderinge is aangebring, naamlik ’n verpligte annuïtisering van aftreefondse, groter opsies van oordraagbaarheid tussen fondse en die beperking van onttrekkingsvoordele wat voor aftrede vir fondslede beskikbaar raak in geval van emigrasie. Tans het lede van pensioenfondse slegs toegang tot een derde van hul geld in kontant wanneer hulle aftree-ouderdom bereik. Hierdie kontantbedrag is onderhewig aan belasting. Die balans van die lid se aftreekapitaal wat in die fonds opgebou het, moet as ’n verpligte annuïteit geneem word om ’n gereelde (meestal maandelikse) inkomste aan die afgetrede lid te voorsien. Lede van uittredingsannuïteite is aan dieselfde beperking as pensioenfondslede onderhewig wat die…

Die vraag na granate vir veral verwerking styg wêreldwyd, terwyl die verbruikersvraag ook groei, sê me. Carnel Geddes van die Granaatkwekersvereniging van SA. “Dit ondanks die feit dat die vraag na sommige ander vrugsoorte internasionaal stagneer. Die heilsaamheid van granate raak al hoe bekender.” Geddes sê die afgelope seisoen is goeie produksietoestande ondervind, maar ’n tekort aan vraghouers en pakgeriewe in die Wes-Kaap is twee faktore wat die bedryf tans terughou. “Dit stuur af op ’n krisis.” Me. Nina Viljoen van Hortgro sê 72% van Suid-Afrika se granate word in die Wes-Kaap geproduseer. Limpopo lewer 19% en die Noord-Kaap 7%. Altesame 1 032 ha is landwyd onder granaatboorde, waarvan meer as 720 ha in die Wes-Kaap. Die kultivar Wonderful maak 76% van aanplantings uit, terwyl die kultivars Hershkovitz en Acco…

Die Silverleaf Investments-fonds,’nnuweSuid-Afrikaanse waagkapitaal-beleggingfonds, bied mense die geleentheid om moeiteloos in die plaaslike daggabedryf te belê. Vir ’n minimum belegging van R50 000 kan jy ’n aandeel in die daggabedryf bekom en die kans kry om ’n geskatte jaarlikse opbrengs van minstens 20% op jou belegging te verdien, volgens mnr. Pierre van der Hoven, mede- uitvoerende hoof van Silverleaf Investments. In ag genome dat die meeste internasionale data-analiste voorspel die Amerikaanse daggabedryf gaan tot 2027 jaarliks met minstens 18% groei, en dat daardie mark reeds $20 miljard sterk is, is ’n groeivooruitsig van 20% vir die Suid-Afrikaanse bedryf, wat slegs ’n paar miljoen rand se daggaprodukte per jaar verhandel, dalk nie té vergesog nie. “Ons het die fonds begin vanjaar van stapel gestuur en wag nog op beleggings. Soos met…

MNR. PIETER STEENKAMP WATTER TEGNOLOGIE VIND JY ONONTBEERLIK OP DIE PLAAS? Die Dairymaster Milk Manager-melkstelsel. WAT IS DIE BESTE RAAD WAT JY NÓG ONTVANG EN TOEGEPAS HET? Kry ’n naskoolse kwalifikasie agter jou naam en gaan werk eers vir ’n baas. WAT IS DIE ENKELE ASPEK WAT DIE GROOTSTE IMPAK OP JOU BOERDERY GEMAAK HET? Om beskikbare tegnologie te omarm en aan te wend, hetsy in die vee- of graanvertakking. HET JY ’N MENTOR? Beslis. My pa, Arno. HOE BEMARK JY JOU PRODUKTE? Mooivallei Suiwel koop al ons melk, en lewende hawe word hoofsaaklik deur BKB en Hessequa Abbatoir bemark. HET JY MAATREËLS OM JOU BOERDERY SE VOORTBESTAAN TE VERSEKER? Ons ondersoek voortdurend nuwe geleenthede en werk nou saam met mnr. André Fourie van Anker Agri om seker te maak…

■ Die Wes-Kaapse departement van landbou, grondhervorming en landelike ontwikkeling het verlede jaar rekordgraanopbrengste in sy stelselproewe op Tygerhoek behaal. ■ Die hoogste garsopbrengs was 6,498 t/ha in die medics-medicskoring-garsstelsel. Die hoogste koringopbrengs was 6,802 t/ha in die koring-medics-medics-koringstelsel. ■ Navorsers van die departement en studente aan die US werk saam. Daar is onder meer ’n herlewingslandbouproef en navorsing oor maniere om die doeltreffendheid van swambespuiting te verhoog. Hulle wil die proewe volgende jaar uitbrei.…

