Indholdsfortegnelse for 17 February 2022 i Landbouweekblad

STRIKKE VAN DANKBAARHEID Kleurryke strikke het einde Januarie op plaashekke in die distrik Carnarvon hul verskyning begin maak as ’n teken van die boeregemeenskap se dankbaarheid oor die goeie reën wat sedert Oktober in dié distrik in die Noord-Kaap val. “Dit toon ons dankbaarheid teenoor ons hemelse Vader wat ons bemoedig en gedra het, en teenoor mense, organisasies en maatskappye wat veevoer, vervoerkoste, brandstof, kospakkies, koepons, boervroubokse en geld vir skoolen universiteitsgeld gegee het,” sê mnr. Jan la Grange, voorsitter van die Agri Carnarvon-landbouvereniging. Lees meer by bit.ly/3GqTTgo. GEEN TOUSTAAN Voertuiglisensies kan nou aanlyn by die Poskantoor hernu word. Ná eenmalige registrasie by www.sapomvl.co.za is dit volgens die Poskantoor ’n vinnige en maklike proses. Geen kommissie word op die transaksie gehef nie en beta-lings word deur die toepassing Masterpass gedoen.…

AS jy bekommerd is oor die winsgewendheid van jou boerdery ‒ nou en in die toekoms ‒ moet jy nie Landbouweekblad se herlewingslandboukonferensies in Maart misloop nie. “Dit is regtig ’n voorreg om weer ons reeks herlewingslandboukonferensies saam ons vennote vanjaar te kan voortsit ná die covid-19-inperkings van die afgelope twee jaar,” sê Chris Burgess, hoofredakteur van Landbouweekblad. “Met die buitengewone styging in pryse van produksiemiddele is dit ook ’n goeie tyd om weer idees uit te ruil oor hoe die natuur ingespan kan word om boere se koöperasierekening ’n bietjie te besnoei. Ons moet eenvoudig maniere vind om goedkoper en volhoubaarder te boer.” Daarmee saam bring klimaatsverandering, drastiese stygings in produksiekoste, dalende opbrengste, ’n groeiende verbruikersvraag na etiese en omgewingsvriendelike produkte en ’n magdom ander probleme groot druk op…

KAAPSE BOERE KAN MEER GARS PLANT Graanboere kan vanjaar meer gars plant nadat AB InBev, die grootste koper van moutgars in die land, onlangs ’n verhoogde mandaat bekend gemaak het. AB InBev onderneem om in 2022 altesaam 406 000 ton gars te koop. Dit is 46 000 ton meer as die mandaat van 360 000 ton in 2021. Mnr. Jose de Kock, voorsitter van Graan SA se garsspesialiswerkgroep en boer van Napier, sê garsboere kon in die moeilike jaar wat 2021 was, net 165 000 ton moutgars lewer. “Die oes wat amper 100 000 ton minder as die mandaat was, bring geleenthede en probleme.” Hy het op Graan SA se streeksvergadering op Riversdal gesê die garsbedryf is op ’n laagtepunt, maar hy meen die bedryf kan in die volgende vyf…

Lemmer beveel aan dat boere eers die buitewêreld betree voor hulle plaas toe gaan. “Kry ervaring buite en gaan werk vir iemand sodat jy sagte vaardighede kan ontwikkel. Dis ’n voorreg om saam met jou pa te kan boer en daardie wysheid op te doen. Ek het nou meer waardering vir wat ek het.” Hy het ’n graad in meganiese ingenieurswese aan die Noordwes-Universiteit behaal, en toe drie jaar vir Eskom gewerk. “Ons het goeie mentors by Eskom gehad en baie van my sagter vaardighede en mensekennis het ek daar opgedoen.” Daarna was hy ’n finansiële adviseur en makelaar vir boere. Intussen het Lemmer ook ’n jaar as patenteprokureur gewerk. In Desember 2017 het sy pa hom gevra of hy na die plaas wou terugkeer, en in Maart 2018 het…

