Indholdsfortegnelse for July 2015 i Weg! Ry & Sleep

Min dinge is so lekker soos ’n goeie ou storie, al weet jy iemand dik nou ’n bietjie aan of skiet sommer behoorlik spek. Lank gelede was ek gelukkig om Patrick Mynhardt by ’n kunstefees te sien optree. Ek onthou goed hoe hy hom daardie aand voorgestel het: “Op dramaskool was ek in ’n klas saam met Judy Dench, en ek het al gewerk saam met Michael Caine. Vandag is hulle Dame Judy Dench en Sir Michael Caine, maar ek... ek is nog steeds net oom Patrick Mynhardt.” Dis die reine waarheid. Hy hét saam met hulle en nog baie ander internasionale bekendes gewerk en stories gehad om te vertel, maar daardie aand was hy nie net oom Patrick Mynhardt nie. Hy was oom Schalk Lourens van Groot-Marico terwyl hy…

Ons harte is stukkend. Ná 17 jaar en 5 maande is ons vierbeenkind en kampmaatjie, TC, dood. Die tye wanneer ons die woonwa uitgetrek het, was hy skoon opgewonde en het voor die deur gaan lê om seker te maak ons vergeet nie van hom nie. Ons het nooit sonder TC gekamp nie, maar in Maart het ons Namibië besoek en TC kon nie saam nie. Drie dae ná ons terugkeer is TC dood. Die laaste paar maande was hy blind, maar ons het hom steeds strand toe gedra waar hy kon rondsnuffel, en TC se laaste vakansie was op Rocky Bay. Ons waardeer kampplekke wat troeteldiere toelaat en vir ons oues is ons “hondekinders” baie kosbaar. Gegroet honne, ons volgende vakansie gaan hartseer wees sonder jou. MARIKI ERASMUS Rayton,…

Daar is praatjies dat die regering verkeersbeamptes die bevoegdheid wil gee om jou af te trek om jou K53-kennis en bestuursvermoë sommer net daar langs die pad te hertoets. En adj.pres. Cyril Ramaphosa het aangekondig jy gaan nie jou voertuiglisensie kan hernu as jy ’n e-tol-ontduiker is nie. Nou ja, die Justice Project South Africa (JPSA) is nie verniet skepties oor dié planne nie. Ek sien groot moleste langs ons paaie as hierdie toetsing amptelik word. Min verkeersbeamptes het ervaring om jou vir ’n EB-rybewys te toets, en jy slaan die bal mis as jy dink die huidige toetswyse vir die sleeplisensie maak sin. Gaan die verkeersbeampte vir jou daar langs die pad vra om gou 40 m agteruit te stoot met die woonwa? “Haak ook sommer gou jou woonwa…

As jy van die Kaap se kant af met die N1 noord deur die Hexriviervallei ry, verander die landskap skielik. Net ná die vallei met sy uitgestrekte wingerde ry jy die poort van die Karoo binne. As jy regs afdraai by die eens besige spoorwegdorp Touwsrivier kan jy grondpad suidwaarts vat. Tussen Touwsrivier en Montagu kan jy jou wa of tent in die stil bergveld van die Klein-Karoo staanmaak. Die dorp is net om die draai, maar tog voel dit of jy in die middel van nêrens onder die sterre kamp. GECKO ROCK- PRIVATE NATUURRESERVAAT Baie welkom! Gecko Rock, in die berge sowat 26 km buite Touwsrivier, behoort aan die voorvegter teen skaliegasontginning in die Karoo en uitvoerende hoof van die Treasure the Karoo Action Group (TKAG), Jonathan Deal, en…

Renault se Duster het skaars ’n jaar en ’n half gelede hier aangeland en hy’s klaar ’n gewilde ryding – kyk maar net om jou op die paaie. Maar dis ’n klein nutsvoertuig wat voor ’n woonwa effens verdwerg word. ’n Mens sou raai die buksie is eerder tuis as ’n tweede voertuig vir Ma om die kinders by die skool op te laai. Moet egter nie dat sy voorkoms jou flous nie. Die Duster is in 2013 aangewys as Indië se Motor van die Jaar, en vanjaar was hy op die kortlys vir die plaaslike weergawe van die kompetisie – hy moes meeding met groot kanonne soos Audi se A3, die BMW M4, Subaru WRX en Porsche Macan (diesel). Dit is uitgelese geselskap, en al het die Porsche met…