WIE IS JUL MENTOR(S)? Koos: My pa, Nicol, wat oorlede is toe hy net 48 jaar oud was, sou beslis ons mentor wees. Ek het net skoolvakansies saam met hom gewerk, maar hy het ons laat wérk. My leuse is vandag steeds om hard te werk. WATTER GOEIE RAAD HET JY AL ONTVANG? Hennie: My pa het altyd gesê as jy jou somme maak om ’n boerdery of nuwe ontwikkeling te begin, moet jy jou uitgawes verdubbel. Dit maak nie saak hoe goed jy jou somme gemaak het nie, ’n boerdery kan jou maklik insluk. WAT IS DIE BELANGRIKSTE LES WAT JY AL GELEER HET? Koos: Toe ek begin boer het, het ek gesê ek het niemand nodig nie. Maar binne twee jaar het ek my les geleer en besef…

LIGGING Somerset-Oos, Oos-Kaap SAALPERD 1 Kampioen-parkperd. Thunder Cloud. Eienaar: mnr. Tokkas van Heerden (072 736 8661), Vicwesstal, Victoria-Wes. Vertoner: mnr. Steven Ferreira. 2 Kampioen-siertuig. Entertainer. Eienaar: mnr. Charl Wilke (082 568 3602), Chanonestal, Somerset-Oos. Vertoner: mnr. Juan Cilliers. 3 Kampioen-driegang. Sanian Tornado Legacy. Eienaar: me. Jessica Bezuidenhout (071 285 8040), Aliwal-Noord. Vertoner: mnr. Ashley Arries. 4 Kampioen-vyfgang. Perfect Touch. Eienaar en vertoner: mnr. Fanie van Aardt (084 444 4281), Clairvoux-stal, Somerset-Oos. KAAPSE BOERPERD 5 Kampioen-driegang. Indiana Hier’s Ek. Eienaar: Marais-familie (082 552 2309), Marais-stal, Kookhuis. Vertoner: mnr.JJ Marais. 6 Kampioen-vyfgang. Pampoen. Eienaar: mnr. Tommy Ferreira (072 256 8611), Port Elizabeth. Vertoner: mnr. Steven Ferreira. OPE KLAS 7 Kampioen-driegangkinderryperd. Spot The Rock. Eienaar: me. Megan Engelbrecht (083 280 6200), Rainbow End-stal, Middelburg (Oos-Kaap). Vertoner: me. Carla van der Walt. 8 Kampioen-vyfgangkinderryperd.…

Uit Limpopo, Suid-Afrika se grootste aartappelproduksiestreek, word gereeld berigte ontvang van laat aanplantings wat vier tot ses weke voor die normale tyd vinnig val en vrek. “Dit lei tot ’n oesverlies van tot 20%,” sê dr. Fienie Niederwieser, bestuurder van navorsing en ontwikkeling by Aartappels SA. “In die Noordelike Halfrond word dit as die potato early dying complex beskryf. Hierdie aartappelsiekte is relatief onbekend in Suid-Afrika. By gebrek aan ’n beter naam het ons dit ‘aartappelvroegvrek’ begin noem.” Volgens Niederwieser word die probleem veral ervaar by aanplantings in Junie en Julie wat, as alles volgens plan verloop, in Oktober en November geoes word. “Die eerste tekens hiervan is gewoonlik ná hittegolwe of uiterste hoë temperature wat in Augustus en September kan voorkom.” In die Noordelike Halfrond is boere en plantsiektekundiges…

Ons het die nuus een of ander tyd verwag, maar steeds ruk dit my besige dag tot stilstand en ek dink terug aan die klein, fyngeboude, jong Boesman wat by ons begin werk het toe ek nog ’n seuntjie was. Tipies Boesman het die plooie vinnig opgehoop soos die jare aangestap het. Dekades later het hy algemeen bekend gestaan as Ou Hans van Samehaling. Hans het nooit skool gegaan nie, kon nie lees of skryf nie en het nie ’n geboortesertifikaat, verjaardag of ouderdom gehad nie. Tog het hy nie ’n fout met ’n skaaptellery gemaak of enigiets vergeet nie. In vierde rat op spoed op ’n plaaspad, het Hans se twee vinnige kloppe op die dak jou ingewande laat ruk, want hy het nie ’n jakkalsspoor gemis nie. Op…