Buitelandse kenners van die varkvleisbedryf is op die virtuele jaarvergadering van die SA Varkvleisprodusente-organisasie gevra wat die sleutelkwessies is wat nou aangepak moet word om in die toekoms te boer. Catalin Lapuste (Spanje): Mense wat verandering nastreef, sal aanpassings aan reëls veroorsaak en konvensionele boerdery onder druk plaas. Dit is ’n tyd van oorvloed, maar hongersnood is dalk net om die draai. Weens beperkte hulpbronne word sterk boere benodig. Mauricio Diaz (Amerika): Die bedryf se impak op klimaatverandering moet vroegtydig verminder word. Benut tegnologie en produseer volhoubaar. Aandag moet ook gegee word aan verbruikers se indruk van hoe kos geproduseer word. Wees respekvol, verantwoordelik en aanvaar rentmeesterskap. Casey L. Cradley (Amerika): Klein, onafhanklike varkvleisprodusente verlaat die bedryf teen ’n kommerwekkende tempo. Daar is ’n gebrek aan verantwoordelikheid en trots onder…

Die eerste jeugbeoordelaarskompetisie is in 2020 onder die leiding van mnr. Dawid Krause gehou. Hy was aan die veevoervervaardiger Feedmaster verbonde en is verlede jaar aan covid-19 oorlede. Mnr. Chris-to van Zyl, wat sy taak oorgeneem het, sê: “Ons is verplig om die projek en goeie werk wat oom Dawid begin het, te laat voortleef.” “Hy het die projek met groot passie aangepak, en so mooi met die kinders gewerk. Deur hierdie projek het hy ’n liefde vir die landbou by hulle probeer kweek. ‘Ons het jong boere nodig,’ het hy altyd gesê. Daarom het Feedmaster besluit om die projek te laat voortleef ter nagedagtenis aan dié lojale landbouman.” Landbouweekblad het nog enkele weke voor Krause se dood met hom ’n onderhoud in Windhoek gevoer en hy het oorgeborrel van…

PAMPOEN-SPESERYKOEK MET AMANDELVLA Beslag ■ 125 g sagte botter ■ 250 ml ligbruinsuiker ■ 4 ekstragroot eiers, geskei ■ 250 ml gaar pampoen, goed drooggekook en fyngedruk ■ 625 ml koekmeel ■ 125 ml gemaalde amandels ■ 15 ml bakpoeier ■ 5 ml kaneel ■ 5 ml fyn gemmer Amandelvla ■ 150 ml room ■ 125 ml suiker ■ 625 ml melk ■ 60 ml mielieblom ■ 4 ekstragroot eiergele ■ 125 ml gemaalde amandels ■ 60 g botter ■ 2-3 druppels amandelgeursel Voorverhit die oond tot 180 °C en voer twee gesmeerde panne van 20 cm elk met bakpapier uit. Smeer weer. Beslag: Verroom die botter en suiker baie goed saam. Voeg die eiergele en pampoenpuree by en klits goed. Voeg die meel, gemaalde amandels, bakpoeier en speserye by…

Iemand vra my by geleentheid watter onderwerp ek sal kies as ek sou weet dit sal my laaste boodskap wees? Nie so maklik nie, dog ek toe by myself. Dit is amper soos wanneer jy gevra sou word: Ry deur Suid-Afrika en kies die mooiste natuurtoneel. In ’n mens se sogenoemde laaste boodskap sou jy kon dink aan ’n belangrike oproep – gerig aan die luisteraars. Of wat van ’n getuienis oor God se liefde en genade wat Hy aan jou bewys het? Of ’n mooi teks uit die Bybel wat vir jou baie beteken het? In die Woord vind ons talle biografiese beskrywinge van mense oor wie God se liefde en ontelbare seëninge soos stromende skoon water gevloei het. Waar moet ’n mens begin en waar gaan jy eindig?…

