SA Hunter/Jagter May 2025

Die vroegste tekens is gewoonlik die eerste droë blare van die jaar wat onder jou voete knars en die vroegoggendbriesie wat ewe skielik ’n byt het. Dit is tekens wat dui op ’n seisoensverande-ring, maar vir ons jagters is dit ook ’n ander belangrike teken: die jagseisoen het aangebreek! Die begin van die jagseisoen is altyd ’n tyd vol belofte. Selfs vir dié van ons wat na bekende jagbestemmings op pad is, is daar altyd die vraag van wat oor ons pad gaan kom as ons daar is. Of jy nou ’n trofeejagter op soek na ’n spesifieke dier is, of die tipe jagter wat eerder jag om die vrieskas vol te kry, dis iets om na uit te sien. Soos altyd is daar ook die belofte van goeie geselskap…

SKRYF VIR ONS! Dis vir ons by SA Jagter/Hunter-tydskrif altyd lekker om van ons lesers te hoor. Ons waardeer dit egter selfs meer wanneer ons lesers hul tegniese kennis, jagondervindinge of opinies oor jagverwante onderwerpe met ons deel. As julle dus al lankal pen op papier wou sit, moenie huiwer nie! Ons hoor graag van julle en wie weet, in die proses ontdek ons dalk die volgende Hemingway of Ruark en verskyn jou naam eersdaags in ons tydskrif! Ons nooi julle om jul bydraes vir ons te e-pos na johan@sahunter.org. Artikels oor tegniese en geweerverwante aspekte, herlaai, ammunisie, jag of selfs geskiedkundige jagters en jagtogte uit vergange se dae is almal welkom. ONS SIEN UIT NA JUL EERSTE BYDRAES! CLASSIC RIFLES JOHN RIGBY & CO. TURNS 250 IN 2025 The…

Om te sê die jagveld is ’n eerlike plek is miskien oordrewe. Daarvoor is daar darem te veel spekskieters en kansvatters, veral wat skietvermoë en bokpryse betref. Maar dit is steeds ’n plek waar mens jou verdoeselings kan loop uitskud en jouself vierkant in die oë kyk. Die veld is ’n tree uit die alledaagse mallemeule uit. Dis ’n plek van realiteit en basiese waardes. Daar staan jy gestroop voor jouself en die natuur, en ook voor jou jagmaats. Veral om die kampvuur. ’n Vuur is mos ’n spieël wat gordyne oopsleep. Dis ’n katalisator van introspeksie wat gedagtes opwarm en spoke uit-rook uit hul wegkruipplekke. Die geduldige vlamme lek ook die laag leuens weg waarmee ons so maklik ons ego’s oordek. Ouens wat gereeld jagters ontvang, ken dit: die…

While gunmaking activities in Spain stretch back more than five centuries, the world at large only really got to hear about some of the fine sporting guns made in Spain by the 1950s or so. There are many reasons for this. Firstly, the Spanish gun trade was and still is mostly centred in the Basque region of Spain. The traditional hub of Spanish gunmaking is almost completely based in and around the towns of Eibar and Elgoibar, close to San Sebastian in the north of Spain and near the Bay of Biscay. Secondly, the output of most Spanish makers was never very prodigious; in some cases, it was even limited to a dozen or two guns per year for some of the better makers. The third reason for the relative…

Voëljagters wêreldwyd maak aanspraak daarop dat die “koning van jagvoëls” in hul geweste voorkom. Geveerde kandidate vir hierdie eretitel was al die onderwerp van bespreking in talle jaggeselskappe waarin ek my bevind het. Voorbeelde is onder meer die Engelse fisant (ringnek) wat eintlik sy oorsprong in Turkye se Colchicus-streek het, Skotland se rooi korhoender (red grouse) en dalk Skandinawië se boshoender. Verder weg in die Amerikas is dit waarskynlik die Bobwhite-kwartel of die vet, helderkleurige wilde-eende wat jaarliks uit die Arktiese streek suidwaarts migreer. Een ding is gewis – elke voëljagter het sy eie gunsteling. Ons Hoëveld se landboubedrywighede en volop groot, uitheemse bome, asook die uitroei van talle mesopredatore, het ’n baie gunstige habitat vir die gewone tarentaal (Numida mele- agris) geskep en daarmee saam ideale geleenthede vir vlugskiet. NATUURLIKE…

Dis nie ’n eenvoudige vraag nie en die ideale kliënt, soos die ideale geweer en vrou, gaan waarskynlik van beroepsjagter tot beroepsjagter verskil. Miskien is dit makliker om aan die teenoorgestelde kant van die kliëntespektrum te begin: Wat is die teenoorgestel-de van die ideale kliënt? Die afgelope 25 jaar het ek met ’n verskeidenheid kliënte van oor die hele wêreld gejag en kan eerlik sê dat die oorgrote meerderheid ’n plesier was om tyd mee deur te bring. Daar was egter ’n paar wat ek eerder nooit sou wou ontmoet het nie. Kom ons kyk na ’n paar eienskappe wat ’n beroepsjagter nié in ’n kliënt wil hê nie. DIE BETERWETER Die vlakvarkbeer lig sy kop en selfs op hierdie afstand kan ek die tande duidelik sien. Die beer is…