Pukkakerrie Die ware Jakob Pukka is die Hindi-woord en Engelse slengwoord vir “eg”. Hierdie is regte, egte kerriekos. Jy benodig (genoeg vir 4-6) • 2 eetlepels olie• 2 uie, gekap• 4 knoffelhuisies, gekap (of 1 eetlepel fyn knoffel)• 2 eetlepels fyngerasperde gemmer• 1 kaneelstokkie• 2 loerierblare• 5 kardemompeule• 1 teelepel garam masala• ’n knippie fyn naeltjies• 1 teelepel fyn komyn• 1 teelepel fyn koljander• 8 hoenderstukke• 1 blikkie (410 g) gekapte tamaties• 2 koppies hoenderaftreksel• 1 middelslag-botterskorsie, geskil en in 2cm-blokkies gesny Só maak jy 1 Verhit die olie in ’n pot en braai die ui tot sag en goudbruin. Voeg die knoffel en gemmer by en braai dit vir sowat ’n minuut. Gooi nou al die speserye by en braai dit vir nog ’n minuut saam. 2 Sit die hoenderstukke in en roer dit goed sodat die vleis oraloor met die speserye bedek is.…

Hier’s nog ’n eerste Kamp was nooit eintlik deel van sy planne nie, maar ná sy eerste kampervaring in ’n gewone wa – saam met sy skoonouers by Sodwana – het die gogga Frik Oosthuizen behoorlik gebyt. Die resultaat? Die Maximi Compact. Frik het 35 jaar se motoringenieurswese agter sy naam en sê vir sy kampbehoefte kon hy nie heeltemal geholpe raak met die beskikbare boswoonwaens op die mark nie. In 2011 het hy idees begin neerpen en ’n jaar later het die Maximi Compact gestalte gekry. As deel van die toetslopie het hy die prototipe onder meer Kgalagadi toe gesleep. Twee van die Maximi se groot pluspunte is dat hy in ’n gewone motorhuis pas en dat hy minder as ’n ton weeg. Uit die regterkant van die wa…

Hengelgerei Suig vir jou ’n krewel uit Jy kry kunskrewels en -wurms, maar ’n aaspomp en dryfsif om die ware Jakob vir jou volgende vangs uit die sand of see te haal is deel van elke ernstige hengelaar se gerei. Koos Kriel, hengelspesialis van Goodwood Sport in Kaapstad, sê: “’n Steenbras is lief vir ’n krewel. Bankvis, soos kolstert en dassies, hou ook van hom. Steenbras en kabeljou is ook lief vir bloedwurm.” Koos pomp al wurms en krewels sedert die jare sestig toe hy die eerste keer vir die WP gehengel het. In plastiekaaspompe glo nie hy. “Die plastiekpomp se binnekant word weens die sand en water later soos skuurpapier, en dan suig hy moeilik. Kry vir jou ’n pomp van vlekvrye staal. As jy mooi na hom kyk,…

Wees kampgereed Min plekke kan spog met 30 jaar ondervinding in een bedryf. Fox & Sons kan wel, en daarom is dit net die plek vir al jou buitelewe - en 4x4 - toebehore, veral as dit kom by beligting in en om jou staanplek. Fox & Sons se wocnwali g is net die oplossing vir daai donker hoekies in jou sleepding. Danksy die deursnee van 175 mm en hoogte van 12 mm pas by maklik oral in, en by het Brie verstellings: 'n skerp wit lig, 'n sagte geel lig en 'n mengset van die twee - 310 lumens met wit funksie en 210 lumens [net amber funksie. Die Utility reeks ligte is nie net gemaak vir dip kampterrein nit-, maar werk ook uitstekend in en om die huis…

“Net omdat ’n man nie ’n vaste adres het nie, beteken dit nie jy het geen aardse besittings nie. En soos jy swerf, moet dié besittings immers saam met jou van punt A na punt B kan trek. Dis hoekom ek hierdie waentjie geprakseer het wat ek agteraan my bromponie vasgemaak het. Ek het hom met twee fietsrame gebou wat ek met ander los stukkies metaal aan mekaar en aan die agterkant van die bromponie vasgesweis het. Ek het die waentjie ingerig om al my goed saam met my te vervoer. Daar is genoeg plek vir my tent, ’n platform waarop ek slaap, al my ander los goedjies en selfs my honde. Aanvanklik het ek fietswiele op die waentjie gehad, maar hulle het nie lank gehou nie. Later het ek…