DIE uitbreking van beesbrucellose en Asiatiese rooiwater is meestal boere se eie skuld en verliese kon met bepaalde maatreëls voorkom word. Dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), sê in sy Februarie-verslag in een geval was vyf kalwers in ’n vleisbeeskudde van 550 koeie met geboorte ondergewig en het ná twee tot drie dae gevrek. Toetse in ’n veeartsenykundige laboratorium het spore van beesbrucellose getoon. Die hele kudde is getoets en daar is gevind 110 koeie het brucellose. Beeste wei op baie plase op mieliereste sonder dat voorkomende biosekerheidsmaatreëls getref word om dieregesondheid (spesifiek wat betref brucellose en tuberkulose) te verseker. In die betrokke geval is ’n verkopersverklaring nie van die eienaar verkry voordat die diere verkoop is nie. Die vroulike diere is ook nie volgens…

In die meegaande TABEL is ’n opsomming van transaksies vir grond groter as 10 ha in die Vrystaat vir die 12 maande tot Februarie vanjaar. By Wepener het grondpryse met 23% gestyg, by Bethlehem met 15,9%, by Parys met 12,7% en by Thaba Nchu met 10%. Altesame 19 distrikte, oftewel 46% (vergeleke met 35% in die ooreenstemmende tyd verlede jaar) toon ’n dalende prysneiging. By Fouriesburg het pryse met 20,3% gedaal en by Viljoenskroon met 13,4%. In die betrokke tyd is 603 ooreenkomste (teenoor 627 transaksies die vorige jaar) in 41 distrikte gesluit. In die proses is 255 096 ha teen R3,047 miljard verhandel. Ten opsigte van transaksies vir verskillende plaasgroottes (met verlede jaar se persentasie tussen hakies), lyk die statistieke soos volg: kleiner as 50 ha, 10% (9%); 50-150…

ANDERKANT DIE REËNBOOG SÓ DRAAI DIE WIEL Net meer as 100 jaar gelede is die eerste uitgawe van Landbouweekblad gedruk. Die doel van die nuwe tydskrif was om aan Afrikaner-bestaansboere ’n tegniese handleiding in hul eie taal te gee. Die praktiese landboukennis moes help om boerefamilies se erge verarming tydens die Anglo-Boereoorlog teen te werk. Dit was ’n groot sukses en uit die wanhoop, swaarkry en armlastigheid van destyds se bêkvelders het die kommersiële landboubedryf van wêreldgehalte mettertyd verrys waarmee Suid-Afrika vandag geseënd is. Ons probeer nou weer om ’n beskeie bydrae te lewer wat die vestiging van ’n nuwe geslag boere betref. Deur middel van ons African Farming-tydskrif (wat saam met dié uitgawe van Landbouweekblad verskyn), ’n TV-program met dieselfde naam, ’n webwerf en verskeie sosialemediaplatforms, vertel ons die…

SAKELIGA: DIS NIE ONTEIENING VAN GROND, MAAR KONFISKERING Die ad hoc-komitee vir die wysiging van artikel 25 van die Grondwet het mondelinge kommentaar aangehoor rakende die voorgestelde 18de wysigingswetsontwerp van die Grondwet. Dit het ten doel om onteiening met nulvergoeding vir die doeleindes van grondhervorming duidelik daarin te skryf. Die parlement het die komitee se mandaat tot 31 Mei verleng om sy werk te voltooi. Mnr. Piet le Roux, uitvoerende hoof van die Sakeliga, het gesê onteiening sonder vergoeding – volgens hom ’n meer korrekte beskrywing vir die beslaglegging van eiendom – is ’n duidelike aantasting van die basiese reg tot private eiendom. BUTCH VAN BLERK skryf: Dit is beslis diefstal van grond waarvoor betaal is. Terloops, geen hof gaan dit toelaat nie – wet ofte nie – die howe…