SEDERT pres. Cyril Ramaphosa se aankondiging in 2020 dat spooroperateurs van die private sektor toegang tot Transnet se spoornetwerk sal kry, was daar heelwat vordering, sê mnr. James Holley, uitvoerende hoof van Traxtion, ’n private spoorvragmaatskappy met bedrywighede in talle Afrikalande, en voorsitter van die Africa Rail Industry Association (Aria). Transnet beoog om die pryse wat private operateurs vir toegang sal betaal, teen einde Maart te voltooi, en ’n gidsprojek vir derdeparty-toegang word teen einde 2022 in die vooruitsig gestel. Volgens Aria beoog Transnet dié gidsprojek vir die vraghouerkorridor tussen Durban en Johannesburg. Holley meen die Transnet-netwerk, wat stedelike pendelroetes uitsluit, is erg onderbenut, en kan met derdeparty-toegang reuse-inkomste vir Transnet inbring. Private treine kan betreklik vinnig op die Transnet-netwerk begin loop. Om grootskaalse private vragvervoer op die netwerk te…

10 Die Australiese vleismaatskappy Teys Australia se Naracoorteabattoir het onlangs die tiende vleisaanleg in dié land geword wat sy uitvoerpermit na China verloor het. Bedryfsleiers wys daarop dat Australië en China se handelsoorlog pas sy tweede jaar betree het. Die gebrek aan dialoog tussen die twee lande beteken die bedryf is op die Chinese doeane-owerheid se webwerf aangewese om te hoor wanneer hulle die mark verbied word. — ABC 60% China het teen November 2021 net 60% van die Amerikaanse boerdery- en vervaardigde goedere ingevoer wat hy onderneem het ingevolge die twee jaar lange handelsooreenkoms wat oudpres. Donald Trump met China gesluit het. Volgens mnr. Tom Vilsack, Amerikaanse minister van landbou, het China se aankope van landbougoedere soos deur die ooreenkoms bepaal, sowat $13 miljard (R198,8 miljard) te kort geskiet.…

TLU SA: ANC MOET BESLUIT OF HY VOEDSELSEKERHEID WIL HÊ Die ANC se voorstel om be-lasting op onbenutte grond te hef as manier om meer grond vir sy transformasie-agenda beskikbaar te kry, is onduidelik, en daar moet verduidelik word wat die party met “onbenutte grond” bedoel, sê mnr. Henry Geldenhuys, voorsitter van TLU SA. “Verwys die ANC na die grond waarvan 95% ingevolge sy grondoordragprogramme uit produksie gegaan het? Wanneer ’n boer in ’n wisselbouprogram bepaalde kampe laat rus, is dit ver verwyder van onbenut, en is daar wetenskaplike volhoubaarheid ingebou. “Om grond uit te deel, is van geen waarde nie tensy dit die ander produksiefaktore in ag neem. Grond as sodanig is nie welvaart nie, maar kan welvaart skep as ’n ondernemer (boer) dit met kundigheid bestuur saam met…

AMP TENARE van die plaaslike munisipaliteit Dipaleseng is op heter daad betrap toe hulle onbehandelde riool op ’n plaas by Balfour stort. Mnr. Danie Bester is een van ’n paar boere wie se dam-me, asook ’n rivier wat deur hul plase loop, deur riool besoedel is. “Dit kan nie so aangaan nie. Ons kan nie eens meer ons beeste in spesifieke kampe naby aan die rivier of waar besoedelde damme is, laat wei nie, uit vrees dat hulle siektes gaan opdoen.” Hy sê hy was op 30 Januarie tuis toe sy pa hom bel en sê ’n vreemde vragmotor is op hul plaas besig om ’n vloeistof te stort. Met Bester se aankoms was die amptenare steeds besig om onbehandelde riool in ’n vlei te herlei. Hy het ’n video-opname…

1 LIBERIË| Miljoene vir weerstelsel Die Afrika-ontwikkelingsbank het $10 miljoen (R153 miljoen) uit die Green Climate Fund beskikbaargestel waarmee Liberië sy klimaat-inligtingstelsel kan verbeter. As deel van die vyfjaarprojek sal ’n weerradar op die Roberts- internasionale lughawe opgerig word, asook onbemande moniteringstelsels in die boonste deel van die atmosfeer. Dit sal help om ’n nasionale vroeë waarskuwingstelsel vir potensiële ramptoestande te vestig. — Afrika-ontwikkelingsbank 2 KENIA | Klimaat keil kleinboere op Dit was nog nooit maklik vir bestaansboere in Kajiado, in die suidweste van Kenia, om kop bo water te hou nie, maar hulle sê toestande in 2020 en 2021 was erger as vantevore. Gewasse en weiding wat nie deur die erge droogte vernietig is nie, is deur sprinkaanplae opgevreet, en aanplantings is vertraag deur ’n gebrek aan…

