Weg! Ry & Sleep July 2015

Min dinge is so lekker soos ’n goeie ou storie, al weet jy iemand dik nou ’n bietjie aan of skiet sommer behoorlik spek. Lank gelede was ek gelukkig om Patrick Mynhardt by ’n kunstefees te sien optree. Ek onthou goed hoe hy hom daardie aand voorgestel het: “Op dramaskool was ek in ’n klas saam met Judy Dench, en ek het al gewerk saam met Michael Caine. Vandag is hulle Dame Judy Dench en Sir Michael Caine, maar ek... ek is nog steeds net oom Patrick Mynhardt.” Dis die reine waarheid. Hy hét saam met hulle en nog baie ander internasionale bekendes gewerk en stories gehad om te vertel, maar daardie aand was hy nie net oom Patrick Mynhardt nie. Hy was oom Schalk Lourens van Groot-Marico terwyl hy…

Drie jaar gelede het ek en my vrou, Elaine, besluit om saam met die kinders vakansie te hou. Dit was immers tyd, want ons het 22 jaar laas met ’n woon› wa gekamp. Terwyl die kinders in die huis was, was kamp aan die orde van die dag, maar ons het die woonwa in 1987 verkoop. My pensioendae het intussen aangebreek en ons het besluit om weer een aan te skaf. Ons het soos van ouds van Orkney af in die pad geval met die woonwa op pad kus toe. Ons “nuwe” Gypsey 4 moes kers vashou by ons Nissan 2.4 Hardbody, die dubbel› kajuit›petrolmodel, terwyl die kinders, Thys en lendy Campher, en hulle kroos hulle Gypsey Regal met ’n Toyota Hilux 2.5, ook die dubbelkajuit, maar met ’n dieselenjin,…

Vier van ons – ek en my man, Herman, met meer as 70 somers agter die rug, en Wilma Balaam en haar man, Arthur, wat nog nooit in sy lewe gekamp het nie – besluit vroeg vanjaar om saam te kamp. Vir die vrag wat moes saam, het ons ’n waentjie by Wilma se seun geleen. Die aanvanklike plan was om met twee voertuie te ry, maar waentjiesleep het na ’n beter plan geklink, en ons laai toe twee tente, vier bedjies met die matrasse en vier stoele in die wa. Ons trek in Kuilsrivier weg en ry onder meer deur Heidelberg – en maak seker ons koop van die lekker wors op Albertina. Ons wou twee nagte by Die Punt kamp, maar hulle bars uit hulle nate met al…

Ons het oor Paasnaweek by die ATKV Natalia›oord gekamp, en dis ’n wonderlike kampplek. Die kleinkinders was saam, en as daar nou een kamp is wat jy kindervriendelik kan noem, dan is dit Natalia. Smiddae was dit ’n besonderse gesig om te sien hoe die jonges die strate van die plek met hulle fietse oorneem, en hoe bestuurders in voertuie voorrang gee aan die tweewielbrigade. Die ablusiegeriewe is puik en selfs snags was ’n skoonmaakspan aan diens. ’n Mens het geen rede om oor enigiets te kla nie, behalwe as jy op ’n dag na die WegSleep of Weg soek in die oord se winkel. Dis vreemd dat die ATKV nie gewilde tydskrifte soos dié op die rakke van hulle winkels aanhou nie. Ons het die mense wat legSleep se…

Ek het die artikel “Sleepvoet met die sleeplisensies” in die April-uitgawe gelees en reageer graag. Ek het my rybewys, kode B, in 1999 geslaag. In daardie stadium was dit vir my voldoende, maar dit het begin pla toe ons rondkyk om ’n woonwa aan te skaf vir my gesin, wat twee kleuters insluit. Drie maande gelede koop ek toe ’n Sprite Strata met ’n BVM van 865 kg. Maar die wet bepaal vir ’n sleepwa met ’n BVM van meer as 750 kg het ’n mens die EB-rybewys nodig. Nie ek of my vrou, albei vroeg in die dertig, het een nie. Intussen het ek my leerlingrybewys vir ’n swaarvoertuig, kode C1, geslaag en ek doen die eintlike toets oor ’n week of wat. Vol-gens die artikel is dit ’n…

Ek en my vrou, Andrien, het albei met woonwaens grootgeword, maar tot onlangs nog nie een besit nie. Ons het dit al ’n geruime tyd oorweeg om ’n wa aan te skaf, en nadat ons laasjaar iemand s’n geleen het, was die skrif aan die muur: Ons móés een kry. Die groot soektog het vanjaar begin en ons loop toe ’n 1991 Jurgens Fleetline op Vereeniging raak. Ons bekyk die wa van hoek tot kant en die eienaar wys onder meer die items uit wat reeds vervang is. Só koop ons ons eerste woonwa en sleep hom daar en dan huis toe. Tuis besluit ons dis beter as ons die wa eerder na ’n werkswinkel neem sodat hulle die woonwa vir ons kan nagaan. Indien daar dan nog veranderinge moet…