DIE suidoostelike dele van Australië het in Maart swaar reën en oorstromings beleef, maar korttermynvoorspellings het in dié tyd nie op soortgelyke toestande vir Suid-Afrika gedui nie. Mnr. Johan van den Berg, ’n onafhanklike landbouweerkundige, sê weens die huidige baie wisselvallige weerstelsels kan oorstromings of baie swaar neerslae oor kleiner gebiede vinnig ontwikkel en kan oorstromings dus nie uitgesluit word nie. Daar is ’n sterk verband tussen die klimaatsgebeure in veral Queensland en Nieu-Suid-Wallis aan die ooskus van Australië en reënval in die suidelike dele van Afrika, omdat dié gebiede op dieselfde breedtegraad lê. Volgens Van den Berg is daar van 20 tot 23 Maart in dele van Nieu-Suid-Wallis 300 mm of meer gemeet, en nóg sowat 200 mm is toe verwag. “Die oorstromings was die ergste in die afgelope…

DANKSY die wêreldwye vraag wat die aanbod oorskry, kan makadamiakwekers uitsien na stewige pryse vir hul neute in 2021, sê mnr. Allen Duncan, uitvoerende hoof van Green Farms Nut Co., een van Suid-Afrika se grootste verwerkers en uitvoerders van makadamianeute. Duncan skryf die sterk vraag toe aan toenemende bewustheid van makadamianeute se gesondheidsvoordele onder verbruikers. “Hulle maak ’n punt daarvan om makadamias by hul daaglikse dieet in te sluit en selfs deel van hul leefstyl te maak.” Green Farms se bemarkingsmaatskappy, Green & Gold Macadamias, het ondanks Covid-19 daarin geslaag om munt te slaan uit wisselvalligheid in die wêreld se wisselkoerse. Produsente is ’n bonus of agterskot van 10% op verlede jaar se oes uitbetaal. Mnr. Alex Whyte, verkoopsbestuurder van Green & Gold Macadamias, sê dié maatskappy het reeds vroeg…

’N MAGDOM forensiese ondersoeke wat uit die grondhervormingsprogramme spruit, is hangende by die departement van landbou, grondhervorming en landelike ontwikkeling. Dit strek van bewerings van korrupsie met grondeise tot bedrog en wanbestuur by die staat se program vir die aankoop van grond vir begunstigdes. Die ouditeur-generaal (OG) het, op versoek van die parlement se portefeuljekomitee vir landbou, grondhervorming en landelike ontwikkeling, bykomende inligting oor die departement bekend gemaak. Dit volg nadat die OG in sy oudit van die departement se finansiële state vir die 2019-’20-boek-jaar aangedui het dat die departement se forensiese eenheid teen 31 Maart 2020 altesaam 45 ondersoeke voltooi het en nog 42 sake ondersoek. Die spesiale ondersoekeenheid (SOE) het op versoek van die minister reeds 32 ondersoeke oor restitusie in gemeenskappe voltooi en die voorstelle is afgehandel.…

VERKEERDE data op etikette was onder die vernaamste probleme wat opgeduik het uit voedselgehalte-inspeksies vir onder meer hoendervleis, eiers en verwerkte vleis soos polonie en weense worsies. Die agentskap Food Safety Agency, die aangewese inspeksiediens vir dié produkte, het verlede jaar 479 produkte uitgesonder wat nie aan die vereiste standaarde voldoen het nie. Hierdie produkte, waarvoor direktiewe uitgereik is, is gevind by abattoirs (30), handelaars (263), herverpakkers (2), eierverpakkers (47), produsente van verwerkte vleis (136) en koelkamers (1). Uit die meer as 2 900 produkte wat geïnspekteer is, was 909 vir pluimvee, 959 vir eiers, 864 vir verwerkte vleisprodukte en 232 vir ingevoerde produkte. PROBLEME MET EIERS Mnr. Louis Visagie, uitvoerende hoof van die agentskap, sê die vernaamste probleme rakende standaarde het te doen met beperkinge wat oortref word van…