Ek het die artikel “Sleepvoet met die sleeplisensies” in die April-uitgawe gelees en reageer graag. Ek het my rybewys, kode B, in 1999 geslaag. In daardie stadium was dit vir my voldoende, maar dit het begin pla toe ons rondkyk om ’n woonwa aan te skaf vir my gesin, wat twee kleuters insluit. Drie maande gelede koop ek toe ’n Sprite Strata met ’n BVM van 865 kg. Maar die wet bepaal vir ’n sleepwa met ’n BVM van meer as 750 kg het ’n mens die EB-rybewys nodig. Nie ek of my vrou, albei vroeg in die dertig, het een nie. Intussen het ek my leerlingrybewys vir ’n swaarvoertuig, kode C1, geslaag en ek doen die eintlike toets oor ’n week of wat. Vol-gens die artikel is dit ’n…

Ons kamp al die afgelope vyf jaar in Februarie en Maart by die woonwapark op Jeffreysbaai. Ons was effens skrikkerig die eerste jaar, want ’n mens is nie seker hoe veilig jy is nie. ’n Hond wat op die oog af goed versorg is, en ook heel gemanierd voorkom, het as ’t ware kom oë wys, asof hy ons al jare lank ken. Ons familie is hondeliefhebbers, en nadat ons vir hom kos gegee het, het hy by ons “ingetrek”. Aan sy halsband was die telefoonnommer van sy eienaar, wat ons toe bel. Dié vertel ons Skabenga, wat losweg “karnallie” beteken, is ’n swerwer en selde by die huis. So kamp Skabenga ’n volle maand saam met ons. Hy het hondebeskuitjies gekry, water en die oorskietbraaivleis, en sy verblyf is…

Sit hom in die middel Ons het nog altyd met ’n tent gaan kamp, maar sowat ’n jaar gelede het ons ’n Sprite Scout aangeskaf. Maar die bestaande bedopset van die woonwa, wat ons “Nogidari” gedoop het, was ongerieflik – twee enkelbeddens van 650 x 1 750 mm of ’n dubbelbed van 1 750 x 2 020 mm. Dit het ons ook gepla dat die een wat agter lê, oor die een moes klim wat voor lê. Ek het besef ’n eilandbed is die oplossing vir ons, juis omdat ouderdom en gewig so ’n groot rol speel. Ek het begin deur alles voor in die woonwa te verwyder. Dit sluit in die twee beddens aan die kant, wat ook as pakplek vir toerusting gedien het. Dit het ’n vloerruimte van…

Die pad tussen Rustenburg en Zeerust lyk elke dag soos vakansieverkeer, want dié deel van die N4 is die hoofaar tussen Suid-Afrika en Botswana. Groot-Marico lê omtrent half-pad op hierdie dolle hoofweg, en wanneer jy die tog na die Okavango aanpak of die kortpad uit die noorde Namibië toe vat, is dit ’n goeie plek om bene te rek en selfs ’n sopie lawaaiwater te proe. Weerskante van die dorp is daar kampplekke waar jy kan afsaal voor jy weer in die pad val. Groot-Marico is klein. Trouens, dis só klein as jy hier in die hoofstraat vir ’n hoender uitswaai, lê die dorpie in jou kar se truspieëltjie nog voor die hoender klaar gekekkel het. Die dorp het sy misleidende naam te danke aan die Groot-Maricorivier wat hier verbyvloei.…

Die Dinokeng-wildreservaat van 185 km 2  lê net noord van Pretoria, op die lyn waar die Hoëveld oorgaan in Bosveld. Die soet- en suurveld lok ’n verskeidenheid wild en baie voëls. Van die grondeienaars het die heinings tussen hulle plase begin afbreek, en teen 2011 is die reservaat amptelik gestig. Die ekologie het begin herstel, maar omdat die veld nie ruig is nie, is dit maklik om die diere hier te soek. As jy gelukkig is, sien jy bruinhiëna, ietermagog, erdvark en ratel hier. Maar dis die Groot Vyf wat die meeste mense hierheen lok: Tans is hier 14 leeus, 13 olifante en 60 buffels, en die jagluiperdgesin staan reeds vier lede sterk. Sommer binne die eerste 100m ná die hek is daar al wild langs die teerpad; rooibokkies…