Die Internasionale Monetêre Fonds (IMF) het einde Januarie 2022 sy jongste siening van die stand van die wêreldekonomie bekend gestel. Kort daarna het die monetêre beleidskomitee (MBK) van die Reserwebank ’n verhoging in rentekoerse aangekondig omdat hy meen dat Suid-Afrika se ekonomiese vooruitsigte verswak het. Die verloop van sake in die wêreldekonomie en op finansiële markte het ’n direkte impak op die landbou en boerderye, veral omdat bykans die helfte van die plaaslike landbou se bruto inkomste met uitvoer verdien word. Die groeivooruitsigte in die wêreldekonomie en markte is bepalend saam met die wisselkoers van die rand. Die IMF het sy vooruitskatting van die wêreld se ekonomiese groei verlaag vanaf 5,9% in 2021 tot sowat 4,4% in 2022 omdat die wêreldekonomie na sy mening aan die begin van 2022 in…

As China nies (of minder melk wil invoer), sit die res van die wêreld op aandag. Die wêreldekonomie het in 2020 skerp ingesink vanweë covid-19, maar daarna goed herstel. Ekonomiese groei wêreldwyd het van 2,8% in 2019 tot -3,1% in 2020 gedaal. Volgens die Internasionale Monetêre Fonds (IMF), word 5,1% groei in 2021 en 4,9% in 2022 verwag. Die vooruitskouing is onderhewig aan talle kernonsekerhede. Nuwer, virieler mutasies van die covid-19-virus kan die pandemie verleng. Die wanbalans tussen die aanbod en die vraag kan langer duur en tot hoër langtermyninflasie lei. Finansiële markte is op hoë, maar wisselvallige vlakke en enige slegte nuus kan markte ernstig beïnvloed. Aan die gunstige kant word entstowwe vinniger versprei en die immunisering van bevolkings geskied vinniger as verwag. Dit kan die effek van ’n…

MOBIELE ALLES-IN-EEN BEESKRAAL DBL Engineering het onlangs sy nuwe Veldmasterbeeskraal vir die maklike hantering van beeste in die veld bekend gestel. Dit bestaan uit ’n opvangskraal, drukring, drukgang, weegkrat met ’n skaal, skuifhekke, nekklamp, sorteerkrat, verstelbare laaibank en twee sorteerkrale. Die beweging van die beeste in die kraal vloei van die opvangskraal na die drukring, waarna die forseerhek die beeste na die drukgang bring. Die forseerhek beweeg op ’n palratstelsel wat verseker dat die beeste nie kan omdraai en die hek oopstamp nie. Die drukgang het skuifhekke wat vloeibeheer van beeste uitstekend reguleer. Die drukgang het ook ’n weegkrat. Een van die belangrikste eienskappe van die nuwe weegkrat is dat die weegbalke bo-op die weegkrat is. Die weegbalke en kabels lê dus nie op die grond en in die modder…

Dit is noodsaaklik om beeste te brandmerk, en dié proses kan vinnig en redelik pynloos gedoen word met Tal-Tec se toerusting en kundigheid. Tal-Tec se brandysters word van vlekvrye staal gemaak. Dit voorkom blase omdat dié staal vinnig warm word, maar ook gou afkoel. Die brandyster moenie langer as vier sekondes teen die dier se vel gehou word nie. As die brandysters stadig afkoel, soos die geval met yster of koper, sal te veel hitte in die tydperk oorgedra word. ’n Brandblaas kan vorm en die merk onleesbaar maak. ’n Goeie manier om ’n perfekte brandmerk te verseker, is om die gebied wat gebrandmerk is, af te koel. Spat koue water op die vel nadat die dier gebrandmerk is. Dit voorkom die vorming van ’n brandblaas en bring verligting vir…