1 NIGERIË| Kleinboere finansieel uitgesluit Nigerië se 200 miljoen mense maak staat op kleinboere vir voedselsekerheid, maar ten spyte daarvan sukkel die meeste boere om te spaar, kapitaal op te bou, geld te belê en om tegnologie te bekom vir beter produksie en risikovermindering. Vir kleinboere om finansieel ingesluit te word, is ingryping nodig wat hul ekonomiese vermoë, deelname en welsyn versterk. ’n Formele rekening is nie genoeg nie, spaar-, krediet- en versekeringsplanne is veral belangrik. Dit sal hul herstelvermoë ná finansiële krisisse verbeter en beteken dat kosproduksie en die land se voedselstelsels nie ontwrig word nie. Hiervoor moet finansiële instellings meer op kleinboere se behoeftes ingestel wees. — The Conversation 2 GHANA | Tata lig trofee Tata Internasionaal Ghana het John Deere Afrika se gesogte Handelaar van…

Mnr. Sandile Ngcamphalala is vanaf verlede maand die nuwe bestuurder van Graan SA se landbou-ontwikkelingsprojek. Ngcamphalala het al 20 jaar met die landbou te doen. Hy was voorheen bestuurder van die Landbounavorsingsraad se adviesdiens en sal nou strategiese leiding aan die Graan SA-projek in geheel bied. Dit sluit in finansiering- en skenkerskakeling en die voortgesette ontwikkeling van die skole- en mentorskapprojek. Hy sal ook besturende redakteur van die tydskrif Pula/Imvula wees. Ngcamphalala meen Graan SA se ontwikkelingsprojek bied die geleentheid om tot ’n welvarende sektor vir almal by te dra, deur die stelsel se probleme as ’n geheel te benader. “In enige projek is daar dinge wat goed werk, dit wat werk, maar nie volhoubaar is nie, asook dit wat nie werk nie.” Hy sê gebiede moet geïdentifiseer word waaruit…

DIE Israelse besproeiingstegnologiemaatskappy Netafim se onlangse verkryging van die Nederlandse kweekhuisverskaffer Gakon gee Suider-Afrika toegang tot meer gevorderde kweekhuistegnologie. “Gakon bied hoogs gespesialiseerde tegnologie en kundigheid in kweekhuisstelsels,” sê mnr. Barney Isralls, besturende direkteur van Vegtech Netafim, wat verantwoordelik is vir Netafim se bedrywighede in Suider-Afrika. “Ons het reeds verskeie van hul stelsels in ons projekte geïnkorporeer. Hierdie tegnologie en kundigheid sal nou selfs meer toeganklik vir plaaslike kliënte wees.” Vegtech Netafim lewer al vir meer as 20 jaar kweekhuise in Suider-Afrika, en saam met Netafim se verkryging van Gakon gaan hy nou sy aanbod in die produksie en verskaffing van kweekhuise uitbrei. Isralls sê Netafim sal danksy die verkryging van Gakon sy kundigheid in presisieboerdery kan aanvul met gevorderde kweekhuistegnologie. Dit sal Netafim in staat stel om meer gevorderde…

In die jongste paar weke het verskeie mediaberigte verskyn waarin nieregeringsorganisasies uitgelig het hoe voedselpryse vir armer mense gestyg het. Die koste van ’n basiese mandjie voedsame kos raak vir baie gesinne ’n probleem. Daarmee saam is beroepe gedoen dat gekyk moet word na prysbeheer om voedsel bekostigbaar te hou. Intussen het die mededigingskommissie aangekondig dat ’n perk geplaas word op die prys van knoffel en gemmer, wat niks anders is as prysbeheer nie. Die landbou moet bedag wees op die neiging in die media, maar meer nog by die mededingingsowerhede wat begin het met die dun punt van die wig deur prysbeheer op knoffel en gemmer in te stel. Die debatte en optrede van die mededingingsowerhede moet in die kiem gesmoor word met die korrekte inligting. Die teruggryp na…

Sorghum vertoon vanjaar in die algemeen baie mooi en goeie oeste word verwag. Volgens die Oesskattingskomitee is die nuutste produksieskatting van sorghum 170 590 ton. Dit is 7,97% meer as die 158 000 ton van die vorige seisoen. Die verwagte opbrengs is 3,69 t/ha. Die oppervlakteskatting vir sorghum het met 8,71% teenoor die vorige seisoen gestyg. Die landboutoestande lyk in die algemeen goed vir al die kernproduksiegebiede, sê me. Petru Fourie, navorsingskoördineerder en produksiekoste-ontleder by Graan SA. “Goeie reën het geval en toestande is baie nat. Limpopo is die enigste provinsie wat moeiliker produksietoestande ervaar. Dit was baie droog in Januarie, maar wydverspreide reën het einde Januarie geval en groot verligting gebring,” sê Fourie. Die gemiddelde kommersiële verbruik van sorghum die afgelope drie jaar was ongeveer 166 600 ton, waarvan…