Brandstof: Diesel Enjin: 1,461 l Silinders: 4, inlyn Krag: 80 kW teen 3 h00 r.p.m. Wringkrag: 240 Nm teen 1 750 r.p.m. Ratkas: 6 spoed (handrat) Aandrywing: Tweewiel en vierwiel Tarra: 1 288 kg BVM: 1 838 kg BKM: 3 338 kg Dravermoë: 550 kg Sleepvermoë vir geremde sleepding: 1 500 kg volgens Renault, maar 1 288 kg vol-gens ons wetgewing. Afmetings: 4 315 mm (l); 1 822 mm (b); 1 625 mm (h) Wielbasis: 2 673 mm Spoorwydte: 1 560 mm (voor); 1 567 mm (agter) Grondvryhoogte: 210 mm Brandstoftenk: 50 l Prys (nuut): R26h h00 Prys (tweedehands): Vanaf R224 h50 vir ’n 2013-model met 27 000 km op die klok. Hoe om jou gesin te oortuig julle het een nodig Die sleephaak. Die haak is nie standaard nie…

Jou vriend Frik meen jy kan jou Sprite Splash met jou ou kode 10-swaar-voertuigrybewys sleep. Die ou by die bestuurskool sê as jy ’n hedendaagse C1-rybewys het, is jou kop deur. In die Spar loop jy vir Harry van die verkeerskantoor raak, en net om doodseker te maak vra jy vir hom ook, want as geregsdienaar behoort hy mos te weet. Harry sê dit is in die haak om jou Splash met jou C1-rybewys te haak, want hy het gehoor iewers in die toekoms gaan jy wel daarmee kan sleep. Dit is nie heeltemal wat jy wil hoor nie, en nou twyfel jy weer. Maar jy kies om vir Frik, die bestuurskooleienaar en vir Harry te luister, want jy kan mos groot goed bestuur en wil nie van voor af…

Amarok dra die broek 2013 VOLKSWAGEN AMAROK 2.0 TDI Ronel Blanche van Meyerton sê haar Amarok sleep soos die bakkie wat hy is, maar ry soos ’n luukse motor. Wat sleep jy? ’n 2001-model Sprite Splash. Hoeveel het die Amarok jou uit die sak gejaag? Ek het hom uit die boks gekoop vir R420 000. Hoe lank sleep jy al die Splash met die Amarok? Amper twee en ’n half jaar. Aan watter vereistes moet ’n sleepvoertuig voldoen? Die belangrikste is maar dat die woonwa – enige ding wat jy sleep – ligter moet wees as die sleepvoertuig. Het jy enige ander voertuie oorweeg? Ek het nogal na die Toyota Fortuner ook gekyk. My seun sleep sy Jurgens Exclusive met een, en dit is ’n baie goeie kombinasie. Hy ry…

Off-Trax-eienaars het vroeg in Mei die stad se gewoel vir die Bosveld-kalmte van Willem’s Rus in die Dinokeng-reservaat net buite Pretoria verruil. Chris de Villiers, eienaar van Off Trax, sê 15 gesinne het die Vrydagoggend die pad tot by die oord in konvooi aangepak en die naweek was meer as net ’n ruskans. “Ek praat nie van kliënte nie, maar van die Off Trax-familie. Ons sleepvoertuie het gewissel van ’n Nissan Patrol regdeur tot ’n Polo wat sy staal moes wys.” Elke gesin het self vir die naweek betaal, en Chris sê die Off Trax-eienaars het die geleentheid gekry om kampervarings met ander te deel. Nie net was dit Chris se eerste saamtrek saam met eienaars nie; dit was glo ook die grootste saamtrek wat tot op hede by Willem’s…

’n Mens kom soms by kampeerplekke waar kinders jonger as 18 jaar nie toegelaat word nie. Lesers sê hulle sê hieroor op ons Facebook-blad. Karen Bower Ek kamp eerder saam met kinders as onbeskofte volwassenes. Dedré en Hannes Leonard Ek sal by sulke plekke verbyhou. Al my kinders is groot en het nou hulle eie kinders. Ons kan nie sonder hulle kamp nie. Johann W Jww Nel Daar is ’n plekkie in die son vir ons almal. Ek geniet sulke plekke en daar is baie mense soos ek Vir dié van julle wat negatief is: Daar is baie ander plekke waar kinders welkom is. Melanie Delange Ons is afgetree en ons geniet die jong klomp – moet dus asseblief nie die afgetredenes altyd die skuld gee nie. Dawid Cilliers Dit…