Vir watter mark lewer julle patats? Ons grootste klem is op die uitvoermarkte in Brittanje, Europa en die Midde-Ooste, maar ons is ook sterk op die plaaslike mark teenwoordig. Ons patats gaan deur ’n proses waar ons dit vir sewe dae warm maak, sodat die stysel omskakel na suiker, dit soeter en klammer raak en die kleur intenser word. Middel Maart gaan ons saam met Checkers ’n unieke handelsmerk, O-so-orange, bekend stel. Dié patats sal deur ons spesifieke prosedures gaan. Wat is die verskil tussen wit, oranje en pers patats? Die oranjevleispatats bevat heelwat betakaroteen (vitamien A), net soos wortels. Die pers patats is taamlik hoog in antioksidante – sommige studies meen selfs meer as bloubessies. Die witvleispatats se teelmateriaal is taamlik oud en het dus nie die eienskappe, soos…

‘Ons bly steeds aanspreeklik vir ons belastinggeld. Maar ons moet die munisipaliteit sover kry om sy sake reg te ruk.’ MNR. QUENTIN ANTUNES, voorsitter van die Mafube-distrikslandbou-unie, oor boere se dispuut met die Mafube-munisipaliteit wat gelei het tot ’n projek om infrastruktuurverval teen te werk. Bl. 18 ‘Dit is nou die eerste keer dat ons klinkklare bewyse het dat die munisipaliteit willens en wetens die riool só stort.’ MNR. CAREL PIENAAR, VF Plusraadslid, oor regstappe teen munisipale amptenare wat riool op ’n plaas gestort het. Bl. 15 ‘Tensy daar bevoegde, eerlike amptenare in diens is, wat die openbare belang op die hart dra, sal die probleem nie opgelos word nie.’ MNR. LEN DEKKER, prokureur in onder meer munisipaalverwante sake, oor hoe om onderliggende diensleweringsprobleme in munisipaliteite die hoof te bied.…

Dit gebeur nie aldag nie. Die kans om regtig iets gunstigs oor Suid-Afrika se politici kwyt te raak. Maar daar bel Eddie Prinsloo van Heuningkrans Merino’s uit Smithfield se wêreld my die ander dag om die goeie nuus te vertel dat ná ses jaar se gesukkel die wa uiteindelik deur die drif getrek is met die boerderyprojek wat hy saam met sy werkers wil vestig. Die geld vir die koop van die plaas waar hulle saam gaan boer, is uiteindelik deur die tesourie goedgekeur, en die grond is op 24 Januarie vanjaar aan die werkers oorgedra. Dit is ietwat van ’n deurbraak, aangesien die staat steeds weier om grond aan swart boere te gee. Vir Eddie was grondeienaarskap vir sy werkers uit die staanspoor ononderhandelbaar. Sy plan is betreklik eenvoudig.…

DA AR is opnuut tweespalt tussen die regering en die graanen oliesadebedryf oor die pad vorentoe met die aanstelling van Leaf Services as ’n gevolmagtige inspeksiediens om die standaarde van graan, oliesade en graanprodukte te inspekteer. Ná ’n suksesvolle appèl deur belanghebbendes in die waardeketting teen die wyse waarop die inspeksiediens aangestel is en die voorgestelde tariewe, moet die departement van landbou, grondhervorming en landelike ontwikkeling van voor af met die bedrywe konsulteer. Die appèlraad het beslis dat Leaf Services nie voldoen het aan die vereistes wat vir openbare konsultasie en kommentaar gestel word voordat ’n kennisgewing daaroor in die Staatskoerant afgekondig is nie. Die departement het daarna belanghebbendes tot einde Januarie tyd gegee om kommentaar te lewer op ’n nuwe voorgestelde standaardbedryfsprosedure vir die inspeksies. Mnr. De Wet Boshoff,…

GEFRUSTREERDE belastingbetalers in verskeie munisipale gebiede wend hulle toenemend tot howe om disfunksionele munisipaliteite tot verantwoording te roep, maar hofbevele bied nie langtermynoplossings nie en is soms moeilik afdwingbaar. In een onlangse uitspraak het die appèlhof in die guns van gemeenskappe van Parys en Standerton beslis dat Eskom nie kragvoorsiening aan hulle mag inkort weens die munisipaliteite se wanbetaling nie. Sakeliga, wat nie by dié saak nie, maar by ander verwantes betrokke is, sê die uitspraak steun omvattend op die Resilient-uitspraak van 2020 in die appèlhof, waarby Sakeliga betrokke was en waar die hof bevind het eindgebruikers mag nie benadeel word weens die onvermoë of onbereidwilligheid van staatsliggame om hul geskille behoorlik op te los nie. “Dit beteken Eskom mag nie eindgebruikers gyselaar hou waar munisipaliteite in gebreke bly om…