Blomme, en veral ’n verskeidenheid daarvan, kan ’n belangrike rol speel in die biologiese bekamping van insekte wat gewasse aanval. Dit kan selfs help om die gebruik van chemiese middels in die landbou te verminder. Dít blyk uit ’n studie wat daarop wys dat roofinsekte nie net prooi nodig het om te oorleef nie, maar langer leef indien hulle ook toegang tot ’n goeie voorraad nektar en stuifmeel het. Dié soort insekte, waaronder liewenheersbesies, goudogies, sweefvliegies en myte, is belangrike bondgenote in die bestuur van boorde en aangeplante gewasse. Roofinsekte is vaardige plaagbestryders en hul jagtogte verminder die nodigheid vir chemiese plaagdoders. Daar is tot onlangs geglo roofinsekte oorleef slegs op prooi. Navorsers van die Universiteit van Kopenhagen in Denemarke se departement plant- en omgewingswetenskappe het egter studies van reg…

■ Die groei in die plaaslike daggabedryf word aan bande gelê deur beperkende wetgewing en burokratiese rompslomp. ■ Suid-Afrikaanse dagga wat ingevolge lisensies geproduseer word, mag tans nie plaaslik vir medisinale daggaprodukte aangekoop word nie. Dié mark word reeds oorvoorsien deur multinasionale maatskappye. ■ Die wettiging van dagga vir ontspanningsgebruik en die vestiging van ’n kleinhandelinfrastruktuur hou op langer termyn waarskynlik die meeste potensiaal vir plaaslike produsente in.…

Vanjaar is die laaste jaar van die langtermynstelselproewe wat in 2002 op Tygerhoek begin is. Dr. Johann Strauss sê hulle wil vanjaar as ’n oorgangsjaar gebruik. “Ons beoog om die uitleg en insette te verander en dalk met nuwe wisselboustelsels te begin. Ons wil die kontantgewasstelsel as ’n kontrole behou. As ons die regte heinings kan kry, wil ons ook graag beeste in ons navorsing gebruik.” Aangesien weiding sekere tye van die jaar skaars in die Overberg is, beoog hulle om spekulasiebeeste te gebruik om oormaat voer of weiding te benut. Een van die nuwe wisselboustelsels wat oorweeg word, is twee jaar medics gevolg deur koring, met insaai van dekgewasse in die eerste jaar medics. ’n Soortgelyke stelsel word reeds deur boere by Moorreesburg toegepas. Hulle oorweeg dit ook om…

Die amandelprys – gekoppel aan ’n wêreldprys – het weens die koronavirus-pandemie met ongeveer ’n derde gedaal, sê mnr. Johan Burnett, sake-ontwikkelingsbestuurder van die Unlimited Group. Dit is omdat fyngebakwinkels wêreldwyd hul deure moes toemaak vanweë inperkingsmaatreëls. “Die prys was verlede jaar sowat $6,40 (sowat R98) per kg, maar lê nou op ongeveer $4,80 (sowat R73) per kg. Ons glo dit is ’n tydelike scenario, tot die gewone afsetpunte, soos hotelle en lugrederye, weer hul normale bedrywighede kan hervat.” Hy skat daar is tans sowat 1 000 ha amandels in Suid-Afrika geplant, waarvan Amanteco (Montagu) en ZZ2 van die grootste produsente is. Sowat 30 boere produseer amandels vir Unlimited Nuts. Die gebiede waar dit verbou word sluit in die Riebeekvallei, Malmesbury, die Agter-Paarl, Robertson, De Rust en Calitzdorp. Mnr. Hennie…

Tamatiekonfyt met vars gemmer Vars gemmer gee ’n besonderse smaak aan dié konfyt. Dis nie net lekker op brood nie, maar heerlik in souse, bredies en kerriegeregte. ■ 1,2 kg ryp tamaties ■ Kookwater ■ 4 x 250 ml suiker ■ Sap van 1 suurlemoen ■ ’n Stuk vars gemmer van 6 cm, geskil en gerasper ■ 2 ml seesout Bedek die tamaties met kook-water en laat staan vir 3 minute. Spoel af met koue water en trek die skille af. Kap fyn. Sit die gekapte tamaties en die suiker in ’n swaarboompot en voeg die suurlemoensap by. Roer tot die suiker opgelos is. Voeg die gemmer en sout by en verhit tot kookpunt. Kook vinnig, terwyl gereeld geroer word, tot die konfyt setpunt bereik. Skep in gesteriliseerde flesse en…