Conqueror se mense sit nie elke jaar of wat ’n splinternuwe model op die mark nie. Hulle hou eerder by die bestaande waens in hulle reeks en pas hulle aan namate die tegnologie verander. Dit is ’n aanduiding van hoe weldeurdag elkeen van die waens is. Sedert ons die Conquest nege jaar gelede onder hande gehad het, het hy ’n paar “spiere” bygekry. En hy heet nou die Conquest II. 1 Baie plek vir bak en brou Die kombuis is heel ongewoon en regs, en die blad wat platslaan, groot genoeg dat die los tweeplaatgasstoof hierop kan pas. Die blad is 57 cm breed en 1,4 m lank, maar dis nie bloot ’n plat oppervlak nie: Die rande is na binne gekrul, en as jy byvoorbeeld iets ronds soos eiers…

Dit het al met ons almal gebeur: Jy’t ’n ding nóú nodig, maar hy is nie naby nie. En pleks daarvan dat jy die bagasiebak uitpak om by jou gereedskapkissie uit te kom, probeer jy eers die steakmes wat by die padkos ingepak is. Naderhand is die mes se punt gebuig en jou vrou druk die kinders se ore toe sodat hulle nie daai woorde moet hoor wat Pappa sê nie. Die enigste uitweg is om maar, ná ’n halfuur se gesukkel, wel die bagasiebak te begin uitpak. En terwyl jy uitpak, beplan jy solank waar jy volgende keer die gereedskapkissie – of ten minste dan ’n los skroewedraaier – gaan inpak. Hierdie gereedskap kan jy aan jou bos sleutels haak om die lewe vir jouself heelwat makliker te maak.…

Jy mag met dié rybewys ’n voertuig of ryhuis bestuur waarvan die tarra nie 3,5 ton oorskry nie, óf ’n minibus, bus of vragvoertuig met ’n BVM van 3,5 ton of ligter. Jy mag egter slegs ’n waentjie of woonwa met ’n BVM van 750 kg of ligter sleep. Hierdie is die ekstraswaarvoertuigrybewys vir vastebakrygoed soos vragmotors en busse met ’n BVM van meer as 16 ton. Jy mag met hom ook slegs ’n waentjie van 750 kg sleep. Met hierdie C-rybewys het jy ook ook outomaties ’n B- en C1-rybewys. Jy mag ’n gelede voertuig met ’n BKM van 3,5-16 ton bestuur. Jy mag ook ’n motorvoertuig met ’n tarra van 3,5-16 ton of ’n minibus, bus of vragvoertuig met ’n BVM van 3,5-16 ton bestuur en ’n wa…

Jare gelede het die Van Niekerks van Paul Roux oor wintervakansies hulle Jurgens agter die Ford 100 gehaak en van die plaas af see toe afgesit, Suidkus toe. Later het die Jurgens half vergete onder ’n boom gestaan, totdat Henk dié woonwa uit sy kinderdae saam met Stella ’n nuwe lewe en die naam Groovy Baby gegee het. Stella se argitek-broer, Jaco Havenga, het gehelp. Jaco vertel... “Henk se oorlede pa en ma, Scheepers en Jeanette van Niekerk, het jare lank op die plaas Kraalpunt naby Paul Roux geboer. Oom Skippie, soos almal hom genoem het, het ’n melkery gehad. Jeanette was jare lank in leiersposisies in die Vrouelandbou-unie in dié distrik. Sy was ’n uithalerkok en het vir al wat ’n skou was konfyt gekook, gebak en gebrei. Op…

“Die ‘Bokse’ is ’n groep vriende en familie wat gewoonlik saam kamp. Ons is so agt gesinne wat eintlik maar ons eie woonwaklub gestig het – ons leuse is “Think outside the box. Think outside, no box required.” Elkeen het ook sy eie naam. Ek is “Out of the box”, my ma is “Jewelry box” en daar is selfs ’n “In the dog box” in ons groep. Ons kamp gemiddeld een keer per maand en ons besoek kampeerplekke reg oor die land. Hoekom was jy só beïndruk met Dube? Ons kies juis plekke wat rolstoelvriendelik is, want my ma loop bitterswaar en sy gebruik ’n elektriese rolstoel. Dit gebeur soms dat ’n mens by plekke kom wat hulle as rondstoelvriendelik adverteer en dan is hulle allesbehalwe. Ons maak nogal ’n…