MELKBOERE se plaashekprys het volgens Statistieke SA se produsenteprysindeks in die twaalf maande tot November verlede jaar stewig gestyg, maar die Melkprodusente-organisasie (MPO) sê dit vergoed nie vir die verliese wat boere sedert 2017 ly nie. Die SA Melkprosesseerdersorganisasie (Sampro) sê in sy jongste verslag oor veranderinge in produsentepryse in die melkbedryf, gegrond op Statistieke SA se inligting, dat die prysindeks vir onverwerkte melk in November 2021 11% hoër was as in November 2020. Die produsenteprysindeks vir melkprodukte het hierteenoor in dieselfde tyd met 6,3% gestyg. TABEL 1 wys hoe dié stygings met die prysindeksbewegings van ander voedselsoorte in dieselfde tydperk vergelyk en toon onder meer die groot styging in die indeks wat voerpryse insluit. Mnr. Bertus van Heerden, hoofekonoom van die MPO, sê die styging in plaashekpryse moet teen…

TAFELDRUIFBOERE in die Olifantsriviervallei het in sommige gevalle tot ’n kwart van hul tafeldruiwe verloor weens ’n hittegolf laat in Januarie. Volgens die Suid-Afrikaanse tafeldruifbedryf (Sati) het “algemene klimaatskwessies”, soos donsskimmel en reën buite seisoen, tot die skade bygedra. Mnr. Nico Greeff van die Greeff-boerdery by Vredendal sê daar is boere in die omgewing wat hele blokke tafeldruiwe moes afskryf. Elders het kultivars soos Sweet Celebration en Sweet Sapphire pak gevat. Boere wat verwag het om 4 500 kartonhouers tafeldruiwe van ’n hektaar te pak, moes met 2 000 tevrede wees. Mnr. Morné Paxton, hoofproduksiebestuurder by Thornriver Creek op Trawal, sê dit is die eerste keer in 12 jaar dat hy sulke toestande in die omgewing ervaar. “Dit was ’n baie koel somer, tot ons die skielike hitte ervaar het.…

Die gunstige landboutoestande ná die landwye reën bevorder die kommersiële produksie van heuning. Mnr. Brett Falconer, die bestuurder van Highveld Honey Farms, een van die grootste kommersiële produsente van heuning in die Suidelike Halfrond, verwelkom die goeie produksietoestande, maar sê dat die diefstal van korwe en kwaadwillige saakbeskadiging die byebedryf jaarliks erg knou. Volgens Falconer word byekorwe só geplunder dat dit voedselsekerheid bedreig, terwyl byeboere sukkel om in die groeiende vraag na bestuiwingseenhede en heuning te voorsien. Hy en ander byeboere verloor jaarliks tot 30% van hul byeswerms weens vandalisme en diefstal. Heuningdiewe plunder die byekaste of steek dit aan die brand om by die heuning uit te kom of om die jongbykoeke uit te haal vir die maak van jongbywyn. Korwe met swerms bye word ook gesteel. Falconer betreur…

Daar is verskeie betrokkenes wanneer dit by lewenspolisse kom. Die eerste betrokkene is die lewensversekerde op die polis. Dit is die persoon wie se lewe verseker word en wie se afsterwe tot die uitbetaling van die polisopbrengs sal lei. Die tweede betrokkene is die eienaar van die polis (ook genoem die kontrakterende party). Dit is die persoon wat die polis op die lewensversekerde se lewe uitneem of besit. Die laaste betrokkene is die begunstigde van die opbrengs van die polis. Dit is die persoon wat geregtig is op die opbrengs van die polis wanneer die lewensversekerde tot sterwe kom en die polis uitbetaal. Wanneer daar nie ’n begunstigde aangewys word nie, of die begunstigde aanvaar nie die opbrengs van die lewenspolis nie, sal die opbrengs aan die eienaar van die…