LIGGING Groot-Brakrivier, Wes-Kaap Robbie en Hannetjie van den Berg van Friemersheim, ’n gewese sendingstasie naby Groot-Brakrivier in die Suid-Kaap, is baie geesdriftig oor hul plasie wat hulle in 2007 “vir hul oudag” gekoop het. Robbie, die Hollander in die vennootskap, is ’n siviele ingenieur en Hannetjie ’n oud-skoolsekretaresse. “Ons het ’n ernstige romantiese neiging. Boonop was dit die in-ding om te doen,” vertel Hannetjie oor hul besluit om met olywe te boer terwyl ander groot boerderye in die omgewing met ander gewasse sukses behaal. “Die praktiese sy van die besluit was om aan te plant wat natuurlik in die omgewing voorkom. En hier was wilde-olyfbome. Toe plant ons olywe aan. Dit maak ons nou die enigste olyfplaas in hierdie omgewing. Die ander naaste een is by Stilbaai. Ons het egter…

Van die vroegste tye af – hiermee bedoel ek dat jy van die mens se skepping af moet begin – was die begrippe “reg” en “verkeerd” deel van die mens se woordeskat. Adam en Eva kry die opdrag om te doen wat reg is en af te wys wat verkeerd is. En dit geld vandag nog. Maar voordat ons hierdie opdrag kan uitvoer, moet ons eers duidelikheid kry oor die vraag: “Wanneer is reg reg en wanneer is verkeerd verkeerd?” Daar moet tog ’n meetinstrument wees waaraan ons hierdie dinge kan meet? Verder: Wie bepaal wat die meetinstrument moet wees? Wat is sy gesag en is jy bereid om dit te aanvaar? Dit is op hierdie punt waar die weë van mense uiteengaan en waar botsings al te maklik ontstaan.…

GAUTENG CARLETONVILLE OPSAAL(378),343ha, OUDEDORP (376), 401 ha en WITKOPPIES (382), 176 ha, aan 4 Clark Street BK, van Gibbensfamilietrust, R14 250 000. POORTJE (340), 34 ha, aan M.W. Bhana, van H.P. van Niekerk, R1 200 000. KWAZULU-NATAL BALLITO CLIFTON (17867), 37 ha, aan Haysand BK, van Blue RaindropsTrading124BK, R1 840 000. THREE BROTHERS (13861), 79 ha, aan Kildonan Property-trust, van Blue Raindrops Trading124BK,R3960000. LIMPOPO BURGERSFORT MOLAPONG (692), 1 812 ha, aan Kaspersnek Orchards (Edms.) Bpk., van Namoneng Citrus (Edms.) Bpk., R10 000 000. ROODEPOORT (448), 240 ha, aan Namoneng Citrus (Edms.) Bpk., van Sibambile Citrus (Edms.) Bpk., R500 000. DENDRON DE DROOM (112), 633 ha, aan Fids Prop BK, van C.P. Scheepers, R8 000 000. RIETBULT (523), 252 ha, aan Sebabala Inv BK, van Oracle-props 1044 BK, R1 600 000.…

Die vraag na Suid-Afrikaanse Vleismerino’s op die eerste groep produksieveilings onder die beskerming van die ras se telersgenootskap is goed en die pryse bly bestendig. Mnr. Manie Lombard, voorsitter van die SA Vleismerino-telersgenootskap, sê daar is ’n groot vraag na ramme, veral vir kruisteeldoeleindes, danksy die ras se wit, steekhaarvrye wol. “Daar was tot dusver baie min veilings waar die gemiddelde prys vir ramme onder R10 000 elk was,” sê hy. Op die veiling op 9 Maart van mnr. Vos Grey se SA Janvosstoetery op die plaas Brakfontein naby Davel was die ramme se gemiddelde prys ’n rekordhoë R19 000. “Dit is ’n goeie aanduiding van die vraag na diere van gehalte,” sê Lombard. Volgens hom is die kwessie van kuddebou steeds ’n faktor in die vraag na vroulike diere…