Finweek - Afrikaans 3-Mar-16

net die tyd sal leer of Pravin Gordhan, minister van finansies, se begroting goed genoeg is om die ekonomie weer op die regte spoor te bring – gegrond op die rand se skerp ommeswaai teenoor die dollar gedurende sy begrotingsrede. Die mark het wel gehoop op skerper besnoeiings en vir planne om inkomste aggressiewer te laat groei. Die ruimte vir fiskale foute is steeds te klein om rommelstatus heeltemal af te weer, en met ’n onsekere globale vooruitsig benewens al ons binnelandse probleme, kan mens begryp hoekom die markte nie vertroue in ons vooruitsigte toon nie. Hoe dit ook al sy, ek meen al hierdie sombere feite het gelei tot ’n besef van die werklikheid in die gange van die magtiges: Is dit moontlik dat ons die begin van ’n…

‘nDeka de of so gelede was Kathu ’n oulike myndorpie met ’n fantastiese gholfbaan. Niemand het verwag dat dié plekkie, wat byna geheel en al deur die nabygeleë Sishen-ysterertsmyn ondersteun is, veel sou verander nie. Maar danksy ’n oplewing in die internasionale staalprys het Anglo American, die meerderheidseienaar van Kumba Iron Ore, produksie uitgebrei en werkgeleenthede verhoog. Die dorp het uit sy nate gebars. Huispryse het gestyg; die situasie is aangehelp deur ’n enkelbedragbonus aan alle werknemers in 2011. (Nie alle beleggings was verstandig nie: Een werker het, pas nadat hy die bonus ontvang het, na ’n naburige dorp gegaan en ’n nuwe weeldemotor gekoop, net om dit op die pad terug in ’n botsing af te skryf.) Die mense van Kathu se besteebare inkomste en lewenstandaard het vinnig gestyg.…

s uid-Afrika se werkloosheidsprobleem is welbekend. ’n Groot oorsaak daarvan is die huidige toestand van instellings in die arbeidsmark en die regulatoriese omgewing. In hierdie konteks is verskeie faktore te blameer: ’n onbuigsame arbeidsmark, die voortgesette krisis in kollektiewe bedinging, die voorkoms van die omstrede praktyk van arbeidsmakelaars, probleme met die bepaling en inwerkingstelling van minimum lone, en beleid wat pogings om groter werkskepping te bewerkstellig, belemmer – eerder as om dit te help bevorder. ’n Belangrike probleem wat die doeltreffendheid van die Suid-Afrikaanse arbeidsmark ondermyn, is die ekonomie se onvermoë om arbeid te absorbeer – die huidige werk-tot-bevolkingsverhouding is net 41,9%. Dié lae arbeidsabsorpsiekoers is ’n produk van die wanverhouding tussen die vaardighede van die arbeidsmag en wat die bedryf nodig het. Onvoldoende opleiding en ’n swak onderwysstelsel het…

– Kyle Bass, stigter en hoof van die skansfonds Hayman Capital Management van Dallas, in ’n onderhoud met die Financial Times. Bass en sy skansfonds van $1,7 miljard meen dat die Chinese owerheid nie die hulpbronne het om ’n bankkrisis en ’n geweldige devaluasie van die renminbi te voorkom nie. Bass raam dat die bankstelselverliese in China tot vier so groot kan wees as dié op subprimaverbandlenings in Amerika tydens die finansiële krisis van 2008-’09 wat tot ’n wêreldwye resessie gelei het. “Al het die verlangsaming van internasionale kommoditeitspryse ’n invloed, is dit net deel van die probleem, en ons moenie die ondoeltreffendhede in ons eie ekonomie miskyk nie.” – Whitey Basson, uitvoerende hoof van die kleinhandelaar Shoprite, in kommentaar op die probleme vir die Suid-Afrikaanse ekonomie. (Lees ook bladsy…

ten spyte van die verlangsaming in wêreldwye ekonomiese groei tesame met reiswaarskuwings weens terrorisme is daar geen vermindering nie in die besigheid van aanlyn reisagentskap Travelstart.com, wat fokus op sy strategie van “mobiel eerste” danksy ’n nuwe vennootskap met die telekommunikasiegroep MTN. Travelstart is in 1999 in Swede gestig deur uitvoerende hoof Stephan Ekbergh, en het in 2006 in Suid-Afrika uit sy hoofkantoor in Kaapstad begin werk. Hy het sedertdien gegroei tot een van Afrika se grootste reisbesprekingswebtuistes, en het verlede jaar inkomste van meer as $200 miljoen verdien. Die platform vergemaklik reisplanne deurdat dit reisigers toelaat om reistransaksies te vind, te vergelyk en te bespreek – insluitende vlugte, motorhuur, verblyf en vakansiepakkette – wat die beste by hul behoeftes pas. Travelstart se aandeel van die aanlyn reisbesprekingsmark in Afrika…

GELUK IS HIER NIE SEEPBORRELS Wene, Oostenryk se hoofstad, is die beste stad ter wêreld om in te woon, volgens die raadgewende firma Mercer se opname oor lewensgehalte. Dié opname word jaarliks gedoen “sodat multinasionale maatskappye en ander werkgewers hul werknemers billik kan vergoed as hulle internasionale aanstellings kry,” sê die firma. “Veiligheid is veral ’n belangrike faktor wat multinasionale maatskappye moet oorweeg wanneer hulle werkers na die buiteland stuur, want daar is besorgdheid oor persoonlike veiligheid en omdat dit ’n impak het op die koste van internasionale vergoedingsprogramme,” het Mercer in ’n persverklaring gesê. Volgens ’n beleggingsdokument van die Oostenrykse organisasie “Belê in Oostenryk” verlede jaar, het meer as 300 plaaslike multinasionale maatskappye hul hoofkantoor in Wene, sowel as 40 internasionale maatskappye. Dié organisasies sluit in die Organisasie van…