DANKSY Bayer se nuwe Testing4Ag-platform kry navorsers wêreldwyd die kans om nuwe idees en chemiese kombinasies vir die bekamping van swamsiektes, insekplae en onkruid aan die maatskappy voor te lê vir toetsing. Hulle het tot 31 Maart tyd daarvoor. Luidens ’n verklaring sal die navorsers en instellings hul intellektuele regte behou. Testing4Ag word met die samewerking van Halo bedryf. “Dié inisiatief maak dit vir navorsers moontlik om hul relevante deurbrake, uitvindsels en navorsing aan die maatskappy voor te lê sodat die moontlike gebruik daarvan in die landboubedryf ondersoek kan word. “Waar van toepassing, kan hierdie samewerking lei tot die ontwikkeling van nuwe produkte wat volhoubaarder is met betrekking tot die mens en omgewing se welstand,” sê me. Liza Bohlmann, skakelhoof van Bayer Crop Science in Suid- en Oos-Afrika. “Met die…

Lemmer sê die reël vir dekgewasse is dat elke dekgewas se saadkoste sowat R100/ha beloop. “Ons plant dan vier tot ses verskillende dekgewasse aan, want ek wil hê elke gewas moet tot sy reg kom. Ná aanplanting dien ek van week vier tot ses bobemesting toe, en werk teen een tot twee keer my saadkoste se kunsmis. As ek dus R500 se saad aangeplant het, is my direkte inset per ha R1 000-R1 500/ha. Daarteenoor sê Lemmer ’n vliegtuigspuit gaan sowat R300/h beteken en minstens twee keer spuit oor die volgende mielieaanplanting, wat ’n totaal van sowat R1 000/ha kan beteken. “As jy ’n oorlêstelsel gebruik en jou lande moet skoon hou, gaan jy minstens drie keer moet spuit. Dit beteken spuitkoste van R300-R400/ha. Ná stroop moet die lande weer…

Die amptelike tegnologievennoot van Laeveld Agrochem is Agri Technovation, en saam bied dié maatskappye ’n wye reeks presisiedienste en produkte. Die doel is om winsgewende en volhoubare boerdery te verseker deur akkurate toepassing en praktiese oplossings. Die presisiedienste sluit gespesialiseerde produkte en pasgemaakte raad in wat verskeie landboupraktyke, kultivars en tegnologiese vooruitgang betref. Met hierdie toegespitste dog holistiese benadering kan wetenskaplike boerderybeginsels aangepas word sodat gewasse soos graan, suikerriet, weidings, groente, soos aartappels en uie, neute en vrugte, wat sitrus, tafeldruiwe, avokado’s, appels en pere insluit, hul volle potensiaal bereik. Hier is ’n paar van die dienste wat aangebied word. MYFARMWEB™. Dit is ’n interaktiewe, wolkgebaseerde platform vir die opberging, visualisering en vergelyking van groot volumes data uit verskeie bronne. Dit sluit in lugfoto’s, grondfisieke en grondchemiese kaarte, topografiese kaarte,…

Oor die afgelope jare kon die Namibiese vleisraad dié land se vleisbedryf in só ’n mate bestuur dat dit optimale voordeel uit toegang tot verskeie internasionale vleismarkte kon put. Vleisuitvoer het in ’n meerdere en mindere mate na verskeie lande van die Europese Unie, Noorweë, Suid-Afrika, Amerika en China plaasgevind. Namibiese boere is besig om te herstel van die uitmergelende droogte van die afgelope paar jaar, en daarom is daar tans ’n algemene tekort aan slagdiere vir die voorsiening van vleis aan die plaaslike mark. Tesame hiermee is daar ’n moratorium op die invoer van vleis vanuit Suid-Afrika weens dié land se bek-en-klouseerstatus, wat lewendehawepryse uiters voordelig vir Namibiese boere maak. Met die vooruitsigte op ’n normale tot bonormale reënseisoen sal die vleisbedryf in 2022 voortgaan met die kuddeboufase. In…

Mense wat uit groen en nat streke kom, verstaan nie altyd ander se verknogtheid aan die droë wêrelde van hul grootwordjare nie. Hulle kan nie kleinkry hoe mense lief kan wees vir die Karoo, Namakwaland, die Boesmanland en Namibië se klippe, sand, stof en sporadiese droogtes nie. Marika du Toit-van Heerden se eerste boek Daar’s sand in my are gaan dalk net begin om te verduidelik hoe dit voel om sand in jou are te hê. Die boek, ’n versameling “stories, vertellings en pensketse”, begin waar Marika se man, Jannie, ’n plaas tussen Van Wyksvlei en Kenhardt – wat haar betref “moertoe, die ewige niks in” – koop. Jannie, ’n sakeman van Johannesburg, het op Beaufort-Wes grootgeword, en het beslis ook ’n dik stroom sand in sý are. Dit duur…

Grondtransaksies groter as 10 ha vir die 12 maande van Januarie 2021 tot Desember 2021 in Gauteng, KwaZulu-Natal en Limpopo is in die meegaande TABEL . Die sluiting van aktekantore in 2020 weens covid-19 bemoeilik die vergelyking van statistieke. In Gauteng was daar 379 transaksies en 42 336 ha is teen R1,589 miljard verhandel. In Pretoria en Carltonville is gunstige prysneigings aangeteken. By Nigel het pryse met 16,4% gedaal. Altesame 286 transaksies is in 13 distrikte in KwaZulu-Natal gesluit. Dit het 79 289 ha teen R2,144 miljard behels. In 61% van die distrikte is gunstige prysneigings waargeneem. By Ballito het pryse met 15,1% gestyg en by Kokstad met 16,3%. In Limpopo is 521 ooreenkomste in 12 distrikte gesluit wat 167 957 ha teen R2,246 miljard behels het. By Alldays het…

MERINO GELEENTHEDE VIR BEMARKING IN VRYSTAAT UITGEBREI Die Merino-ontwikkelingskomitee vir streek 3 (Mok3) het sy eerste prestige-stoetramveiling in Bloemfontein aangebied. Dit was om die bemarkingsgeleenthede vir veeboere in die Sentraal- en Suid-Vrystaat uit te brei. Altesaam 23 ramme is op die veiling aangebied en vir gemiddeld R9 916 verkoop. Die duurste ram van mnre. Theron en Thian Swanepoel van Mooihoek, Smithfield, is teen R41 000 verkoop. Die kopers is die broers mnre.PG en Arno le Roux van Smithfield. Die gemiddelde prys van die nie-dragtige ooie was R3 000 en die dragtige ooie R2 355. Altesaam 93 vagte is vir Mok3 se vagkompetisie vir 2020-’21 ingeskryf. Die beste groep van drie vagte (suidelike groep) is deur die Swanepoels van Mooihoek en mnr. Johan Opperman van Palmieta-boerdery, Boshof, (noordelike groep) ingeskryf. In…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 7-8 MAART: Landbouweekblad se konferensie oor herlewingslandbou. Reitz. Navorsingsresultate van proefpersele in die somerreënstreek, die koste van herlewingslandbou en watter somme om te maak as boere na dié stelsel wil oorskakel. E-pos: events@landbou.com 10 MAART: Landbouweekblad se konferensie oor herlewingslandbou. Ottosdal. 15 MAART: Landbouweekblad se konferensie oor herlewingslandbou. Kaapstad. 15-17 MAART: Kongres en uitstalling, SA Besproeiingsinstituut, Gqeberha Sun Boardwalk. Nuwe kennis, nuutste tegnologie en nuwe geleenthede in produktiwiteit, volhoubaarheid en waterbesparing in die landbou. Web www.sabi.co.za of e-pos: riana@sabi.co.za VERGADERINGS 10 JUNIE: Agri-Expo-ledeskouevergadering, www.agriexpo.co.za 16 NOVEMBER: Sauvignon Blanc SA, tegniese seminaar, www.sauvignonblanc.com FEESTE, EKSPO’S 25 MAART: Prysoorhandiging, SA suiwelkampioenskap, Cavalli-landgoed, Stellenbosch. 2-3 APRIL: SA…